Vahobjon Saydullayev | Blog

✈️Talabalar va maktab o'quvchilari uchun foydali sun'iy intellekt servislari: 1. Slidesgo ai - presentatsiya qilishda yordam beradi, mavzu nomini kiritsangiz kifoya. 2. Tutor ai - hohlagan narsangizni o'rgansangiz, bemalol ma'lumot topsangiz bo'ladi. 3. Consensus - bu ilmiy maqolalar kutubxonasi. 4. Mathgpt - matematik misollarni ishlashda yordam beradi. 5. notion.com - kunlik, yillik reja tuzishda sizga yordam beradi. 6. @GPT4Telegrambot - Ushbu bot orqali esa ko'p savollaringizga javob topa olasiz. 7. @MohirAIChatBot - Ushbu bot esa O'zbek dasturchilari tomonidan tuzilgan bo'lib, o'zbek tilida savol berib javob olsangiz bo'ladi. 8. Undetectable - chatgpt yozib bergan insholarni insoniy tilda qilib o'zgartirib beradi. • Shuni aytib o'tish kerakki, bu sun'iy intelektlar faqatgina bizning foydamiz uchun tuzilgan. Turli prezentatsiyalar qilish, savollarga javob topish soatlab vaqt oladi, AI esa vaqtimizni tejashga eng yaxshi yordamchi! ✈️Sun'iy intellektdan to'g'ri yo'lda foydalaning. ©anvarovsblog #saydullayevblog | Najot Ilmda!📚

- Qo'lingizdan keladigan 20 ta foydali ish: 1. Doim bir xil vaqtda uxlang, bir xil vaqtda uyg'oning. 2. Nonushta, tushlik, kechki ovqatni har kuni bir vaqtda tanovul qiling. 3. Bir sutkada 8 soatdan ko'p uxlamang. 4. Yotishdan oldin bir oz piyoda yuring, toza havodan nafas oling. 5. Kun davomida kamida 1,5 litr suv iching (ramazon oyida iftorlik vaqtidan keyin) 6. Har kuni ko'proq meva-sabzavotlar yeng. 7. Yotishdan oldin bir stakan qatiq ichish ham tavsiya etiladi. 8. Kun davomida telefonda 2 soatdan ko'p o'tirmang. 9. Tashqi ko'rinishingizga e'tiborli bo'ling. 10. Saharda yuguring yoki piyoda yuring. 11. Sport bilan shug'ullaning. 12. Tabassum qiling. 13. Har kuni 5 ta yangi so'z oʻrganing. 14. Har kuni uyingizni tartibga soling, keraksiz narsalardan voz keching. 15. Ertalabki badantarbiyani kanda qilmang. 16. Har kuni yangi narsa o'rganishga harakat qiling, bugungi kuningiz kechagisidan farq qilsin. 17. Har kuni kamida 10-15 sahifa kitob o'qing. 18. O'zingizda sabr-qanoat fazilatini shakllantiring. 19. Insonlarga chiroyli muomalada bo'ling. 20. Faqat yaxshi niyat qiling. Tavsiyalar ustoz - Muhammad Ali Eshonqulov'dan. ©anvarovsblog #saydullayevblog | Najot Ilmda!📚

@Biilmaysizz yangi va o‘zgacha yo‘nalishda "hammasi hayotiy"🧢

Ikkalamizning fotosuratimiz boʻlishi kerak. Devorga osib qoʻyish, telefonda saqlash uchun emas. Hamyonimizga solib yurish uchun ham emas. Kitob orasida unutib qoldirganimiz bir fotosuratimiz boʻlishini istayman. Uch yuz yil oʻtib u suratni kimdir topib oladi va aytadiki: Qanday qilib bir erkak bir ayolga shunchalik chiroyli qarashi mumkin? •Solih Naqshbandiy #saydullayevblog | Najot Ilmda!📚

