Olamafro'z

#faoliyat Xullas, men kelajagimni yangilik OAV larida emas, ijodiy, badiiy, tahliliy, san’at yarata oladigan nashrlarda ko‘raman. Chet elda, xalqaro nashralarda ishlash uchun izlansam ham, albatta, mana shu ijodiy muhitni hisobga olaman! @Xolida_Musulmon

*** Sirli bandargohda quyuq tuman, Olmos langar, Billur kema. Zarbof ko‘ylak kiygan darg‘a mendirman, Ey gul, ketasanmi men bilan? Kumush to‘lqinlar tebranishda, Shaffof manzillarning beshigi ishonch. Senga kechalari rivoyat aytib, Tonglari boshingdan sepaman quvonch. Bo‘ron tomog‘idan omon chiqamiz, Sabolar shahriga yetamiz, albat. Vafo arqonini suvdan tortamiz, O‘ljamiz muhabbat. Ko‘zingni yumgin-u quchog‘imga kir, Yuragim mushkidan bo‘ylanar yuzing. Bu uy atirgulning tushinikidir, Yop-yorug‘, chirog‘i — bulbulning ko‘zi. Ey gul, ketasanmi men bilan?! ✍️ Abduvali Qutbiddin 📸 Xolida Musulmon @Xolida_Musulmon

Tarixchi Baxtiyor Alimjonovning sohasi bo'yicha aytadigan: "Tarixni bugun uchun ishlatmasak, u — foydasiz" degan gapi menga yoqadi. Har bir sohaning bugungi davr, bugungi nafas bilan hamohangligini topa olishda yetuklikka intilishni ko'raman va o'zim uchun qiziq bo'lgan san'at va adabiyotda ham bu falsafani qo'llashga intilaman(Ha endi, jurnalistika, o'z nomi bilan bugunning ovozi, bu sohamga ta'rif shartmas, menimcha!) Mana XIX asrda ijod qilgan buyuk yozuvchi F.Dostoyevskiy "Telba" asarida insoniyat fitratida va mavjud va hozirga qadar nasl surayotgan qusurni qanday ta'riflab tashlagan-e, misli bugunga ko'zgu-ku bu deya hatto o'zingizdan uyala boshlaysiz: "Mana shunday hamma narsani biladigan janoblar ma'lum bir ijtimoiy tabaqa ichida onda-sonda emas, hatto ko'plab uchrab turadilar. Ular hamma narsani biladilar, ularning butun tashvishlari, butun qobiliyatlari, butun o'y-fikrlari faqat bir narsaga qaratilgan bo'ladi, bu, albatta, hozirgi zamon mutafakkirlarining tili bilan aytganda, ularda boshqa zarur hayotiyqiziqishlar va qarashlarning yo'qligi natijasida ro'y beradi. Darvoqe, "Hamma narsani biladi", deganda torroq doiradagi narsalarni azarada tutmoq kerak: falonchi qayerda xizmat qiladi, kimlar bilan tanish-bilish, sarmoyasi qancha, qayerda gubernator bo'lgan, kimga uylangan, xotini qancha sep bilan kelgan, kim bilan tog'a-jiyan-u, kimga amakivaccha bo'ladi va hakazo — hammasi shunga o'xshagan ikir-chikir gaplar. Hamma narsani biladiganlarning ko'pchiligiaksartirsaklari teshilgan holda yuradilarva oyiga o'n yetti so'm maosh olib kun ko'radilar". ( Ibrohim G'afurov tarjimasi) @Xolida_Musulmon

Tarixchi Baxtiyor Alimjonovning sohasi bo'yicha aytadigan: "Tarixni bugun uchun ishlatmasak, u — foydasiz" degan gapi menga yoqadi. Har bir sohaning bugungi davr, bugungi nafas bilan hamohangligini topa olishda yetuklikka intilishni ko'raman va o'zim uchun qiziq bo'lgan san'at va adabiyotda ham bu falsafani qo'llashga intilaman(Ha endi, jurnalistika, o'z nomi bilan bugunning ovozi, bu sohamga ta'rif shartmas, menimcha!)

Seni topmoq base mushkuldurur, topmaslig’ osonkim, Erur paydolig’ing pinhon, vale pinhonlig’ing paydo. Alisher Navoiy

Hamon shunday! Sodiqman!

Har bir hamqishlog'im hayotida katta san'at asarlarini ko'raman. Qishlog'imga borsam doim shularni his qilaman. To'lib-toshib ketaman... Qonimda ishq ko'piradi. Bu shunday ishqki, bolaligimdan hamroh hayrat bilan qorishadi, hech qachon bo'yin egmas isyondan kuch oladi va orzulari uchun kurasha oladigan jasorat bilan ulg'ayadi ...Va hamisha meni savollar ichiga otadi... @Xolida_Musulmon

I love my village!

Qiziq ekan, tavsiya qilaman: https://youtu.be/P3DQac3_EqA?si=RxnV1qegCY3-mFng