የጽርሐ ጽዮን ሐዋርያት ጎላ ቅዱስ ሚካኤል የፍኖተ ብርሃን ሰ/ት/ቤት (Official Channel)

#ጥቅምት_1 በዚህች ቀን የማርታና የአልዓዛር እህት #የቅድስት_ማርያም_እንተ_ዕፍረት የእረፍቷ መታሰቢያ ነው። #ቅድስት_ማርያም_እንተ_ዕፍረት ዳግመኛም በዚህች ዕለት የማርታና የአልዓዛር እህት ቅድስት ማርያም እንተ ዕፍረት የእረፍቷ መታሰቢያ ነው። በዘመነ ሐዋርያት በተመሳሳይ 'እንተ ዕፍረት' (ባለ ሽቱ) ተብለው የሚጠሩ 2 እናቶች ነበሩ:: ሁለቱም ስማቸው ማርያም ስለ ነበር ለመለየት እንዲያመች አንደኛዋን 'ማርያም ኃጥዕት (ከኃጢአት የተመለሰች) ሁለተኛዋን ደግሞ 'ማርያም እኅተ አልዓዛር በቢታንያ የነበረችው ብለው አበው ይጠሯቸዋል። በሉቃስ ወንጌል ላይ የምትገኘው ከኃጢአት ሕይወት የተመለሰችው ስትሆን በዮሐ. 12:1 ላይ ያለችው የአልዓዛር እህት (ድንግሊቱ) ናት። ዛሬም የምናስባት ይህቺውን እናታችን ነው። ቅድስት ማርያም መድኃኒታችን ክርስቶስ ወደዚህ ዓለም መጥቶ በሚያስተመርበት ዘመን በቢታንያ አካባቢ ትኖር የነበረች ድንግል ወጣት ናት። ወላጆች ባልነበረበት ቤት ውስጥ ታላቆቿ አልዓዛርና ማርታ አሳድገዋታል። በቤተሰብ ደረጃ እንግዳን ይቀበሉ ነበርና ጌታችን ወደዳቸው። አልዓዛርን ከ72ቱ አርድእት: ማርያምና ማርታን ደግሞ ከ36ቱ ቅዱሳት አንስት ቆጥሯቸዋል። ወንድማቸው አልዓዛር በታመመ ጊዜ ወደ ጌታ ልከው ነበር። ያለ ጊዜው የማይሠራ ጌታ ባይመጣ አልዓዛር ሞተ። በ4ኛው ቀን አምላክ ሲመጣ ቅድስት ማርያም በጌታ ፊት ሰግዳ "እግዚእየ ሶበሰ ኀሎከ ዝየ እምኢሞተ እኁየ" "አንተ በዚህ በኖርክስ ወንድሜ ባልሞተ ነበር" ብላ አለቀሰች። (ዮሐ.11) ጌታም ስታለቅስ ባያት ጊዜ አምላክነቱ አራርቶት አለቀሰ። ወዲያውም በስልጣነ ቃሉ አዞ አልዓዛርን አስነሳው። ከፋሲካ (ጌታ ከመሰቀሉ 6 ቀናት) በፊትም ቅዱሳኑ ለጌታ ግብር አገቡ። እርሱም ከደቀ መዛሙርቱ ጋር ታደመላቸው። (ዮሐ.12፥1) በዚያም አልዓዛር ከጌታ ጐን ሲቀመጥ ቅድስት ማርያም ከጌታ ሥር ተንበርክካ ናርዶስ የሚሉትን የ300 ዲናር ሽቱ በጌታ ላይ አፈሰሰች። መዓዛ መለኮቱና ሽቱው ሲገናኝ "መልዐ መዓዛሁ" እንዲል የሚመስጥ ሽታ ቤቱን ሞላው። በወቅቱ ይሁዳ ቢቃወምም ጌታ ምላሹን ሰጥቶታል። ቅድስት ማርያምንም "ማርያምሰ ኃርየት መክፈልተ ሠናየ ዘኢየኃይድዋ" ብሎ አመስግኗታል። ያስመሰገናት ቁጭ ብላ በተመስጦ መማሯ ብቻ እንዳልሆነ አባ ሕርያቆስ መስከሯል። ሲመክረንም "አርምሞንና ትዕግስትን እንደ ማርያም ገንዘብ እናድርግ" ብሎናል። (ቅዳሴ ማርያም) ቅድስት ማርያም በጌታችን ክርስቶስ በኅማሙ ጊዜ ሲቀብሩት ነበረች። ትንሳኤውንም ዐይታለች። ከጌታ እርገት በኋላም መንፈስ ቅዱስን ተከትላ ለወንጌል አገልግሎት ተግታለች። ቅድስት እናታችን ማርያም እንተ ዕፍረት ዛሬ እንዳረፈች እናዘክራለን። ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ከእኛ ጋር ይኑር ለዘላለሙ አሜን። (#ስንክሳር_ዘወርኀ_ጥቅምት)

