M͜͡e͜͡n͜͡i͜͡ s͜͡h͜͡o͜͡i͜͡r͜͡ q͜͡i͜͡l͜͡g͜͡a͜͡n͜͡ a͜͡s͜͡l͜͡i͜͡ ō͜͡z͜͡i͜͡n͜͡g͜͡s͜͡a͜͡n͜͡..!

Ғалати инсонга ўхшайман гоҳо, Кимгадир бир нима дегим келяпти. Жилғанинг бўйида хаёллар суриб, "Сувга нон оқизиб егим келяпти!" Писанда этмайин дунё қурғурни, Бир гап бўлар дея қотгим келяпти. Қуёшни қучоқлаб, ойни опичлаб, Булутнинг бағрида ётгим келяпти. Армону аламнинг кулиб устидан, Ортга қарамайин чопгим келяпти. Қайсидир бобомдан қолган тиллони, Ер қазиб ахтариб топгим келяпти. Кўкламой сулувнинг қирқ кокилидан, Ҳазил деб бир тортиб қочгим келяпти. Миллион йил чираниб кимса очмаган, Ёпиқ эшикларни очгим келяпти. Кўк гумбаз фалакнинг остида сармаст, Муҳаббатни туйиб толгим келяпти. Биргина бошимга ташвишдан кўра, Бахтдан безор бўлиб қолгим келяпти. Ғалати инсонга ўхшайман гоҳо, Кимгадир бир нима дегим келяпти. Жилғанинг бўйида хаёллар суриб, "Сувга нон оқизиб егим келяпти!" Жума Арипов 10.06.2024 01:20 @She_rlarimdasan

Тўр томоним оташ, тўрт ёним чақир, Менда холсизгина юрак бор холос. Бу дунёга келиб топган яхшим сен, Яхшиям сен борсан! Кетма, илтимос! Чорасиз қолганда нажоткордексан, Кимгадир ўч муҳим, кимгадир қасос. Фақат сен бор учун яшарман ҳамон, Яхшиям сен борсан! Кетма, илтимос! Ўзаним ўзингсан дарёйинг ўзим, Куч олиб яшайман узилма бехос. Дунёжон адашиб тортиқ этганим, Яхшиям сен борсан! Кетма, илтимос! Ифоринг шунчалар ёқимли, хушбўй, Юрагим исмингга этади ихлос. Тавозе нелигин билмаган соддам, Яхшиям сен борсан! Кетма, илтимос! Тутқундир муҳаббат дил зиндонингда, Уни туйғуларинг этгандир халос. Қайғуни четлайман, бахтни қучаман, Яхшиям сен борсан! Кетма, илтимос! Жума Арипов 07-06-2024 01:24 @She_rlarimdasan

Ўзимни айблаб, тиғлайман қалбни, Магарда сен мендан кўп араз қилсанг. Ёлғондан бўлса ҳам сўраб қўй ҳолим, Бефарқлик энг кучли оғудир билсанг! Юракдан қасд олиб яшайди армон, Қувонаман дилдан ғамларни юлсанг. Койиб қўй, сўроқла севганлар каби, Бефарқлик энг кучли оғудир билсанг! Пушаймон енгмасин иккимизни ҳам, Ваъдалар вожибдир гар собит турсанг. Сония ўтмайин қумсагандек бўл, Бефарқлик энг кучли оғудир билсанг! Асли қай томондир ошиқ макони, Умрим ниҳоялар қалбимни тилсанг. Чорлагин ишқимни соғинган каби, Бефарқлик энг кучли оғудир билсанг! Жума Арипов 27-05-2024. 01:00 @She_rlarimdasan

#bir qadrdonim doimo Shoiri Davron deb chaqiradi. Shu chaqirish menga o'zgacha ilhom berdi. Оддий икки мисра шеърим, Мани ғазалхон дейдилар. Тўпори шоир бўлсаму, Шоири даврон дейдилар! Шеърларимни ўқиб аста, Диллари хуфтон дейдилар. Сўзларим оддий бўлса ҳам, Шоири даврон дейдилар! Лутфи бирла сўзи ширин, Ҳар сатри бир жон дейдилар. Икки мисра шеър ўқисам, Шоири даврон дейдилар! Магар Мажнун дардин ёзсам, Севгиси сарсон дейдилар. Оғозидин булбул гўё, Шоири даврон дейдилар! Ишқнинг ҳар бир сатри сиққан, Юраги осмон дейдилар. Ўзлари мубтало мани, Шоири даврон дейдилар! Жума Арипов 19-05-2024 09:40 @She_rlarimdasan

Чўлдаги гиёҳман, меҳрга илҳақ, Танамда оғриқлар уради мужгон. Ёмғирдек тўкилиб, дардлардан безиб, Нега йиғламайсан айтгин юракжон?! Аламлар тириклай қийнасалар ҳам, Бардошинг метиндек, ғуруринг осмон. Хўрланиб, хорланиб куйсанг ҳам аммо, Нега йиғламайсан айтгин юракжон?! Тоқатинг шунчалар расомиди-а, Орсизларга, кечиш баридан осон. Вужудинг тирналган, холинг бир аҳвол, Нега йиғламайсан айтгин юракжон?! Аниқ, кўзёшингга арзимас дунё, Сенинг қотилингдир хиёнат, армон. Барчасидан тўйиб, баридан безиб, Нега йиғламайсан айтгин юракжон?! Кифоя истайсан, барига тўзим, Вақтлар алишмоқда шундайдир замон. Муҳаббатдан фақат андуҳ кўрсанг-да, Нега йиғламайсан айтгин юракжон?! Жума Арипов 14-05-2024 21:21 @She_rlarimdasan

