𐰼𐰓𐰢 اردم

‍ ✳️ آذربایجان! 📝دونیا و عالم‌ ديَیشیلدی، معنالار اؤزگه تعبیر اخذ ائلدی، یعنی بیزیم دیلجه سؤیله‌سک، او شئیلر کی اصل معنالارینی ایتیرمیشدی، قاییدیب اصلینی تاپدی– انّا لله و انّا الیه راجعون- آمّا بونا هامی قایل اولدو کی، وطن، وطن ؛وطن، دیل، دیل، دیل؛ میللت، میللت، میللت!.. دخی بو دایره لردن کنار- بنی نؤوع-ی بشر اوچون نجات یولو یوخدور. قرآن آیه سینده ندیر: “بیز اللهین بنده لری‌ییک و [اؤلندن سونرا] اونا طرف [اونون گرگاهینا] قاییداجاغیق"(قرآن، بقره سوره‌سی: 156). بونونلا برابر یعنی با وجود اینکی هر سؤز دانیشیلدی، هر مطلبه ال وورولدو، هامی پهلوانلاریمیز اؤز هونرلرینی چیخارتدیلار مئیدانا و لاکین بونویلا برابر بو قدر وار کی بیرجه لازیملی سؤز کی، منیم زندئیی زهلمی آپاریر–هامان سؤز آذربایجان وطنیمین اوستونده دیر. بعضی واخت اوتورورام و پاپاغیمی قاباغیما قویوب فیکره گئدیرم، خیالاتا جومورام، اؤزومدن سوروشورام کی: – منیم آنام کیمدیر؟ اؤز اؤزومه ده جاواب وئریرم کی: – منیم آنام رحمتلیک ظؤهربانو باجی ایدی. – دیلیم نه دیلدی؟ – آذربایجان دیلی! – یعنی وطنیم هارادیر؟ – آذربایجان ویلایتیدیر. دئمک چونکی دیلیمین آدی تورک-آذربایجان دیلیدیر، بئله معلوم اولور کی، وطنیم ده آذربایجان ویلایتیدیر. – هارادیر آذربایجان؟ –آذربایجانین چوخ حیصّه‌‌سی ایراندادیر کی، مرکزی عبارت اولسون تبریز شهریندن؛ قالان حیصّه‌‌لری ده گیلاندان دوتوب قدیم روسیا حؤکومتی ایله عثمانلی حؤکومتی داخیللرینده دیر کی، بیزیم قافقازین بؤیوک پارچاسی ایله عثمانلی کوردوستانیندان و بایزیددن عبارت اولسون. بیلیرسینیز بو صؤحبت هارادان یادیما دوشدو؟ بو صؤحبت اورادان یادیما دوشدو کی، کئچن هفته تیفلیسده موسلمانلارین میلّی کومیته سینده بیر مسئله‌یه باخیلیردی کی، آیا بیزیم بو مجلیسده نه دیل ایله گرک مذاکیره اولونسون؟ بیری دئدی روسجا، بیری دئدی عثمانلیجا، بیری دئدی‌ائرمنیجه. آخیردا بئله قرار قویدولار کی، تورک دیلی موعلّیملرینین و موعلّیمه لرینین چوخوسو تورکجه دانیشماغی یاخشی باجارمیر، بو سببدن بونلارا ایذن وئریلسین کی، روسجا‌ دانیشسینلار. او کی قالدی روس دارالفونونو اوخویوب باشا چیخان بعضی عضولر–بونلارا دا ایذن وئریلدی کی، روسجا دانیشسینلار. و‌ حقیقتده، من کی گئدیب سوموک سیندیریب ایللر ایله کافیرلر ایچینده الیمی موردار پرافئسسورلارا وئره-وئره علم اوخوموشام، اینصافدیرمی کی، بوگونکو گونده ده اوخودوغوم علمی گیزله‌دیم و روسجا دانیشماییم؟ هرچند مجلیسده اوتوران اصنافلار و حتی آخوندلار روسجا دانیشیلان مطلبلری باشا دوشموردولر، جهنّمه دوشموردولر، گورا دوشموردولر! او کی قالدی باکی قورولتایلاریندا اولان سلیقیه، بو بارده یاخشی‌سی بودور کی، هئچ دانیشماییم؛ اونسوز دا، دوشمنیمیز چوخدور، خبردار اولارلار و گلیب باخیب و قورولتایلاریمیزدا اولان نظمو نیظامی گؤروب بیزه گؤز وورارلار، چونکی نه‌دنسه بیزیم بدخاهلارین هامیسی بدنظردیر. آخ، گؤزل آذربایجان وطنیم! هارادا قالمیسان؟ گل، گل، بیر گل گؤر بیزی زورنان روسجا دانیشدیران تورک قارداشلار بیزدن نه ایسته‌ییرلر. آی تورپاق چؤره‌یی یئین تبریزلی قارداشلاریم، آی کئچه‌پاپاق خویلو، مئشکینلی، سرابلی، جوروسلو و موروسلو قارداشلاریم، آی بیتلی ماراغالی، مرندلی گولوستانلی قولی‌بیابان وطنداشلاریم، ائی وحشی اردبیللی، قلخانلی برادرلریم! گلین، گلین، گلین منه بیر یول گؤسترین! واللاه آغلیم چاشیب! آخیر دونیا و عالم ديَیشیلدی، هر بیر شئی قاییدیب اؤز اصلینی تاپدی، هر مطلبه ال وورولدو، گلین بیز ده بیر دفعه‌ اوتوراق و کئچه پاپاقلاریمیزی اورتالیغا قویوب بیر فیکیرله‌شک. گلین، گلین، ائی اونودولموش وطنین جیریق-میریق قارداشلاری! گلین گؤرک بئشیکده یاد میللتلرین سودونو اممیش، وطنیمیزدن یادیرغامیش و میللتیمیزین روحوندان خبرسیز بیر پارا میللت باشچیلاریمیز سیزه نه گون آغلایاجاقلار. نییه ساکیتسیز ائی منیم لوت-عوریان وطن قارداشلاریم؟!. ✍️جلیل محمّدقولوزاده منبع: مولّا نصر‌الدین"، 24-جو سایی- 27 نویابر‌1917-جی ایل #مجله_ملانصرالدین #میرزا_جلیل_محمد_قلی_زاده #تاریخ #تورکجه 🔺 اردم تورک دونیاسینین مدنیت کانالی: 🆔 @Erdemaz

