E3dady Channel

_اقوي تعريف لجميع الاقسام(هندسة عين شمس).👇 https://youtube.com/playlist?list=PLzE3uXK5qD4cOQ6E2VANdJeBM03GpOe8N

كنت بتواصل مع دكتور في القسم فقالي ان النتيجه كلها هتظهر ف آخر الاسبوع ده عارف ان الاخبار دي بتجمد أعصاب الواحد 🥶 نسأل الله الجبر لنا جميعا

فَلَمَّا دُفِنَ، قَالَت فَاطِمَةُ عَلَيهَا السَّلَام: يَا أنَسُ، أطَابَت أنفُسُكُم أَن تَحثُوا عَلَىٰ رَسُولِ اللَّهِ التُّرَابَ! صَلو عليه.

*أتمنى الرسالة دي توصل لبنات إعدادي غير المتطلعات لدخول قسم نظم:* أهلا بكم في حياة ما بعد إعدادي وتقرير المصير للمرة التانية بعد قرار دخول هندسة. يمكن سمعتوا عن الندوة اللي هندسة غرناطة عملاها للتعريف بقسم نظم وتجاهلتيها لأنك مش حابة تدخلي القسم ده. ما زلت أنصحك تحضري الندوة - ليه بقي؟ ١- مش هتخسري حاجة، يعني في الأخر دول ساعة أو ساعتين هنقضيهم علي النت وسط إجازة طويلة عريضة. قضيهم تسمعي من حد بيقول كلام مختلف. ٢- لو لا قدر الله التنسيق الداخلي والقدرات حدفتك علي قسم نظم هتعملي ايه؟ هتبقي محتاجة معلومات عنه. هل أحسن تسمعي المعلومات دلوقتي من حد عنده صورة كاملة ولا تتوهي زي اللي بيتوهوا ويسمعوا كلمة من هنا وكلمة من هناك؟ ٣- هل عندك يقين إن معلوماتك اللي بنيتي عليها قرارك بعدم دخول قسم نظم صحيحة ١٠٠٪؜؟ أحب أقولك فيه بنات بتتخرج من القسم مش فاهمة القسم عادي جدا. يعني ممكن يكون قسم النظم أنسب حاجة ليكي ولظروفك لكن الرؤية مش كاملة عندك. ادخلي الندوة عشان تتأكدي إن معلوماتك صح. ٤- بفرض إنك فعلا مش هتدخلي قسم نظم ١٠٠٪؜، عندك طريقة منهجية للحكم علي الأقسام؟ في حين إن الندوة بتتكلم عن قسم معين، فأكيد فيه معلومات تساعدك في طريقة تفكيرك للحكم علي الأقسام التانية. مثلا هل فكرتي ايه القسم اللي هيناسب لو انتي ساكنة خارج القاهرة أو لو لابسة نقاب أو لو عاوزة تشتغلي من البيت أو لو عاوزة متشتغليش بس تربي ولادك تربية مميزة؟ ختاما - ده مش إعلان بنستجدي منك فلوس أو اهتمام أو مساعدة في جذب لايكات وشير - دي دعوة ممكن تغير حياتك زي ما أزعم إنها غيرت أو وضعت الكثير على مسار التغيير. بانتظارك لو مش عاوزة الفرصة تفوتك - ساعات فعلا الفرص لا تأتي مرتين! بالتوفيق https://forms.gle/bB5M1y1Er7tjfdYR6

إعلان إعدادي منقولات أولى عشان أكيد مش هيكونوا لسه اشتركوا ندوة إعدادي المنقولات أولى قسم : التعرف على قسم نظم برجاء إيصال الخبر لإعدادي والتأكيد في الردود أنه قد تم التواصل https://forms.gle/bB5M1y1Er7tjfdYR6 حتي الي داخلين كهرباء او اي قسم تاني يسجلو ويحضرو الندوة هيستفادو ان شاء الله

‏في روضِ مدحِكَ بابُ الخيرِ ينفتحُ والنفسُ تسمو وجُرْحُ الذنبِ يندملُ صلى عليك إلـٰهُ الخلـقِ من قِدَمٍ يا من بنورِ هُداهُ الخيـرُ يكتملُ اللهُمّ صلّ وسلّم على نبيّنا مُحَمّد وعلى آله وصحبه وسلم تسليما كثيرا.

