زينبياات🌸

ما زال الاحتياج أكبر ♥️ نحن زاتنا ما نفس الزول الزمان و الكان بيفرحنا قبل زمن اصبح الليلة شي عادي .. صراعات كتيرة خضناها .. علاقات دخلنا فيها ماليين يدنا من المحبوب و طلعنا منها ( صفر اليدين ) قابضين الهوا ! لو بس بنقدر نحس باللي بنتذكره و يعدي علينا لحظيا .. مش نتذكر احساسنا كله و تتلبسنا الحالة كأننا انهزمنا هسي و الموضوع ما عدا عليه زمن .. حتلاقي بعد الزمن دة انك ماشي جوة نفسك بي حساب .. الحتة دي ما عايز تهبشها .. الذكرى دي ما عايز تفتحا حيجيك لأنه طعم المرار كله ! و الله وحده العالم انت عملت شنو عشان تشيل من حلقك طعم العبرة المرّة سألتني صديقة قبل يومين .. يا سلمى اعمل شنو عشان يقول لي بحبك .. هو بعمل كل شي .. بهتم بي و يخاف علي و يكلمني ليه زمن .. لكن ما قال لي بحبك ولا طرح طرح واضح .. ردي كان بسيط جدا .. ولا شي ! ما تعملي اي شي ! اللي ما قادر يلقى الشجاعة يحبك و يقوليك .. جتعملي بيه شنو دة ! زول مفضل يخليك في الgray zone .. قاعدة كدة حبيبة مع وقف التنفيذ بلا وعود بلا عهود بلا اي التزام .. و مستمتع ، و بيغير عليك و بتضايق لما تبعدي ، لا و بيكورك فيك لما تختفي و ما تردي ! نحن صراحة الاحتياج خلانا نعدي كتير .. لي درجة انتا عدينا على روحنا زاتا و اعتدينا عليها و ما قدرناها حق قدرها .. لما تكون حبيبي و اقوليك طبطب علي انا تعبانة .. فانت ما حبيب تعبان و بس .. انت تعبان و بليد ! ايوة بليد .. عشان نحن البنات قبل ما نصل لي مرحلة نطلب الحاجة بنكون لمحتا ليك مية مرة مرة حكون قلت ليك موجوعة ، مرة بكيت قدامك ، مرك اشتكيت .. كل دة و انت ما قادر تستوعب حوجتي ليك قدر شنو .. لما وصلت لي حتة اضطريت اشرحها .. الحاجات بايخة شديد لما بنطلبها ! ليه ما قادرين يفهمو كدة .. الحوجة خلتنا نتخبط شديد .. نخوض غمار حاجات ما بتشبهنا و نقرب شديد من الناس كانو يتمنو يسلمو علينا في يدنا بس كأقصى حاجة يصلو ليها .. و لكن .. كل حاجة عدينا بيها خلتنا نحن عارفين اكتر .. احسن معرفيا .. اسوأ عاطفيا .. و اكثر هشاشة في الحب ! بنقفل البيبان المواربة سريع .. بنبعد عن اي زول نحس انه ممكن يئذينا و خايفين على قلوبنا اكتر .. الاحتياج للعاطفة مر .. أمرّ منه .. لما تقيف الصباح في المراية و دمعتك تسيل و انت بتزرر القميص .. كل الجواك .. أنا عملت كدة ليه ؟ هذا الصباح .. أي حبيب بيحوجك لي اي شي .. دة ما حبيب .. دة اي مسمى تاني .. البيحبك يا جماعة ما بيحوجك لي حاجة ..! و اكيد اكيد ما بخليك ناقص عاطفة .. حب البحبك شديد اخلص للمخلص ليك و اتفاني قدام المحبة .. و اوعا فيوم تستهلك نفسك و ترميها ساي .. بكرة تلقى روحك عدمت القلب اللي تحب بيه .. كل سنة و المحبة فاردة حناحها حولكم و لامة شتات كسركم و مخلية الدنيا في عنيكم دنيا .. هذا الصباح نحن ناس الحب .. الله ما بنسانا ♥️♥️♥️ #سلمى_المصباح معاد نشره

يتشتت الإنسان لهلع قلبه 💔

أحياناً يُصان المتبقي من الودّ ، بقطع الوصال 🐢✨

لا شئ يرمم خسارتي لك كما أني على يقين أنه لا شئ يرمم خسارتك لي، فبرغم ما حدث لأ أنكر أنك أحببتني، وهذا ما يزيد الامر مرارة

لنتواجه.... لست ابحث عن نصر كلانا نعرف ان معارك الحب ليس فيها منتصر ومهزوم، اما ينتصر الاثنان معا أو يهزمان معا، وأنا مهزوم بك، تمام كمان انت مهزوم بي، بغض النظر عن أسباب الهزيمة

وها أنا اوي الي بعد سفري الطويل فيك. ومعك ان لي ان استريح من سفر كان كله وعثاء ان لي ان اتحرر من براثنك واعيدك غريب كما كنت ان لي ان انصب خيمة عزائك لا لأتقبل العزاء بك، ولكن لا بد من خيمة عزاء لاتمام مراسيم موتك هذه الكلمات خيمة عزائك فعظم الله أجرك بك

"أُوْلَى مَراحلِ ضبطِ النفس؛ عِلْمُكَ أنها لن تَنضَبِطَ أبداً، وأنَّكَ معها في توجيه دائم وتقويمٍ مستمر.. على هذا فُطِرَتْ، وعلى هذا سَتَبْقَى؛ فلا تجزع من الميلِ جزع اليائس، ولا تَغُرَّنَّكَ الاستقامةُ غرور الآمن!!"