Multaqa-😍 الملتقى 💖

نص ساعة مع صديق صدوق تقدر تغير نفسية أي حد مضغوط أو تعبان نص ساعة من الحكي بلا خجل واسترجاع الذكريات والمواقف والضحك على اللي فات نص ساعة من الفضفضة والإنصات والإحساس بالتفهم والاحتواء نص ساعة قادرة تكسب أي حد قوة ومناعة وحلول وارتياح إن الواحد قادر يكمل يتعافى المرء بأصدقائه؟ آه طبعًا يتعافى ولو بصديق واحد. - هيثم التابعي

الانستا حق الادمن 💚 https://instagram.com/a7med22_mo74?igshid=ZDdkNTZiNTM=

كُنت شغاله تأسيس مع بنوته فـ هيا ماشاء الله عليها متكلمه فـ بقولها واحد هو ربي ، إتنين بابا وماما قالتلي لا غلط ، قولتلها لي مش بابا وماما إتنين قالتلي لا بابا قال لماما إمبارح إحنا واحد .

يارب كل اللى بيتفاعل معنا ومشجعنا يتجوز اللى بيحبه😂♥️

- ما رأيكَ بالحجَّاج؟ = قبَّحَهُ الله وقبَّحَ من بَعَثَه، والله ما وُلِّيَ على الحجازِ شرٌّ منه - أتعرفُ من أنا؟ = وما يهمني من أمركَ لأعرف؟ - أنا الحجَّاج! = أتعرفُ من أنا؟ - من؟ = أنا مجنونُ بني عِجل، يأتيني الصرع مرتين في اليوم فلا أعرفُ ما أقول، وهذه -يا سيدي- واحدةٌ منهما.

بكلّم عمر ابني ١١ سنة video call وفجأة لقيته اتوتّر وقالي: بابا اقفل اقفل! قولتله: في إيه يا عمر؟! قالي: معلش بس اقفل ضروري وهبعتلك رسالة. قفلت لقيته باعتلي بيقولي الآتي: "معلش يا بابا علشان البنت الصغيرة جارتنا اللي باباها مات جاتلنا وخوفت لتضايق لو لقيتني بكلّم بابايا وهيّا معندهاش أبّ" 🤍 أنا بجدّ بشكر ربّنا من صميم قلبي إنّه أعانني أنا وزوجتي نربّي عيال نبيلة في زمن كاد يختفي منه "النّبلاء"! - طارق عبد الفتاح.

لو اتجوزت في المستقبل مش هعمل فرح، وده مش عشان التكلفة عالية واسافر بالفلوس احسن والجو ده انا بعد ما فكرت اكتشفت أني مش بطيق حد لدرجة اني اعزمه في فرحي يعني

- و ماذا عن اسمِها؟ = اسمها ندى؛ والنون في البداية ترمز لكونها نجمة عالية في السماء مُصانة لمن يستحقها .. والدال دربها جميل وطلتها مبهجة ومختلفة عن الجميع لا تشبه أحداً ، والألف أجمل روح ستراها في فتاة تصلح أن تكون محبوبة وزوجة وام رائعة، يحبها العالم وتحب الجميع بطيبة وجمال ، ندى يمكن أن تصفها بأنها ست بنات عصرها تلك الجميلة حد السماء

- أنا لا أخاصم أحداً لكن أغير رتبته عندي.. =كيف ؟ - لا أتواصل معه، لا أستجيب له، أغير مكانته عندي ولن تصبح كما كانت. لا أعطيه الوقت الذي كنت أعطيه له سابقاً.. لا أفكر فيه ولا أعطيه اهتماماً كما كنت من قبل.. و لا أخصه بالدعاء كما كنت أفعل .. وقد أغيّر حتى اسمه من الهاتف.. عظيمة هذه القاعدة التي فيها اقتباس من القرآن الكريم وقول الله سبحانه عز وجل "واهجرهم هجرا جميلا" من يؤذونك ولا يقدرون قيمتك ابتعد عنهم، لا تشغل بالك بهم، لا تخالطهم بخير أو شر أحسن الهجر، ارتق بنفسك عنهم، وكن خلوقاً حتى في الخصومة، واجعلهم يحسون بأنك لم تعد كما كنت.. الفكرة كلها تكمن في أن تحسن التجاوز، الحقدُ والتفكر في الكيد يتركك في دوامة من التعب النفسي والتفكير بمن لا يستحق. - ياسر الحزيمي

