СУХАНҲОИ БУЗУРГОН //اساس گُذارِ این کانال شادروان نور سلطان عظیم او

Қасидаи Абдулраззоқи Фонӣ Худо гар парда бардорад зи рўи кори одамҳо, Чӣ шодиҳо хўрад барҳам чӣ бозиҳо шавад расво. Яке хандад зи ободӣ, яке гиряд зи барбодӣ, Яке аз ҷон кунад шодӣ, яке аз дил кунад ғавғо. Чӣ козибҳо шавад содиқ, чӣ содиқҳо шавад козиб. Чӣ обидҳо шавад фосиқ, чӣ фосиқҳо шавад мулло. Чӣ зиштиҳо шавад рангин, чӣ талхиҳо шавад ширин, Чӣ болоҳо равад пойин, чӣ сифлиҳо шавад ъулё. Аҷаб сабре Худо дорад, ки парда барнамедорад, Вагарна бар замин афтад зи ҷайби мўҳтасиб мино.

Форсҳо (тоҷикҳо) нахустин халқи таърихӣ ба шумор мераванд. Онҳо инкишофро ба вуҷуд овардаанд, табаддулоте кардаанд, ки хусусияти таърихӣ дошт. Дар ин сарзамин бори нахуст нур афканданд, равшанӣ доданд, ин нур ба олами маърифат тааллуқ дошт... Шарти инкишоф дар таърихи Форс тантана мекунад, аз ин лиҳоз, рости гап, таърихи умумиҷаҳонӣ маҳз аз таърихи Форс оғоз меёбад... Рӯзе наслҳои оянда онҳоро напиндоранд, дар он ҳол Суғд ва ду наҳри азими Осиёи Миёна - Ому ва Сирро, ки онҷо Форсҳо зист мекунанд, далели ҳамешагист... Аз китоби "Фалсафаи таърих"-и Георг Фридрих Гегел — файласуфи олмонӣ (1770 - 1831)

Бехабар аз ҳамдигар осуда хобидан чӣ суд? Бар мазори мурдагони хеш нолидан чӣ суд? Зиндаро то зинда аст, бояд ба фарёдаш расид! Вар-на бар санги мазораш об пошидан чӣ суд? Гар нарафтӣ сӯи ӯ ту дар замони буданаш, Хонаи соҳибазо то субҳ хобидан чӣ суд?! Зиндаро то зиндааст, эй дӯст қадрашро бидон! Вар-на аз рӯи мазораш дастагул чидан чӣ суд!? Увайси Қаранӣ

Муборак, иду айёми ниёгон, Муборак, чеҳраҳои шоду хандон. Намозу ҳам дуои мо қабулаш, Муборак бар Шумо ин иди Қурбон! Ии Қурбон ба Шумо ва аҳли байтатон муборак бошад! То идҳои дигар Худованд мою Шуморо сиҳату саломат  нигаҳ дорад! Бо ниятҳои нек Асадулло