Rruga për në Xhennet

I Dërguari i Allahut (salallahu alejhi ue selem) vendosi dorën e tij mbi mjekrën e Umer ibn El-Hattab (radiAllahu anhu) dhe tha: “O Omer, me të vërtetë të Allahut jemi dhe tek Ai do të kthehemi." Omeri tha: "Unë thashë: "Po, babai dhe nëna ime qofshin kurban për ty, o i Dërguar i Allahut - me të vërtetë të Allahut jemi dhe tek Ai do të kthehemi. Pra, çfarë është kjo?" Ai tha:"Vërtet pak më parë më erdhi Xhibrili('alejhis-selam) dhe më tha: 'O Muhamed, me të vërtetë të Allahut jemi dhe tek Ai do të kthehemi. Vërtet, ummeti yt do të goditet vetëm pak (kohë) pas teje jo shumë larg nga koha jote. I thashë: 'O Xhibril, a është kjo një fatkeqësi si shkak i devijimit apo një fatkeqësi si shkak i kufrit? Ai tha: “E gjithë kjo do të ndodhë. I thashë: “Si do të devijojnë apo do të bëjnë kufër, kur unë i kam lënë me Librin e Allahut? Ai tha: Pasha Librin e Allahut ata do të humbasin. Secili popull do ta interpretojë atë (Librin e Allahut) sipas asaj që dëshiron dhe kështu do të humbasë prej tij." [Transmeton Ibn Ebi Asim në "Es-Suneh" (311) dhe Ibn Uedde në "El-Bida" (279)]

Umar ibn el-Khaṭṭāb: "Ju e quani veten besimtarë, por nuk bëni asgjë për besimtarët që janë të uritur mes jush?" ● [مسند الشاميين ١٠١٨]

Imam Ahmedi përcjell nga Vehb ibën Munebbih të ketë thënë: “Kush i shton adhurimet ndaj Allahut, i shtohet fuqia, ndërsa kush tregohet dembel (në kryerjen e tyre) i shtohet plogështia.” Ibën Kethiri (Allahu e mëshiroftë) thotë: “Kjo është diçka e provuar; adhurimi ndaj Allahut e gjallëron trupin dhe e zbut atë, ndërsa gjumi (i tepërt) e bën trupin dembel e të rëndë.” (“El-Bidajetu uen-Nihajetu” 9/322) Ibën Haxheri thotë: "Kufizimi vetëm në kryerjen e farzeve dhe braktisja e suneteve çon në dembeli dhe mosgjallëri në kryerjen e adhurimeve." ("Fet'hul-Barij)

I Dërguari i Allahut (sal-lallahu alejhi ue selem) ka thënë: "Sa më e madhe të jetë vështirësia, aq më i madh është shpërblimi. Kur Allahu do dikë, Ai e sprovon me vështirësi. Ata që e pranojnë, gjejnë kënaqësi, ndërsa ata që nuk janë të kënaqur, vetëm pakënaqje gjejnë." Ibn Maxhe (4013).

Durimi që kanë patur Selefët kur sprovoheshin me fatkeqësi Ka thënë Bekër Ibën Khunejs - rahimehUllah : Kalova pranë një lebrozi ndërsa ai po thoshte: "Pasha Krenarinë dhe Madhërinë Tënde, sikur të më bësh copë e çikë duke më sprovuar, mua veçse do të më shtohet dashuria për Ty!" Burimi: Meusu'atu Ibën Ebij Dunja, vëll.3/fq.315

Abdullah ibn Mes'udi, Allahu qoftë i kënaqur prej tij, lutej: اللَّهُمَّ زِدْنَا إِيمَانًا و يَقِينًا وَفِقْهًا "Allahu im, shtona imanin, bindjen dhe kuptimin. " |El sheriah lil - Axhurrij 7/262|