شٓخَبِطةً - Sah5bta

اتمني محدش ياخد كلامي علي وجه الهزار بس انا حقيقي حاسس بحزن وخنقه وزعل غريب وغير مبرر وكأن هم الدنيا كله علي قلبي ومن غير سبب واضح

" في ناس ع قد ما هما بيحبوك بس بيغيروا منك ويغلوا ف نفوسهم لو اتقدمت ف خطوة عنهم، لو اتميزت في حاجة عنهم، لو خدت سوكسيه ف لقطة وخطفت الأضواء منهم، لو حسوا انك مميز اجتماعياً والناس بتحبك اكتر .. ودول موجودين ف كل مكان ع فكرة حوالينا وف اغلب دوايرنا الاجتماعية وللأسف صعب يبانوا لأنهم بيقابلوا خطواتك المهمة بإبتسامة ومبروك ولو انت محظوظ ربنا هيظهرلك حقيقتهم من نظراتهم، من كلامهم اللي يبان هزار وهو غل .."

بدون مبالغه انا مش شايف كائن حي علي وجه الارض الا وهينفجر من الضغط اللي عليه الفتره دي مننا اللي صابر ومننا اللي بيقاوم احساسه بالعجز وان صبره نفذ ف يارب ارنا عجائب قدرتك في فرجك وازاحه الهموم عن كل الناس يارب فرج قريب علي كل الناس يارب يارب اللهم اسر قلوبنا وارواحنا بما يسرنا واشرح صدورنا يارب

"كان فيه حد بيسألنى بيقولى " ايه أصعب وقت ممكن يمر عليك!؟ قولتله وانا مستنى …مستنى اخد قرار معين ف حياتى وخايف من نتايجه، وانا مستنى رد معين من الشخص اللى قدامى علشان يفرحنى وانا مستنى الشخص اللى قدامى يراضينى ويطيب بخاطرى واحس ان زعلى فارق، وانا مستنى نتيجة حاجة عملت فيها مجهود، وانا مستنى اسمع خبر معين هيفتحلى سكة جديدة…أكتشفت بعدها ان الحاجة الوحيدة اللى ممكن تضيع احساس الامان هو إنى أكون مستنى لو تقدر تقدم حاجه لحد؟! متخليهوش يستنى لان الوقت حقيقى بيكون صعب والتفكير وقتها بيكون مميت.."

- كنت بكلم مع واحدة قريبتى وفجأة لاقيتها بتقولى " لو عايز ربنا يحققلك اى حاجة استغفر كتير ومتقولش لحد " لاقتنى سكت .. قالتلى انت عارف ؟! -انا لما جيت اتجوز كان فى شوية عقبات كده كانت ممكن تفركش الجوازة ، وكنت بستغفر ليل نهار وحتى وانا بشتغل والحمدلله اتجوزت الشخص اللى عايزاه . - ولما خلفت بنت كان نفسى من جوايا اخلف ولد وكنت بستغفر بردو ليل نهار وربنا رزقنى بتؤام ولد وبنت . واى حاجة فى حياتى بتمناها او عايزاها بستغفر وربنا بيستجيب . انا فضلت متنح شويه ، بس عالطول افتكرت .. " فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا " 💙

" أنا مبسوط جدا إني بقيت سايب كل حاجه علي ربنا و راضي بأي حاجة بتحصل .. عكس قبل كده كنت بضايق جدا و ازاي يحصل كده بس دلوقتي لا .. مهما يحصل الحمد لله والحمد لله ع اللي حصل واللي بيحصل واللي هيحصل‏ وحقيقي لا شيء يعادل الشعور بالرضا .."

‏" هل مازلت للآن تظنه يحبك؟ ألا ترى كيف يمضي أيامه دونك، دون الإطمئنان عليك، دون أن يفاجئك مرة برسالة يُخبرك بها أنك تتواجد في أفكاره وأنه يُحبك ولا يُطيق الابتعاد عنك، ألم تكفيك أفعاله لتبتعد دون عودة، ألا تشعر بأنك لم تكن كافيًا لشخصٍ أغرقته بالحب ولم يُبادلك نصف شعورك حتى..؟"

"طلبت من الله الكثير ومنعه عنِّي وكان منعه قِمَّة عطائه، فتعلَّمت أن أطلب ما أريد وأقبل بما يريد، فدائمًا إرادته تأتي بالخير وإرادتي تسوقني إلي الشرّ، ولازال يأخذ بيدي إلى الخير حيث تيقَّنت أنه هو الله أرحم الراحمين .."