ማኅሌተ ጽጌ መስከረም 30 ፩ ነግሥ ( ለኵልያቲክሙ) ሰላም፡ ለኵልያቲክሙ፡ እለ፡ ዕሩያን፡ በአካል፤ ዓለመክሙ፡ ሥላሴ፡ አመ፡ ሐወፀ፣ ለሣህል፤ እምኔክሙ፡ አሐዱ፡ እግዚአብሔር፡ ቃል፤ ተፈጸመ፡ ተስፋ፡ አበው፡ በማርያም፡ ድንግል፤ ወበቀራንዮ፡ ተተክለ፡ መድኃኒት፡ መስቀል ፡፡ ዚቅ ወኃይዝተ፡ ወንጌል፡ የዓውዳ፡ ለቤተክርስቲያን፤ እም፡ አርባዕቱ፡ አፍላጋት፤ እንተ፡ ትሰቀይ፡ ትእምርተ፡ ለለጽባሑ፤ እማቴዎስ፡ ልደቶ፡ ወእማርቆስ፡ መንክራቶ፤ እም፡ ሉቃስ፡ ዜናዊ፡ ተሰምዮ፡ ወእም፡ ዮሐንስ፡ በግዓ፤ ወዘንተ፡ ሰሚዓ፡ ትገብር፡ በዓለ፡ በፍግዓ። ፪ ጽጌ አስተርአየ ጽጌ፡ አስተርአየ ፡ ሠሪጾ፡ እምዐጽሙ፤ ለዘአምኃኪ፡ ጽጌ፡ ለገብርኤል፡ ምስለ፡ ሰላሙ፤ ወበእንተዝ ፡ ማርያም ፡ ሶበ ፡ ሐወዘኒ ፡ ጣዕሙ፤ ለተአምርኪ ፡ አኀሊ፡ እሙ፤ ማኅሌተ፡ ጽጌ፡ ዘይሰመይ፡ ስሙ፡፡ ወረብ መዓዛ፡ ጣዕሙ፡ ለተአምርኪ፡ ሶበ፡ ሶበ፡ ሐወዘኒ፤ ወበእንተዝ፡ ማርያም፡ አሐሊ፡ ለተአምርኪ፡፡ ዚቅ ሃሌ፡ ሉያ፡ ሃሌ፡ ሃሌ፡ ሉያ፤ ናሁ፡ አስተርአየ፡ ጽጌ፤ መርዓቱኒ፡ ትቤ፡ ወልድ፡ እኁየ ፡ ይምዕዝ ፡ ከርቤ፤ ናሁ ፡ አስተርአየ ፡ ጽጌ፤ ዕንባቆም ፡ ነቢይ ፡ ግብረ፡ ምግባሩ፡ ለወልድ፡ አንከርኩ፡ ይቤ፤ ናሁ ፡ አስተርአየ፡ ጽጌ፤ ንጉሠ ፡ ሰላም፡ ክርስቶስ፤ ዓቢይ፡ ልዕልናከ፡ ወመንክር፡ ስብሐቲከ፡ ለዕረፍት፡ ሰንበተ ፡ ሠራዕከ፡፡ ፫ እንዘ ተሐቅፊዮ እንዘ ፡ ተሐቅፊዮ ፡ ለሕጻንኪ ፡ ጽጌ፡ ፀዓዳ ፡ ወቀይሕ፤ አመ ፡ ቤተ ፡ መቅደስ ፡ ቦእኪ ፡ በዕለተ ፡ ተአምር ፡ ወንጽሕ፤ ንዒ ፡ ርግብየ ፡ ትናዝዝኒ ፡ እምላህ፤ ወንዒ ፡ ሠናይትየ ፡ ምስለ ፡ ገብርኤል ፡ ፍሡሕ፤ ወሚካኤል ፡ ከማኪ ፡ ርኅሩኅ ፡፡ ወረብ እንዘ፡ ተሐቅፊዮ፡ ለሕጻንኪ፡ ጽጌ፡ ፀዓዳ፡ ወቀይሕ፤ አመ፡ ቤተ፡ መቅደስ፡ ቦእኪ፡ በዕለተ፡ ተአምር፡ ወንጽሕ፤ ዚቅ ንዒ፡ ርግብየ፡ ወንዒ፡ ሠናይትየ፤ እንተ፡ ሐዋርያት፡ ይሴብሑኪ፤ መላእክት፡ ይትለአኩኪ፤ ፃዒ፡ እምሊባኖስ፡ ሥነ፡ ሕይወት፡፡ ፬ ሰዊተ ሥርናዩ ሰዊተ፡ ሥርናዩ፡ ለታዴዎስ፡ ወለበርተሎሜዎስ፡ ወይኑ፤ እንተ፡ ጸገይኪ፡ አስካለ፡ በዕለተ፡ ተከለኪ፡ ዕደ፡ የማኑ፤ ማርያም፡ ለጴጥሮስ፡ ጽላሎቱ፡ ወለጳውሎስ፡ ሰበኑ፤ ብኪ፡ ምውታን፡ ሕያዋነ፡ ኮኑ፤ ወሐዋርያት፡ መላእክተ፡ በሰማይ፡ ኮነኑ፡፡ ወረብ ማርያም፡ ለጴጥሮስ፡ ጽላሎቱ፡ ጽላሎቱ፡ ወለጳውሎስ፡ ሰበኑ፤ ወሐዋርያት፡ መላእክተ፡ መላእክተ፡ በሰማይ፡ ኮነኑ፡፡ ዚቅ ኦ፡ መድኃኒት፡ ለነገሥት፤ ማኅበረ፡ ቅዱሳን፡ የዓውዱኪ፤ ነቢያት፡ የአኵቱኪ፡ ወሐዋርያት፡ ይዌድሱኪ፤ እስመ፡ ኪያኪ፡ ኃርየ፡ ለታዕካሁ፡ ከመ፡ ትኩኒዮ፡ ማኅደረ ፤ መላእክት፡ ይኬልሉኪ፡ ጻድቃን፡ ይባርኩኪ፡ አበው፡ ይገንዩ፡ ለኪ፤ እስመ፡ ኪያኪ፡ ኃርየ፡ ለታዕካሁ፡ ከመ፡ ትኩኒዮ፡ ማኅደረ፡፡ ፭ ክበበ ጌራ ወርቅ ክበበ፡ ጌራ ወርቅ፡ ጽሩይ ፡ እምዕንቈ ባሕርይ ፡ ዘየኃቱ፣ ዘተጽሕፈ ፡ ብኪ ፡ ትእምርተ ፡ ስሙ ፡ ወተዝካረ ፡ ሞቱ፣ አክሊለ ጽጌ ፡ ማርያም ፡ ለጊዮርጊስ ፡ ቀጸላ መንግሥቱ፣ አንቲ ፡ ኵሎ ፡ ታሰግዲ ፡ ሎቱ፣ ወለኪኒ ፡ ይሰግድ ፡ ውእቱ፡፡ ወረብ ክበበ፡ ጌራ፡ ወርቅ፡ ጽሩይ፡ ዘየኃቱ፡ እምዕንቈ፡ ባሕርይ፤ ማርያም፡ አክሊለ፡ ጽጌ፡ ለጊዮርጊስ፡ ቀጸላ፡ መንግሥቱ፤ ዚቅ ውድስት፡ አንቲ፡ በአፈ፡ ነቢያት፤ ወስብሕት፡ በሐዋርያት፤ አክሊለ፡ በረከቱ፡ ለጊዮርጊስ፤ ወትምክህተ፡ ቤቱ፡ ለእሥራኤል፡፡ ፮ በስመ እግዚአብሔር (ሰቆቃወ ድንግል) በስመ፡ እግዚአብሔር፡ ሥሉስ፡ ሕጸተ፡ ግጻዌ፡ ዘአልቦ፤ ሰቆቃወ፡ ድንግል፡ እጽሕፍ፡ በቀለመ፡ አንብዕ፡ ወአንጠብጥቦ፤ ወይሌ፡ ወላህ፡ ለይበል፡ ዘአንበቦ፤ ከማሃ፡ ኀዘን፡ ወተሰዶ፡ ሶበ፡ በኵለሄ፡ ረከቦ፤ ርእዮ፡ ለይብኪ፡ ዓይነ፡ ልብ፡ ዘቦ። ወረብ ከማሃ፡ ኀዘን(፪)፡ ወተሰዶ፡ ኀዘን፤ ርእዮ፡ ለይብኪ፡ ዓይነ፡ ልብ፡ ዘቦ፡ ዓይነ፡ ልብ። ዚቅ እወ፡ አማን፡ እምውሉደ፡ ሰብእ፡ አልቦ፤ ምንዳቤ፡ ወግፍዕ፡ ዘከማኪ፡ በውስተ፡ ኵሉ፡ ዘረከቦ። ++++++++++++++ መዝሙር ሃሌ ሉያ ሃሌ ሉያ ሃሌ ሃሌ ሉያ ትዌድሶ፡ መርዓት፤ እንዘ፡ ትብል፡ ነዓ፡ ወልድ፡ እኁየ፡ ንፃእ፡ ኃቅለ፤ ትዌድሶ፡ መርዓት፤ ንርአይ፡ ለእመ፡ ጸገየ፡ ወይን፡ ወፈረየ፡ ሮማን፤ ትዌድሶ፡ መርዓት፤ አሠርገወ፡ ሰማየ፡ በከዋክብት፡ ወምድርኒ፡ በስነ፡ ጽጌያት፤ ትዌድሶ፡ መርዓት፤ እስመ፡ ውእቱ፡ ወልድ፡ ዋሕድ፡ እግዚአ፡ ለሰንበት፤ ትዌድሶ፡ መርዓት፡ ወትብሎ፤ ወልድ፡ እኁየ፡ ቃልከ፡ አዳም፡፡ አመላለስ ትዌድሶ፡ መርዓት፡ ወትብሎ፤ ወልድ፡ እኁየ፡ ቃልከ፡ አዳም። ሰላም ናሁ፡ አስተርአየ፡ ጽጌ፤ መርዓቱኒ፡ ትቤ፡ ወልድ፡ እኁየ ፡ ይምዕዝ ፡ ከርቤ፤ ናሁ፡ አስተርአየ፡ ጽጌ፤ ዕንባቆም፡ ነቢይ፡ ግብረ፡ ምግባሩ፡ ለወልድ፡ አንከርኩ፡ ይቤ፤ ናሁ፡ አስተርአየ፡ ጽጌ፤ ንጉሠ፡ ሰላም፡ ክርስቶስ፤ ዓቢይ፡ ልዕልናከ፡ ወመንክር፡ ስብሐቲከ፡ ለዕረፍት፡ ሰንበተ ፡ ሠራዕከ፡፡ +++

#መስከረም_29 በዚህችም ቀን #ከቅድስት_አርሴማ በሰማዕትነት አረፈች ከቅድስት አርሴማና ከእመምኔቷ ከአጋታ ጋር ደናግል በሰማዕትነት አረፉ። ይህም እንዲህ ነው በከሀዲው ዲዮቅልጥያኖስ ዘመን እርሱ መልኳ ውብ የሆነ ብላቴና ድንግል ሊአገባ ሽቶ በየሀገሩ ሁሉ ሒደው መርጠው ያመጡለት ዘንድ አሽከሮቹን አዘዘ። ይችንም የሚመስላት የሌለ ቅድስት አርሴማን በሮሜ አገር በአንድ የደናግል ገዳም ውስጥ አገኙዋት። ሥዕሏንም ሥለው ለንጉሥ ዲዮቅልጥያኖስ ላኩለት ንጉሡም ሥዕሏን በአየ ጊዜ እጅግ ደስ አለውና ለሠርግ እንዲመጡ ወደ መኳንንቱ ላከ። እሊያ ደናግልም ይህን ነገር በአወቁ ጊዜ ይረዳቸው ዘንድ ድንግልናቸውንም ይጠብቅ ዘንድ አልቅሰው ወደ እግዚአብሔር ለመኑ። ከዚህም በኋላ ተነሥተው በሥውር ሸሹ የንጉሥ ድርጣድስ ግዛት ወደ ሆነ ወደ አርማንያ ሀገርም ደርሰው በአንድ ቦታ ተቀመጡ ከእርሳቸውም ጋር የተሰደዱ ቁጥራቸው ሰባ አምስት የሆነ ወንዶች፣ ሴቶችም ሠላሳ ዘጠኝ የሆኑ ከእርሳቸው ጋራ አሉ። ምግባቸውን አያገኙም ነበርና በታላቅ ችግር ውስጥ ኖሩ ከእነርሱም መብራት የምትሠራ አንዲት ሴት ነበረች ከእርሷም የእጅ ሥራ ከሚገኘው በየጥቂቱ ይመገባሉ። ንጉሥ ዲዮቅልጥያኖስም የከበረች አርሴማን በፈለጋት ጊዜ አላገኛትም ግን በአርማንያ አገር እንዳለች ስለርሷ ሰማ። ደግሞ ለአርማንያ ንጉሥ ለድርጣድስ ስለርሷ ከዲዮቅልጥያኖስ ሸሽታ እንደ መጣች የአርሴማን ሥራ ነገሩት እርሱም አንዱን የአርማንያ መኰንን ለእኔ ጠብቃት ወደ እኔም ላካት ብሎ አዘዘው። ደናግሉም