Faaruu Tewaayidoo

Watch "🔴 Abbaa Bara Baraa | F/taa Dn Hiikaa Bultii Faarfannaa Ortodoksii haaraa New Ethiopa Orthodx Mezmur" on YouTube https://youtu.be/L0DK0AYwVIw

Watch "Haadha Jaalalaa F/ttuu Meetii Eefreem" on YouTube https://youtu.be/2tbG9UoGrPs

👏👏BAGA GEESSAN!👏👏 Guyyaa Yaadannoo Ergamaa Qulqulluu Gabri'eel kan ji'a Muddee!!! ✍Muddee 19 kan yaadatamu seenaa Anaaniyaa, Azaariyaa fi Misaa'eliin kan walqabatudha. Mootichi Nabukadanatsoor waaq-harkee warqee irraa hojjetame dhaabee, warri bulchiinsa isaa jala jiran hundi akka sagadaniif labsiidhaan ajajeen. Ijoolleen sadan kun garuu waaq-harkee harka namaati tolfameef hin sagadnu jedhanii didan. Mootichis, kana yemmuu dhagahu isaan waamee akka waaq-harkee inni dhaabeef sagadan akeekkachiise, yoo akkas gochuu baatan garuu kan harka isaatii isaan baasu akka hin jirre isaanitti in hime. Isaan garuu, waaqani nu waaqeeffannu abidda laboobaa kana keessaa nu baasuu danda'a, harka kee irrayis nu baraara kanaaf hin sagadnu jedhaniin. Innis, abiddaa laboobaa nama sodaachisu keessatti akka darbataman taasise. Qulqulluu Garbi'eel garuu battala sana bu'ee muka fannootiin abiddicha yemmuu tuqu, abiddichi nidhaame, uffata isaanii irrayyuu hin buune. Isaan abidda laboobu keessaa waaqayyo waan isaan baraareef, sagalee isaanii olkaasanii waaqayyoon galateeffatu ture. ✍Nabukadanatsooriis yemmuu isaan galateeffatan sagalee isaanii dhagahee daddafee ka'ee "kan abiddatti darbine namoota sadi hin turree? Amma garuu, namootni afur yemmuu abiddaa keessa deddeebi'an nan arga; homtuu isaan hin tuqne; inni afraffaan kun ilma waaqayyoo fakkaata" jedhe, "koottaa bahaa" jedheeniira. Isaanis fayyuma isaanii ni ba'an. Innis waaqayyof ni sagade; waaqa isaanittis ni amane. Maqaan ijoollee kana sadanii inni biraas Sidraaq, Misaaq fi Abdinaagoo jedhamus( Dan 3:22) 👏Sugni Ergamaa Qulqulluu Gabri'eel hunda keenya wajjin haa ta'u! ✍Madd:- Qulqulloota fi Ayyaana Yaadannoo Isaanii 👉 @Araaraat 👉 @Araaraat