𝒯𝒽𝑒𝑜𝓃𝑒🌙

Ba’zan hayotimizni o’zimiz chizgan reja bilan taqqoslaymiz. Bir eshik yopilsa, “Nega?” deymiz. Bir duomiz kechiksa, “Nega javob bo’lmadi?” deb o’ylaymiz. Lekin vaqt o’tib ortga qarasak, ba’zi yopilgan eshiklar aslida bizni katta xatolardan saqlaganini tushunamiz. Ba’zi kechikishlar esa eng katta rahmat bo’lganini anglaymiz. Alloh taolo shunday marhamat qiladi: “Sizlar bir narsani yomon ko’rishingiz mumkin, holbuki u sizlar uchun yaxshidir. Yana bir narsani yaxshi ko’rishingiz mumkin, holbuki u sizlar uchun yomondir. Alloh bilur, sizlar esa bilmaysizlar.” (Baqara surasi, 216-oyat) Bizning vazifamiz — sabablarni qilish, duo qilish va shukr qilish. Natijani esa Allohga topshirish. Chunki Alloh biz ko’rmaydigan narsalarni ko’radi, biz bilmaydigan narsalarni biladi va biz tasavvur ham qila olmaydigan yaxshiliklarni tayyorlab qo’ygan bo’lishi mumkin. Ba’zan eng katta xotirjamlik — “Men hammasini tushunishim shart emas. Menga Robbimning hikmati yetadi”, deb qalbni Allohga topshirishdir.