الانسان ملوش اي فضل على نفسه.. لو اتولدت في عيلة محترمة و اهلك ربوك كويس او شكلك كويس فدا مش انجاز انت عملته.. لو اتعلمت كويس او طلعت ذكي او بتفهم فدا ملكش يد فيه.. لو جالك فلوس او رزق فهو مش بشطارتك و لو اجتهدت و تعبت و كافحت فدا بسبب ان ربنا اعطاك الصحة و القدرة اللي بدونهم مكنتش هتقدر تعمل اي حاجة.. لو حواليك ناس بتحبك و تساعدك دا تيسير من ربنا مش انت اللي اوجدتهم.. صحيح انك ممكن يكون عندك كل حاجة و تختار تستخدمها في الخير او الشر و دا اللي هتتحاسب عليه .. لكن حتى قدرتك على الاختيار دي نعمة ممكن تروح منك في لحظة .. احمدوا ربنا كتير و اشكروه على نعمه التي لا تعد و لا تحصى و اوعوا حد يفتكر انه جامد او مسيطر.. كله ماشي بفضل الله و ستره ربنا يديمهم علينا جميعا و يستخدمنا في ما يحب و يرضى.. "قُلْ إِنَّ الْفَضْلَ بِيَدِ اللَّهِ يُؤْتِيهِ مَنْ يَشَاءُ ۗ وَاللَّهُ وَاسِعٌ عَلِيمٌ".. #يوسف_محمد ..!

" الشيطان دايماً بيحسسك بالعجز والإحباط ودا من أهم أدواره في حياتك ، دانت شايل فوق طاقتك ، دانت منحوس ، انت ليه بيحصلك كُل دا .. في الحقيقة ربنا مش هيشيلك شيلة انت مش قدها ، ولا هيعجزك بحاجة انت متقدرش تخرج منها .. لو بصيت لورا كدا هتلاقي ياما أزمات قولت مش هتعدي والحياة هتقف عندها وقدرت تعديها ونسيتها كمان .. إفتكر دايماً إن ﴿لَا يُكَلِّفُ اللَّهُ نَفْسًا إِلَّا وُسْعَهَا ۚ﴾.. وإنك دايماً تقدر .."

‏" بأُمي انتصرت ، بأمي عرفت معنى أن يكون للإنسان مكان يلجأ إليه ، بأمي اطمأننت ، وبالطمأنينة استطعت وفعلت الكثير، لقد كانت على مرّ السنين يدي وعيني وظهري ، وقد أغنتني عن كل أحد ، أمي هي الكفاية والكفافْ .."

اللهم اني نويت ان أصوم شهر رمضان كاملاً لوجهك الكريم إيماناً واحتساباً اللهم فتقبله مني واغفر لي فيه وارحمني واجعلني من عتقاء النار وبارك لي فيه ولأسرتي وأحبابي وأمة سيدنا محمد صل الله عليه واله وصحبه وسلم وزدنا هدى وتقى وعفواً وكرماً وحباً وانساً وشوقاً وتجلي علينا بليلة القدر وصل اللهم على سيدنا محمد وعلى آله وصحبه وسلم 🤍

لما حد يرفضك رفض نهائي .. أبعد .. أبعد بشكل حازم وقاطع، مهما كانت درجة تعلقك أو حبك للشخص ده لازم تبعد .. مفيش قدامك حل تاني غير أنك تخلعه من جواك، اللي يسيبك سيبه، أنت أغلي من أي رفض.. خلي مشاعرك غالية حتي لو شايفه أفضل انسان في الوجود .. بكره هتشوفه أقل من العادي .."

" الحزن بجد هتشوفه في عين حد بيحكي عن حاجة كان حاطط فيها كل امله ومكملتش .. تلاقيه لسه بيحكي عن الحاجة دي بنفس الشغف والحب لكن بعد كده بكل أسف وشعور بالهزيمة وخيبة الأمل يقولك بس للأسف مكملتش وعنيه حزينة كأنه لسه مهزوم دلوقتي مش من كام سنة مثلا .. وتقريبا مفيش حاجة بتعدي، وحقيقي مفيش حاجة أصعب من انك تخسر قبل لحظة الوصول بلحظة.. يعني خلاص هتمسك الحاجة فجأة تلاقيها راحت اتبخرت، وبعدها تأخد نفس عميق وتقول " كل ده كان لي" .

