Multaqa-😍 الملتقى 💖

بتتمنى اى من شريك حياتك....؟! °° أتمنى يوم فرحي هو اللي يُصر انه يبقي إسلامي .. ويوم الرؤيه الشرعيه هو اللي يقول بإذن الله هنلتزم بضوابط الخطوبه وهو اللي يبقي حابب نعمل عُمرة بعد الفرح ويُطلب مني كده مش انا اللي اقوله ويوم الخطوبه يُطلب من والدته انها تلبسني الدبله مش هو ويكون فاهم ان حرام يمسك إيدي أتمني يوم كتب الكتاب ميبقاش مُجرد يوم عادي لا انا عاوزاه بكل تفاصيله يبقي مكافأه ليا علي اني حافظت علي مشاعري ليه لحد اليوم دا ... اتمني يكون فاهم كويس إني زي ما هبقي ليه الأم والأخت والزوجه والإبنه يكون هو كمان الأب والأخ والصديق والزوج والسند أتمني يكون فاهم إني سبت بيت أهلي جيت اسكن قلبه مش بيته فيحافظ عليا .. اتمني يكون فاهم كويس ان الزواج fifty fifty ان من شروط الزواج السعيد ان كل واحد فينا يتقبل التاني بكل عيوبه بل يشوفها مميزات اتمني يوم ما يرفع صوته عليا ويزعق يكون بيزعق عشان انا عصيت ربنا أخرت صلاه مثلاً تكون دايما عصبيته عليا بسبب خوفه من انا اخسر أخرتي وبس ... اتمني يكون فاهم ان انا مش بس وصيه رسول الله انا وصيه الله له ... نعم انا التي خلقني الله من ضلعك اتمنى فعلاً يكون عارف ان الزواج عُكاز يتوكأ عليه إثنان تآلفا علي نقص ورضيا بالمُتاح يقطعان الطريق للكمال في الجنه .. أتمنى هو اللى يبدأ مش أنا أتمني يكون مُحمدياً ..🥺💙💙💙💙💙💙💙💙💙💙💙")) °° صدقاً صدقاً صدقاً اتمنى 🥺💙.

معنى إنك تحب حد: 🥺 ١-هو إنك تكون سبب فى بسمة وجهه ٢- أن يجد معنى الأمان بجوارك ٣- أن تكون داعماً وسنداً له كالحصن الحصين في مواجهة مواقف الحياة ونوائبها ٤- أن لا تحتاج في كل مرة إلى تبرير تصرفاتك، وتصرفاته هو أيضاً أمامه وأمام نفسك! ٦- معنى إنك تحب حد هو إنك تفهمه بدون ما يتكلم فقط نظرة عينيه بتكفيك، فتكفيه أنت الدنيا وتحميه=]! ٧- معنى إنك تحب حد بجد…..🥺! اكملوا ……

= عاوزه اقفل - ليه = مخنوقه ومش قادره اتكلم - خلاص ماشي لما تهدي كلميني = عاوزه اقفل - ليه؟؟ = مخنوقه ومش قادره اتكلم - لا مش هسيبك تقفلي ، اتكلمي زعقي اعملي اي حاجه بس متقفليش وتنامي زعلانه ولا مخنوقه ، اتكلمي انا هسمعك بتفرق جدا ♥️🌿. "

الناس الدبش (اللي كلامها جارح).. مش أطيب قلوب ولا حاجة.. الناس الدبش مش طيبين أصلا.. ▪اللي عنده المقدرة إنه يؤذي الناس نفسيا كل يوم بكلامه.. من غير ما يحس بتأنيب ضمير.. ويبرر لنفسه بـ أصل أنا طبعي كدة.. ◼️ ده مش طيب.. ▪قال ﷻ"وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ" فـ ربنا ﷻ في الآية دي.. ربط غلظة القلب بفظاظة اللسان.. ▪فلا تحاول أن تدافع عن نفسك بالباطل.. ▪أصل أنا بتكلم بتلقائية..🤔 مببقاش عارف إن حد هـ يتأذي من كلامي.. 🤔 كل ده مالناش فيه.. كلامك بيدل على اللي في قلبك.. ▪فـ أنت لو شخص دبش.. لا تفتخر بهذا الأمر.. وتكرر، وتقنع نفسك.. أصل اللي في قلبي على لساني.. ▪عشان ده أكبر دليل إن اللي في قلبك أسود قوي.. ▪فـ خليك ذوق في كلامك.. وانتبه إن فيك حاجة غلط.. ولازم تغيرها عشان نفسك قبل أي حاجة.. وبعد إذنكم.. ▪بطلوا تعملوا من الشخص الدبش نموذج لطيبة القلب.. عشان بيتمادى فيها.. بطلوا تحولوا الصفة دي.. لصفة رائعة.. لأنها مش رائعة..