ይህን በሰሙ ጊዜ ወደ ሌላ ቦታ ተሠወሩ ወደ ንጉሥም ወነጀሉአቸው ንጉሡም ቅዱስት አርሴማን በክብር አድርገው ያመጧት ዘንድ አዘዘ እርሷም ወደ እርሱ መምጣትን እምቢ በአለች ጊዜ እየጎተቱ ወስደው ወደርሱ አደረሷት። የቅድስት አርሴማንም ላህይና ደም ግባቷን በአየ ጊዜ ድንግልናዋን ሊያረክስ ሽቶ እናቷ አጋታን አባብላ እሺ ታሰኝለት ዘንድ አዘዛት አጋታም ወደርሷ ሒዳ ልቧን አስጨከነች እንዲህም አለቻት። ዕወቂ ይህ ርኲስ አረሚ እንዳያረክስሽና ሰማያዊ ሙሽራሽን እንዳትተዪ እርሱም ክብር ይግባውና የእግዚአብሔር ልጅ ሕያው ክርስቶስ ነው። ንጉሡም ይዞ ወደ እልፍኙ ሊአስገባት ከአደባባይ መካከል ተነሥቶ ድንግል አርሴማን ያዛት። በዚያንም ጊዜ በቅድስት አርሴማ ላይ የእግዚአብሔር ኃይል አደረባትና በምድር ላይ ጣለችው እርሱ ግን በጦርነት እጅግ የጸና አርበኛ ስለ ነበር በታናሽ ሴት ብላቴና ስለተሸነፈ ያን ጊዜ አፈረ። ራሷንም በሰይፍ ይቆርጡ ዘንድ አዘዘና ቆረጧት ከዚህም በኋላ ደናግሉን ሁሉ ከእናታቸው አጋታ ጋር ይገድሏቸው ዘንድ አዘዘ። አንዲት የታመመች ድንግል ነበረች በዐልጋዋ ላይም እንደተኛች ወደ ወታደሮች ጮኸች መጥተውም እንደ እኅቶቿ ራሷን ቆረጡ ሁሉም የሰማዕትነት አክሊልን ተቀበሉ እነዚያንም ከሮሜ አገር አብረው የመጡ ወንዶችን ገደሏቸው ቁጥራቸውም ሰባ አምስት ናቸው ሥጋቸውም በተራራ ላይ የተጣለ ሁኖ ቀረ። ሰማዕታትም ከተገደሉ በኋላ በንጉሡ ላይ ጋኔን ተጫነበት መልኩም ተለውጦ እንደ እርያ ሆነ። ቅዱስ ጎርጎርዮስ ወደርሱ መጥቶ በላዩ ጸልዮ እስከ አዳነው ድረስ ስለዚህም ክብር ይግባውና በጌታችን ኢየሱስ ክርስቶስ አመነ። የቅዱሳን ሰማዕታትንም ሥጋቸውን ከተጣለበት ሰብስበው በአማረ ቦታ አኖሩአቸው ያማረች ውብ የሆነች ቤተ ክርስቲያንም ተሠራችላቸው። ከእነርሱም ታላላቅ ድንቆች ተአምራት ተገለጡ። (#ስንክሳር_ዘወርኅ_መስከረም እና #ከገድላት_አንደበት) Youtube Channel: https://m.youtube.com/channel/UCXMG9oO5j1M-lRbAn0OdVdQ

ቅድስት አርሴማ

የሰንበት ት/ቤታችን ወረብ / ዝማሬዎችን በዚህ Link ያገኛሉ ይቀላቀሉ 👇👇👇👇👇👇👇👇 https://t.me/finotewereb https://t.me/finotewereb https://t.me/finotewereb ☝️☝️☝️☝️☝️☝️☝️☝️

#እንኳን_ለዘመነ_ጽጌ_በሠላም_አደረሳችሁ 👉 እነሆ ክረምቱ አለፈ ከሰኔ 25 እስከ መስከረም 25 ክረምት ይባላል። 👉 ከመስከረም 26 እስከ ሕዳር 5 #ዘመነ_ጽጌ ይባላል የእናታችን የእመቤታችን ስደቷን እያሰብን እግዚአብሔርን የምናመሰግንበት ወራት ነው። 👉 ቅዳሜ ማታ ለእሁድ ከአባቶቻችን ጋር በማኅሌቱ እንሳተፍ። የእናታችን የቅድስት ድንግል ማርያም በረከቷ ከሁላችን ጋር ይሁን አሜን #ፍኖተ_ብርሃን_ሰንበት_ት/ቤት Youtube Channel: https://m.youtube.com/channel/UCXMG9oO5j1M-lRbAn0OdVdQ

የልዩ መርሐግብር ማስታወቂያ

