مخاوف

ممكن تعدي بتجربة صعبة وتوجعك أوي، بس بعد فترة بتتعافى وتعديها، وتطلع منها شخص تاني خالص غير النسخة القديمة بتاعتك بتلاقي نفسك بقيت أعقل وأرزن، وبتشوف الدنيا من زوايا وجوانب تانية عمرك ما كنت هتوصلها ولا تفهمها إلا لمّا دُقت الوجع ده وشوفت الأيام دي ربنا بيربينا بالابتلاءات والمواقف الشديدة مش علشان يعذبنا حاشا لله، لكن علشان يرفع مقامنا ويهذب نفوسنا، ويخلينا أشد وأقوى وعضمنا ينشف في مواجهة الحياة.

مفيش حد بيعافر وبيحاول وبيطلع جايب صفر في الآخر: نتيجة تعبك وسعيك دايمًا هتبقي حاجة من تلاثة: إما إنك هتنجح وتوصل من أوّل مرة لو لقدر الله منجحتش هتطلع بخبرة كبيرة تِفيدك وتنوّر لك طريقك في اللِّي جاي يا هتكتشف إن السكّة دي مش بتاعتك ومتستاهلش مجهودك ده كله، فتغيّر اتجاهك وتشوف طريق تاني يبقي أنسب ليك الخلاصة، إن مفيش مجهود بيضيع علي الأرض أبدًا، خلّي ثقتك في ربنا دايمًا ملهاش حدود، وافتكر طول الوقت إنك مطلوب منك السعي والمُعافره، لكن النتيجة دي بتاعت ربنا بس.

﴿ رَبِّ اشرَح لى صَدري ۝ وَيَسِّر لي أَمري ۝ وَاحلُل عُقدَةً مِن لِساني ۝ يَفقَهوا قَولي ﴾

﴿ يٰأَيُّهَا النّاسُ اتَّقوا رَبَّكُم وَاخشَوا يَومًا لا يَجزى والِدٌ عَن وَلَدِهِ وَلا مَولودٌ هُوَ جازٍ عَن والِدِهِ شَيـًٔا إِنَّ وَعدَ اللَّهِ حَقٌّ فَلا تَغُرَّنَّكُمُ الحَيوٰةُ الدُّنيا وَلا يَغُرَّنَّكُم بِاللَّهِ الغَرورُ ﴾

لو زاد عمرك يوم؛ لفسدت لو زاد مالك جنيهًا؛ لطغيت لو زادوا أولادك ولدًا؛ لشقيت! أقدار الله تناسبنا بكل دقّة. ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾

إزاي المشكلة هتتحل وهي مقفلة كده؟ إزاي هننجح وأنا حليت وحش في الامتحان؟ إزاي هتجوز وأنا مفيش حد في حياتي؟ نفس الأسئلة دي اتسألت قبلنا على لسان أنبياء؛ سيدنا زكريا سأل ربنا: إزاي أخلف ومراتي عاقر؟ والسيدة سارة لما اتبشّرت بإسحاق سألت نفس السؤال: إزاي أخلف وأنا كبيرة في السن؟ والإجابة لكل ده كانت واحدة: ﴿قَالَ كَذَٰلِكَ قَالَ رَبُّكَ هُوَ عَلَيَّ هَيِّنٌ﴾ هي آه ممكن تبقى صعبة علينا، بس سهلة على ربنا، فربنا أمره بين حرفين: الكاف والنون.. لو أراد حاجة يقول لها ( كن فيكون ) فما تحزنش مهما حصل، ومهما العيون دمعت خليك دايمًا ظنّك في ربنا جميل . هيغيّر حالك ( بكن فيكون )

صلوا على سيدنا محمد .

ان الانسان مهما بلغت شخصيتة من القوة والصلابة يكون ضعيف أمام شخص معين ليس خوفا أو مذلة إنما لمكانة هذا الشخص في قلبه .

ترفض كل الكؤوس الممدودة إليك وتبقي وفيا لعطشك العنيد .

واثق أن الدعوة اللي ربنا مستجبش ليها في رمضان أن شاء الله يعوضني ويستجيب في يوم عرفة .

وأسير وحدي والحياة كأنها نغمات حزن صامت بفؤادي طال الطريق و بالطريق حكاية بدأت بفرحي وانتهت بموتي.

أكبر إنجاز تقدر تعمله لنفسك في الزمن ده هو إنك تكون إنسان محترم ومتربي ومسيطر على نفسك وسلوكك ومحافظ على كرامتك ، متحكم في أفعالك ودايمًا عندك مسطرة أخلاقية ماشي عليها وعارف حدودك ، ودايمًا افتكر إن " وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ ، وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا ".

من أهم الحاجات اللي محتاجين ندعي ربنا بيها اليومين دول إنه يرزقنا الصلابة النفسية، يعني مش كل موقف يعكنن عليك يومك ، ولا كل كلمة تضايقك ولا كل تصرف يشغلك وتفضل تفكر فيه ، محتاجين ربنا يرزقنا بشوية حكمة ، نعرف نفرق بيها بين اللي يستاهل تفكيرنا وطاقتنا ، وبين اللي مالوش حل غير التجاهل ، علشان حرفيا جزء كبير من العافية في إنك تبقى مش فارق معاك ، وشوية فطنة في إنك تتغافل ، وتخف شوية عن نفسك وتهون على قلبك .

أهم حاجة في شريك عمرك مش إنه يحبك ، أو يغرف بإيده ويدلك من كلام الحب اللّي مبيخلصش ، بل الأهم إنك تأمَن له وقت الخصام والزعل ، الناس كلها شَبَه بعض في الحب، وبيتفقوا في الأوقات الحلوة ، لكن معادن الناس بتبان في الحزن والخصام ؛ إزاي بيعدّوا أحزانهم ، وإزاي بيمرّوا بالحاجات اللي بتعكّر مزاجهم وبيطلّعوها على اللّي حواليهم ، اختار اللي تهون عليه معاك الأيام، واللّي تحس معاه في عز الوجع بالأمان ، وتحس جنبه بمعنى الاطمئنان ، حتى في أشَد أوقات اختلافكم ، وأكتر أوقات عصبيتكم وانفعالكم .

كل ده من عواقب افعالي طب امال انا كنت بعمل اي صح ؟

تعتقد أنك عندما تصل إلى سن معين ستبدأ الأمور تصبح منطقية ، وتكتشف أنك ضائع كما كنت من قبل .