النِّسَاءُ في بيُوتِ الصّالحِين مَلِكَات. قرَ اللّٰه عيونَكن بزوجٍ صالحٍ تَقي نقي لا تشقين في صحبتِه أبدا من دارِ الدُنيا للآخرة.💚🌸

عمل المرأة مهم بشروط: الأول: ألا يكون للاستقلال عن الرجال لمجرد الاستقلال، فهذا باب فساد. الثاني: أن يكون مسبباً لا لمجرّد إثبات الذات، لأن عدم عملها ليس عيبُ فيها، ولا سُبّة لها. الثالث: أن تنتبه جداً للإختلاط ومفاسده، وأن طول أمده أقرب لفتنة القلب وانتكاسته دون أن تدري. الرابع: ألا تعتبر نفسها قوية بوظيفتها، وعالية بمكانتها، وربات البيوت ضعيفات بخدمتها لزوجها وأولادها، ونازلة برتبتها. الخامس: أن يكون عملها وسيلة لغاية، وليس غاية في حد ذاته. السادس: أن تدرك أن العمل بسبب الطلاق أو الترمّل أو عجز الزوج فيه الإعانة من السماء، فليست المضطرة كالمختارة. السابع: ألا يُقدَّم على مصلحة الأسرة، فإذا تعارضا، قدمنا مصلحة المجموع على الفرد. الثامن: ألا يكون وسيلة للمنّ والأذي على الزوج أو الأولاد، فهنا ضرره أكثر من نفعه.

الانستا حق الادمن 💚 https://instagram.com/a7med22_mo74?igshid=ZDdkNTZiNTM=

عايز انزل اروح ملاهي مع حد وننزل واطلع اللي جوايا من كبت وزهق ونتصور كتير كتير وافضل اضحك كتير وافرح نفسي اوي اوي بجد

السنة اللي فاتت زي النهاردة كنت قاعد أتفرج على فرح بتاع ناس قرايبنا عشان أختار عروسة والعيلة كلها ملمومة عشان تنقي معايا.. فأنا بقولهم إني عايز واحدة جميلة.. وإن الفيديو بيبين الحسن مش الجمال.. فأمي قالتلي ما تنقي بس وشاور ومرات أخوك أو أختك تعرفلنا دي مين ونخطبهالك.. فأنا حاولت أشرح لهم.. إن الحسن حاجة والجمال حاجة.. الحسن حسن الهيئة والصور.. والجمال جمال الموضوع والدواخل.. النبي محمد عليه السلام.. قال في يوسف النبي عليه السلام رأيته وقد أؤتي نصف الحسن.. لأن النبي يوسف كان حسن الهيئة.. إنما يقال في النبي محمد أنه أؤتي الجمال كله.. فمش معناه أبدا إنه كان جميل الهيئة.. إنما جميل ومكتمل الفكر والعقل والأدب.. ولذلك يقول أدبني ربي.. وربنا يقوله إنك لعلى خلق عظيم.. الشاعر نفسه يقولك.. ليس الجمالُ بأثواب تزينهُ.. إن الجمالَ جمالُ العقلِ والأدبِ ولذلك لا يتصف الله بالحسن.. لكن بنقول ان الله جميل محب للجمال.. والموسيقي جميلة مش حسناء.. والكون جميل.. والقمر جميل وفي القرآن يقولك ولكم فيها جمال حين تريحون وحين تسرحون.. ما قالش حُسن.. لقيت أمي قالتلي خلصت الموشح بتاعك.. والكلام بتاع كل يوم اللي قارفنا بيه ده.. نختار بقى فقلتلها مانا ماأقدرش أعرف جمالها من غير ما اشوفها.. قالتلي مانت شايفها أهو يابني.. قلتلها دي مش رؤية يا ماما ده نظر.. وفهمتها ان الشاعر قال.. في الديب والمعزة والراعي انظر بعقلك ان العينَ كاذبةُ... وإسمع بحسك إن السمعَ خوانُ ولا تقل كل ذي عينِ له نظرُ.. إن الرعاةَ ترى ما لا يرى الضآنُ.. يعني ممكن راعي الغنم يشوف الديب والغنم ما يشوفوش رغم ان الاتنين ليهم عين.. فأنا مش عايز ابص بصة الغنم واسيب بصة الراعي.. فأنا عايز أشوفها بعقلي زي سقراط لما كان بيقول تكلم حتي أراك.. مرات اخويا عماد بتقوله عاجبك أخوك اللي قاعد يطلع القطط الفطسانة دي في البنات.. قالها تصدقي عنده حق.. أنا لما اتجوزتك اتجوزتك عشان شفتك بكل حاجة فيا.. قالتله بجد.. طب أنا حلوة ولا جميلة؟ قالها إنتي جميلة بوش حسن أمي بتقول لعماد بطل يا أخويا قلة قيمة مع مراتك وشوف لأخوك عروسة.. قالها يا حاجة ده أحمد ده عايز يرعي غنم مش عايز يتجوز..