Kimnidir go‘zalligi, chiroyi uchun yaxshi ko‘rsang, bu sevgi emas, shahvatdir. Kimnidir zakovati uchun yaxshi ko‘rsang, bu muhabbat emas, hayratdir. Kimnidir boyligi uchun yaxshi ko‘rsang, bu ham muhabbat emas, balki moddaparastlikdir. Kimnidir o‘z nazdingda yaxshi bo‘lgani uchun yaxshi ko‘rsang, bu ham sevgi emas, balki his-tuyg‘ularingdan minnatdorligingdir. Ammo yaxshi ko‘rgan kishingni nima uchun yaxshi ko‘rishingni o‘zing ham bilmasang, mana shu haqiqiy sevgidir. • Sharif Abdullatif #saydullayevblog | Najot Ilmda!📚

Boridan foydalanish muhimroq 6 yoshida Poliyomielit yuqtiradi. Kasallik sababli bo’ynidan past qismi umuman ishlamay qoladi. Suniy nafas beradigan temir o’pka uskunasiga qo’yishadi va hayoti shu kameraga bog’liq bo’lib qoladi. Yoshligidayoq tili bilan o’pkasiga havo yuborishni, labi bilan rasm chizishdan, yozishgacha bo’lgan ishlarni qilishni o’rganib oladi. Maktabni a’lo baholarga tugatadi. Nogironligi sabab qabul qilmagan universitetga 2 yil harakat qilib kirib oladi. Bakalavr, aspirantura, doktorlikni ham tugatib, yuristlikni boshlab yuboradi. Mijozlariga yuzlab ishlarni yutib beradi. Hayoti haqida kitob ham yozadi. Mana shu biografiya egasi Pol R. Aleksandr yaqinda vafot etdi. Qaysidur muammoingiz dars qilishdan to’sar ekan, o’zingizga shu biografiyani eslatib turing. Imkoniyatlaringiz muhim. Boridan qanday foydalanish esa undan ham muhimroq. ©azizrakhimov_blog #saydullayevblog | Najot Ilmda!📚

Saharlik bizga bamdodga vaqtida uygʻona olishimizni koʻrsatadi. Taroveh bizga tungi tahajjudga tura olishimizni koʻrsatadi. Roʻza oʻzimizni nazorat qila olishimiz mumkingligini eslatadi. Ramazon bu—iymonimizning vaqtinchalik oʻzgarishi emas. Ramazon bizga, biz har kuni nimalarga qodir ekanimizni koʻrsatib qoʻyadi. #saydullayevblog | Najot Ilmda!📚

Sabr – sen alam tortgan holda ado etadigan ibodatdir. U namoz, zakot va sadaqa kabi emas. Alloh taolo sabrlilar haqida: “Albatta, Men bugun ularni sabr qilganlari uchun mukofotladim” (Moʻminun surasi, 111 oyat), deb aytgan. Ularni jannatga namoz oʻqigani uchun, roʻza tutgani uchun va sadaqa ulashgani uchun kiritdim, demadi. Alloh holating va shaxsiyatingni oʻzgartirishdan ojiz emas. Lekin yolvorib soʻraganlarni yaxshi koʻradi. Sabr qilishda malollanishdan hazir boʻl! #saydullayevblog | Najot Ilmda!📚

Iftorlikka yaqin qanchali ojizligimizni, Allohga naqadar muhtojligimizni sezdingizmi? Bir burda non va bir qultum suvga zor boʻlib turganimizda, qanchali notavon va zaif ekanimizni his qildingizmi? Alloh: “Inson zaif xalq qilingandir”, deydi (Niso surasi, 28-oyat). Ha, bizning haqiqatimiz mana shu. Ojizlik, muhtojlik, notavonlik, zaiflik.. Biz boʻlsa nimalar daʼvosida yuribmiz.. #saydullayevblog | Najot Ilmda!📚

Ramazon – hayotingni butkul oʻzgartirishga qodir ekaningni isbotidir. Axir bir kecha va kunduzda hayotingdagi koʻplab odatlardan xalos boʻlganingni koʻrmayapsanmi? Sen oʻzgarish qiyin deb uzr aytaverma! #saydullayevblog | Najot Ilmda!📚