Multaqa-😍 الملتقى 💖

في ناس انا متابعهم هما عالبحر من ساعة عيد الاضحى غالبا مش لاقيين حاجة يرجعوا القاهرة بيها لو حد يقدر يساعدهم يعني

تخيلي كده أنك متجوزه حبيب عمرك وفي شقه مثلا فالدور التالت عفش هادي مش أوڤر ، ألوان مريحه للأعصاب ، البيت مش مكركب ، وانتي طول اليوم واقفه لابسه التيشيرت بتاعه تعمليله اكلات وحلويات بيحبها ، ولما ييجي م الشغل يخبط عالباب تقولي مين يقولك بتاع الميلامين ، وعلي ما يدخل ياخد دش تكوني حضرتي الاكل ويقعدك ف حضنه وتاكلوا سوا ولما تقوليله أجيبلك الحلو ف يقولك لا انا هحلي بيكي انتي ، ويفضل طول النهار يعاكسك يقولك ايه المكنه اللي هربانه م المرور دي ، ولما تقوليله حاجه حصلت انهارده بس سر يقولك ايه انتي اللي قتلتي موفاسا ؟ وميكونش بيحب السمك عشان هو مقتنع أن السمك صحاب مش طواجن ، وتقضوا حياه خفيفه لذيذه اكيد مش هتخلوا من المشادات والخناقات بس اخر اليوم راسك متميلش غير ع كتفه ♥️.

لقد جاءنا من أرتضينا خلقه ودينه فما كان لنا إلا أن نقول "حلق عليه يا عم بخ"😂😂

•• ‏بِسم الله على قلوبنَا حتَّى تَطمَئن وَتَهْدَأْ ، إنَّما هِي دُّنيا والمُستراح الجنَّة..فَاللهُمَّ الجنَّة.

السلام عليكم ورحمه الله وبركاته النقاب عبادة، والزواج رزق فمن ظن أن العبادة تمنع الرزق فقد اساء الظن بالله والسلام 💙

ذكر اسم اللي بتكلمه أثناء الحديث تأثيره قوي جدًا عليه، هيشدُّه أنه يسمعك ويركز معاك..والأهم، والأعظم إنه هيألف قلبه ناحيتك وهتكسب محبته . ذكر الاسم أثناء الكلام آية على المحبة والاهتمام . ومن جانب آخر الإكثار من ذكر الاسم أثناء الحكي أمارة على إنك مميز عند فلان، أنت بتستلذ بالاسم لحبك لصاحبه أو صاحبته. مؤنسة مجنون ليلى مليانة بذكر اسم "ليلى". ‏في معلقة امريء القيس، لما اقتحم الهودج بتاعها .. كان من أدلة رضاها بيه ‏إنها قالتله "يا امرء القيس فانزل" ‏مقالتش انزل و سكتت لا اتعمدت ذكر اسمه.🩵

يا مرحبــا بكلّ خيبة تعلّمنا منها وضع حدٍّ لتوقّعاتنا بالأشخاص ☁️

لو سألت أي راجل متجوز إيه اللي عاجبك في زوجتك ومكملين العمر ده كله مع بعض؟! هيقولك علشان بتريحني بتقول حاضر بتسمع كلامي بتفهمني بالنظرة بالكلمة بتحافظ علي شرفي، بتقّدر تعبي وعينها مليانة بترضي بأي حاجة. مفيش واحد هيقولك علشان كليتها كلية قمة ولا عيناها خضرا ولا علشان بيضة ولا علشان طويلة وشعرها أصفر ولا سايح. صدقني كل ده ممكن تتغاضي عنه لأن الحاجات دي نسبية طالما فيه راحة نفسية وتفاهم وتكامل. دلوقتي تقدر تفهم يعني إيه فاظفر بذات الدين تربت يداك 👌

‏في راجل كبير النهارده بيحكيلي بيقولي اغنيه "اعذريني في يوم زفافك مقدرتش أفرح زيهم " أنا عيشتها بجد بقوله إزاي بيقولي كنت بحب واحدة لدرجة كبيره وكان في مشاكل بين العيلتين ورفضوا يجوزونا يوم فرحها روحت الفرح وعيط وهي كمان تعيط ولحد دلوقتي مش قادر أنساها، ‏أتجوزت سميت بنتي على إسمها وهي سمت أبنها على إسمي ولحد النهارده لما بشوفها أو مجرد تيجي سيرتها أو إسمها بعيط وبيقولي أوعى تصدق اللي يقول إن اللي بيحب بينسى أنا قالولي أتجوز هاتنسى أتجوزت منسيتش طيب خلف هاتنسى بردو منسيتش ف قالي ما ينهي الحب إلا انتهاء الحبيب وكان هايعيط. عاوز اقول هوا إيه دا بجد يعني.. السؤال معقولة لسه في ناس بتحب بالطريقة دي وبتفضل متعلقة بناس خلاص يعتبر وجودهم في حياتهم مستحيلة؟ منتظر اجابتكم ..