كان نفسي أتولد في الجيل اللي كان بيتخرج يلاقي شقته الايجار القديم و شغله المضمون ويخلص شغل الساعه 2 يروح بالبطيخه يتغدي مع العيله اللي كانت الزوجه فيها غالبا بتبقي ربه منزل و ينام له شوية و يصحي يخبط كوباية شاي قدام ماتش بتعليق محمود بكر الله يرحمه اللي كان صوته لطيف خفيف وبليل ينزل علي القهوه شوية أو يكمل سهرته علي مسلسل علي القناه الأولي وينام في سلام ..... لا كان شاغل باله بدولار ولا يورو ولا دهب ولا تعويم ولا credit card ولا summer vibes والهيصه دي كلها.

طول عمري لا اتدخل في شئون الآخرين لحد لما اسمع انه عايز ٣ معالق سكر عالشاي فساعتها بتبقي مسألة شخصية وبحطله نص معلقة بالعافية وسحقا لشئون الآخرين

الجواز مش صعب و مالوش دعوة بالدولار إنتوا إللي مصعبينهُ الجواز إشهار و قبول و كتب كتاب عند مأذون و مكان بسيط نحتفل فيه مع القريبين إنتوا إللي خليتوه أغلي غسالة و تلاجة و أجمد فرش و أجمد أوضة نوم و أحدث مطبخ و أحلي نيش و غيره ، الجواز محتاج بيت صغير ف أمان و محبة و بقية الحاجات تتجاب واحدة واحدة ، الجواز مش هدف نوصله و نموت نفسنا علشانهُ أصلا ً الجواز خطوة ف حياتنا تكمل بالشخص الصح إللى نلاقي راحتنا معاه و يهون علينا الشوية إللي هنعيشهم و خلاص .

جبتي جيد او جيد جدا او حتي لو جبتي امتياز الشاطرة باللي تعرف تعمل صنيه مكرونه بشاميل ومحشي جوزها يحكي ويتحاكي بيهم .😂😂

كان للفرزدق ابنة عم اسمها "النوار" قد أحبت رجلاً فطلبت من الفرزدق أن يكون وليها ويزوجها لهذا الرجل، فأخذها الفرزدق إلى الجامع وطلب منها أن تشهد للناس أنه وليها، فقالت: "اشهدوا أني قد وكلت ابن عمي الفرزدق في أمر زواجي"، فقال الفرزدق: وأشهدكم أني قد زوجتها لنفسي فهي بنت عمي وأنا أولى بها!

مش عاوز أصدمكوا إن احنا لازم نقول شكرا لسواق التاكسي بعد ما نوصل و لازم نقول شكرا لما نشترى أى حاجه من أى محل أو حد بيجيبلنا حاجه و لازم نقول شكرا بعد ما نسأل أي حد ف الشارع ع عنوان و لازم نقول شكرا لأى حد سواء بسيط أو مش بسيط ، عن كمية الناس إللي فعلا لما بقولهم شكرا بيستغربوا و بيقولولى أصلا حضرتك محدش بقى بيقولنا شكرا خالص كلمة شكرا بتفرح والله و ف ديننا الكلمه الطيبة صدقه متبخلوش بالشكر لأى بنى آدم .