እናመሰግናለን 🙏 👉 አብራችሁን ስላላችሁ እናመሰግናለን.. በቀጣይ የተለያዩ ዝግጅቶችን በማዘጋጀት ላይ ነን ሰብስክራይብ ያላደረጋችሁ አድርጋችሁ ጠብቁን ከታች ያለው link በመጫን Youtube Channel: https://m.youtube.com/channel/UCXMG9oO5j1M-lRbAn0OdVdQ

➕ መስቀልን በመስቀል አደባባይ ➕ ✔️ ሁሉም ከአቅመ ደካማና ከህጻናት በስተቀር በመስቀል አደባባይ በድምቀት እንዲያከብር፣ ✔️ ሁሉም የአፍ መሸፈኛ ጭንብል እንዲያደርግ፣ ✔️ የቤተክርስቲያን አርማ ያለበትሰንደቅ አላማ እና ህጋዊው የኢትዮጵያ ሰንደቅ ዓላማ ለበዓሉ ድምቀት የተፈቀደ ነው። 👇 በዕለቱ ወደ አደባባዩ ለመግባት የተከለከሉ 👇 👉 ሳኒታይዘር፣እስክሪብቶ፣ ቻርጀር እና ሌሎች ተቀጣጣይ ኤሌክትሮኒክስ እቃዎች!!! 👉 ሞባይሎን በፍተሻ ወቅት እንዲያበሩ የጸጥታ መስፈርቱ ስለሚጠይቅ የማይበራ ወይም ቻርጅ ያልተደረገ ሞባይል ይዞ ማምጣት ክልክል ነው!!! #ሁላችንም_በዓላችንን_በከፍተኛ_ድምቀትና_በፍጹም_ሰላም_እንዲከበር_የድርሻችንን_እንወጣ። የአዲስ አበባ ሰንበት ት/ቤቶች አንድነት

#መስከረም_15 በዚህች ቀን የዲያቆናት አለቃ የሰማዕታት መጀመሪያ ለሆነ #ቅዱስ_እስጢፋኖስ የሥጋው ፍልሰት ሆነ። ይህም እንዲህ ነው ከአረፈበት ጊዜ ብዙ ዓመቶች ከአለፉ በኋላ ሦስት መቶ ዓመት ያህል ከዚያም የሚበዛ ጻድቁ ቈስጠንጢኖስ ሲነግሥ የቀናች ሃይማኖትም ተገልጣ የሕያው እግዚአብሔር አምልኮት በሁሉ ሲዘረጋ ያን ጊዜ የቅዱስ እስጢፉኖስ ሥጋ በአለበት አቅራቢያ የገማልያል ቦታ በትምባል በኢየሩሳሌም በአንዲት ቦታ አንድ ሰው ይኖር ነበር። የዚያም ሰው ስም ሉክያኖስ ነው ተጋዳይ የሆነ እስጢፋኖስም ብዙ ጊዜ በሕልም ተገለጠለት እንዲህም ብሎ አስረዳዉ እኔ እስጢፋኖስ ነኝ ሥጋዬ በዚህ ቦታ ተቀብሮ አለ። ያም ሉክያኖስ የሚባል ሰው የኢየሩሳሌም ኤጲስቆጶስ ወደ ሆነው መጥቶ በራእይ ያየውን ይህን ነገር ነገረው ኤጲስቆጶሱም ሰምቶ እጅግ ደስ አለው ያን ጊዜም ሁለት ኤጲስቆጶሳትን፣ ካህናትንና፣ የቤተ ክርስቲያንን ሰዎች ሁሉ ከእርሱ ጋራ ይዞ ተነሣ የቅዱስ እስጢፋኖስ ሥጋ በውስጡ ወዳለበት ወደዚያ ቦታ ደርሰው ሊቆፍሩ ጀመሩ ታላቅ ንውጽውጽታም ሆነ የቅዱስ እስጢፋኖስ ሥጋ በውስጡ ያለበት ሣጥን ተገለጠ ከእርሱ እጅግ በጎ የሆነው የሽቱ መዓዛ ሸተተ። በሰማያት ለእግዚአብሔር ምስገና ሆነ በምድርም ሰላም ለሰው ነፃነቱ ይሰጠው ዘንድ በጎ ፍቃድ እያሉ ሲያመሰግኑ የመላእክትን ቃሎች ሰሙ። እንዲህም መላልሰው ሦስት ጊዜ አመሰገኑ ኤጲስቆጶሳቱና ካህናቱም የቅዱስ እስጢፋኖስን ሥጋ በያዘ ሣጥን ፊት ለጌታ ሰገዱ ከዚያም በኋላ ወደ ጽርሐ ጽዮን እስኪያደርሱት ብዙ መብራቶችን አብርተው በመያዝ በማኀሌት ምስጋና እየዘመሩ ተሸከሙት። ከዚህም በኋላ እንዲህ ሆነ በኢየሩሳሌም ነዋሪ የሆነ የቊስጥንጥንያ ተወላጅ ስሙ እለእስክንድሮስ የሚባል ሰው ነበር ለቅዱስ እስጢፋኖስም ውብ የሆነች ቤተ ክርስቲያንን ሠርቶለት ሥጋውን አፍልሰው ወደርሷ ወስደው አኖሩት ከአምስት ዓመት በኋላም እለእስክንድሮስ አረፈ ሚስቱም በቅዱስ እስጢፋኖስ አስከሬን ጕን ቀበረችው። ከሌሎች አምስት ዓመቶችም በኋላ የእለእስክንድሮስ ሚስት የቧላን አስከሬን ወደ ቊስጥንጥንያ አገር ይዛ ልትሔድ አሰበች