Дөрес сүзгә җавап юк!

Дөнья бара ава-түнә — кояшы чыкса, йолдызлары сүнә. Рифат Җамал

Аллаһы Тәгалә башта кешене сынап карый да, аннан сабыр иткәннәрне юмарт итеп бүләкли.

Кеше белән кеше арасын ике нәрсә боза: берсе — ялган, икенчесе — дөреслек.

Иң татлы тел — туган тел, анам сөйләп торган тел. Татар халык мәкале

Кешегә күпме яхшылык эшләп тә, ул аны күрмәскә, кадерен белмәскә мөмкин. Ә менә әгәр дә ялгышып булса да бер начарлык кылсаң, син инде аңа гомерлек дошман булып кала аласың...

Бөек кешенең ике йөрәге бар: берсе газап чигә, икенчесе өметләнә. Хәлил Җөбран

Карт агачта да яшь бөреләр була. Рифат Җамал

Әгәр Аллаһ сине бәхетле итәргә теләсә, иң авыр юл буенча җибәрә. Чөнки бәхеткә җиңел юллар булмый.

Күңел тынычлыгы булганга шөкер итүдән башлана.

Хакимнәрдән йә исеме, йә бары исе кала. Рифат Җамал

Иң саф һәм эчкерсез күзләр — балаларда. Аларда усаллык, ялган һәм нәфрәт юк.

Әгәр халык үз мәдәниятеннән аерылып чыкса, ул таркалачак һәм этнос буларак яшәвеннән туктаячак. Гаяз Исхакый

Җәннәт — әниләрнең аяк астында. Хәдис

Озак яратсаң, игътибар итми башлыйлар. Күп кичерсәң, моннан файдалана башлыйлар. Барысына да әзер булсаң, бәяләми башлыйлар. Бары ташлап киткәч кенә кайтара алмаячак кешеләренең никадәр кадерле булуын аңлыйлар.

Бел: сиңа киләсе булмаган әйбер сиңа килмәс, сиңа киләсе әйбер сине әйләнеп узмас. Хәдис

Кешегә сагынуыңны әйтә бел. Бу мөһим.

Безнең бер халык, мәдәни бер милләт булып яшәвебез өчен зур бер ярдәмчебез, зур бер нигезебез көйләр, моңнар, милли музыкабыз икәнлегендә һичкемнең шөбһәсе юктыр. Гаяз Исхакый

Уңыш казанырга омтылма, тормышыңның мәгънәсе булуга омтыл. Альберт Эйнштейн

Матурлык күлмәк белән сәдәптә түгел, оят белән әдәптә. Мәкаль

Ир-атның байлыгы түгел, зирәклеге мөһим. Хатын-кызның матурлыгы түгел, тугрылыгы мөһим. Дусның буш сүзләре түгел, яхшылыгы мөһим. Сөйгәнеңнең таләпләре түгел, түземлеге мөһим. Тәннең зифалыгы түгел, сәламәтлеге мөһим. Сүзнең кем тарафыннан һәм ничек әйтелүе түгел, мәгънә тирәнлеге мөһим.