ILHOM RASHID SHE'RLARI

Lablari oh qizilim, So'zim rost yo'q hazilim. Kel kelaqol go'zalim, Bir marta sen kulaqol. Qo'yganman o'zim suyib, Ishqingda o'zim kuyib. Turibman seni kutib, Bir marta sen kulaqol. Seni deganimmi ayb, Seni tanladiku qalb. Qo'ygin bitta jilmayib, Bir marta sen kulaqol. O'zgani qo'yma suyib, Qoldim ishqingni tuyib. Qo'y qolma qovoq uyib, Bir marta sen kulaqol. Chiroy senga atalgan, Isming dilga qadalgan. She'rlar senga bitilgan, Bir marta sen kulaqol. Yaxshiyam eh o'zing bor, Yuribman men beg'ubor. Sengadir bor e'tibor, Bir marta sen kulaqol. Ilhom Rashid 21:16 15.06.2024

Mushtarak bosilgan har bir qadamlar, Siz deb yasharib yuribdi olamlar. Musulmon ahli eshiting odamlar, Hayit arafalar bo'lsin muborak. Har yil kutamiz ushbu bir bayramni, Shodlik kirgizib yo'q qilar yarani. Musulmonning asli kutgan bayrami, Hayit arafalar bo'lsin muborak. Ishonch berib dildan mehrlarin qo'ygan, Mehrdan barchaning ko'ngillar to'ygan. Allohim ushbu kunni chindan suygan, Hayit arafalar bo'lsin muborak. Aslin olsa topar shu kundan vafo, Tuzalmas dardlarga topilar davo. Xush kelding ulug' kun o'zing marhabo, Hayit arafalar bo'lsin muborak. Kelarsan odamning dilin yayratib, Odamning qalbida mehr yaratib. Qo'yding mo'minni o'zingga qaratib, Hayit arafalar bo'lsin muborak. Jar solib kelarsan to'ldirib sen quvonch, O'zing kirgizgansan qanchalar ishonch. Ey musulmonlar ahli bag'ringni och, Hayit arafalar bo'lsin muborak. Quyosh bugun boshqacha nurlar sochar, Olamlar bugundan bag'rini ochar. Barcha qayg'u-hasratlar butun qochar, Hayit arafalar bo'lsin muborak. Ilhom Rashid 15.06.2024

Ijodlarimni o'zing bilmay gullatding, G'amlarimni asta-sekin qulatding. Menga shodlik,quvonchlarni yo'latding, Qo'llar senga she'r yozishga yaralgan. Bilmayman yoninga men boraveraman, Ichimdagi borimni yoraveraman. Seni ko'rsam satrlar yozaveraman, Qo'llar senga sheʼr yozishga yaralgan. Ayro qilolmaydi hech bir to'siqlar, Axir bizmiz chindan sevgan oshiqlar. Yozaman she'rlar, kuylaru qo'shiqlar, Qo'llar senga she'r yozishga yaralgan. Ko'rsam doimo shahlo ko'zlaring, Eshitsam shirali,go'zal so'zlaring. Ilhom keladi ko'rsam bu yuzlaring, Qo'llar senga she'r yozishga yaralgan. Boshqalarga urmaydida eh yurak, Sendan go'zalini topolmasam kerak. Sening husning ko'rib to'ldida varaq, Qo'llar senga she'r yozishga yaralgan. Sendan boshqalarga yurak yashamas, Seni ko'rmasam misralar o'xshamas. Faqat mening yorimsan bilib qo'ygin, Qo'llar senga she'r yozishga yaralar. Sensiz be'ma'nodir olam-dunyolar, Senla yorishadi barcha-barcha yo'llar. Yozaveraman seni surib hayollar, Qo'llar senga she'r yozishga yaralgan. Ilhom Rashid 14.06.2024 16:35

Senga kuchli bu ishqim, Senga yonar bu rashqim. Hammon o'zing oshig'im, Onajonisi. Meni sen anglaganim, O'zing yor tanlaganim. Kechalar tinglaganim, Onajonisi. Yetmoq bo'lmadi oson, Bo'ldimey qancha sarson. Qadrimdasan jon har on, Onajonisi. Olgansan hayol o'y, Orzuyim eding xushro'y. Yodimda o'tgan to'y, Onajonisi. Farzandlarim bekasi Yuragimning erkasi. Kelajagim ertasi, Onajonisi. G'amlarim unutaman, Shodliklarni yutaman. Tabbasuming kutaman, Onajonisi. Lablari go'zal gilos, Ko'zlari yorqin charos. Yodimda o'sha har so'z, Onajonisi. Yodimda o'sha damlar, Yo'q edida alamlar. Qo'yarding ko'p qadamlar, Onajonisi. Sen tomon suykalarman, Hamisha erkalarman. Qalbinga o't qalarman, Onajonisi. Dardimga o'zing davo, Ko'rsam toparman shifo. Faqat sendandir vafo, Onajonisi. Bo'lsak ham biz qari, Bo'lasan go'zal pari. Yosharib ko'rgan sari, Onajonisi Ilhom Rashid 11.01.2024

Eslayman har bir lahza, har nafasda, Soldirma balolarga sen qafasga. Seni chindan sevdim emas havasga, Gulyuzginam o'zimning gulyuzginam. Oh kulishlaring bunchalar sermano, Mazmunlar kiritding o'zing ko'p ma'no. Yetkazganga shukrlar hamdu sano, Gulyuzginam o'zimning gulyuzginam. Sendan sezdima ishqning rohatini, Go'zallikning bari ko'p jihatini. Seni o'ylab yozdim ishq xatini, Gulyuzginam o'zimning gulyuzginam. Jilolanib o'zingga ko'z qaratding, Bilmam yuraginga o'zing o'ratding. Senga bo'lgan muhabbatni yaratding, Gulyuzginam o'zimning gulyuzginam. Oshiqlik dardini bergansan o'zing, Hammon hayolimda erur har so'zing. Nechun shaydo ayladi bu ko'zing, Gulyuzginam o'zimning gulyuzginam. Boshingda hilpirar go'zal ro'moling, Aqlim telba qildi pari jamoling. Faqat menda bo'lsin bari hayoling, Gulyuzginam o'zimning gulyuzginam. Qalbimga qo'yganman seni men joylab, Kunlarim o'tadi seni men o'ylab. Senla o'tar hali ko'p umr bo'ylab, Gulyuzginam o'zimning gulyuzginam.

