FLEDU.UZ | RASMIY

🇩🇪GERMANIYA BILAN TA'LIM SOHASI BO'YICHA YANGI HAMKORLIKKA ERISHILDI🇺🇿 ⚡️Oʻzbekiston davlat jahon tillari universiteti rektori Ilxomjon Tuxtasinov boshchiligidagi delegatsiya Germaniya davlatida xizmat safarida. 🎯Mainz shahridagi Gyotenberg universitetiga bo’lgan tashrif davomida ikki universitet rahbariyati oʻrtasida uchrashuv tashkil etildi. ✔️Germaniyada tarjima maktabi boʻyicha yetakchi boʻlgan Mayns universitetini tarjima sohasida kadrlar tayyorlash tajribasini oʻzlashtirish va xorijlik talabalar uchun yozgi lagerlar tashkil etish borasida kelishib olindi.

#QIZIQARLI_TILLAR_DUNYOSI 🗞•Ingliz tilidagi “NEWS” so‘zi aslida kompasdagi dunyo tomonlarini ko‘rsatib turuvchi harflardan olingan: North, East, West, South. 💡Shuning uchun ham bu so‘zda ko‘plik shakli mavjud emas.

🇲🇾MALAYZIYANING NUFUZLI UNIVERSITETLARI BILAN 10 TA HAMKORLIK HUJJATLARI IMZOLANDI🤝 🇺🇿Prezident Shavkat Mirziyoyevning taklifiga binoan Malayziya Bosh vaziri Anvar Ibrohimning mamlakatimizga rasmiy tashrifi doirasida O‘zbekiston-Malayziya biznes-forumi bo‘lib o‘tdi. Unda respublika oliy ta’lim muassasalari Malayziyaning nufuzli universitetlari bilan 10 ta hamkorlik hujjatlarini imzoladilar.✍️ 📊Mazkur imzolangan hujjatlar universitetlararo ilmiy hamkorlik, professor-o’qituvchilar va talabalar almashinuvi kabi yo’nalishlarda aloqalar o’rnatishni nazarda tutadi.

🇺🇿MAKTABGACHA TA'LIMDA O'ZBEKISTON TAJRIBASI O'RGANILMOQDA🌟 🇰🇬Qirg‘iziston Respublikasi ta'lim va fan vaziri maslahatchisi boshchiligidagi delegatsiya Yakkasaroy tumanida joylashgan 100-sonli maktabgacha ta'lim tashkilotiga tashrif buyurdi. 🎯Tashrif davomida delegatsiya MTTning infratuzilmasini, guruhlarning jihozlanishi hamda tayyorlov guruhlari bilan yaqindan tanishdi. Delegatsiya a'zolariga yagona menyu va "Aqlvoy oshpaz" kitobi namoyish etildi. 💥Shuningdek, Maktabgacha ta'lim agentligi direktor o‘rinbosari tomonidan "Nodavlat" yagona monitoring tizimi va MTTga onlayn ariza topshirish jarayonlari taqdimot qilindi.

🌐KO’P TILLILIK MUHITIDAGI MUAMMOLARGA BAG’ISHLANGAN ILMIY-AMALIY KONFERENSIYA O’TKAZILDI✔️ 🏢O‘zbekiston davlat jahon tillari universitetida “Ko‘p tillilik muhitida xorijiy tillarni rivojlantirishning innovatsion va integrativ muammolari” mavzusida xalqaro ilmiy-amaliy konferensiya o‘tkazildi.📌 🎯Ushbu anjuman AQSH elchixonasining Markaziy Osiyo Ingliz tili hududiy ofisi, AQSHning Indiana Universiteti, Arizona Universiteti, Indoneziyaning Muhammadiya Makkassar Universiteti, Serbiyaning Zamonaviy ta'lim instituti bilan hamkorlikda o‘tkazildi.