" لو ف حياتك بنت شخصيتها "مزاجية" -لازم تعرف ان مهما تقولك انها مبسوطة بتكون كدابة -لما تقولك انها مش محتاجة حد جنبها ومبسوطة بوحدتها بتكون كدابة -ممكن تكون قاتلة نفسها عياط وتحسسك ان مفهاش حاجة نهائي -مزاجها بيتغير ف اليوم 100 مرة زي جو اسكندريه ف الشتا بالظبط الاربع فصول ف يوم واحد. -ممكن تكون بتضحك وعادي بس كلمه واحدة كفيله تقفلها يومها. -جدعة اوي واكتر حد ممكن تقف جنبك وتضحكك من قلبك فعلا. - بتكره الوحدة وبتعشقها متسألنيش ازاي. -تكون بتحبك جدا وتحسسك إنك حد عادي بالنسبالها. -مبتعرفش تسأل ع حد عشان علي طول بتخاف انها تكون تقيله. -بتحب اللي يمدحها بس لو بصت ف عينك وحست بنظرة شفقة منك احتمال تكرهك. -عنيدة وبتفضل ماسكة فيك لآخر نفس ولما بتجيب آخرها وتقفل منك بتسيبك وتبعد ومابترجعش. -لو حست إنك بتعاملها بنفس م بتعامل غيرها هتكرهك. -مابتحبش حد يعلي صوته عليها وبتكره الزحمة وبتكره الصوت العالي عموما هي شخصية صعب حد يفهمها بس ف الحقيقة بتكون طيبة جدا .. ولو حبتك بتكون ليك حبيبة و ام وأب وصديقة وزوجة وكل حاجة.. هتستغني عن أي حاجة ف حياتها لمجرد انها تشوفك مبسوط .. هي فعلا شخصية متعبة أوي للي مش فاهمها بس والله لا هتلاقي اجدع ولا أجمل منها.. #يوسف_محمد .. لأحدهم 🤍

" بصي هو انا معرفش شكلك عامل ازاي، ومعرفش حتى هتجيلي أمتى، بس أعتقد ان واحد في جبروتي يستحق يتحب من واحدة عظيمة تخليه يتنازل عن الهيبة ويضعفلها، جايز يكون العالم صنفني وحيد بس أنا واثق انكِ هتجيلي وتبقى الونس اللي بستناه طول عمري، انا وفئ ليكي من قبل حتي ما اشوفك اخلاصي ليكي سابق مداه، مش هقبل اكون شرك قلوب وهستناكي .."

"الغرض من العلاقات ‏هو زيادة السعادة، وتحقيق السلام النفسي، ‏وكل علاقة لا تلبي لك هذا الغرض تخلى عنها، أو اجعلها سطحية.. وتذكر دوماً أن ‏لنفسك عليْك حق ؛ ‏وأبسط حقوق نفسك أن تحيطها بمن يسعدها، وبمن تجد معه السلام"

- لماذا هي؟ - لأنني شعرت معها ولأول مرة ماذا تعني كلمة عوض .."

" لن تجد شخص قوي دون ماضي مؤلم، فلا أحد يصل لمرحلة "العقلانية" دون أن يدمر شيء ما في داخله .."

" يارب عوضني، عوضني عن كل احساس وحش حسيته وكتمته ف قلبي، عن كل حاجة حصلت عكس ما كنت متوقع ورضيت بيها، عن كل فعل خذلني من أقرب الناس ليا، يارب عوضني عن كل حدث سئ ونطقت بعدها الحمدلله من غير ما أفكر، عوضني عن الأشخاص اللي مشيت، وعن الليالي اللي قضيتها لوحدي، عن الأمنيات اللي ماتحققتش، يارب عوضني عن كل وقت راح حصل فيه عكس ما كنت أتمني، عن اللحظات الصعبة اللي مرت وكنت ضعيف ووحيد فيها، عن كل حاجة كنت مستنيها ومجتش.. يارب عوضني وجازيني خير .. وإجعل اللي جاي اجمل من اللي فات يارب.."