‏"ولنا في كل جمعة ثلاث رحمات - ‏صلاة على النبي ﷺ - ‏وسورة الكهف نور بين الجمعتين - ‏وكنز ينتظرنا قبل المغيب لدعوة مستجابة" 💙✨

منشور موجه لطالبات إعدادي المنقولات لأولى قسم وأي طالبة أول مرة تتعرف على هندسة غرناطة برجاء مشاركته ---------------------------------------------------------------------------------------- هندسة غرناطة كيان غير رسمي منفصل وإن كان مرتبط بالجامعة لاستكمال دور الجامعة تحت ضغط نقص الموارد عن طريق تطبيق حلول واقعية غير تقليدية للمساعدة في تغيير الوضع السائد (البنات بيتخرجوا مش مهندسات وأقل من ٥٪ ممكن يعرفوا يشتغلوا ) عملت ايه هندسة غرناطة لغاية الان؟ ندوات لتوعية الطالبات بعمق المشكلة (ازاي أتخرج مش مهندسة) وندوات تقدم حلولا (ازاي أستفيد من وقت الكلية). و (كيفية الاستعداد لمشروع التخرج) و (ألاستفادة من الكورسات أونلاين) وغيرها وحاليا فيه اتجاه لتطبيق خطوات عملية لتغيير الثقافة التعليمية عن طريق تكوين مجموعات عمل والتى سبق إثبات فاعليتها مع وجود متابعة هيكلية داعمة تربط المجموعات ببعضها فيه أنشطة غير منهجية كعقد لقاءات لإجابة الأسئلة والتعامل مع المشاكل الشخصية هذا كخطوة أولى حاليا - وإن شاء الله نكبر معا هندسة غرناطة بتخاطب مين حاليا؟ طالبات نظم بنات أزهر وإعدادي هندسة بنات أزهر حاليا المشتركات عددهم تخطي ١٠٠٠ لكن النشطين منهم تقريبا نصف هذا العدد هل الموضوع مضيعة للوقت؟ يمكن كتابة السؤال بصيغة أخري: هل يستحق التخرج كمهندسة أن أبذل بعض الجهد الإضافي أو أغير طريقة بذلي للمجهود بحيث يكون في اتجاه صحيح أو أن الموضوع لا يفرق معاكي ومش مشكلة لو اتخرجتي مثل الالاف قبلك عاجزات عن العمل؟ قبل ما تحكمي أنه مضيعة للوقت افهمي الموضوع أولا ازاي أتفاعل مع هندسة غرناطة وأسأل أسئلة من الكتير اللي في ذهني؟ فيه منافذ كتير للإجابة عن الأسئلة مصممة بعناية لمراعاة قلة الموارد وشيوع الأسئلة تقدري تسألي حد من اللي بيحضر ندوات غرناطة وعددهم بالمئات - بيكونوا كونوا فكرة قريبة عن معظم الأسئلة تعملي أكونت على تطبيق الاسك وتتابعي أكونت اسك هندسة غرناطة على الاسك وتقرأي كل الأسئلة هناك هتلاقيها بتجاوب على معظم أسئلتك - وبعدها لو عندك سؤال جديد تقدري تبعتيه هناك https://ask.fm/elzahraaeid تشتركي في هندسة غرناطة جوجل كلاسروم عن طريق إنك بتفتحي صفحة ويب وتكوني عاملة دخول باكونت الجيميل بتاعك وبعدين تستخدمي رابط دعوة الاشتراك في الكلاسروم وتتابعي الخطوات https://classroom.google.com/c/MzcxMjUxODY0MDQ2?cjc=mm4quzr تشتركي في واتساب هندسة غرناطة العام عشان يوصلك التنبيهات الجديدة تشاركي في ندوات هندسة غرناطة - قبل الندوة بيكون فيه استبيان اشتراك بتمليه وتحطي أسئلتك عن الموضوع فيه وبيتجاوب عليها في الندوة سواء من خلال تضمين الندوة للإجابة أو الإجابة بشكل مباشر عن السؤال في نهاية الندوة تشاركي بردو في الندوات ووقت الأسئلة المفتوحة تقولي سؤالك ما هي أول ندوة أقدر أشارك فيها؟ ندوة إعدادي المنقولات أولى قسم : التعرف على قسم نظم https://forms.gle/bB5M1y1Er7tjfdYR6 ده استبيان الندوة - بتكتبي فيه معلومات عنك وأسئلتك اللي محتاجة تجاوبيها بحيث يتم تصميم الندوة لتلبية احتياجاتك بناء على المعلومات والأسئلة الدقة في ملء الاستبيان شرط لحضور الندوة هستفيد ايه من الأخر؟ بناء على تعليقات المشاركات حتى الان أقدر أقول الاستفادة بتكون في: إنك تلاقي حد فاهم الصورة كاملة يوجهك عشان تتخرجي باشمهندسة بمعنى الكلمة حتى لو قررتي عدم العمل فلا تلتحقي بالسابقات إلي التخرج مش-مهندسات وهما تقريبا أكتر من ٩٥٪ من الخريجات بالتوفيق وإن شاء الله نستفاد معا

