Ustaza Ummulyatama Abdullahi

*MU ROƘI ALLAH TABBATUWA AKAN DAI DAI* Shaykh Saleh Al-Fauzan (Rh) Ya ce: "Lallai dan adam ya cigaba da roqon Allah tabbatuwa akan dai-dai koda yasan gaskiyar yana aiki da ita". التعليق على شرح السنة (1/48) Telegram https://t.me/hausaislamicpicturesquotes Instagram https://instagram.com/hausa.islamic.pictures.quotes?igshid=11g6c9k6osqg5

WATAN AL-MUHARRAM. - "Watan Allah al-Muharram wata ne na farko a cikin jeranyar watannin musulunci, kuma na ƙarshen watanni huɗu masu alfarma" - Allah ta'ala yace: {{إِنَّ عِدَّةَ ٱلشُّهُورِ عِندَ ٱللَّهِ ٱثْنَا عَشَرَ شَهْرًا فِى كِتَٰبِ ٱللَّهِ يَوْمَ خَلَقَ ٱلسَّمَٰوَٰتِ وَٱلْأَرْضَ مِنْهَآ أَرْبَعَةٌ حُرُمٌ}} Ma'ana: "Lallai ne ƙidayayyun watanni a gurin Allah wata goma sha biyu ne a cikin littafin Allah, a ranar da ya halicci sammai da ƙasa, daga cikinsu akwai huɗu masu alfarma" - Hadisi kuma: "Manzon Allah sallallahu alaihi wasallama yace: Lallai zamani ya kewayo kamar yadda ya saba, ranar da Allah ya halicci sammai da ƙasa, watanni goma sha biyu a cikinsu akwai huɗu masu alfarma, uku masu biye da juna, Zhul-Qa'ada. Zul-Hijjah. Al-Muharram. Da kuma watan Rajab wanda yake a tsakanin Jumada da kuma Sha'aban" Bukhari: 3197. Muslim: 1679. - Telegram channel https://t.me/hausaislamicpicturesquotes - Biyo Instagram ɗinmu https://instagram.com/hausa.islamic.pictures.quotes?igshid=11g6c9k6osqg5

YAWAITA SALATI GA ANNABI ﷺ. - "Salati ga annabi yana da mafificin lada musamman a irin wannan rana ta juma'a, ta yadda babu wani ɗaya da zai yi masa salati guda ɗaya face sai shima Allah yayi masa guda goma dalilinsa" - "Yana da matuƙar kyawu ga rayuwar ɗa musulmi ta ƙare cikin yiwa Manzon Allah salati, haƙiƙa wannan aikin lada ne mai tarin yawa" - "An sami ruwaya kuwa Ubaiy Bin Ka'ab, (r.a) yace: ya Manzon Allah!, lallai ni ina yawaita salati a gareka, shin sau nawa zan dinga yi maka salatin?, sai yace kayi yadda kaso, sai yace zanyi maka kaso huɗu (na rayuwa ta), sai yace yadda kaso dai, idan ka ƙara akan hakan shine yafi alkhairi gareka, sai yace zanyi maka salati na rabin (rayuwa ta), sai yace yadda kaso dai, idan ka ƙara akan hakan shine yafi alkhairi gareka, kaso uku cikin rayuwa ta, sai yace yadda kaso dai, amma idan ka ƙara shine yafi alkhairi gareka, sai yace zanyi maka salati acikin dukkanin rayuwa ta, sai yace to haƙiƙa ya isheka maganin dukkanin damuwar ka, kuma za'a gafarta maka zunubanka" صحيح الترمذي (2457) قال أبو عيسى هذا حديث حسن. - Biyo Instagram ɗinmu https://instagram.com/hausa.islamic.pictures.quotes?igshid=11g6c9k6osqg5 - Telegram channel https://t.me/hausaislamicpicturesquotes

*MU YAWAITA SALATI A GARESHI SAW A DAREN JUMAA DA RANAR JUMA'A* - Manzon Allah (SAW) Yace: "Ku yawaita salati a gareni ranar juma'a da kuma daren Juma'a, duk wanda yayi salati ɗaya a gareni, Allah zai yi salati goma a gareshi". [Sunan Baihaqy 5994] - Telegram https://t.me/hausaislamicpicturesquotes - Instagram https://instagram.com/hausa.islamic.pictures.quotes?igshid=11g6c9k6osqg5 - Facebook https://www.facebook.com/groups/4329860357034439/?ref=share

*WAYOYIN HANNUNMU KALUBALENE A GAREMU!* Wayoyin hannunmu basu da nauyi ko kaɗan amma zasu iya tara mana zunuban da bazamu iya ɗaukar su ba ranar lahira... Idan mun goge abinda muka kalla ko muka rubuta a cikin wayoyinmu  saboda muna da ikon gogesu to yaya zamuyi da wanda aka rubuta mana a cikin littafin ayyukanmu? hakan kenan ya nuna mun goge "photo copy" mun manta da "original copy" Wanda bamu isa mu goge saba sai da tsantsar tuba na gaskiya da gyaran ayyukanmu na yau da kullum, idan Allah yayi nufi sai ya wanke mana dukkan dauɗar laifukan mu. Telegram https://t.me/hausaislamicpicturesquotes Instagram https://instagram.com/hausa.islamic.pictures.quotes?igshid=11g6c9k6osqg5

ZIKIRIN SAFIYA DA MARAICE. - "Kada ka rafkana daga zikirori a rayuwarka, musamman ma irin zikirorin safiya da maraice, da makamantansu, domin haƙiƙa shaiɗan yakanyi galaba kan duk wanda yake gafala daga yin addu'oi a rayuwarsa" - "Yo sau nawa wata musiba take shirin afkuwa gareka amma a dalilin addu'oin da ka kasance kana yi yau da kullum sai Allah ta'ala ya karkatar da wannan musibar izuwa wani gurin, sau nawa wani bala'in yake tunkaroka amma dalilin zikirorin da ka kasance kana yi sai Allah ya taƙaita wannan bala'i ya sauka a kan kayanka a maimakon ya sauka a karan-kanka" - "Haƙiƙa akwai falala a cikin yin zikirori a rayuwa, domin haƙiƙa shi zikiri kariya ne kuma garkuwa ne ga bawa, sannan kuma haƙiƙa Allah yana bawa bawansa lada idan ya kasance yana kiyaye yin zikiri musamman irin zikirin da ya tabbata a sunnah" - ❝Duk wanda yace SubhanAllahi Wa bi Hamdi سبحان الله وبحمده Sau ɗari a rana, za a kankare masa zunubansa koda kuwa sun kai misalin yawan kumfar kogi❞ - Biyo Instagram ɗinmu https://instagram.com/hausa.islamic.pictures.quotes?igshid=11g6c9k6osqg5 - Telegram channel https://t.me/hausaislamicpicturesquotes