ባሏንም ወደ ቀበረችው እርሱ ባሏ ወደ ሠራት ቤተ ክርስቲያን ሔደች የባሏ ሥጋ ሣጥን ግን የቅዱስ እስጢፋኖስን ሥጋ በያዘ ሣጥን አምሳል ነበር በእግዚአብሔር ፈቃድ የቅዱስ እስጢፋኖስን ሣጥን ወስዳ እስከ አስቃላን ከተማ ተሸከመችው ከዚያም ወደ ቊስጥንጥንያ ልትጓዝ በመርከብ ተሳፈረች። በመርከብ ስትጓዝ ከሣጥኑ ጣዕም ያለው ምስጋናን የምትሰማ ሆነች እጅግም አድንቃ ያን ሣጥን ልታየው ተነሣች በውስጥ የቅዱስ እስጢፋኖስ ሥጋ ያለበት ሣጥን እንደሆነ ተረዳች ይህም የሆነው ክብር ይግባውና በእግዚአብሔር ፈቃድ እንደሆነም አወቀች ወደ ኢየሩሳሌም ትመለስ ዘንድ አልተቻላትም ይህንንም ታላቅ ጸጋ ስለሰጣት ልዑል እግዚአብሔርን አመሰገነች። ወደ ቍስጥንጥንያ አገርም በደረሰች ጊዜ ያቺ ሴት ወደ ንጉሡ ሒዳ የቅዱስ እስጢፋኖስን ዜና ከእርሱ የሆኑትን ተአምራት ወደ ቍስጥንጥንያ አገር ወደብም እንደ ደረሰ ነገረችው ሰምቶም እጅግ ደስ አለው ንጉሡም ከሊቀ ጳጳሳቱና ከካህናቱ ከብዙ ሕዝቦችም ጋር ወጣ ከወደቡም በክብር አንሥተው ወደ መንግሥት አዳራሽ እስከ አስገቡት ድረስ በፍጹም ደስታ እየዘመሩና እያመሰገኑ ተሸክመውት ተጓዙ። ክብር ይግባውና ጌታችን ኢየሱስ ክርስቶስም ከእርሱ ተአምራትን ገለጠ በሠረገላ ሥጋውን ጭነው በሁለት በቅሎዎች በሚስቡት ጊዜ ቍስጣንጢንዮስ ከሚሉት ቦታም ሲደርሱ የቅዱስ እስጢፋኖስንም ሥጋ በዚያ እንዲያኖሩ ስለ ፈቀደ የሚስቡት በቅሎዎች ቆሙ። አልተንቀሳቀሱም በቅሎዎችንም ይመቷቸው ጀመሩ የቅዱስ እስጡፋኖስን ሥጋ በዚህ ሊያኖሩ ይገባል የሚል ቃል ከአንዱ በቅሎ ሰሙ ይህንንም ያዩና የሰሙ ሁሉም አደነቁ። እግዚአብሔርንም አመሰገኑት የበለዓምንም አህያ ያናገራት እርሱ እነዚህን የቅዱስ እስጢፋኖስን ሥጋ የተሸከሙትን በቅሎዎች ያናገራቸው እርሱ እንደሆነ አወቁ። ንጉሡም በዚያ መልካም የሆነች ቤተ ክርስቲያን ሠርተው ይህን የከበረና ንጹሕ የሆነ ዕንቈ ባሕርይ በውስጧ እንዲያኖሩ አዘዘ። ይኸውም ለተመሰገነና ለተባረከ ሐዋርያ የዲያቆናት አለቃና የሰማዕታት መጀመሪያ ለሆነ እስጢፋኖስ ሥጋው ነው። ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ከእኛ ጋር ትኑር ለዘላለሙ አሜን ። #ፍኖተ_ብርሃን_ሰንበት_ት/ቤት (#ስንክሳር_ዘወርኀ_መስከረም እና #ከገድላት_አንደበት) #ፍኖተ_ብርሃን_ሰንበት_ት/ቤት https://t.me/finotebirhan12 https://t.me/finotebirhan12 https://t.me/finotebirhan12

ቀዳሜ ሰማዕት ቅዱስ እስጢፋኖስ

አቡነ አረጋዊ ማለት የልጅ አዋቂ ማለት ሲሆን አባታቸው ይስሐቅ እናታቸው እጅና ይባላሉ ሀገራቸው ቆስጥንጥንያ ሲሆን በጥር 14 ቀን በ400 ዓ.ም ተወለዱ በ14አመታቸው ወደ ገዳም ገቡ ከአባ ጳጉሚስ ምንኩስናቸውን ተቀበሉ። በጥቅምት 14 ቀን በ470ዓ.ም ወደ ታላቂቷ ሀገር ኢትየጵያ መጡ ደብረ ዳሞ የቀድሞ ቦታ ሃሌሉያ ይባል ነበር ከዚያ ተራራ ስር ሆነው ማን ያውጣኝ እያሉ ሲፀልዩ መልአኩ ቅዱስ ሚካኤል ዘንዶውን ላከላቸው። ዘንዶውም ቁመቱ 60ክንድ ነበር በወገባቸው ላይ ተጠምጥሞ ጥቅምት 12 ቀን መልአኩ ዘንዶውን እያዘዘው ተራራውን ወጥተዋል አባታችን በተወለዱ በ158 አመታቸው በሞት ፈንታ በጥቅምት 14 ቀን በ558 ዓ.ም ተሰውረዋል። በረከታቸው ሁላችንን ይጠብቀን 👇የሰንበት ት/ቤታችንን Youtube ገጻችንን ሰብስክራይብ በማድረግ አገልግሎታችንን ይደግፉ 👇 https://m.youtube.com/channel/UCXMG9oO5j1M-lRbAn0OdVdQ