بنات فاضل عشر دقايق الي مسجلتش رغبات تلحق تسجل بسرعه

بنات متنسوش الي مكتبتش الرغبات اخر معاد النهاردة فاكتبوها

السلام عليكم ورحمه الله وبركاته،اذيكم يا شباب اتمني تكونوا بخير.❤️ 🔸طبعا أغلبنا إن لم يكن كلنا خلاص قرأ أو حتي سمع عن الاقسام. وطبعا برده أغلبنا حدد هو عايز يدخل قسم ايه؟ ولكن لسه في البعض متردد أو لسه متحير بين اقسام!😥 _فانت سواء خلاص قررت، أو برده لسه متحير ومتردد. فأنصحك أنك تأخد آخر خطوة قبل القرار النهائي وهي " صلاة الاستخارة ".✨ وقد ورد عن النبي (صلي الله عليه وسلم) ذلك من حديث جابر قال: "كان رسول الله صلى الله عليه وسلم يعلمنا الاستخارة في الأمور كلها كما يعلمنا السورة من القرآن فيقول: «إِذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ اللَّهُمَّ إِنِّي أَسْتَخِيرُكَ بِعِلْمِكَ وَأَسْتَقْدِرُكَ بِقُدْرَتِكَ وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ، وَتَعْلَمُ وَلا أَعْلَمُ، وَأَنْتَ عَلامُ الْغُيُوبِ.. اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (اذكر حاجتك) خَيْرٌ لِي فِي دِينِي وَمَعَاشِي وَعَاقِبَةِ أَمْرِي؛ فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ.. اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (اذكر حاجتك) شَرٌّ لِي فِي دِينِي وَمَعَاشِي وَعَاقِبَةِ أَمْرِي فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ». ثم بعد كده اتبع قوله تعالي:"فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ". واكثر من قولك في دعائك "اللهم اختر لي، ولا تخيرني". _طب طريقتها ازاي؟ _وايه فضلها؟ ١-د/أمير منير تكلم عنها هنا.👇 https://youtu.be/L6nqMwPZpA8 ٢-د/حازم شومان تحدث عنها هنا.👇 https://youtu.be/4yIyh2eOi_U ٣-د/محمد الغليظ.👇 https://youtu.be/7EOxJqA_v58 _وفي النهاية أعلم: أن اختيار الله مهما كان هو الخير لك.❤️ دمتم موفقين.✨

