Зоҳид Остон

Badanlar badanni turganda iskab, G‘iybatlar bir shirin chaynalib tursa Ayo, sen qaydasan bedor yuragim? Zohid Oston t.me/sen_kechikma

Shunaqangi qor yog‘yapti...... t.me/sen_kechikma

Bir ko‘ngilda gumonlar suzar, Bir ko‘ngilda kechar mojaro. Bir ko‘ngil bor og‘riqda yashar, Bir ko‘ngil bor ketolmas ayro. Bir ko‘ngilda aldovlar hokim, Bir ko‘ngilda ishonch darz ketgan. Bir ko‘ngil bor muhabbat g‘olib, Bir ko‘ngil bor hijron zabt etgan. Bir ko‘ngilda sudralar tashvish, Bir ko‘ngilda imillaydi vaqt. Bir ko‘ngil bor juda bedarak Bir ko‘ngil bor hamon topmas baxt. Bir ko‘ngilda simillar azob, Bir ko‘ngilda o‘ylar qalashgan. Bir ko‘ngil bor himoyasizdek Bir ko‘ngil bor ko‘ngil talashgan. Bir ko‘ngilda gina, husumat, Bir ko‘ngilda bo‘sa tosh qotgan. Bir ko‘ngil bor nafrat semirib, Bir ko‘ngil bor o‘zin yo‘qotgan. Bir ko‘ngilda begona qarash, Bir ko‘ngilda soxta tabassum. Bir ko‘ngil bor qayg‘udir uyi, Bir ko‘ngil bor shunchalar ma’sum. Bir ko‘ngilda gumonlar suzar, Bir ko‘ngilda kechar mojaro!.. Zohid Oston t.me/sen_kechikma

Kitap Qaraqalpag'istang'a jetip keldi. Aldim. Raxmet sizge kop-kop. Jumislarin'izda tabislar😊

ba'zan; Biz bu oxiri deb o‘ylaymiz, umidsizlikka tushamiz va qalbimizda qorong‘ulikni his qilamiz. Lekin birdan, Alloh sizni ajoyib hadiyalar bilan ajablantiradi va Uning rejalari har doim siz tasavvur qilganingizdan ham yaxshiroq ekanligini o‘rgatadi. t.me/sen_kechikma

Umrim o‘tdi bu dunda qoshinga eltmay mani, Ko‘zimdin ko‘zing qadar yoshinga eltmay mani. Gohi tinib, goh kezib maysalar bag‘rin ezib, Ketar menday bir bebosh, boshinga eltmay mani. Yuzim tunddek qoraymish xislatim kibor kiyib, Nihon bo‘lding yuzingdek quyoshinga eltmay mani. G‘am sitam borasida, tuyg‘ular norasida, Yur, uning orasida, toshinga eltmay mani. Bu jununda yor istab tentirading ey, Zohid, Ayo, taqdir ayirmish yuldoshinga eltmay mani. Zohid Oston t.me/sen_kechikma

Assalomu alaykum va rahmatulloh. Sovg'ani ovoldim, rahmat kattakon, ijodingizga omad👍

Yaqinda suratga olindi Izohsiz... t.me/sen_kechikma

O, g‘amlar! Bir baxtlar bo‘lsinki Hayratla boqib, Unga ozor berganing kabi Ichikib, entikib To‘kilib, zorlanib Tutab ket! Tutab!.. Toki u shodlikka Munosib bo‘lsin!.. Zohid Oston t.me/sen_kechikma

Goho gulduros chaqinim mening, Yodimga tushgan yaqinim mening. Seni topguncha men qayda edim..? Zohid Oston t.me/sen_kechikma

Jonli suhbat boshladik!

Efir qilamizmi? + bilan ha

Ketayapsan menga aylanib, Chehrangda yo‘q shodlikdan nishon Avvalgidek g‘amlarga oshno, Avvalgidek bo‘lding parishon. Ketayapsan men kabi yolg‘iz, Yurak bo‘m bo‘sh huvillagan uy. Bu uylarki anduhga mehmon, Bu uylarni yemirmoqda o‘y. Ketayapsan beun tizginsiz, Xayolingni yig‘ishtirmaysan. Nega baxtlar kelganda yakka, Nega baxtni sig‘ishtirmaysan. Ketayapsan horg‘in, ezilgan, Nigohing yer suratin chizib. Va tushgandek tashvish ko‘yiga, Va o‘zingni olmaysan uzib. Ketayapsan menga aylanib, Chehrangda yo‘q shodlikdan nishon Avvalgidek g‘amlarga oshno, Avvalgidek bo‘lding parishon. Zohid Oston t.me/sen_kechikma

Mana yurak mana baxt Mana toju, mana taxt Mana ko‘zgu, mana ahd Kelasanmi men bo‘lib... Zohid Oston t.me/sen_kechikma

Muddai balog‘atga mashvariddin nola qilg‘il, Ul dahrki suman aro ko‘zlaridin jola qilg‘il. Mastlig‘ afshon, nuri zavqiy, yo‘q alarg‘a bosh egma, Olsalarkim dor ostig‘a, sen o‘rib tola qilg‘il. Haqni vasfin aylayursan ruhu-taning, jon birla, Ki, yo‘linda kishanlarni ayoqingda mola qilg‘il. Ul sanam parivashning tun uzra san ayvonida, Nedur tong otg‘uncha o‘zni unga havola qilg‘il. Fig‘on ko‘ksi chaqmoq o‘ldi, Zohid ani eshitgil, Chu muhabbat o‘zingki, nigoh-la imola qilg‘il. Zohid Oston t.me/sen_kechikma

Ey, ishqi avvalim, oxirim mening, Hajringda o‘rtanib ko‘rmadim nelar. Qo‘l siltab bariga faqat bir sening, Ko‘zlaringa qarab yashagim kelar. Kuysamu, ko‘nglimga sig‘may ohiri, Portlasam, Portlasam shunday baqirsam. Eng so‘ngi nigohim ufqqa qadab, Ismingni qo‘ymayin aytib chaqirsam. Osmonlar gulduros chaqmoq chaqmasmi, Ko‘ksimni ezmasmi qayg‘uli vido. Yo, bunga mumkinmi chidab yashamoq Mumkinmi bariga ko‘nmoqlik Xudo?! Iztirob totlidir, iztirob rohat, Umrim so‘qmoqlarda kechdi so‘kildim. Bu balki sen tomon so‘ngi sayohat, Xatjild yuragimni ochdim, to‘kildim!.. Qo‘l siltab bariga, pokiza sening Ko‘zlaringa qarab yashagim kelar... Zohid Oston t.me/sen_kechikma