Multaqa-😍 الملتقى 💖

‏مشكلة الاختلاط و الصحوبية بين الولاد و البنات، انك لما بتيجي ترتبط بشكل شرعي، بتبدأ تقارن بين الماضى والحاضر وبيكون عندك شعور دايم بعدم الرضا، دا غير إن تأثير الفترة دى عليك بيسلب منك جزء كبير من مشاعرك الحقيقة تجاه الشخص اللي معاك مع انه ممكن يكون أكتر شخص بيحبك، ودا لانك استهلكتها مع الشخص الغلط زمان، ف نصيحة احفظوا قلوبكم ومشاعركم للناس اللي تستاهلها بجد.

أنا بتعرض للرفض الأمهاتي ماما مش راضية تطلع اللحاف الجديد وسايباهولي لجهازي ملحوظة : أنا ولا مرتبطة ولا مخطوبة ولا مشروب عليا شاي ولا حد طايقني أصلًا

" وفي النهاية ، هتوصل لمرحلة إنك لا بتجري ورا حد ، ولا بتفتكر مين سأل ومين مسألش ، ومين خذلك ، ومين طلع عيل ، ومين بيقعد معاك وهو في ضهرك بياكل في لحمك بالغيبة .. هتبص للحياة حواليك زي الموج اللي بيروح ويجي ، وأنت مش عاوز غير إنك تعيش في سلام ، وتكبر دماغك .."

فيه ناس لو حضنوك مش بتحس بصدق حضنهم وناس تانية مجرد طبطبة على الكتف توصلك كل مشاعرهم ، فيه ناس لو زغرطوا في وشك لنجاحك مش بتصدقهم وناس تانية ضحكتهم من بعيد بتوصلك ، فيه ناس لو عيطت قدامك عشان يشاركوك احزانك مش بتشوف دموعهم وناس مجرد نظرتهم ليك بتوصلك كل مشاركتهم ..، فيه ناس لو واقفين حواليك في أي مشكلة مش هتحس بأمان وناس أول ما يظهروا تنسى الخوف .. المشاعر الحقيقية مش بتتحس بالكلام ولا اللمس المشاعر الحقيقية بتتحس بس بالروح لو عايز تختار صح اختار حبايبك وشركاء العمر بروحك .♥️

" مَفيش بنت مش بيجيلها عرسان ولو الموضوع موضوع جواز وخلاص كان زمان كل واحده ماشيه بعيل أو اتنين، لكن الموضوع مش كده خالِص البنت اللي بترفُض كتير مش بتتنَك أبداً ، هي بتكون بترفُض عشان مستنيه حد معين، مش شَرط تعرفه بس جواها مُرتبطه بيه ومِش عارفه تشوف غيرُه هي ممكن متعرَفش توصف هي عايزه إيه تحديداً بس من جواها عارفه وحاسَه وبتتكلم معاه وحَفظاه وأول ما هتشوفه هتحس بيه.. البِنت اللي متجوزتش لسه نَصيبها مجاش لسه مقابلَتش اللي اتخلقت من ضِلعه اللي الفراغات في ايديها اتخلقت عشان يكمَّلها.. لسه مقابلتش اللي تقول عليه هو ده! لكل بِنت مستنيه الفارس اللي في خَياله إنتي صح يا سِت البنات متيأسيش ومتسمَعيش لحد خليكي مستنياه وانتي كمان واثقه انه بيدَور عليكي عشان انتوا اتخلقتوا لبعض .." لقائلها ..🖤

س/ هل يجوز الجلوس أمام خطيبى بملابس ضيقة؟ وهل يجوز يهزر معايا؟ ج / الجلوس مع خطيبك بملابس ضيقة محرم، لأنه ليس زوجك.. أما الهزار فلو هزار على الواسع كده يبقى حرام، لكن لو هزار على الضيق كده يبقى حرام برضو.. مستنيين أقولكم حلال علشان الدنيا تخرب أكتر ما هي خربانة!