#መስከረም_13 #ቅዱስ_ባስልዮስ_ዘቂሣርያ መስከረም ዐሥራ ሦስት በዚህች ቀን ታላቅና ቅዱስ የሆነ የቂሣርያ ሊቀ ጳጳሳት ባስልዮስ ላደረገው ተአምር መታሰቢያ ሆነ። ይህም እንዲህ ነው አንድ ጐልማሳ አገልጋይ የጌታውን ልጅ ስለወደዳት ልቡ እርሷን ወዶ እንደ እሳት እስከ ነደደ ድረስ እርሷንም ከመውደዱ ብዛት የተነሣ ወደ አንድ ከሀዲ ሥራየኛ ሔደ። ሥራየኛውም የክህደት ደብዳቤ ጽፎ ሰጠው። ወደ አረሚ መቃብርም ሒዶ በመንፈቀ ሌሊት ደብዳቤዋን ይዞ ወደላይ እጁን አንሥቶ በዚያ እንዲቆም አዘዘው። ይህም አገልጋይ ይህን ነገር ተቀብሎ ያ መሠርይ እንዳዘዘው አደረገ። በዚያንም ጊዜ ከሰይጣናት አንዱ መጥቶ ወደ አለቃቸው ወስዶ አደረሰው ያቺንም የክህደት ደብዳቤ ከእጁ ወሰደ። እንዲህም ብሎ ጠየቀው "ንጉሥህ ክርስቶስን ትክደዋለህን? ፈቃድህን ከፈጸምኩልህ በኋላ ወደእርሱ አትመለስምን?" ይህም ጐስቋላ ባሪያ "አዎን ጌታዬ ያዘዝከኝን ሁሉ አደርጋለሁ" አለው። መስሐቲ ዲያብሎስም ይህን ልታደርግ በእጅህ ደብዳቤ ጻፍልኝ አለው። እርሱም በከበረ ደሙ የዋጀውን የክብር ባለቤት ክርስቶስን ክዶ በደብዳቤ ውስጥ የክህደቱን ቃል ጻፈለት። በዚያንም ጊዜ ሰይጣን በጌታው ልጅ ልብ ውስጥ የፍትወት እሳትን አነደደ ይህንንም ባሪያ እጅግ ወደደችው ከእርሱም መታገሥ አልተቻላትም። ወደ አባቷ በመጮህ በግልጥ ከዕገሌ ባሪያህ ጋር ካላጋባኸኝ አለዚያ ራሴን እገድላለሁ ትለዋለች እንጂ መታገሥ አልተቻላትም። አባትና እናቷም ፈጽሞ አዘኑ በምንም በምን ሊያስታግሥዋት አልቻሉም። የዚያም አገልጋይ ፍቅሩ በየዕለቱ በልቧ ይጨመር ነበር እንጂ። ስለዚህም ራሷን እንዳትገድል አባቷ ፈራ ለዚያ ባሪያ ሰጠው። እርሱም የጌታውን ልጅ ተቀብሎ ወደቤቱ አስገባት። ከርሷ ጋር ያለውን ፍላጎቱንም ፈጸመ። ከእርሱም ጋር ረጅም ጊዜ ከኖረች በኋላ አባትና እናቷም ይቅር ብሎ ኀዘናቸውን ከላያቸው ያርቅላቸው ዘንድ ወደ እግዚአብሔር ኀዘንንና ልቅሶን አብዝተው ነበር። ከዚህም በኋላ ክብር ይግባውና ጌታችን ክርስቶስ ጩኸታቸውን ሰማ ልመናቸውንም ተቀብሎ ይህ የወደደችው አገልጋይ ጐልማሳ ክርስቲያን እንዳልሆነ አስገነዘባት ከእርሷ ጋር በነበረበት በዚህ በረጅም ዘመን አንዲት ቀን እንኳ ወደ ቤተ ክርስቲያን ሲሔድ ሥጋውንና ደሙንም ሲቀበል ወይም አዳኝ በሆነ በመስቀል ምልክት ራሱን ሲአማትብ እርሷ አላየችውም። ስለእምነቱም ጠየቀችው ግን አልገለጠላትም እርሷም እንዲህ አለችው "አንተ ክርስቲያን ከሆንክ ና በአንድነት ወደ ቤተ ክርስቲያን እንሒድና በፊቴ ቅዱስ ቊርባንን ተቀበል።" እንዲህም በአስገደደችው ጊዜ ስለርሷ ያደረገውን ሁሉ ወደ ሥራየኛ እንደሔደም በሰይጣንም አምኖ እምነቱንም በክርታስ ጽፎ ያንን ክርታስ ለሰይጣን እንደ ሰጠው