The Assistant- المساعد

القناة معموله لهدف معين وتحت اشراف مجموعه متدربه علي الهاكينج وبيتم حل المشاكل بدون اي مقابل وطريقه التواصل الوحيده اللينك http://theassistant.sarhne.com

المشكله اتحلت خلاص والتليفون الخاص بالرقم اتفرمت بالكامل #the_assistant_المساعد

اول حاله يتم التعامل معاها بنجاح والشكر لله وده واجبنا #the_assistant_المساعد

حضرتك سيب رقم للتواصل ومعلومات اكتر عن المشكله وهيتم حلها في اقرب وقت انشاء الله http://theassistant.sarhne.com

قصه "قصر البارون الجزء الثالث" شوفت دم كتير اوي بينزل من علي الحيطه ، والحيطان نفسها كانت مشققه يعني كانت قديمه جدا ، خدت نفسي وبدات الف واتمشي في القصر وبدات انزل من علي السلالم واطلع ، واشوف كل القصر واحاول اكتشف القصر اكتر ، طبعا من ساعه مبدات الف في القصر واروح من اوضه لاوضه واطلع بدات اسمع اصوات هبد و حاجات اعده بترزع جامد في القصر كان القصر هيتهد ، وطبعا الدنيا جوا ضلمه نهائي مفيش نور الا الكشاف الي كان معايا وشغلتو وبقيت شايف يدوبك بالعافيه ، طبعا القصر كان ليه حمامات كتير جدا ، وغرف كتيره جدا ، وطبعا الصدمه كانت هنا ، دخلت حمام من الحمامات دي ، لقيت الحمام كلو مليان دم ، ده غير الريحه المُقززه جدا في الحمامات دي ده غير حيطان الحمامات دي متلطخه دم وغير البانيو مليان دم ، طبعا انا هنا اتفزعت وحسيت بكميه خوف عمري مشوفتها ف حياتي بجد ندمت عن العيوم الي روحت في القصر ده ، وبدات اسمع كلام الحراس الي برا والناس لما كانو بيقولو ان في اصوات وده فعلا انا سمعتو ، بدات اسمع اصوات وناس بتسرخ حواليا واصوات غريبه مش مفهومه ، وبدات احس ساعتها احساس غريب ، هو انا بحلم ، هو ده حقيقي ، اعدت اقرئ قران واحاول اهدي نفسي واقول كل تخيلات عشان ميحصليش حاجه ويغمي عليا جوا القصر واموت ، طبعا دخلت اوضه من الاوض بتاعه القصر وقررت اني اعد فيها ، طبعا انا اوصلت القصر الساعه 12:15 بليل وقررت اني اعد في القصر لحد الساعه 3 الفجر ، طلعت الموبايل وشغلت ريكورد بتاع المايك وبدات اسجل كل حاجه انا حاسس بيها وبشوفها ، اينعم زي مقولتلكو القصر مكنش في ولا لمبه لكن وانا اعد بلاقي زي في فلاش بينور بشده جدا ويختفي ، اكن حرفيا في فلاش بيضرب في عيني بسرعه ويقفل تاني ، طبعا انا استغربت وانصدمت وافتكرت كلام الحارس لما كان بيقول ان الانوار بتاعه القصر بتنور بليل لوحدها وبتقفل ، ومع الاصوات الي بدات اسمعها والانوار الي بتفتح فاجاه انا حرفيا خوفت ، واتمنيت اني انا اموت احسن من الي بيحصلي ده ، طبعا وانا قاعد في قمه الخوف والرعب لقيت فاجاه زي فلاش نور ولقيت وش حد ظهر قدامي. "يتبع...." بـِ قـلم *مـــحـمـوُد||رُوڪـلِـــــيس💙✍🏻''_*

قصه قصر البارون" الجزء الثاني وبعد مدخلت القصر ملقتش في اي حراس ، والمكان اصلا ضلمه الي هو من المستحيل توصلو او تشوفو وطبعا دخلت وبدات اتسحب واحده واحده لحد مدخلت القصر ، طبعا هنا انا بدات احس بكميه الخوف والرعب الي انا في ، وبدا يجي ف بالي القصص الي انا سمعتها والناس الي هي جوا اتلبست والي حصلهم مشاكل وبدات افتكر كلام الناس الي شغاله برا القصر الي سمعت اصوات وتشوف انوار القصر بتنور ، لكن انا قولت لنفسي بم ان انا كده كده متحمس ، وانا الي قررت اروح للقصر ده فلازم اكمل واخش ، طبعا القصر لوحدو شكلو من برا مخيف جدا برغم ان هو من برا خالص لما تشوف صورو تحس ان شكلو حلو جدا ، بس لما تقرب وتبقي جوا بتحس ان انت في بيت رعب. بدات واحده واحده اتسلق الحيطان بتاعه القصر ، طبعا القصر يعني طريقه البُني بتاعته في اماكن الي هو ممكن تتسلقها بس بصعوبه ، بس ممكن تتسلق الاماكن دي وتخش من شباك من شبابيك القصر ، طبعا القصر في 3 طوابق زي منا قريت ، وكل طبقه مليانه عدد غُرف لا نهائي بجد القصر ده حاجه اكنك في متاها ، طبعا دخلت من شباك في اوضه مكنتش عارف دي اوضه ايه بس حرفيا الاوضه دي ابشع حاجه شوفتها في حياتي ، الاوضه شكلها عادي جدا ، وفيها خشب مكسر مرمي علي الارض ، وفيها حاجات مرميه علي الارض ، الحاجه الي خوفتني اكتر اني انا لما بصيت علي الحيطان بتاعه الاوضه دي كان مكتوب اسماء غريبه وحروف والاسماء دي كانت اسماء "جن" لاني انا بقرا عن الجن واسمائهم والاسماء دي اسماء جن داخل القصر. ده غير الطلاسم والحروف الغريبه الي كانت مرسومه علي الحيطان ، والدم الي كان موجود في كل مكان "يتبع ...." - بـٍ قلم : مـَحمـُود رُوڪلـِيس ✍🏻