داتا أجهزة إلكترونية فني صناعي بنها

سلام عليكم يا ريت يا شباب أولي أو تانية اللي قناة الداتا لو فادتهم بنسبة 1٪ في يوم من الأيام تساهم معانا في العمل ده عن طريق انك تبعت الورق اللي كنت بتذاكر منه سواء بقي ملازم كتب ورق شرح عامله بنفسك ف ليلة امتحان امتحانات السنادي أو السنين اللي فاتت الخ .. تخيل إن اللي ذاكرت منه السنادي من قناة الداتا ده اجدد حاجة فيه نازلة في 2023 يعني تخيل كده معايا أن اللي صور ملزمة وبعتها وقتها بقاله 3 سنين ب 3 دفعات بيستفادوا من اللي هو شاركه يعتبر صدقة جارية له وهو ممكن يكون ناسي اصلا ومش واخد باله إن عداد الحسنات بتاعه شغال ف متستحقرش من المعروف شئ ولو شايف إن معاك اي حاجة تفيد أو تسهل ع الدفعات الجاية ابعتها سواء ع رسايل القناة أو تبعتهالي برايفيت ع اليوزر ده @Mr_Muhammad_Hassan

اليوم هو الذكرى السنوية الـ 11 لوفاة والدي وتصادف يوم عرفة فأسئلكم الدعاء لأبي بالمغفرة والرحمة لعلها ساعة استجابة

اللي معاه اي حاجة لمادة انجليزي تخصصي يبعتلي هنا ع التلي @AboHassan360

باشمهندسين اي حد معاه اي ورق شرح اي مراجعة لمادة انجليزي تخصصي سنة اولي ياريت يبعته عشان ماتريال سنة اولي ع القناة مش قد كده

جدول فاينال أولى أجهزة 2026 الترم التاني بالتوفيق ليكم يا باشمهندسين

جدول فاينال تانية أجهزة 2026 الترم التاني بالتوفيق ليكم يا باشمهندسين

بسبب مشاكل تقنية، لازم نعمل القناة من جديد. عشان نتجنب مواقف زي دي في المستقبل، لازم تستخدموا بس البوت بتاعنا BOT عشان تاخدوا اللينك المحدث للقناة. القناة القديمة مبقتش شغالة وممكن تتمسح. تقدروا تاخدوا لينك القناة الجديدة من خلال البوت.

لو حد ميح خالص في ال plc ال6 فيديوهات دول هيخلوك تلم المادة بسهولة ان شاء الله https://youtube.com/playlist?list=PLGhY83s8OdzwXmTLC7tk5pxFpCDcJoTP0 متنساش تدعي لأخوك الأدمن عشان الامتحانات دايسة عليه اليومين دول 😅💙

حابب اعتذر لكم ع الربع ساعة اللي ضيعتها من وقتكم اضرب الريكورد × 1.5 واتمني ميكنش كلام مضلل أو محبط وأنه يكون فعلا ذو فايدة ولو بسيطة وانا بأكد تاني انا مش الناصح أو الواعظ بحكم اني عايز انظر عليك ولا اني بقول الكلمتين دول عشان اوصلك اني بفهم اكتر منك او اذكي منك او خلافه الفكرة اني بنصحك نصيحة اخوية لما كنت ف مكانك كنت محتاج حد ينصحهالي بس ملقتش وعادي لو شايف الكلام عبث وهري اعمله skip واكرفله كأنك مسمعتش حاجة بالتوفيق ليكم جميعا

تقديرات الترم الأول بانت امبارح وكان يوم مليان مشاعر متضاربة ما بين فرحتك ب الامتيازات بتاعتك و زعلك ع زعل صحابك اللي مجابوش تقديرات زيك وناس واخدين ركن بيسجدوا لله من الفرحة وجنبهم ناس تانية مموتة نفسها من العياط انا فاكر انا فاكر كل المشاهد دي بقالي سنة ومش عارف انساه كنت زي زيك واقف في وسط الزحمة مستني المهندسين يصوروا النتيجة وصحابي كلهم اللي جابله نتيجته وطالع مبسوط انا كنت في قمة برودي الاعصابي ومتيقن يقين غير طبيعي اني جايب 7 امتياز مع اني كنت عاكك جامد زيك ف مواد كتير وكنت مقصر جامد وفعلا اتبعتت النتيجة ع الواتس ولقيتني جايب 7 امتياز زي ما تمنيت ومظهرتش فرحتي عشان مجرحش زمايلي واول ما عرفت النتيجة خرجت من المعهد مباشرة مكنتش حمل كمية الطاقة السلبية والجو المظلم اللي كان مالي المعهد يوم صعب والله ومليان خيبة أمل وخذلان للتوقعات انا عارف وحاسس بيك عشان كده مرضيتش ابعت الرسالة دي امبارح وقولت اسيبكم شوية تهدوا بس خليني أفكرك ان الامتياز من 85% ومش معني انك جبت 7 امتياز انك كده في الامان لا يا غالي معاك انا اهو مثال انا جبت في المعهد 14 امتياز في الترمين في 14 مادة كلهم وهندسة وقفت معايا ع نص في المائة !! وناس تانية جايبة 6 امتياز ترم اول و واحد جيد جدا والترم التاني شدوا جامد  وجابوا مجموع هندسة بالظبط كأن اللي حاطط التنسيق كأنه حاطه ليهم من كتر كرم ربنا الخلاصة انت بتخش هندسة بمجموع الترمين علي بعض مش بتقديرات خالص الحكاية لسة مخلصتش لا ده انت لسة في نصها ولسة فاضلك نص تاني كأن عندك كوباية لبن وقع نصها غصب عنك فالعقل والمنطق والبديهي انك تلحق نص الكوباية التاني وتستفيد بيه ولا ترمي الكوباية كلها ع الارض ؟ واضح جدا انه من الغباء انك تضيع الترم التاني انت حرفيا التقديرات مش بتديك اي معلومة عن أدائك في الامتحان انت مش عارف انت جايب كام بالظبط فسيبها علي الله ومتحسبهاش كتير يا اخويا وافتكر انها عمرها ما كانت بحساباتنا وان ربنا له حسابات تانية خالص عننا قرب من ربنا وصلي وعوض تقصيرك في المذاكرة في الاجتهاد للترم التاني وكأن شيئاً لم يكن وخليك متيقن من ان اختيارات ربنا هي الافضل لينا أياً كانت ايه هي ❤️

كل عام وانتم بخير و عيد مبارك عليكم جميعا وعلي حبايبكم كلهم يارب 🤍

امتحانات 2025

شباب اللي معاه امتحانات 2025لكل المواد يبعتها و بارك الله فيه ❤️