Қадримни-ку билмайсан зинҳор, Минг азобни ютганим билан. Этавердим йўлимда давом, Келармидинг кутганим билан. Ою қуёш соғинчдан сарсон, Йўллар узун умр ўтмоқда. Мен кимгадир интиқман, аммо, Мени эса кимдир кутмоқда. Ярим йўлда йўқотганим сен, Ахтариб ҳеч тополмаяпман. Балки,a келиб қоларми дея, Қалб эшигин ёполмаяпман. Ҳислар бугун ғалаён этиб, Юрагимга беради танбеҳ. Забонимда айланар исминг, Ва шанингга битарман ташбеҳ. Миқ этмайин кетганлигинг рост, Армонимга ниқобдир кулгу. Жаллодмисан, юрак ўғриси, Сенда йўқми заррача туйғу?! Асролмадинг, меҳр бермадинг, Юрагимни тутганим билан. Армонларга айланган ёрим, Келармидинг кутганим билан?! Жума Арипов 14-05-2024. 20:00 @She_rlarimdasan

#𝑃𝑟𝑒𝑚𝑦𝑒𝑟𝑎 #𝑦𝑎𝑛𝑔𝑖 𝑄𝑎𝑦𝑠𝑖 𝑡𝑢𝑛 𝑏𝑜𝑟, 𝑡𝑜𝑛𝑔𝑔𝑖 𝑜𝑡𝑚𝑎𝑔𝑎𝑛...!? 𝑁𝑒𝑔𝑎 𝑏𝑢𝑛𝑐ℎ𝑎 𝑘𝑢𝑦𝑚𝑎𝑙𝑎𝑛𝑎𝑠𝑖𝑧, 𝑄𝑎𝑦 𝑞𝑎𝑙𝑏 𝑏𝑜𝑟𝑘𝑖 𝑠𝑖𝑟𝑖𝑛 𝑠𝑜𝑡𝑚𝑎𝑔𝑎𝑛. 𝐻𝑎𝑟 𝑠𝑎𝑙𝑜𝑚𝑔𝑎 𝑎𝑙𝑖𝑘 𝑏𝑜𝑟 𝑘𝑎𝑏𝑖, 𝑄𝑎𝑦𝑠𝑖 𝑡𝑢𝑛 𝑏𝑜𝑟 𝑡𝑜𝑛𝑔𝑖 𝑜𝑡𝑚𝑎𝑔𝑎𝑛. ✍𝐽𝑢𝑚𝑎 𝐴𝑟𝑖𝑝𝑜𝑣 🎙𝐸𝑙𝑟𝑜𝑧 𝐾𝑎𝑛𝑎𝑙𝑖𝑚𝑖𝑧𝑔𝑎 𝑜𝑏𝑢𝑛𝑎 𝑏𝑜ʻ𝑙𝑖𝑛𝑔! 👇👇👇

Mehnatingiz beqiyos erur Koʻksimdagi qalb rishlarim. Sizga yordur iroda gʻurur, Oq libosli farishtalarim! Koʻtardingiz eng ogʻir yukni, Har ishida sarishtalarim. Matonatla agʻdargan koʻkni, Oq libosli farishtalarim! Ne jonlarga malham oʻzingiz, Borsin yetib aytgan soʻzlarim. Termuliblar tolgan koʻzingiz, Oq libosli farishtalarim! Bayram muborak!!!! Juma Aripov @She_rlarimdasan

#тиббиёт_ходимлари_кунига Оташга кўксини қалқонлар қилиб, Халқнинг юмушида бийрон жонларсиз. Камтарин, камсуқум лек ори осмон, Бугун сиз энг буюк қаҳрамонларсиз! Қўрқмаган бедаво дарддан, хатардан, Томирларда оққан жўшқин қонларсиз. Барчани бир кўзда кўрган бегумон, Бугун сиз энг буюк қаҳрамонларсиз! Оппоқ либосингиз, пок ниятингиз, Сиз ашъорга янглиғ гўзал онларсиз. Беморнинг бошини мудом силаган, Бугун сиз энг буюк қаҳрамонларсиз! Ранжитдик минг бора афсусда бизлар, Бошимизда мудом соябонларсиз. Синовда сиз сабаб жонимиз омон, Бугун сиз энг буюк қаҳрамонларсиз! Дарддан фориғ этган дардкашларимиз, Эл карвонида сиз сарбонларимиз. Шифокор номининг фидоийлари, Бугун сиз энг буюк қаҳрамонларсиз! Сиз сабаб элимиз шифо топмоқда, Ўкинчдан ҳеч ўзбек ёш тўкмас зинҳор. Четдан кулиб қўйган номардлар билинг, Ўзбекнинг ҳам буюк фарзандлари бор! Жума Арипов @She_rlarimdasan