Бобур Бобомурод расмий канали

🌿Сабр - ичингда шунча дардни сақлайсан, аммо инсонлар олдида табассум қиласан... 🌿Сабр - кўзларинг ичи тўла ёш, сизиб тушай дейди, аммо буни ҳеч ким пайқамайди. Чунки сен кўз ёшларингни ҳеч кимга сездирмай дарров артиб, яна табассум қиласан... 🌿Сабр - кимдир сенга тош отсада, сен уни кўрмагандек эътибор бермай йўлда давом этаверасан... 🌿Сабр - гулзорни орзу қилиш, аммо тиконзорни босиб ўтишдир... 🌿Сабр - насибангда борига ва йўғига рози бўлишингдир... 🌿Сабр - Аллоҳ сен билан бирга эканлигини ич ичингдан ҳис қилишингдир... PS. Аҳли мўминга жума кунининг хайру баракоти бўлсин. Ассалому алайкум... @bobur_bobomurod

#anons "XABARING BORMI" Premyera! Yangi qo‘shiq! Yaxshi qo‘shiq! Tinglab, rohat oling! Layklar, kommentlar bemalol! Qo‘shiqni to‘liq tinglash uchun quyidagi havola 👉👇https://youtu.be/MovhKCCqX4Q?si=bgVR7Rz0XDR60aRu @bobur_bobomurod

"КЎНГИЛ" ✍Бобур Бобомурод 🎙Нозима Азиз @bobur_bobomurod

✅ Yevro 2024. Pley-off o‘yinlari ko‘rinishi. @bobur_bobomurod

✍Бобур Бобомурод 🎙Жаҳонгир Отажонов АВВАЛГИДЕК БЎЛМАЙДИ Дарз кетди чинни коса, Кўнгил энди тўлмайди. Уринсак ҳам биз роса, Аввалгидек бўлмайди. Юзу кўзни билмадик, Шарми Худо қилмадик. Бехижолат кулмадик, Аввалгидек бўлмайди. Аччиқ-аччиқ зардалар, Дилга берди зарбалар. Кўтарилди пардалар, Аввалгидек бўлмайди. Тегиб юзларга қора, Юраклар бўлди пора. Изласак ҳам бир чора, Аввалгидек бўлмайди. Гап чиқиб раиятга, Одам қолди уятга. Кимлар етди ниятга, Аввалгидек бўлмайди. Гар узримиз эрта-кеч, Қўрқаманки энди кеч. Ҳарна бўлар, лекин ҳеч - Аввалгидек бўлмайди... БОБУР БОБОМУРОД @bobur_bobomurod

ТОПОЛМАЙСАН Бу жаҳондан кетса агар, Ногаҳон тарк этса агар, Йўқлик йўлин тутса агар, Отангни сен тополмайсан, Онангни сен тополмайсан. Топилади пулу мато, Молу бойлик бўлар ато. Пушаймонлар сўнгра хато, Отангни сен тополмайсан, Онангни сен тополмайсан. Топилади ёру, фарзанд, Мансаб, обрў, қаср - баланд. Лек уринсанг ҳаргиз, ҳарчанд, Отангни сен тополмайсан, Онангни сен тополмайсан. Тилло тахтда турсанг ҳамки, Зар-кимхобда юрсанг ҳамки. Излаб, жонинг берсанг ҳамки Отангни сен тополмайсан, Онангни сен тополмайсан. Осмон бўлса кафтингда ҳам, Замин бўлса тафтингда ҳам. Каминг айлар чашмингни нам - Отангни сен тополмайсан, Онангни сен тополмайсан. Кўҳна олам шундай мерос, Армон қилмоқ бандага хос. Ўтмас фармон ва илтимос: Отангни сен тополмайсан, Онангни сен тополмайсан. Аё Бобур, қолар дунё, Ғам-ғафлатда борми маъно. Сенга керак, ахир, дуо, Отангни сен тополмайсан, Онангни сен тополмайсан... БОБУР БОБОМУРОД 2.6.2024. 09:00. @bobur_bobomurod

"Онажоним" 🎙 Abdulla Qurbonov ✍ Bobur Bobomurod PS. Mazkur qo‘shiq adib do‘stimiz Xursandbek To‘liboyev iltimoslariga ko‘ra qo‘yildi. Alloh o‘tgan onalarimizni o‘z rahmatiga olsin. @bobur_bobomurod

Umr oqmas bir tekisda tek, Kimlarnidir hasrat yengadir. Men toparman irodani, lek Ko’rgim kelar sizni negadir… 🎙 Gulruh Pirnazarova 🎙 Sevara Nazarxon ✍ Bobur Bobomurod @bobur_bobomurod