در مورد ظریف و تاثیرش در حذف نام جمهوری آذربایجان در مقاله اخیر انگلیسی پزشکیان خواهم نوشت...

📸 یورومسوز بر اساس فهرست اسامی اعضای کمیته وزارت آموزش و پرورش سیاستگذاری دولت چهاردهم، رضوان حکیم زاده مجری سیاست تست بسندگی زبان فارسی به عنوان سهمیه نخبگان دانشگاهی به عضویت این کمیته برگزیده شده است. از طرف دیگر سلمان خدادی ام الفاسد و....مانقورت هم بعنوان مشاور ظریف انتخاب شد. تبریک و تهنیت به همه رای دهندگان همزبان پزشکیان. منتظر سورپرایزهای دیگر باشید... #پزشکیان #شوونیسم_فارس 🆔 @Erdemaz

بابونه در زبان تورمی👆👆👆

📸 شیخ صفی اردبیل 🗓تیر ۱۴۰۳ 👤عکس: ابراهیم پور 👈 تصاویر و ویدیوهای خود از مناطق مختلف آذربایجان و تورک ائلی را میتوانید از طریق پل ارتباطی کانال تلگرام یا صفحه اینستاگرام "اردم" برای ما ارسال نمایید. 🆔 @Erdemaz 📬 پل ارتباطی: @Erdem_admin

آندره مالرو👆

▫️باغلی ذئهین‌لر، باخیش‌لارینی آلیشقانلیغا گؤره آیدین‌لاشدیرارلار، ندنه دایاناراق یوخ. ▪️ذهن های بسته موضع خود را برحسب عادت تعیین میکنند، نه براساس دلیل. 👤فردریش نیچه ⚠️ترجمه اختصاصی "اردم" میباشد.لطفا با ذکر منبع منتشر کنید. #درین_سؤزلر #فریدریش_نیچه 🆔 @Erdemaz