Дөрес сүзгә җавап юк!

Беркайчан да кеше турында аның йөзенә карап әйтә алмый торган сүз сөйләмә.

Милләт сүз көтми, эш көтә. Гаяз Исхакый

Үзеңә начар кәеф рөхсәт итмә — бу сәламәтлек өчен зыянлы. Күбрәк елмай!

Үзеңә нәрсә телисең — кешегә дә шуны телә.

Чын ярату ул бары йөрәк эше генә түгел, ул — акыл эше дә. Яратканда, кешенең кашына да күзенә генә карап яратмыйлар. Мондый ярату балалыктан чыкмаган яшүсмерләрдә генә була. Яратканда, кешенең акылын да, характерын да, кем булуын да, ниһаять, эш-кәсебен дә яраталар. Боларның барысын да йөрәк әллә сизә, әллә юк, ә менә акыл аңларга, акыл белергә тиеш. Кеше үз хисенә үзе хуҗа була ала. Димәк ярату хисе дә — кешенең үз ихтыярында: теләсә — ярата ала, теләмәсә — юк. Әмирхан Еники

Иң зур җиңү — үзеңнең тискәре фикерләвеңне җиңү. Сократ

Дустыңны уртача сөй, бәлки, беркөнне ул сиңа дошман булыр; дошманыңны да уртача дошман күр, бәлки, беркөнне ул сиңа дус булыр. Хәдис

Күз яше күздән түгел, йөрәктән чыга....Ул бары сагыштан сары битләрне юа...

Барыбыз да ара. Һәтта иң көчлеләр дә. Тик алар, башкалардан аермалы буларак, максатларына таба дәшми генә, тешләрен кысып баруларын дәвам итәләр.

Нинди генә очракта да жиңәргә өйрән. Көчле рухлылар гына максатларына ирешә алалар. Түземнәр генә бәхеткә лаек. Фәнис Яруллин

Башкаларга караганда яхшырак булырга түгел, кичәгегә караганда яхшырак булырга кирәк. Бу стратегия җиңелләрдән булмаса да, иң отышлысы.

Әгәр хыял канатларың өтелмәсен дисәң, үз биеклегеңнән төшмә! Нәбирә Гыйматдинова

Кирәкмәгән (урынсыз) сүзләрне тешләрең артына кысып калдыра алмыйсың икән, киләчәктә протезың артында яшереп калдырасың булмагае.

Сезнең иң төп хатагыз — кеше күзен бәяләп бетермәү. Аңлагыз, тел дөреслекне яшереп калдыра ала, ә күзләр — беркайчан да! Михаил Булгаков

Савыгырга теләге көчле булган кеше иң яман чирне дә җиңә. Мәкаль

Бер-беренә "песием" диючеләр песинең юлбарыска, "кошчыгым"ның аҗдаһага, "матурым"ның убырлыга әйләнә алуын тора-бара гына аңлыйлар...

Кешенең шатлыктан елмаюын күрү күңелле. Аның елмаю сәбәбе син үзең булсаң, ике тапкыр күңеллерәк.

Бер чир эләккәч тә урынга ятсаң, икенчесен дә табарсың. Мәкаль

Яз кебек күңелегезгә җылылык, тормышыгызга бәрәкәт һәм илһам юлдаш булсын🌼 Һәр көнегез якты уйлар һәм шатлыклы мизгелләр белән тулып торсын🌸

Хисләргә ирек бирә белергә кирәк: йөрәгең дә, акылың да шулчак җиңел сулап куяр.