Oy yuzlari oydek oppoq, Yuzlarin ushlasam do'mboq. Qandayliging bilmam jumboq, Menga yoqding sen qizaloq. Paxtaday go'zal yanog'ing, Yaltiraydi jindek qovog'ing. Yetar balki bu qiynog'ing, Menga yoqding sen qizaloq. Mehringdan bergin piyola, Qizarasan ey gulola. Shabnamdaysan oh shalola, Menga yoqding sen qizaloq. Soch o'ynar bo'lsa shabboda, Qiynmaginda jafoda. Kulishlaring yor davoda, Menga yoqding sen qizaloq. Quyib ber mehring ko'zaga, Mayli bo'lsa oz kosaga. Qaytsay edim shu lahzaga, Menga yoqding sen qizaloq. Bilamanda men yoqaman, Yuragingga o't yoqaman. Yo'llaringga men boqaman, Menga yoqding sen qizaloq. Sen bo'lmasang siqilaman, Yurgan yo'lda yiqilaman. O'zimniki yor qilaman, Menga yoqding sen qizaloq. Ilhom Rashid 21:58 06.06.2024

Ko'rmasam bo'lmas o'sha zayli, Kezib yurib muhabbat sayli. Bo'ling baxtli, baxtiyor mayli, To'yingizga meni chaqiring. Ko'ray sizni oppoq libosda, Baxt yarashar ko'zi charosga. Kelayotgan ayni bir yozda, To'yingizga meni chaqiring. To'yxonaga kirib o'taman, Shodlik ta'min birga totaman. Aytib qo'yay lekin kutaman, To'yingizga meni chaqiring. Ko'zingizda ko'rmayin namlar, Havas qilsin boshqa sanamlar. Ko'tarilmasin aslo yoddan, To'yingizga meni chaqiring. Yutmasiney dilingiz firoq, Baxtingizdan ketmang siz yiroq. Go'zalliklar yoriting chiroq, To'yingizga meni chaqiring. Yoningizda bo'laman o'sha dam, Yoningizga borib bosib qadam. Bir umrlik bo'laman totmang motam, To'yingizga meni chaqiring. Oqilamsiz, o'ziz donoyim, Birga bo'lmoqlikdir duoyim. Eh o'zingga tasannoyim, To'yingizga meni chaqiring.

Birini saqlagayman ko'p yodimda, Birin doimo shaydirda yo'limda. Chin muhabbatim yo'qdir hayotimda, Hayolimdamasda hayotimdagi, Hayotimdamasda hayolimdagi. Mag'zini chaqolmay o'zim hayronman, Netay endi dili bemor vayronman. Bu qanday hayot bo'ldi bilmam eh voh, Hayolimdamasda hayotimdagi, Hayotimdamasda hayolimdagi. Saqlayman birini aqlu ongimda, Ko'ray deyman uni tunu tongimda. Ko'nglim yo'qdir yurgan yorim yonimda, Hayolimdamasda hayotimdagi, Hayotimdamasda hayolimdagi. Sevgan yorimga men erisholmadim, Bir Majnun, Farhoddek kurasholmadim. Hozirgi yorimga yarasholmadim, Hayolimdamasda hayotimdagi, Hayotimdamasda hayolimdagi. Undan muhabbat topolmasam kerak, Bir marta ishlarkan sevishga yurak. Maslahat qiling ne qilmoqlik kerak, Hayolimdamasda hayotimdagi, Hayotimdamasda hayolimdagi. Unutish o'ylaysizmi shuncha oson, Arosatda qoldim, bo'ldima sarson, Menga tor ko'rinayapti shu jahon, Hayolimdamasda hayotimdagi, Hayotimdamasda hayolimdagi. Ilhom Rashid

Ketavergin endi tortinmay, Hali yig'lab qolarsan tinmay. Ko'z yoshlaring qoladi tinmay, Ketganingga xursand bo'lmay tur. Yog'adi ko'pdan ko'p malomat, Chekasan qanchalar nadomat. Yo'lingdan qolma bo'l salomat, Ketganingga xursand bo'lmay tur. Maylida qildingda telbalar, Qildiraman hali tavbalar. O'zim qilaman ko'p xafalar,. Ketganingga xursand bo'lmay tur. Yashabman qancha hoy havasda, Eslardim seni har nafasda. Hali sen yashaysan qafasda, Ketganingga xursand bo'lmay tur. Yashab yuravergin sen beg'am, Boshqa go'zal toparman men ham. Topolmay qolarsan bir malham, Ketganingga xursand bo'lmay tur. Qaytsang kutmayman qilib olqish, Avvalgidek bo'lmas qosh qoqish. Mensizlikda o'tadi yoz qish, Ketganingga xursand bo'lmay tur. Menday yordan bo'ldingku judo, Qaytib kelma deyman alvido. Deb qolarsan hali ko'p"Ey Xudo" Ketganingga xursand bo'lmay tur. Ilhom Rashid 22:17 31.05.2024