#QIZIQARLI_TILLAR_DUNYOSI ⚛️1940 yilda Dmitriy Nikolaevich Ushakov redaksiyasi ostida chop etilgan izohli lug’atda “Figli-migli” so’zi izohlab berilgan.💡 🟣Izohga ko'ra "Figli-migli" so'zi «...rus tilida har qanday hazillar, takalluf ko’rsatgan, tinmay ko’z qisgan holda biror maqsadni ko’zlab xushomadgo’ylik qilish”ni anglatadi deyilgan.⚡️

🗺XORIJGA ISHLASH UCHUN KETAYOTGAN VATANDOSHLARGA CHET TILLARINI O'RGATISH DASTURI JIDUDA YO'LGA QO'YILDI✔️ 🏢Jahon iqtisodiyoti va diplomatiya universiteti (JIDU) huzuridagi Xorijiy tillarni chuqur o'rganish va kasb-hunar ta'limi markazi O'zbekiston hukumatining xorijda mehnat faoliyatini amalga oshirish niyatida bo'lgan mamlakatimiz fuqarolarini qo'llab-quvvatlash bo'yicha dasturni amalga oshirishga qo'shildi. 📊Turli darajadagi ta'lim uchun ingliz, arab, ispan, italyan, xitoy, koreys, nemis, yapon va boshqa tillarni o'rganishga ko'maklashadi. Darslar ko'p yillik tajribaga ega yuqori malakali universitet o'qituvchilari tomonidan olib boriladi. 📈Markaz guruh, individual, onlayn va korporativ kurslarni tashkil qiladi va o'quvchilarning o'ziga xos ehtiyojlariga moslashtirilgan ixtisoslashtirilgan o'quv dasturlarini ishlab chiqadi.

🔆INKLYUZIV TA’LIMDA ISLOHOTLAR📌 📚Oʻzbek imo-ishora tilini oʻrgatish boʻyicha oʻquv-metodik majmua va darsliklar yaratildi. Oliy ta’lim, fan va innovatsiyalar vazirligi huzuridagi Oliy ta’limni rivojlantirish tadqiqotlari markazi oliy ta’lim tashkilotlari bilan hamkorlikda bir qancha o’quv qo’llanma, darslik va majmualar ishlab chiqib, o‘quv jarayoniga joriy qilib kelmoqda. Xususan, koʻrish, eshitish va nutqida nuqsoni boʻlgan shaxslarning savodxonligini oshirish, huquqlari, erkinliklari va qonuniy manfaatlarini himoya qilish, ularga koʻrsatiladigan taʼlim xizmatlari sifatini yaxshilash maqsadida oʻzbek imo-ishora tilini oʻrgatish boʻyicha oʻquv-metodik majmua va darsliklar yaratildi. 📖O‘quv-metodik materiallar bilan ushbu havolalar orqali tanishish mumkin. 1. Imo-ishora nutqi segmentatsiyasi 2. Daktilologiya va imo-ishora nutqi 3. Inklyuziv ta’lim nazariya va metodika 4. O‘quv-metodik majmua

💐63-XALQARO GULLAR FESTIVALI DOIRASIDA ILMIY-AMALIY KONFERENSIYA OʻTKAZILDI 📊 🌍 63-Xalqaro gullar festivali doirasida ko'plab xorijiy professor-o'qituvchilar Namanganga tashrif buyurib, viloyatning ilm-fan salohiyatini oshirishga hissa qo'shmoqdalar. 🔥Oliy ta'lim muassasalari hamkorligida "The importance of traslation studies in the development of world science" mavzusida xalqaro ilmiy konferensiya o'tkazildi. 👥Konferensiyada Hindiston elchixonasi konsuli, madaniyat markazi direktori Sitesh Kumar, AQSH, Zambiya, Indoneziya, Bangladesh, Qizg'iziston kabi davlatlarining bir qator professor-o'qituvchilari, shuningdek, magistrantlar o'zlarining nutqlari bilan ishtirok etdilar.

🏢O’ZDJTUDA YANA 6TA XORIJIY TILNI O’QITISH YO’LGA QO’YILADI✔️ 🌍Yangi o’quv yilidan boshlab O’zbekiston davlat jahon tillari universitetida yana oltita xorijiy tillarni o’qitish yo’lga qo’yiladi. Ular fin, shved, venger, portugal, polyak va bengal tillari. ⚡️O'quv-uslubiy boshqarmada mas’ullar ishtirokida mazkur masala tahlilga tortildi. 2024-2025 o’quv yilidan boshlab ushbu masala Ikkinchi chet tili kafedrasining o’quv yuklamasiga kiritildi. Shuningdek, yangi tillarni o’qitish uchun xorijiy mutaxassislarni jalb etish rejalashtirildi.🚩