لمّا دخلَ رسول الله ﷺ على زوجته صفية ووجدها تبكي، فقال لها ما يبكيكِ؟ فأخبرتهُ أن حفصة قالت لها إنك ابنة يهو-ديّ، فردّ عليها رسول الله ﷺ وهو أرق الخلق وأرحمهم وأدراهم بغيرةِ النساء-، وكانت تعظُم عليه الدمعة يراها في عينِ مُنكسر: "يا صفيّة! إنَّكِ لابنةُ نبيٍّ وإنَّ عمَّكِ لنبيٌّ وإنَّكِ لتحتَ نبيٍّ ففيمَ تفخرُ عليكِ! - ﷺ

هل الأهل مبيزهقوش مننا بجد ولا بيمثلوا؟ الموضوع شغل بالي كتير، أصل ايه اللي يجبر الأب (او هيجبرني لما ابقى اب) انه يروح شغله كل يوم وكل سنة -رغم انه ف الغالب مش طايق روتين شغله ولا مديره او بيحبهم بس ضغط الشغل قاتل- كل ده من غير ما يجي في باله إنه "لا، خلاص والله انا هأجزلي شهرين انا بني آدم برضو ومش عاوز ابقى مسئول عن حد كفاية عليا نفسي"، طب هل لو مبيقولهاش بصوت عالي هل مجتش في باله بينه وبين نفسه كده بعدها حط إيده على دماغه وقال "يعني حتى الانهيار مش رفاهية بالنسبالي! " وكمل شغله لآخر اليوم مهو مش مُخّير للأسف. طب الأم اللي بيشيب شعرها وهي قضت عمرها فخدمة الأسرة كل يوم بنفس التسلسل بدون ملل ولا تقصير، ليه مقررتش في يوم انه "it's enough يرجالة والله انا منسحبة... قلبي معاكم" 😬 من الاخر .. احنا ازاي مجاش السؤال ده ولو لمرة على بالنا حتى.. وجايبين منين الثقة كل يوم انك هتصحى تلاقي المروحة بقت اهدى من اللي كانت عليه قبل ما انام واوقات مبتغطاش عشان عارف ان ماما هتغطيني فنص الليل وان الامتحان مش هيفوتني لمجرد انها سألتني قبل ما انام "معادك امتى؟" وهتفضل طول اليوم تدخل الاوضة تتطمن اني مراحتش عليا نومة، ليه بجد مقرروش انه النهاردة هنام مكاني انا تعبانة زيي زيهم.. ومنين احنا واثقين فيهم كل الثقة انهم مش هيعملوا كده مع انهم بشر وطاقات زينا؟ طيب يا مؤمن ازاي بيجيلك قلب انك تنام كل يوم قلقان من بكرة.. خايف من امتحان، بتفكر فمستقبلك وقلقان، حتى الجيش اللي لسه سنين عليه مسلمتش من قلقك عليه، وقلقان من الشغل وانت لسه متخرجتش، طب يعني كده هتجوز ازاي والشبكة لوحدها عاوزة شهور شغل.. هل يقينك بالله موصلش لربع يقينك بأهلك اللي لا حول لهم ولا قوة؟، اللي شايف انهم عمرهم مهيخذلوك ولا يسيبوك لوحدك؟ والله أحق باليقين منهم قال رسول الله صلى الله عليه وسلم: ((لو أنكم تتوكلون على الله حقَّ توكله، لَرزقكم كما يرزق الطير؛ تغدو خماصًا، وتروح بطانًا)) -ولله المثل الأعلى-

اعرف قيمتك جيدا وكن بالمكان الذى يستحقك ، ولا تدخل بعلاقات تستنزف طاقتك وجهدك ، من لا يستحق لا تعطيه ، انسحب من كل نقاش يقلل من احترامك ، ولا تسمح لاحد ان يتلاعب بمشاعرك او يعطيك اقل من حقك ،مهما حدث ، أنت تستحق الأفضل فى حياتك وكن كما تحب أن ترى نفسك وأنت وحدك قادر ان تصنع نجاحك فعليك السعى وعلى الله الوصول لما هو خيرا لك ودمت فى امان الله 💖

