حَنان خَطَّاب

إنّ الصَّلاة على النبيِّ نعيمٌ.

ღ

يا ربُّ، اعصم قلوبنا من وحشة الغُربة، ولا تُباعد بين الأحبِّة والخِلّان، واحفظ لنا وداد مَن نُحب. - حنان خطَّاب

ربِّ هَبني من لدنك خيرًا واسعًا حلالًا طيّبًا وأجمع بيني وبين ما حوت به نفسي سُبحانك أنت المُنعم الواسع.

"ياربِّ وسِّع لي في عقلي؛ فلا يتمنى تعجيل ما كُتِب لي مُتأخرًا، ولا يرغب في تأخير ما رزقته عاجلًا، ووسِّع لي في قلبي؛ فلا يرى ما في يديه قليلًا، ولا يرى ما صرفتَ عنه كثيرًا، ووسِّع لي في بصيرتي وبصري؛ فلا أروي أرضًا لا تُزهر، ولا أحبُّ قلبًا لا يعرف الحبَّ، ولا أصادق من لا يصون الودَّ. ياربِّ! يا واسع.

وخفّف عنِّي ما لا يعلمهُ سواك، وارفق بقلبي يا ربّ.

وعليكم السلام ورحمة الله وبركاته. لو أي حد يقدر يساعدها يبعت لي على صراحة، أو لو تعرفوا أكاديمية محتاجة معلمات ابعتولي وهبلغها تتواصل معاهم.💙 ربنا يرزقك يا رب في القريب العاجل.💙

وعليكم السلام ورحمة الله وبركاته. بصي يا حبيبي، هي ملهاش علاقة، الزواج بيكون رزق زي أي رزق في الدنيا، مش شرط عشان الشخص على قدر من التدين إن الموضوع يرتبط بزواج، كون الإنسان بيتبع نهج الله ورسوله فده لأننا محتاجين كده، ولأن فيه حساب وفيه جنة ونار. لذا يا حبيبي، بلاش تربطي ده بده خالص. وزي ما قلت لك الزواج فعلًا رزق من الأرزاق. ربنا يرزقها الزوج الصالح المصلح التقي النقي في القريب العاجل يا رب وتفرحوا بيها.💙💙

اعملي بلوك طبعًا ليهم، مفيش حد يستاهل منهم ترهقي تفكيرك عشانه.💙

حمزة ومليكة تحفة.💙 طمنيني عليكِ عاملة إيه؟ يا رب تكوني ولدتي بالسلامة يا رب، ربنا يباركلك فيهم ويجعلهم قرة عين ليكِ ولباباهم.🥹💙💙💙💙💙💙

يا ربّ، بكَ نستعينُ؛ فأعِنَّا وفي ودائعكَ أيامنا وأحلامنا ومن نُحبّ.

ربنّا يَمنّ علي قلوبنا بالخفّة والطمأنينة والسكِينة والأُنسِ في أيام عمرنا.

وحشةُ الأماكنِ لا تُداويها إلا تفاصيلُ الأحبّة.

حاجة أخيرة، -حسب كلامك- خطيبك بيشجعك جدًا تبني شخصيتك في المجال الطبي ومن أكتر الداعمين ليكِ، وبما إنكم نفس السن ده هيساعد جدًا توصلوا لنقاط مشتركة، زي مثلًا تشجعوا بعض على مشروع معين، أو مثلًا تتعاونوا في استكمال دراسة معينة، أو إنه هيساعدك فيما بعد في استمرار شغلك... وهكذا. حاجات كتير جدًا ممكن تتعمل، ركزي على الإيجابي. على فكرة أنا من مشجعي الخطوبة البسيطة جدًا، أرق وأشيك من كل المظاهر المتداولة اللي بنشوفها قدامنا، والأوڤر اللي بقى يحصل مؤخرًا في المجتمع، عشان تعيشي حياة هادية ابعدي كل البعد عن السياق ورا التريندات لأن فسادها وضررها أكبر من نفعها. ربنا ينور بصيرتك.💙

المهم، أول حاجة أنصحك بيها إنك تنسي خالص علاقات صحابك والمقارنة دي. المظاهر خداعة جدًا، وأنتِ متعرفيش إيه المخفي في العلاقات، يبقى ليه نقارن من الأساس؟ المقارنة = خراب علاقة. تاني نقطة، أنتِ غلطانة في نقطة إنك مش عاملة حدود مع أهلك، الطبيعي يكون ليكِ شخصيتك، والطبيعي كمان إن مش أي حد يقولك كلمتين تتأثري بيهم، لازم توزني أمورك، وتتعاملي بنضج، والأهم متسمحيش لحد من أهلك ياخد خطيبك محور سَف! ودي ملهاش علاقة بالهيبة، لأن خطيبك بيتعامل مع أهلك بمودة، فالواجب عليهم يحترموه. تالتة نقطة، وجهة نظرك عن العلاقات غلط، الجزء المادي مهم جدًا لكن لا يغني عن المودة والرحمة، ما يمكن كنتِ تتخطبي لحد مرتاح ماديًا جدًا لكن مش متفاهم ولا بيعاملك بمودة. أنا شايفة إنك محتاجة تراجعي كل مواقف خطيبك معاكِ، على الأقل تقدري تقتنعي من جواكِ هل يستحق تكملي معاه ولا لا. ربنا يصلح لك الحال، بس لو هعاتب على حد في الموضوع ده فهم أهلك اللي خلقوا كل الفوضى دي جواكِ، ونظرتهم سطحية جدًا ومؤذية وللأسف مش مقياس ولو 1% لحياة وبيت مستقل. بيت مستقل= مودة ورحمة= ثقة متبادلة= شريك حياة متفاهم= زوج قادر يعول أسرته ويصرف على بيته بشكل كافي ومناسب من الناحية المادية.

