🕌🕌"Хазрати Усмон" жоме масжиди🕌🕌

"Дунё ишлари чала қолади!" - деб, Роббингни тарк этма! Зеро мозорлар, ишлари чала қолганлар билан тўладир... ✍️Мавлоно Жалолиддин Румий @xazrati_usmon

АЖИБ АҚИДАНИ ЛОЗИМ ТУТГАН СОХТА САЛАФИЙЛАР "Саҳобалар ақидаси" дейишади, ҳолбуки саҳобалардан битта ҳарф нақл қилишмайди; балки ибн Таймия ва Ибн Абдулваҳҳобдан нақл қилишади. .. Қизиғи шуки :) Мен 194 йилда туғилиб 256 йилда вафот этган имом Бухорийнинг (Аллоҳ таоло кулади) деган ҳадисини - имом Байҳақий Асмо ва сифотда нақл қилганидек - таъвил қилганлиги, дарҳақиқат (кулишнинг маъноси меҳрибонликдир) деганини зикр қилган эдим. ... Биттаси келиб: "Бу саҳобалар ва салафларнинг мазҳабимас, балки салафларнинг мазҳаби зоҳирига кўра қабул қилишдир, Ибн Таймийя "АЙТАДИ": ..." деб ёзибди. ... Яхшилар! Салаф ким? Иккинчи ҳижрий асрда таваллуд топган Бухорийми ё еттинчи асрда туғилиб саккизинчи асрда вафот топган ибн Таймиями?! Сайф Ал-асрий Муҳаммад Аюб таржимаси Дўстларингизга ҳам улашинг: @xazrati_usmon

Шайх Мағомисий айтади: «Дунё ишларидан бирига боғланиб қолсанг-у, у сенинг бор ташвишингга айланиб қолса, қўлингни кўксингга қўйгин-да, «Аллоҳим! Қалбимнинг муҳаббатини, боғлиқлигини ва Ўзинг томон юзланишини зиёда қилгин!» деб айт». @xazrati_usmon

Иёз ибн Ҳимар розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Аллоҳ таоло менга камтарлик қилишни, бирор кимса бошқа бир кимсадан фахрланмасликни ва бирор киши бошқа бировга зулм қилмасликни ваҳий қилди”, дедилар”. Муслим ривоят қилган. @xazrati_usmon

#Ҳадис Каъб ибн Ужра розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Фарз намозлари сўнгидан бажариладиган бир неча тасбеҳлар борки, уни айтувчи киши ноумид қолмайди. Улар ўттиз уч марта «Субҳаналлоҳ», ўттиз уч марта «Алҳамдулиллаҳ», ўттиз тўрт марта «Аллоҳу акбар»дир», деб айтдилар. Имом Муслим ривояти». Дўстларингизга ҳам улашинг: @xazrati_usmon

Ҳақиқий уламолар Имом Аҳмад ибн Ҳанбал роҳимаҳуллоҳ ўзларининг “Муснад”ларини уч кишига мукаммал айтганлар холос. Ҳанбал ибн Исҳоқ айтади: “Аҳмад ибн Ҳанбал мени, Солиҳни ва Абдуллоҳни жамлаб бизга “Муснад”ни ўқиб берди. Уни биздан бошқа ҳеч ким эшитмаган. Ваҳоланки, у бизга бу китобдаги ҳадисларни етти юз эллик минг ҳадис ичидан танлаб олганини айтан эди”. Яъни, имом Аҳмад роҳимаҳуллоҳ “Муснад”ни шунча меҳнат ила жамлаган бўлсаларда уни учтагина инсонга имло қилишдан зерикмаганлар Аллоҳ рози бўлсин! Инсон кўпчиликка қизиқади, кўпчилик унга ёқади. Мухлисларининг зиёда бўлганида қувонса, уларнинг камайганидан қалблар маҳзун бўлади. Бу тўғрисида нафслар турлича бўлади. Аммо бу жойда бошқа нарсани сўзламоқчимиз. Ҳақиқий даъватчини тингловчиларнинг озлиги мақсадидан чалғитмаслиги лозим. Унинг дарслари ва мавъизаларига келувчиларнинг озлиги унинг ғайратини сўндирмаслиги керак. Унинг вазифаси бу майдонда фақат етказишдир. Бу Набий алайҳис саломнинг йўлларидир. Баъзи олимларнинг ҳаётига назар соладиган бўлсак уларнинг олдинги фаолиятида ниҳоятда оз инсон тинглагани, кейинчалик эса унинг сабри ва матонати сабаб тингловчилари беҳад кўпайиб кетганини кўрамиз. Шайх Абдулкарим Хузайр ўзининг “Тафсири Қуртубий”ни дарс берганини шундай эслайди: “Бу тафсирни 22 йил дарс бердим. Аввалда ниҳоятда озчилик келди дарсимга. Улар узилиб-узилиб келишар эди. Таълимнинг бошида бу табиий. Кўп толиблар эшитувчиларнинг озлиги учун дарсни ташлаб кетишади. Дарсдан энг кўп фойда оладиган киши устоздир. Мен айтар эдимки, дарсга келадиган бир кишига агар пул берсанг ҳам унинг сенга муҳтожлигидан сенинг унга муҳтожлигинг кўпроқдир!”. Азизлар! Савоб ва ажр бўлсин, дўстларингизга ҳам улашинг. Каналга аъзо бўлиш: 👇🏻👇🏻👇🏻 @xazrati_usmon

Ҳақиқий уламолар!

Одамларни айбламанг! Расулуллоҳ соллаллоҳу алайҳи васаллам: "Кимки, биродарини тавба қилиб бўлган бирор гуноҳи туфайли айбласа, токи ўзи ҳам ўша гуноҳни қилмагунича вафот этмайди" дедилар (Имом Термизий ривояти). Шайх Муҳаммад Тақий Усмоний ҳафизаҳуллоҳ айтадилар: "Агар бирор банда гуноҳ иш қилган бўлса, кейин у ўша гуноҳдан тавба қилса, уни "сен шундай гуноҳ қилган эдинг" дея уни қайта-қайта ўша гуноҳда айблашингизни Аллоҳ таоло ёқтирмайди. Аллоҳ таоло айтадики: "Мен унинг гуноҳини беркитдим ва авф қилиб юбордим. Мен унинг гуноҳини номаи аъмолидан ўчирдим. Энди, унга эътироз билдирадиган ва у гуноҳда айблайдиган сен кимсан? Агар сен айбласанг, у ҳолда Биз сени у гуноҳга мубтало қиламиз". Шунинг учун бирор мусулмоннинг айбини фош қилиш ёки гапириш ва уни тарқатиш жуда оғир гуноҳдир. Яқинларингизга ҳам улашинг: @xazrati_usmon

Набий соллаллоҳу алайҳи васаллам: "Огоҳ бўлинглар! Албатта, жасадда бир парча гўшт бордир. Қачон у солиҳ бўлса, жасаднинг ҳаммаси солиҳ бўлур. Қачон у бузуқ бўлса, жасаднинг ҳаммаси бузуқ бўлур. Огоҳ бўлинглар! Ўша нарса қалбдир" дедилар. Бухорий, Муслим, Абу Довуд, Термизий ва Насоий ривоят қилганлар. @xazrati_usmon