الإنسان لو ماقتنعش إن الحياة الحقيقية في الآخرة وإن الجنة هي المكان الوحيد اللي هيرتاح فيه بجد. هيفضل يتصدم في الحياة بشكل مرعب! هوّن على نفسك .. الصبر والرضا من مفاتيح المرور من هذه الدنيا الضيقة، لجنة الله الواسعة اللي مفيهاش حزن ولا ألم ولا شقاء، كلها راحة وفرحة وبس .. سُئل عثمان بن عفان: متى الراحة يا عثمان؟ قال: عندما تدخل رجلي اليُسرى بجوار اليُمنى على عتبة الجنة.

مع الوقت هتكتشف إن جمدانك في سكوتك اللي عاوز يدخل الشارع قبلك سيبه اللي عاوز يثبت إنه أشطر منك سيبه اللي عاوز طول ما هو قاعد يفتي ويحكي قصص وهمية سيبه اللي عاوز يقول أنا الأقوى سيبه اللي عاوز يقول أنا اللي عملت سيبه واللي عاوز يحكي عنك وحش سيبه. طول ما انت واثق انت إيه؛ افرد ضهرك واقعد ساكت تمامًا! اتفرج على الفقره فقط! لأن محاولة حتى اثبات ذاتك فيها تقليل من شأنك.

يجب على المرأة ان تعي انه عندما تتزوج تفقد حقها في أن تكون عنيدة أو مستقلة… و عندما يتزوج الرجل يفقد حقه في أن يكون طائشاً و غير مسؤول … إذا تزوجت المرأة وهي تحاول أن تحتفظ باستقلالية أو عناد في شخصيتها فمصيرها المحتوم هو الزواج الفاشل… و إذا تزوج الرجل وهو لا يزال يتصرف بغير نضج وقلة مسؤولية فمصيره المحتوم هو الزواج الفاشل… فالمطلوب من الزوجة هو الطاعة والسكن..و المطلوب من الزوج هو الأمان وتحمل المسؤولية… إذا كنت لا تستطيعين القيام بدور الزوجة لا تتزوجي… و إذا كنت لا تستطيع القيام بدور الزوج لا تتزوج… فالزواج ليس سدًّا للفراغ، ولا النهاية الطبيعة لقصة الحب كما في الأفلام… الزواج هو أمر ديني هدفه إقامة علاقة طويلة الأمد…هو ميثاق غليظ وله شروط يمليها الدين وفيها إلتزامات من الطرفين.

يجب على المرأة ان تعي انه عندما تتزوج تفقد حقها في أن تكون عنيدة أو مستقلة… و عندما يتزوج الرجل يفقد حقه في أن يكون طائشاً و غير مسؤول … إذا تزوجت المرأة وهي تحاول أن تحتفظ باستقلالية أو عناد في شخصيتها فمصيرها المحتوم هو الزواج الفاشل… و إذا تزوج الرجل وهو لا يزال يتصرف بغير نضج وقلة مسؤولية فمصيره المحتوم هو الزواج الفاشل… فالمطلوب من الزوجة هو الطاعة والسكن..و المطلوب من الزوج هو الأمان وتحمل المسؤولية… إذا كنت لا تستطيعين القيام بدور الزوجة لا تتزوجي… و إذا كنت لا تستطيع القيام بدور الزوج لا تتزوج… فالزواج ليس سدًّا للفراغ، ولا النهاية الطبيعة لقصة الحب كما في الأفلام… الزواج هو أمر ديني هدفه إقامة علاقة طويلة الأمد…هو ميثاق غليظ وله شروط يمليها الدين وفيها إلتزامات من الطرفين.