وعليكم السلام ورحمة الله وبركاته يا حبيبي.💙 عاملة إيه؟ عساكِ بخير.💙 بصي، أنا فهمت شعورك ومقدرة خوفك، بس خدي بالك إن علينا السعي والرزق بتاع ربنا، يرزق من يشاء كيفما يشاء، وربنا يرزق جميع العباد يا رب. المهم، الحياة مينفعش تُقاس بالطريقة دي وأول باب فساد ليكم هي المقارنة، وده بالفعل بدأ يحصل معاكِ بسبب المقارنة. العلاقات لا تُقاس بالحب ولا حتى بالماديات بشكل بحت، العلاقة محتاجة توازن لأن الموضوع أكبر من كده بكتير. أساس أي علاقة المودة والرحمة والتفاهم والثقة المتبادلة بين الأطراف، مينفعش أخد الماديات هي الأساس وأهمل الباقي لأن بنسبة 90% العلاقة هتفشل، ولا ينفع أبني الأساس على الحب فقط لأن بنفس النسبة -90%- هتفشل. التوازن هو الأنسب، وحسب ما فهمت إن هو بيحترمك ويقدرك ومتفاهم معاكِ، وبيكسب ودك بالمعاملة الطيبة وده نقطة مهمة جدًا، والإنسان ما دام قادر يفتح بيت، يصرف على زوجته وعلى بيته، ويسعى لزيادة رزقه بالحلال لأجل حياة أفضل فده ممتاز. المقارنة فساد، والحياة مش كلها ماديات، وعلى فكرة أنا بحترم جدًا الشخص اللي من صغره معتمد على نفسه اعتماد كُلي. هكمل ردي في مسدج تانية...

الحمد لله، اللهم لك الحمد.💙💙💙💙💙 متتخيليش فرحتي بيكِ قد إيه والله.🥹💙💙 أشطر بنوتة والله، بحب البنات العسولة دي اللي بتاخد خطوة إيجابية تجاه حياتها ونفسها، اللهم بارك.😚💙💙💙💙💙 بجد فخورة جدًا، ربنا يراضي قلبك يا حبيبي دائمًا ويديم عليكِ شعور الأمان والسكينة، الفضل كله يرجع لربنا الحمد لله، وكلنا أسباب مش أكتر، ربنا يعوضك بالخير دائمًا ويرزقك ما تتمني في القريب العاجل وتفرحيني بقى.😂💙💙💙💙💙

حبيبة قلبي.💙 بصي، زي ما أنتِ كده زي الفل، والفترة دي شوفي نظامه إيه، هيعمل زي ما قالك ولا لا. كمان فيه ميزة في نقطة المناقشة، جايز مبيعرفش يفتح مواضيع لكن بيعرف يشارك في المناقشة ويرد ويحكي عادي ودي نقطة كويسة. هي كده مشكلتك الحالية في نقطة بداية الحوار مين يبدأ، بس ما دام لفتِ نظره فتدريجيًا الموضوع هيوضح، خاصة إن فيه رجالة كده فعلًا. بس مع الوقت الموضوع بيختلف وبيكون عادي. شوفي الفترة الجاية الموضوع ده هيتحل ولا لا، ولو حسيتِ بأي تردد صلي استخارة تاني.

بصي، هو ده مش بخل وده واضح. لكن جايز يكون حريص، أو مثلًا -حسب معلوماتي- فيه رجالة طبعها كده وده نظامها وهي اتعودت عليه، فيه مواقف عديها عادي ومواقف تقفي عندها وتاخدي موقف تجاهه. موقف البنت بايخ جدًا، مش صح ومش كويس ومعاكِ حق تاخدي موقف بسببه، لكن موقف إنه يفاصل في شيء، فيعني في المجمل ممكن تمشيها متدققيش، لأن معظم الناس بتفاصل أصلًا. موقف القطر مفهمتهوش، أنتِ مكملتيش كلام عنه. عمومًا، لو هقدملك نصيحة، معاكِ فترة الخطوبة تركزي في تصرفاته فيما بعد -بدون مبالغة- يعني متقفيش على الواحدة، والمواقف بتبين برضو وهي أكتر حاجة هتبين لك ده، وما دام طلع بيتناقش ويفاصل مع الناس ويتعامل عادي ومعاكِ بيقولك معرفش، فأنتِ ركزي على طريقة تعامله الفترة الجاية ولو استمر على وضعه يبقى عتاب بسيط كده تلفتي نظره وذكّريه بالموقف كده وشوفي رد فعله. ربنا يصلح لك الحال.

سألتُ الله فآتاني الله سُؤلي؛ فالحمد لله حمدًا كثيرًا طيبًا مُباركًا فيه. ختامٌ مُبارك تمنّاه الفؤاد، جاء محفوفًا بالرفعة والاستجابة ليتوّج تعب الأيام، ويُبهج الروح بحصادٍ شامخ رأيتُ فيه كرم الله وجبره لخاطري. أخيرًا... خريجة الدراسات العُليا. اللهم اجعله علمًا نافعًا، وانفعني به، واجعله حُجةً لي لا عليّ.ღ - حنان خطَّاب