محضر غش ..! تخلقوا بأخلاق الله! بينما أمرُّ على لجان الامتحانات في سنة من السنوات، في امتحان مادة القرآن الكريم؛ إذ جاءني مراقب في إحدى اللجان، فقال لي: إن العميد حرر محضر غش لطالب، ويريد توقيعك على المحضر، بصفتك رئيسا للدور! فقلت له: لا أوقع على شيء لم أره! دعني أراه أولا! فذهبت إلى الطالب، فوجدت العميد ونائب رئيس الجامعة عنده، فنظرت في ورقة الطالب، فوجدتها فارغة تماما، فقلت للعميد: أين الغش؟! قال: لقد حاول الغش من الهاتف المُحَمَّل عليه برنامج المصحف، وفي يده ساعة بلوتوث تسهل له الغش! قلت: لكن ورقة الإجابة ليس فيها أية دلالة على قيامه بالغش! قال: هل تكذبني؟! قلت: لا، ولكني أيضا لا أكذب عيني! قال: وقِّعْ على المحضر! قلت: لن أوقع إلا بما رأيته! فقال له نائب رئيس الجامعة: دعه يكتب ما يريد! ثم أخذت القلم، فكتبت في المحضر هذه العبارة: [بصفتي رئيسا للدور؛ فقد نظرت في ورقة الطالب، فوجدته قد سلَّم الورقة فارغة تماما، ولا توجد فيها أية دلالة على أنه استفاد شيئا]! ثم اتصل بي في اليوم التالي وكيل الكلية، وقال: إن العبارة التي كتبتَها قد أفسدتْ محضر الغش، فهل توافق على إلغاء المحضر؟! قلت: نعم بكل سرور، ما كتبتها إلا لذلك، وهي حقيقة، ولم أجامل بها أحدا! إن عادتي إذا رأيتُ طالبا حاول الغش؛ أن أنذره مرة، فإن كرر المحاولة عاقبته بأخف العقوبات، فإن كررها ثالثة حررت له محضر غش، تخلقا بأخلاق الله تعالى في الحِلم والستر على عباده؛ فإنه تعالى لا يفضح عبده من أول مرة، ولا يعاقبه لأول ذنب، وبالله التوفيق. بقلم: خادم الجناب النبوي الشريف محمد إبراهيم العشماوي أستاذ الحديث الشريف وعلومه في جامعة الأزهر الشريف

لو كنت هاوصيك بخبرة الخمسين سنة اللى انا عشتهم على هذا الكوكب فأهم الوصايا والنصايح هى ان الدنيا هتقلب أحوالك كتير .. وبناء عليه .. عليك ان تتعامل مع اوقات فقرك بعفة .. واوقات غناك باحسان .. تتعامل مع اوقات ضعفك بعزة .. واوقات قوتك برحمة .. تتعامل مع اوقات حزنك بأمل .. واوقات فرحك بحرص .. تتعامل مع اوقات البلاء برضا .. ومع اوقات النعمة بحمد .. وأن تعلم أن بعد كل فقر غنى .. وبعد كل ضعف قوة .. وبعد كل عسر يسر .. وبعد كل حزن سرور .. وأن الايام تدور .. وحبيب اليوم .. قد يكون غدا خصيما .. وخصيم اليوم .. قد يكون غدا حبيبا .. فكن هينا اذا أحببت .. وكن لينا اذا فارقت .. واسع على رزقك ما استطعت فإنك بالسعى مأمور .. وأعلم انك لا تدرك منه إلا ما كتب الله لك فارض به أيما كان تعش سعيدا ..

معظمنا كـ شباب ‏بعد التخرج، عندنا أصحاب خطبوا واتجوزوا وأعمارهم 23 سنة، وربنا كرمهم ببيت وأسرة في سن صغير، وغيرنا في نفس العمر قعد مش لاقي شغل، وبدأنا نلاحظ إن كل واحد فينا الدنيا أهدته حاجات وخدت منه حاجات تانية. ‏في مننا شغال في أماكن كبيرة بمرتب ممتاز، بس لسة مقابلش إنسانة مناسبة، ‏ومننا اللي قابل إنسانة مناسبة بس الظروف حالت إنهم يكونوا لبعض، ومننا اللي نفسه يتجوز بس على بعد خطوة من النهاية؛ كل حاجة بتقف بدون سبب. ‏دلوقتي كلنا صدقنا، إنها مش بالتخطيط، كلنا حاليًا بنعاني، كل واحد حاسس بضغط ولما يتكلم بيفتكر إن الدنيا جاية عليه؛ مع إنه ممكن يكون في إيده نعم اللي جنبه يتمنى يمتلكها. ‏فعلًا الحياة ماشية بمشيئة الله بس، كل حاجة ليها وقت وميعاد، شغل، زواج، عمرها ما كانت بحسابات أي واحد فينا فـ متحسبلهاش، لأن عمرها ما هتمشى بحساباتك، دايماً هتمشى بتدابير ربنا، فـ اعمل اللى عليك وسيب التوفيق على الله ♥️

