🏫 ពុទ្ធិកវិទ្យាល័យព្រះសុរាម្រឹត

នៅព្រឹកថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦ ពុទ្ធិកវិទ្យាល័យព្រះសុរាម្រឹត បានរៀបចំកិច្ចប្រជុំស្តីពី «ការបូកសរុបលទ្ធផលការងារប្រចាំឆមាស និងលើកទិសដៅអនុវត្តបន្ត»។ កិច្ចប្រជុំនេះបានប្រព្រឹត្តទៅក្រោមព្រះអធិបតីភាពដ៏ខ្ពង់ខ្ពស់របស់ សម្តេចព្រះមង្គលមុនីរង្សី ហ៊ូ ឈីវនាថ ព្រះអគ្គាធិការរងនៃអគ្គាធិការដ្ឋានពុទ្ធិកសិក្សាជាតិ និងជាព្រះនាយកពុទ្ធិកវិទ្យាល័យព្រះសុរាម្រឹត ព្រមទាំងមានការនិមន្តនិងអញ្ជើញចូលរួមពីសំណាក់ មន្ត្រីសង្ឃ មន្ត្រីរាជការ និងមន្ត្រីជាប់កិច្ចសន្យា នៃពុទ្ធិកវិទ្យាល័យព្រះសុរាម្រឹតទាំងអស់ផងដែរ។ កិច្ចប្រជុំនេះរៀបចំឡើងក្នុងគោលបំណងត្រួតពិនិត្យវាយតម្លៃលើសមិទ្ធផលការងារនានាដែលសម្រេចបានក្នុងឆមាសកន្លងមក ព្រមទាំងពិភាក្សាផ្លាស់ប្តូរមតិយោបល់ ដើម្បីដោះស្រាយបញ្ហាប្រឈម និងកំណត់ទិសដៅការងារសំខាន់ៗ ក្នុងការលើកកម្ពស់គុណភាព និងប្រសិទ្ធភាព។ https://www.facebook.com/share/p/1F2DxZLSv2/?mibextid=wwXIfr