ነገራት። ይህንንም ነገር ከእርሱ በሰማች ጊዜ ደነገጠች መሪር ልቅሶንም አለቀሰች ራሷንም በማወዛወዝ እጅግ ተጸጽታ አዘነች። ያን ጊዜም ፈጥና ተነሣች የቤተ ክርስቲያን ምሰሶ ወደሆነው ወደ ሀገርዋ ሊቀ ጳጳሳት ወደ ቅዱስ ባስልዮስ ሔደች ከእግሩ በታችም ወድቃ ሰገደችለት በላይዋ የደረሰውን ሁሉ አስረዳችው ለሰው ልጆች ጠላት ከሆነ ከሠይጣን እጅ ፈጽሞ ያድናት ዘንድ ብዙ በማልቀስ ለመነችው። ቅዱስ ባስልዮስም ባሏ የሆነውን ባርያ ወደርሱ ልኮ አስመጣውና ጠየቀው እርሱም የሠራውን ሁሉ አስረዳው ቅዱስ ባስልዮስም "ተመልሰህ ክርስቲያን ልትሆን ከሰይጣንም እጅ ልትድን ትወዳለህን?" አለው ያም ባርያ "ጌታዬ ይሆንልኛልን?" አለ ይህ ቅዱስ አባትም የፈጣሪህን ስም እየጠራህ ልብህን አጽና አለው። ከዚህም በኋላ ከእርሱ ዘንድ በአንድ ቦታ ዘጋበት በመስቀል ምልከትም አማተበበት እንዲጸልይም አዘዘው ራሱ ቅዱስ ባስልዮስም ስለርሱ ጸለየ። ከሦስት ቀኖች በኋላም ጎበኘው እንዲህም አለው በእሊህ በሦስት ቀኖች የደረሰብህ ምንድን ነው እርሱም በላዩ በመጮህ ሠይጣናት ሲያስፈራሩት ያንንም ደብዳቤ ሲአሳዩትና በእርሱ ላይ ሲቆጡ በመከራ ውስጥ እንደኖረ ነገረው ቅዱስ ባስልዮስም ከእሳቸው ቁጣ የተነሣ አትፍራ እግዚአብሔር ይረዳሃልና አጽንቶም ይጠብቅሃል አለው። ከዚህም በኋላ ጥቂት እንጀራና ውኃ ሰጥቶ ወደ ቦታው መለሰው ቅዱስ ባስልዮስም ስለዚያ አገልጋይ ሒዶ ይጸልይ ጀመረ። ዳግመኛም ከሦስት ቀኖች በኋላ ጐበኘውና በእርሱ ላይ ምን እንደ ደረሰበት ጠየቀው ያ አገልጋይም ጩኸታቸውን እሰማለሁ ግን አላያቸውም ብሎ መለሰለት። እንጀራና ውኃም ሰጠውና መከረው ወደ ቦታውም መለሰውና ስለርሱ ሊጸልይ ቅዱስ ባስልዮስ ሔደ። እስከ አርባ ቀኖች ፍጻሜ ድረስ እንዲህ አደረገ። በአርባውም ቀን ፍጻሜ ከእርሱ ስለ ሆነው ጠየቀው ያ አገልጋይም እንዲህ አለው ቅዱስ አባቴ ሆይ ስለ እኔ ሰይጣንን ስትጣላውና ድል አድርገህ ጥለህ ስትረግጠው በዛሬዋ ሌሊት አየሁ አለው። ቅዱስ ባስልዮስም ይህን ነገር ከእርሱ በሰማ ጊዜ እጅግ ደስ አለው የገዳማቱን መነኰሳትና ካህናቱንም ጠርቶ ስለዚያ ሰው ያቺን ሌሊት መላዋን እንዲጸልዩባት አዘዛቸ። በነጋ ጊዜም ያንን አገልጋይ ወደ ቤተክርስቲያን እንዲአመጡት የዚያችንም አገር ሕዝብ ሁሉንም ሰብስቦ እጆቻቸውን ወደ ሰማይ አንሥተው አቤቱ ክርስቶስ ማረን ይቅር በለን እያሉ ወደ እግዚአብሔር ፈጽሞ እንዲማልዱ አዘዛቸው እንዳዘዛቸውም አደረጉ። እንዲህም እያሉ ሲማልዱ ያ ሰው ጽፎ ለሰይጣን የሰጠው የክህደት ደብዳቤ ከሰይጣን እጅ በሕዝቡ ሁሉ ፊት ወደቀ ሁሉም ደስ ብሏቸው ምስጉን እግዚአብሔርን አመሰገኑት የከበረ አባት ባስልዮስም ባረካቸው ሥጋውንና ደሙንም አቀብሎ ወደ ቤቶቻቸው በሰላም በፍቅር አሰናበታቸው ። እነርሱም ስለ ኃጢአታቸው ስርየትና ስለ ድኅነታቸው ፈጽሞ ደስ እያላቸው እግዚአብሔርን እያመሰገኑ ይህንን ቅዱስ አባት ባስልዮስን እያከበሩ ወደ ቤታቸው ገቡ። ለእግዚአብሔርም ምስጋና ይሁን እኛንም በዚህ አባት ጸሎት ይማረን በረከቱም ከእኛ ጋር ትኑር ለዘላለሙ አሜን። (#ስንክሳር_ዘወርኀ_መስከረም)

መስቀል አበባ....