مراتي عاطفية جدا وبيحصل خناقات كتير بسبب انها عايزاني طول الوقت أمدح وأتغزل فيها ، وأنا بصراحة مليش في الجو ده ، لكن بحبها وموفرلها كل حاجة ، أقنعها ازاي تتجاوز الحتة دي وماتبقاش تعمل مشاكل؟ ج/ لا تقنعها غير من نفسك أنت ولازم تقول لها ما يرضيها الحياة مش أكل وشرب بس. - مقتبس

سُئِلَ ابن القيم ﻟﻤﺎﺫﺍ في القرآن ﺍﻟﻈﻠﻤﺎﺕ ﺟﻤﻊ ، ﻭﺍﻟﻨﻮﺭ ﻣﻔﺮﺩ ؟! فقال : ﻫﺬﺍ ﻣﻦ إﻋﺠﺎﺯ ﺍﻟﻘﺮﺁﻥ ، ف الباطل متعدد الطرق ، امّا الحق فطريقه واحد ..

وتجلس في المستشفي دقائق لتدرك نعمة أن تكون "عادياً " 🖤

يظنون أنك تستطيعُ تجاوز الاشياء وكأنها لم تحدثُ، لكن والله لا شئ مر علينا سهلًا، بكُل مره تُخسف بأرواحنا الأرض، والله وحدهُ الأعلم كم كلفنا الصمود بكُل مرة ..

-اول ما افتح ايدى كدا واقربها منك ف انت المفروض تبوس كف ايدى - انا بحسبك عاوزه فلوس والله -بتهزر -بصراحه اه - طيب ماشى -كملى طيب عاوزه اى كمان -لما ابقى زعلانه وساكته قبل متسألنى فى اى خدنى فى حضنك -حتى لو زعلانه منى ! -حتى لو زعلانه منك ، انا لما بزعل بخاف ف انت لازم تطمنى - كملى - حاول خليك مبهور بيا دايما وبأقل حاجه بعملها هتلاقى انى بعمل كل حاجه انت عاوزها - اممم - طول ما انت حنين عليا ، انا هبقى شيلاك فى عنايا - انا اطول اتشال فى الجمال دا ! - عمرك متقلل منى ، انا بقيت معاك وانا اختيارك، لو قللت منى كأنك قللت من نفسك - كملى - بلاش فى يوم ننام زعلانين ، وبلاش تغيب بحجه الزعل، متعودنيش على عدم وجودك - كملى - عاتبنى أول بأول، واسمعنى دايما بلاش فى يوم يبقى بينا حاجز. - كملى - انا بحبك بجد واختارت اعيش معاك ،وقلبى اختارك وعقلى مشي وراه، بلاش تندمنى.. "كانت أول كلمات منها بعد كتب كتابنا♥️. تعلمين؟! لو عاد العمر بى ، أو خُلِقت مرةً أخرى لن ترى عيناى فى جمالك فقد احببتُكِ من كلِ قلبى وعقلى واصبحتى بداخلى شيئُ اساسى "كقلبى "بل انتِ كل قلبى ♥️ ندى لاشين ♥️

" أقولك علي حاجة من غير ما تعيط؟! حتي لو إتعافيت وقدرت تتجاوز كل حاجة بردوا مش هتعرف تنسى اللحظة اللي أشفقت فيها على نفسك، هيفضل جواك ندبة لا يُمكن شفائها أو تجاوزها .."👌

بص يغالي لما تخطب متنزلش صورة كامله ليها وتحطلنا ورده علي وشها إحنا مش محتاجين نشوف قد اي إنك خطبت أجمل واحده ف العالم "إستر عِرضك" ولما تكتب الكتاب متفضلش تعمل ف ڤيديوز وتورينا قد إي هي حلوة وفرفوشه وقد اي أنتوا أجمل علاقة حصلت على سطح الكوكب "خليك غيور علي أهل بيتك" لما تتجوز متخليهاش تلبس مفتوح ولا تقلع الحجاب بحجة إن دي ليله العمر واهو تنبسط ويوم يفوت ولا حد يموت متخليهاش ترقص وسط القاعه بحجة إن هي بترقص وسط صحاابها وتوري القاعه كلها قد إي إنت واخد واحده بتعرف ترقص ولا أجدعها رقاصه واللي هو شوفوا مراتي حلوة إزاي "إسترجل" كلمتين كانوا محشورين ف زوري والسلام عليكم. مقتبس

