ጥበብ

ጀግኒት ኢትዮጵያዊት ታጥቃ ወጣች ደማም - ልጇን ከቤት ጥላ እናቷን ልቧ ላይ - በአንቀልባ አንጠልጥላ ሴት ናት እንደ እናቷ ሃገሬ ይገባታል - በ 'እሷ' መጠራቷ 'አንቺ ሃገር ፣ ኢትዮጵያ - አንቺ ሃገሬ' ስል ይደቀንብኛል - ይህ ያንቺ ምስል:: ✍🏽አለማየሁ ደመቀ …..*****….. @filsifina000

ይህ ስእል "የማዕበል ትእይንት" ይባላል ስእሉ የተሳለው ጆሴፍ ደዚሬ በሚባል ፈረንሳዊ እውቅ ሰአሊ ሲሆን ወቅቱም እ.ኤ.አ 1927 ነው!! ስእሉ ላይ እንደሚታየው አንድ ሰውዬ ከአንድ ጥልቅ ጉድጏድ ውስጥ አባቱን ለማውጣት ሲታገል ይታያል - ለማውጣት የሚቀሉት እና የሚቀርቡት ግን ሚስቱ እና ልጁ ናቸው:: ይህ ስእል በተለያዩ ባለሙያዎች የተለያዩ ትርጉሞች ተሰጥቶታል በብዛት ከተሰጡት አንዱ እነሆ: "ሚስቱ የሰውዬውን የአሁን ነባራዊ ህይወት ትወክላለች ልጁ ደግሞ የሰውዬውን ቀጣይ የነገ ህይወቱን ይወክላል:: በተቃራኒው ደግሞ አባየትየው ያለፈ ህይወቱን ነው የሚያሳየው:: ያለፈ ህይወቱን መልቀቅ ያቃተው ይህ ሰው የዛሬ እና የነገ ህይወቱ ሲያመልጠው ስእሉ ያሳያል" "ከመቶ አመት በኃላም ይህ ስእል የብዙዎችን ህይወት ፍንትው አድርጎ የሚያሳይ ነው" ይላሉ እስኪ የእናንተን አረዳድ ደግሞ ንገሩኝ🤗❤️🙌🏼

"በፀሎቱ ቋንቋ ከሚማርከኝ ይልቅ በልቡ ንፅህና የሚገዛኝ እኔ ፊት የተወደደ ነው " 💗 ሀሰን አልባስሪ አንድ ቀን ሀቢብ አልጃሚ ቤት የምሽት የፀሎት ሰአት ይደርስና ለመስገድ አበረው ይቆማሉ። ነገር ግን ፀሎት እንደጀመሩ አል-አጃሚ አንድ የፀሎት ቃል አበላሽተው ሲናገሩ ያስተዋሉት አል ባስሪ በተበላሸ ቃል ከሚሰግድ ሰው ጋር አልፀልይም ብለው ፀሎታቸውን አቋርጠው ሌላ ቦታ በመፀለይ ገብተው ይተኛሉ ። 💗 በእንቅልፍ ሰአታቸው ፈጣሪ ይመጣና ይጠይቃቸዋል ሀሰን በተበላሸ ቃላት ከፀለየው አል አጃሚ ኋላ ቆመህ ወደ እኔ ብትፀልይ ኖሮ በዘመንህ ከፀለይከው ሁሉ ይህን እሰማልህ ነበር" ።አንተ የቃላት መበላሸትን እንጂ የልብ ጉድፍን አላስተዋልክም ።እኔ ግን በፀሎቱ ቋንቋ ከሚማርከኝ ይልቅ በልቡ ንፅህና የሚገዛኝ እኔ ፊት የተወደደ ነው " በማለት ፈጣሪ አል ሀሰንን ገሰፀው ። 💗 #ሱፊዝም #ከጲላጦስ

የገጣሚዋ ገጣሚ ገጣሚዋ አይኗ ያፍራል: ሲያፍር ያምራል: ጉንጯ ያፍራል ሲያፍር ይቀላል: ሲቀላ ግመጡኝ ግመጡኝ ይላል ። እግሯ ያፍራል: ሲያፍር ወንበር ሥር ይደበቃል ። .. እና ለአይናፋርነትዋ እየሳሳሁ ለስላሳ ጥያቄ አቀርብላታለሁ ። «እወድሻለሁ» አይናፋርዋ ገጣሚ አፏ ስለሚያፍርባት ቦርሳዋን ከፈት አድርጋ ከወረቀቶች መካከል አንዱን ታቀብለኛለች ። ግጥም ነው ። "እወድሻለሁ ማለት የልብ አያደርስም እንቀመጥና ንገረኝ ሁሉንም" ካፌ እንቀመጣለን ። «ሻይ ይሻላል? ወይስ ወተት ትጠጪ? » የገጣሚዋ አይናፋር ጣቶች እየተሽኮረመሙ ወደ ቦርሳዋ ይንሿከኩና አንዲት ብጣሽ ወረቀት ያደርሱኛል ። "ሻይማ ውኃ ነው ምኑን ይጠቅመኛል ወተት ልጅ አይደለሁ የእናቴ በቅቶኛል ቀዝቀዝ እንዲያደርገኝ ለስላሳ ይሻለኛል።" ለስላሳ አዝላትና ዝም ተባብለን እንቀመጣን ። አሁንም ተሽኮርማሚ ጣቶቿ ብጣቂ ወረቀት ጠረጴዛ ላይ ያኖራሉ ። "ዝም አልበል ዝም አትበል እንጫወት በጣም ከእንግዲ ይቺ ቀን ተመልሳ አትመጣም ። " ... ሲመሽ.. "ለምን ዝም ትላለህ ጨለማው ሲያጠቃ አንድ ላይ ተኝተን አንድ ላይ እንንቃ ። " ውልብታ አለማየሁ ገላጋይ Join @filsifina000 @filsifina000

ድፍረት ማለት ያለ ፍርሀት መኖርና እየደነፉ ማውራት ማለት ሳይሆን ፣ከሚገባው በላይ ብንፈራና ብንደነግጥም እንኳን ያሰብነውን ነገር ከማድረግ ወደ ኋላ አለማለት ነው ።በአስቸጋሪ ጊዜና ሁኔታ ውስጥ ተረጋግቶ መውጫ ቀዳዳ በመሻት መውጣት የድፍረት አንድ አካል ነው።ድፍረት ማለት የፍርሀት አለመኖር ሳይሆን ፍርሀት ላይ የምንቀዳጀው ድል እንደሆነ ተማርኩ፤ ጀግና የሚባለው ፍርሀት የማይሰማው ሳይሆን ፍርሀትን መማረክ የቻለው ነው!