ثالث ثانوي مسارات 💜

كلكم تعالو هنا بتفيدكم للفظي

ابي تقرير عن زيارة اي مكان ، مهارات ادرايه

كيفكم؟

• بسم الله الرحمن الرحيم الي يقولون مو جاهزين للدراسة وتعب وقرف يحلوين حطوا في راسكم ان دي اخر سنة و بعدها بتشق طريقة السنة دي اكون او لا اكون خلاص بتحدد ايش الجامعة الي تبغا تروحها ادا كنت ناوي تخش جامعة او فين تبغا تبتعث و تحت ايت بعثه تبغا تروح زي بعثة ارامكو او نيوم وايش التخصص الي تبغا تدخله وايش الطريق الي بتمشي فيه عشان تحقق احلامك واهدافك و اشياء كثير بتبدأ تترتب عليك ف هل بتكون قدها وربي يوفقك ويسهل دربك ولا بتجلس تتحسف على نفسك صح ان المشوار ما انتهى وباقي منه كثير بس مب اكثر من الي انت قطعته و حققت فيه انجازات و اتعلمت منه اشياء كثير الزبدة السنة ذي حطها تحت شعار • اكون او لا اكون • و انا كلي ثقة انك قدها و بتوصل لو مهما كان قدامك عقبات انت قدها مو غلط او عيب انك تتحسف ليش بس انا الي اعاني ليش طريقي صعب الغلط انك تتفرج على الناس تتقدم وانت واقف 🤍🤍.

السلام عليكم، كيفكم ياحلوين؟ وحشتوووننيي موووت ان شاء الله تكون سنه حلوه علينا ومليانه انجازات وفرح وطبعًا م ننسى اننا اول و افضل واجمل واحسن دفعة مسارات💅🏽 وعشان نكون كذا لازم نذاكر صح، حبايبي في مننا ناس ماقفلو القدرات، والتحصيلي جاي بالطريق ولازم نجيب معدل كويس بالمدرسه، باذن الله مافي شي يصعب علينا نتوكل على الله وتنحل وتذكروا انها سنه وبتعدي لكن هالسنه من بعد الله بتحدد مستقبل سنييين قدام. طيب كيف نذاكر؟ •اول شيء احضروا اول اسبوع وشوفوا اصعب مواد عليكم "ماش شي صعب عليكم بس برضوا" •اعطو المواد الاساسيه وقت اكثر من العامه •تقسيم الوقت مررااا مهههمم ما ينفع تذاكرون بدون تقسيم وقت قسمو وقتكم مثلا "من ١ لين ٤ تذاكرون الي خذيتوه بالمدرسه، ٦ لين ٨ اذاكر قدرات ساعتين كمي وساعه لفظي وذاكرو ٢٥ دقيقه و ٥ دقايق بريك •الويكند اجمعوا فيه حق الاسبوع كامل وخلو القدرات ٤ او ٦ ساعات الي تقدرون عليه وركزوا بذي الاشياء •انتبهوا لشرح المعلمين بالحصص بيسهل عليكم اشياء واجد وبيعطيكم وقت للقدرات والتحصيلي •اي شيء المعلمين يقولون عليه حطوا عليه مليون نجمه وتاكدو انو جاي بالاختبارات الفترية والنهائي وكذا جمعتو اساله بمجرد الشرح بس •اي شيء ما تفهمونه على طول اسالو المعلمين لا تنتظرون ابد "ولو تسالونهم عن اسئلة قدرات وتحصيلي بيعرفون انكم تذاكرون وبيساعدونكم وممكن مايضغطونكم بمشاريع وواجبات" ونصيحة اخيرة ، ثالث هي سنة وحدة بس هي الي بتسوي انتقاله لحياتكم الجايه ، شهادتكم هذي بتحدد مصيركم ليمكن ٥٠ سنه قدام بعد ربنا ف اجتهدو واتعبووو فيها حطو كل طاقتكم في هذي السنه عشان ما تندمون بعدين ، نهاية السنه لمن تشوفو انكم تخرجتوا وانقبلتوا في الرغبه الاولى والله بتنسون كل التعب والسهر والجهد الي بذلتوه ، لذة الوصول نهاية السنه جداً جميلة وان شاءالله كلكم توصلون للي تبونه 🤍

انتهت الاجازه على خير احنا دفعات المسارات اول دفعه تحلمنا واجد واثقل كلها كم شهر ونتخرج شدو حيلكم كويس بنات والله يوفقكم يارب وتجيبون درجات عاليه وان شاء الله كلكم تنقلبون بتخصص احلامكم وجامعه احلامكم بس عليكم " سوره البقره و النور - الدعاء - الاستغفار - قيام الليل - الصلاه الابراهيمية💙.

يتولّاك الله، بينما تظنّ أنك بمفردك. -الوتر

تذكير بصيام تاسوعاء وعاشوراء .. ‏الخميس ٢٧ / ٧   ٩ محرم ‏الجمعة ٢٨ / ٧    ١٠ محرم ‏قال النبي عليه الصلاة والسلام " صيام يوم عاشوراء أحتسب على الله أن يكفر السنة التي قبله " ‏وعن ابن عباس رضي الله عنه قال: "ما رأيت النبي يتحرى صيام يوم فضله على غيره إلا هذا اليوم ، يوم عاشوراء "💕💕💕💕

يقال إن لم تستطع إسعاد شخص تحبه ❤️ فادعُ الله أن يسعده فهو أعلم منك بمواطن إسعاده. اللهم أسعد كل من أحببت وعرفت وقابلت وزاملت ومن أحسن إليّ ومن علمني ومن تعلم مني.. سعادة أنت أعلم بها مني وأرح قلوبهم وبشرهم بالأقدار السعيدة. ‏اللهم اجعل الصحة خير صاحب لأجسادهم والسعادة خير رفيق لهم، والتوفيق الدائم في دربهم وبارك فيهم ولهم وأصلح لهم دينهم ودنياهم يارب العالمين وسخر لهم من وليته أمورهم إنك على كل شيء قدير…. 🤲🏻🤲🏻🤲🏻❤️❤️❤️