Әдебий БлоGнот

#уллылар_мухаббаты Хусни-Қорлан Бул қосықтың тарийхы Маралды аўылында қыпшақтың сулыў қызы Қорлан  менен жас ақын Естай Беркимбайулының ушырасып қалғанынан басланады. Тойға барған жас ақын жигит сулыў қызға ашық болады. Қызда басқаларға уқсамаған бул жигитке кеўли жоқ емеслиги билинеди. Бирақ Қорланды жас ўақтынан айттырып қойған болады. Соған қарамастан еки жас қашатуғын болып келискенде буннан хабар таўып, қызды узатып жибереди. Естай ақын буннан соң усы қосықты жырлайды. Соннан бул қосық қазақ халқының сүйикли қосығы болып жырланады. "Жигиттиң әрманы жоқ Қорланды алған" деген қатарлар менен толғанып айтылатуғын қосық, ҳақыйқый сезимлерлерден дөрелген еди. Естай ақын өмириниң ақырына дейин Қорлан берген жүзикти қолынан тасламаған екен. Қорлан деген ат, хүр қызы деген мәнисти аңлатады. Дерек: интернет материаллары.

Өтер гүл  жазына  асыққан  қыслар, Өтер  пәрўазына  асыққан  қуслар, Өтер  сәрназына   телмирткен   қызлар, Сен  ғана өтпессең, маған  жетпессең. Сен  ғана өтпессең...                                           Кеңесбай  РАХМАНОВ

Сен   ғана   өтпессең… Бул   дүньядан   талай   дәўранлар   өтер, Дийдине  жетпеген  әрманлар   өтер, Мәнзилин  аңсаған   кәрўанлар   өтер, Сен  ғана  өтпессең,  маған  жетпессең. Өтеди  көллерин  сағынған  қуўлар, Өтеди  шөллерин  сағынған  суўлар, Өтеди  машақат  талай  асыўлар, Сен  ғана  өтпессең,  маған  жетпессең. Жылларды  жетелеп  айлар  өтеди, Арғымақты  қуўып  тайлар  өтеди, Толқынларын  шайқап  сайлар  өтеди, Сен  ғана  өтпессең,  маған  жетпессең. Өтер гүл  жазына  асыққан  қыслар, Өтер  пәрўазына  асыққан  қуслар, Өтер  сәрназына   телмирткен   қызлар, Сен  ғана өтпессең, маған  жетпессең.                                           Кеңесбай РАХМАНОВ 1993-ж. http://t.me/a_blognot

Фаридам, Фаридим, Периштем дедиң.. "Қосық - бул жүрекке сыймаған дәрт, жүрекке сыймаған Муҳаббат" ФАРИДА АФРЎЗ @aydinguli

Бирақ, сениң Жәмийлаң болғым келе береди...

"ЖӘМИЙЛА"НЫ КӨРГЕНДЕ... "Жәмийла"ны көргенде, сен ҳаққында ойладым, Дәниярдың ролине мен өзиңди сайладым. Қолларыңнан тутыўға қорықты қолым мениң, Бул өмир сахнасында жақсы ойнай алмадым. Жәмийланы көргенде өксип- өксип жыладым, Өкиништиң көксине бас қойып, мен қуладым. Әрман мени жубатып, арзыўларға силтеди, О тәғдир, ҳаял кеўлин неге бунша сынадың... Жәмийланы  көргенде делбе қыял ереди. Дәниярға илесип, қашып кетким келеди. Тәғдирим мениң солай, Садық пенен қаламан, Бирақ сениң Жәмийлаң болғым келе береди... Абадан ТУРДЫМУРАТОВА http://t.me/a_blognot

Инсан өзи шыннан жақсы көретуғын адамына ҳеш қашан жаманлықты рәўа көрмейди. Ҳақыйқый муҳаббат пенен ҳәўесликтиң парқы да мине усында. Ашық болған жүрек ийеси ҳешқашан өзин ойламайды. Ашық өзин қурбан қылып сүйиклисин сақлап қалыўға таяр турады. Шыңғыс АЙТМАТОВ "Тик жар астындағы аңшының зары" китабынан. http://t.me/a_blognot

Шыңғысхан: - Қорықсаң ислеме, иследиң бе қорықпа.

Истиң ең жақсысы бул соңына дейин алып барылған ис.