عايزة أقول إن الأزهر مش بيتميز بالتعليم أوي، يعني محدش هيخرج منه fluent في الانجلش ولا معاه لغة ألماني وصيني وياباني زي المدارس الانترناشوال، الأزهر بيحافظ ع الفطرة وبيعلم الدين وبيزرع فيك حب وخوف من ربنا فطري عشان طول سنين عمرك في الدراسة بتسمع حلال وحرام مش صح وغلط فـ مهما الدنيا تصورلك إن ده صح وإن الناس كلها بتعمل ده بتفضل عارف إنه حلال أو حرام ، وبيخلي في دايرتك ع الأقل شخص واحد قريب من ربنا كل لما تشوفه بيعمل حاجه صح بتعمل زيه .. مش فاكرة كام مرة كنا في محاضرة وحد قال الضهر أذن وأغلبنا رايح يصلي، وكام مرة اتفتح نقاش في حاجه والردود كانت بآيات وأحاديث .. الأزهر أهم مادة فيه هي القرآن كنا كل يوم من صغرنا نروح أول 3 ساعات حصص قرآن رغم أن وقتها كنا زعلانين أوي إنه ليه كدا بس دلوقتي بنحمد ربنا، ولا إحساسنا في كل مرة بنسمع آية في الراديو ولا في اي مكان ونكمل مع الشيخ .. قعدت سنين بقول يارتني دخلت عام بـ 7 مواد وخلصت ومجرد ما تعاملت مع "المجتمع" حمدت ربنا وبقيت أقول لبابا إنه ده أصح قرار خده لما دخلنا أزهر والدنيا كلها كانت بتقوله بلاش .. المواد كلها اتنست سواء اللي درس 7 مواد أو اللي درس 18 بس اللي اتربى في كل واحد فينا هو ده اللي باقي والحمدلله عليه بجد 💚 يكفينا من الأزهرِ أنّ نسمع الأيات تُتلى في الطرقات ووسائل المواصلات فنردد مع القارئ.. أو يُروى الحديث فتستغربه الآذان وتألفه آذاننا لأننا نحفظه من قبل، أو يذكرُ الصحابى فنسرد سيرته بتلقائية دون تلعثم وتكلف لأننا كثيراً ما سُئلنا مَن راوى الحديث وماذا تعرفُ عنه.. دخلوا أولادكم الأزهر.. حتىٰ وإن لم تفز إلا بالقرآن فقد ربح البيع..💚

‏"التقيتُ بك فتصالحتُ مع العالم، عفوت عن الغائبيِن، وعذرت كل الرّاحلين، منذ أن التقيتك وأنا أرىٰ أن لا شيء يدعوا للغضَب إلا غيابك."!💕 من كافكا إلى ميلينا »»

"مَا اختَرْتُ حُبَّكَ تلك كانَتْ قِسْمَتي ‏والحُبُّ مثلُ طَعَامنا أَرْزَاقُ.."♡

"تعالي اصورك" تقريباً ف كل مره بنتقابل او بنكون ف مكان حلو بلاقيه يروح مطلع موبايله ويصورني وبتترسم على وشه ابتسامه جميله عريضه ويفضل يفرك ويتنطط يمين وشمال عشان يظبط الصوره ، ومهما كان شكلي مبهدل او تعبان الصوره بتكون حلوه.♥️ شكراً على كل مره حسستني اني جميله بالرغم من كل التعب اللي بيكون باين عليا .. شكراً انك دايماً محسسني انك بتدعمني وبتحميني واني ف أمان .🙏🏻♥️ دي حاجات بالنسبه لي اهميتها اعلى واقيم من الحب ومن اي حاجه تانيه ف الدنيا.💕 You’re the purest one I’ve known .♥️

‏"أخذ الطبيبُ بمعصمي متحسِّساً نبضاتِ قلبي ثُمَّ قالَ: غريبُ!" لا نبض عندك أين قلبك يافتي فأجبت قد أخذ الفؤاد حبيب أبدى ابتسامته وقال : تجيئني؟ اذهب إليه فما سواه طبيب.. ❤

عارف لما حد يقولك أنا حاسس بيك.. أنا مقدر اللي بتمر بيه ، إنت متخيل "أنا جنبك" ممكن تهون عليك أد ايه ؟! وحتى لو ماقدملكش حلول ، بس قدملك الأهم.. الدعم النفسي ، ولما بتحكي مش بتبقى مستني حل لمشكلتك ع أد ما بتبقى محتاج إيد ع كتفك تطبطب وتحسسك إنك مش لوحدك وإن فيه حد مشاركك همك ، الدعم النفسي ف الأوقات الصعبة ما بيتنسيش والتخلي ف أشد الأوقات إحتياجاً برضه ما بيتنسيش..

جعلك الله لي خير الرفيق وجعلني لك نِعمَ الشريك♥️