في بنت أسمها سمر عملت لايك علي بوست عندي من شويه .. فدخلت علي بروفايلها لقيتها متخانقه مع صاحبتها في بوست .. وصاحبتها أسمها ريهام فدخلت علي بروفايل ريهام لقيتها عامله منشن لبنت أسمها أسراء وكاتبه كان يوم تحفه .. قومت داخل علي أسراء عشان أفهم تفاصيل اليوم لقيت أنه كان عيد ميلاد أسراء كل سنه وهيا طيبه طبعا بس لقيت أسراء عامله منشن لبنت أسمها غاده وكاتبه زعلانه منك علي فكره .. قومت دخلت علي بروفايل غاده أشوفها مزعله أسراء في ايه لقيت غاده كاتبه سوري يا اسراء مش هقدر اجي عيد ميلادك .. عشان ريري (ودي واحده صاحبتهم ) في المستشفي قومت داخل علي بروفايل ريري أفهم مالها و ألف سلامه طبعا طلعت مفركشه مع واد أسمه شريف وعماليين يعملوا منشن لشريف علي بوستات ريري فانا مرضتش أدخل علي بروفايل شريف عشان أنا مبحبش ابقي فضولي واتدخل في حياة الناس🙂

- واحد بيقول قبل الفرح خطيبتى صممت تلبس عدسات فى عينيها وأنا كنت رافض الموضوع بس هى كان نفسها تلبسها نزلنا واشترينا النوع اللى هى حباه عادى وكانت مبسوطة بيه جدًا ولما سألتنى لية كنت رافض إنى ألبسها قولتلها عشان مينفعش حد يشوف جمال عينك غيري انا وبس لأنك ليا انا وبس و عشان حرام لأن دي زينه 💛. = قالت له إرضاءًا لك و ربنا مش هحطها في عيني ولا هلبسها أبدا بره البيت . ● صدق الشيخ الحوينى لما قال المرأة قلبها فى أذنها ، بمعنى : لو أن المرأة نقلت جبلًا من هنا إلى هنا وجئت وقلت لها : جزاك الله خيرًا لزال تعبها💛

ايه رأيك يا هنا تلبسي الخمار؟ انا قولتلك ان الخمار احسن من الحجاب صح؟ - فكرت ف كلامها وقولتلها موافقة..لقيتها قربت مني والدموع ف عينيها وحضنتي اوي وقالتلي: ربنا يثبتك يا حبيبتي اشترينا اخمرة ودريسات كتير ولبست فستان وخمار منهم وكان شكلي حلو اوي وحسيت ان وشي بينور وكنت لأول مرة راضية عن نفسي واللي انا بعمله. ----------------- مشينا بعد ما اشترينا اللبس وودعت حورية وروحت البيت واول ما شوفت ماما حضنتها وعيطت كتير اوي وهيا كمان عيطت ولقيتها بتقولي: - اخيرا اقتنعتي يبنتي الحمدلله يارب الحمدلله. ------------------ روحت الجامعه وقابلت نور نور باستغراب- اي ده يا هنا انتي بقيتي منهم ولا ايه؟ - هما مين دول اللي بقيت منهم؟ نور بسخرية - بتوع الحجاب والقماشات اللي بيحطوها علي دماغهم دي.. وقالت بضحك- دول ناس معقدين اوي - نور يا حبيبتي مين قال انهم معقدين؟ الحجاب عفة وستر ف الدنيا يا نور. نور بملل وعدم اقتناع- معلش يا هنا هقوم بقي المحاضرة هتبدأ ------------------ لقيت نور بقت بتتجنبني وتبصلي نظرات ساخرة ف اتجنبت الكلام معاها. قربت من حورية اوي وبقينا صحاب اوي وقربها ليا خلاني قريبة من ربنا اوي ❤️ عرفت ان الحاجز اللي كان بيني وبين ربنا هيا نور ، كانت بتقولي ان الحجاب ملوش لازمة وبتشجعني اني ملبسوش..' "واختر صاحباً يبعدك عن طريق الشيطان، لا من يشجعك علي السير فيه"❤️