Mr Freeman

Дарахтларни санаб қўяверайлик, ҳар эҳтимолга қарши

Кремль. Всё идёт по плану.

Параллел оламдан хабарлар

Марказий Осиё. XXI аср.

Кун латифаси: энди ҳокимликлар иқтисодиёт ва экологияга масъул бўлар экан)

Бунданам кўпроқ ваколат бериш мумкин эканми🤔

2 млн

Кеча бир виртуал полвон кулгили таҳдидлар билан бир қўрқитиб олмоқчи бўлди. Ўзича ниманидир исботламоқчи бўлиб, паспорт маълумотларимниям ташаб берди. Бировнинг номига кредит олиш нега бунчалик осон бўлиб қолганини тушунгандек бўлдим. Гап мана бу видео ҳақида кетяпти. Ўчиришим учун 15 дақиқа вақт берганди, орадан 30 соатча ўтиб кетти. Уйимга бирон бир спецназ тушармикан, деб кутиб ўтирибман энди)

Гендер тенглиги)

Антикоррупция агентлиги ҳақида қўшиқ)

Uzum’га нимадир хавф солса, барча давлат органлариям ўз функционал вазифаларини эслаб қолишади-я бирдан)

Wildberries почтани сотиб оладими ёки бошқа йўл билан Ўзбекистон бозорига кириб келадими, фарқи йўқ, тезроқ ишини бошласа бўлди. Uzum’га шундай гигант компания рақобат қилгудек бўлса, биз истеъмолчиларга ҳам, уларнинг ўзларига ҳам яхши бўлади. Сифат устида ишлашни бошлашади. Аҳолида Uzum устидан шикоятлар жуда кўп бўлмоқда, айниқса ўзим ҳам бир неча маротаба шулардан оғзим куйган. Шундан кейин барча иловаларини телимдан ўчириб ташлаганман, Узум банкдан ташқари. Узумдагиларнинг рақобатдан нега бунчалик қўрқишлари тушунарли, профессионализм борасида ютқазишлари аниқлигини ўзлари ҳам билишади, лекин ҳукумат нима учун буларнинг истакларига қайта ва қайта мойиллик кўрсатаётганини унчалик тушунмаяпман. Ҳеч бўлмаса шу соҳада лоббизм қилишмаса бўларди.

Янги Ўзбекистон об-ҳаво маълумотлари)

Трамп Нобелдан қуруқ қолибди)

Ўзбекистондаги одатий кунлардан бири. Ифлос ҳаво бўйича рейтингда яна биринчи ўринга чиқиб олганимиз ҳақидаги хабар бироз кечикяпти фақат.

Каннаваро 3-4 кун ичида Кападзедан фақат юқори прессингини қолдириб, жамоани тўлиқ Катанецнинг ўйин услубига қайтаргандек кўринди. Бу тактикада жамоа асосан вертикал ҳужумларни ташкил қилади ва шунга марказдаги Шукуров ва ҳужумдаги Шомуродов асосий рол ўйнайди, Эркиновдек тез югурадиган ўйинчи ҳам жуда фойдали. Кападзенинг фалсафаси тўп назоратига асослангани учун на униси, на буниси кўриниш бераётганди, Шома сўнгги ўйинларда гол ҳам уролмай қолган ҳатто. Шомуродовдек сифатли ҳужумчимиз атрофида ўйин қуриш ғояси ёмон эмас, лекин Осиё кубогида бўлгани каби, муҳим учрашувлар олдидан жароҳат олиб қўйса, жамоа умуман ўзига ўхшамай қолиши хавфи бор. Бугун ҳам Элдор заҳирага олингандан кейин ҳужумлар деярли тўхтаб қолди. Менга ҳаммасидан кўра марказий ҳимоячимиз Ҳамралиевнинг ишончли ўйини манзур тушди, айниқса узун кросларига гап бўлиши мумкин эмас, исталган нуқтага тўпни тўғри оёққа ташлаб бераркан. Уругвайга қарши ўйинда ҳам шу болани бир синаб кўриш керак, миллий жамоада тажриба орттираверса, келажакда кучли ҳимоячи бўлиб етишади.

Лекин, шундай бўлса-да, мен Каннаварони тажрибаси камроқ, лекин яхши мутахассис, деб биламан. (Кападзени ҳам ундан кўра тажрибалироқ, деб бўлмайди, аслида.) Айниқса, унинг ўтган йили Удинезе билан амалга оширган ишлари таҳсинга сазовор. Юқоридаги постларни эринмай ўқиб чиқинг, янги мураббийимиз кўпчилик тасвирлашни истаганчалик бир тийинга қиммат мутахассис эмаслигини тушуниб оласиз. Вақт берилса, яхши жамоа қура олади. Сўнгги вақтларда кўпчиликка Кападзенинг футболчиларни танлашдаги қарорлари ёқмаётганди. Ўзининг собиқ олимпия терма жамоасини деярли тўлиқ таркибда ўзи билан бирга олиб юришга ҳаракат қилгандек кўринганди. Маҳаллий мураббий бўлса, ана шундай танқидлар, турли шубҳа-гумонлар бўлаверарди барибир. Холислик учун ҳам чет эллик мураббий керак эди ватан жамоасига. Бироқ, ҳозир унинг тайинланиш жараёни ва маоши сир тутилиши жамоатчиликнинг катта норозилигига сабаб бўлмоқда. Йилига 2,5 млн евро олар экан, деган инсайд маълумотларга кўзим тушди. Бўлса бордир, ҳар ҳолда 4 млн эмас экан, очиқлаб ташлавериш керак эди.

Каннаваронинг тайинлашдан асл мақсад пул ювиш бўлганини деярли ҳамма тушуниб бўлди, бироқ ўз вақтида рус юмористи Геннадий Хазанов айтганидек, биз ҳаммасини биламиз, айбдорларни ҳам номма-ном айта оламиз, лекин исботлаб беролмаймиз)

Бизга нафақат ўйин ва натижани яхшилайдиган, балки терма жамоани ташқаридаги аралашувдан ҳимоя ҳам қила оладиган мураббий керак эди. Менимча, Кападзе шу сабаб олиб ташланди. Эртага катталардан кимдир нимадир деб илтимос қилса (улар эса терма жамоа бош мураббийи маҳаллий мутахассис бўлса албатта бу ишни қилади), Кападзе йўқ дея олмаслиги мумкин эди. Балки шундай кейс бўлиб улгургандир ҳам, Ҳусановнинг Эронга қарши муҳим ўйин олдидан тадбирма-тадбир юрганини эсланг, Катанец бўлганида бу ишга розилик бермасди, масалан. Каннавароми, Биличми, Бентуми, ким келишидан қатъи назар, раҳбариятнинг бирламчи мақсади терма жамоага профессионализм, тартиб-интизом ва ташқи аралашувдан мустақилликни қайтариш бўлган бўлиши мумкин. Кападзе даврида терма жамоа футболчилари турли пропагандистик роликларда кўриниш беришни бошлаганди, мураббийни ўзи эса интервьюлару промо роликлардан боши чиқмай қолди. Бу нарса балки терма жамоа футболчиларига ёқмагандир ва айнан уларнинг илтимоси билан хориждан мутахассис олиб келингандир. Гап тактикани ўзида бўлмагани аниқ, бирорта ҳам ўйинда мағлубиятга учрамаган мураббийни ким алмаштиришни хаёлига келтиради? ЎФАни ўзи жим турган бир вақтда, шунақа тахминлар пайдо бўлаверади энди. Шунга ўзларидан расмий баёнотни эшитганимиз яхшийди барибир.