" متقلب الود لا يؤتمن ، وفاضح السر لا يؤتمن ، وناكر الجميل لا يؤتمن ، وكاسر الخواطر لا يؤتمن ، ومن يأتيك وقت فراغه لا يؤتمن ، وإن لم تأخذ الحذر مما سبق ، فأنت على نفسك لا تؤتمن .."

بمناسبه ان الخال المفروض ولاد اخته يحترموه وكده، النهارده بعد مزعقت لـ احمد ابن اختي اللي عنده 5سنين لقيته جاي وماسكلي الشبشب وبقوله انت هتعمل ايه بيقولي انا هعرفك تتكلم معايا عدل بعد كده .

_أين ذهبَ حُزنك ؟! _سقطَ مني وأنا ساجد ♥️'

الحمدلله ع نعمة الزمالك ولا قاعدين متوترين ولا هنلاعب ريال مدريد هو يدوبك بننزل نلاعب بترول أسيوط بنبقي خسرانين من قبل الماتش يبدأ اساسا

س/ إزاي أسعد زوجتي يا شيخ ؟ ج/ اغسلها المواعين . س/ لا بجد والله ؟ ج/ اه والله خليها تقوم الصبح تلاقيهم مغسولين وحط جنبهم ورقة قولها فيها أنا سندك وأنتِ روحي.

- ﴿‏وَلَا تَخَافِي وَلَا تَحْزَنِي﴾🌴💚

لقد استيقظ الشخص اللي فريقه هيلعب نصف نهائي گاس عالم النهاردة مع ريال مدريد 😎♥️

سلمت أموري لربنا ، سلمته مستقبلي وأحلامي ، وتفكيري وحيرتي ، وكُل تفصيلة في حياتي ، ورضيت وراضي بكل اللي بيجيبه وهيجبه حتى لو ما كُنتش فاهم حكمته وقتها ، نفر من قدر الله إلى قدر الله ، فـ يارب الخير في كُل أمورنا

نزلت أرمي الزباله ورميتها من بعيد ، نصها جه في الصندوق و النص التاني بره علي الارض ، صعب عليا عمال النظافة ، قعدت ألم فيها و أحط جوه الصندوق ، و لقيت عربية وقفت ونزل منها ست قد أمي كده وراحت مطلعة و جبه وقالتلي أتفضلي يا حببتي و لسه هتكلم معاها و أقولها أنا مش محتاجه ، راحت مطلعة 200 جنيه و حطيتها في أيدي، من وقتها و أنا قاعده جنب الصندوق .😊

مشغول بخمسين سنة وناسي خمسين ألف سنة! الشيخ حازم شومان

لما تحس ان الصلاه بقت تقيله عليك وبقيت تأخرها وساعات السنن تسبها وبتتمني شغفك للصلاه يرجع زي الاول ادعي ديما بالدعوات دي: " ربِ اجعلني مقيم الصلاهِ ومن ذريتي ربنا وتقبل دعاء " " اللهم أعني على ذكرك و شكرك وحسن عبادتك " " اللهم يا مقلب القلوب ثبت قلبي على دينك " وصدقني هترجع تصلي بشغف وبحماس بس اهم حاجة تخلص النيه لله. ~لقائله

- المواقع الإ باحـ .ية سبب لتأخير الزواج وضيق الرزق وغضب اللّٰه ونزع البركة وميتة السوء ؛ نسأل الله العفو والعافية

عاجبكم التلج وجسمنا إللي مش حاسين بيه ده يامحبين الشتاء ياولاد حواري موسكو .

عندما فتحتُ النافذة أثناء الزلزال، كان الناس يصرخون خوفًا، صرختُ بصوتٍ أعلى من صرخاتهم: -كبروا الله. أول من صرخ بالتكبير كان جاري الملحد. سوريا ٢٠٢٣ -خالد رعد-