التعريف الشامل بكل أقسام هندسة 👇👇👇👇👇👇👇 https://t.me/e3dady21/4680

ديه كل الرسائل اللي تخص اختيار اللاب.. اللي بش مهندس علي تحدث عنها من قبل.👆

احذر قبل وقوع الكارثة معظمكو حالياً بيفكرو يشترو لابتوبات وغالباً الأكثر مش بيكون عندهم خبرة في الشراء وده بيخلوهم يقعو في مشاكل كتيير ويكونو فريسة للوقوع في النصب وشراء أجهزة بضعف تمنها أو إمكانيات غير مناسبة ليهم أي حد قبل ما يشتري لابتوب لازم يحدد ( كامل مواصفات اللابتوب ) ثم يقارن كامل المواصفات دي بالاستخدام بتاعه ويشوف هل محصلة الإمكانيات مناسبة للاستخدام ولا لاء طبعا الكلام اللي فوق ده مش واضح خليني اوضحه اكتر كتير بيجيلي ماسدجات من نوع ( يا باشمهندس أنا قدامي لابتوب I7 برامات 8 حلو ولا وحش ؟ ) - ( يا باشمهندس أنا قدامي لابتوب I5 بكارت شاشة 2 جيجا ورامات 16 حلو ولا وحش ؟ ) .... وهكذا دي كلها اسئلة أول ما بسمعها بعرف إن الشخص داخل على فخ عميق يكاد إن هو يقع فيه ويفضل بقيت عمره ندمان ليه ؟ لإن عشان أي حد يقدر يحدد مواصفات لابتوب فهو محتاج يعرف حاجتين أول حاجة : محتاج يعرف كامل المواصفات بتاعت الجهاز زي ( processor - Generation - Frequency - Cache - suffex - Vega - Up to of Vega - resl of screen - size - Ram - power - type of - hard ....) وأشياء أخرى فطبيعي لما حد يجي يذكرلي معلومة أو اتنين بس من المعلومات دي معرفش ارد عليه وإلا هيكون الرد محض غلط ، لذلك لما حد من زمايلك يقولك روح هات لابتوب برامات 8 وهارد 500 زي بتاعي اسئله عن بقيت المواصفات عشان متتسوحش ، لإن انت لو رحت أي شركة وقولتلهم كده هيعرفو انك مش فاهم حاجة وهيعرفو كمان إنك زبون لقطة وسهل ينضحك عليك وهتلبس في لاب تعبان بسعر عالي وهترجع تعيط بعد كده بقى وتقول اللاب بيهنج وبيفصل ومش راضي يشتغل كويس 🥲 طب تاني حاجة بقى إيه : انك تكون عارف استخدام الشخص ده تحديدا هيكون اي للجهاز وإيه البرامج اللي ناوي يستعملها لإن بناء على استخدامه هيتم اختيار المواصفات بدقة اللي تلبي الاستخدام ده ، لإن كل قطعة في اللي ذكرتها فوق لو اتغيرت بتغير في الأداء العام بتاع الجهاز فطبيعي طالب في عمارة هيجيب لاب مختلف عن حد في حاسبات هيجيبه مختلف عن طالب في طب عن واحد جيمر عاوز يلعب عليه حتى لو كلهم جايبينه بنفس السعر بس كل واحد هينقي المواصفات اللي تكون أصلح وأنسب لاستخدامه ،، فأي حد تسأله عن لابتوب كويس ويرد عليك مباشرة بدون ما يفهم استخدامك الأول كويس جدا أعرف إنه مش فاهم حاجة ،، اتمنى تكون وضحت كده 😃 طب نختار الأنسب لينا ازاي ؟ طب الجديد أفضل ولا الاستيراد ؟ طب نجيب من بره ولا من مصر ؟ طب إيه الثابت والمتغير في الإمكانيات واعرفهم ازاي ؟ طب ازاي اتأكد إن الجهاز مش ملعوب أو داخل تهريب ؟ طب ازاي اتأكد من حقيقة الضمان بتاع وافحص الكود الخاص به ؟ لا ده موال طويل وكل سؤال من دول محتاج مقاااال طويييل ممكن نبقى نتكلم عليه في ماسدج تانية وكنت نزلت قبل كده سلسلة مقالات بخصوص الموضوع ده يفضل تقروها وهحاول الفترة الجاية بإذن الله اكتب مجموعة اضافية من المقالات أشرح فيها الحاجات دي واعرفكم نصائح مهمة لازم تعرفوها قبل الشراء لإن اللابتوب ده في الأول والآخر بيقعد معاك 4 أو 5 سنين فأي غلطة أثناء الشراء هتفضل ندمان عليها بقيت سنينك في الكلية ولو حد محتار في اختيار الأنسب له ممكن يبعتلي واساعده عادي بس عذرا لو بتأخر في الرد لإن بيجيلي كمية ماسدجات كتير جدا 😌 ومهم جدا تقرو البوست ده وتفهموه كويس جدا 👇👇👇👇 https://m.facebook.com/groups/2969850976394635?view=permalink&id=3148071085239289 #علي_عبدالناصر #نشر_العلم_غايتنا #علي_عبدالناصر #نشر_العلم_غايتنا