Coğrafiya..

İdarəetmənin iki forması vardır. Respublika və monarxiya. Respublikada ali qanun verici orqan seçkili parlamentdir. Ölkə başçısı seçki vasitəsi ilə seçilir.  Monarxiyada isə başçı ömürlük seçilir. Monarxiyalar içində konstitusiyalı monarxiya ölkələri üstünlük təşkil edir. Bunlardır: Avropada – Norveç( kral), Andorra, Niderland, Belçika, Monako, İspaniya, Lixteynşteyn, İngiltərə, Danimarka, İsveç( kral), Lüksenburq, Asiyada- Nepal, Malayziya, Küveyt, Yaponiya( imperator) İordaniya, Kamboca, Butan, Tailand. Afirkada – Svazilend, Lesoto, Mərakeş. Okeaniyada– Tonqo. Mütləq monarxiya – monarxın təkbaşına hakimiyyəti. Oman, Bruney, Bəhreyn, BƏƏ, Qatar Teokratik monarxiya– Hakimiyyətin ruhanilərin əlində olması. Məs. Vatikan, Səudiyyə Ərəbistanı.

Dünya dövlətləri inzibati ərazi qurluşuna görə unitar və federativ dövlətlərə bölünür. Unitar dövlətlərdə bir konstitusiya qanunverici və icraedici hakimiyyət vardır. Federativ dövlətlərdə isə ölkənin ayrı ayrı inzibati bölgələrində ( məs. ştat ) özlərinin xüsusi konstitusiyası, qanunverici, icraedici hakimiyyət orqanları vardır. Federativ dövlətlərin sayı azdır. Federativ dövlətlərin bəzilərində məs. Hindistan, Rusiya, Nigeriya milli etnik əlamətlərlə; bəzilərində isə məs. ABŞ, Meksika, Braziliya, Argentina, Almaniya isə tarixi –coğrafi xüsusiyyətlərlə bağlıdır.

Məqsədimiz sadədən mürəkkəbə doğru coğrafiya biliklərimizi genişləndirməkdir.. https://t.me/acv122

Müqəddəs Lavrentiya çayı (fr. fleuve Saint-Laurent, ing. Saint Lawrence River) — Şimali Amerika materikinin böyük su arteriyasını təşkil edən çay. ABŞ və Kanada arasında təbii sərhəd rolunu oynayır. Böyük gölləri Atlantik okean ilə birləşdirir. Mənsəbdə çayın eni 130 km-dir. Çayın uzunluğu 1197 km[1], hövzəsinin sahəsi 1 344 200 km² təşkil edir[2]1680-cı ildə koloniyaçılar çayın yatağının dərinləşdirilməsi üzərində düşünmüşlər. Səbəb isə okean gəmilərinin burada rahat üzməsi olmuşdur. 1959-cu ildə Müqəddəs Lavrentiya dəniz yolu açılmışdır. Onun uzunluğu 283 km olur. Bu dəniz yolu dünyanın ən mühüm tikililərindən biri sayılır. Monrealla Ontario gölü arasında 7 şlyüz inşa edilmişdir. 

Niaqara şəlaləsi ABŞ-ın Nyu-York və Kanadanın Ontario əyaləti arasında sərhəddə yerləşir.Əslində Niaqara 3 şəlalədən təşkil olunmuşdur: bunla At nalı, Amerika şəlaləsi və Gəlin örtüyü şəlaləsi.Bu üçü arasında At nalı (horseshoe) ən böyüyüdür və ABŞ və Kanadanın sərhədində yerləşir.Digər iki şəlalə tamamilə ABŞ-da yerləşir. Keçi adası At nalını Amerika şəlaləsindən, Luna adası isə Amerika şəlaləsini Gəlin örtüyü şəlaləsindən ayırır.

Sarıqamış gölü türkm. Sarygamyş köli, özb. Sariqamish ko‘li, Сариқамиш кўли) — Sarıqamış çökəkliyində yerləşən axarı olmayan olduqca duzlu göl. İnzibati cəhətdən Türkmənistan və Özbəkistan ərazilərində yerləşir. Xəzər dənizi ilə keçmiş Aral dənizi ərazisində qərarlaşır. Özbəkistana aid hissə cəmi ümumi gölün ¼ təşkil edir. Gölün ancaq şimal-qərbi Özbəkistana yerdə qalan hissəsi isə Türkmənistana mənsubdur. Türkmənistan ərazisində yerləşən ən böyük gölldür. Göldən xörək duzu tədarük edilir.

Məqsədimiz sadədən mürəkkəbə doğru coğrafiya biliklərimizi genişləndirməkdir.. https://t.me/acv122

Albaniya Avropada əhalinin ən monoetnik quruluşa malik ölkələrindən biridir, onların 95%-ni etnik albanlar təşkil edir, yunanlar, rumınlar yaşayır. Albaniyanın qara və əlvan metal, neft-qaz ehtiyatları ilə zəngin olmasına baxmayaraq, Avropada ən kasıb ölkələrdən biridir. Gənclərin çoxu iş axtarmaq üçün ölkəni tərk edir. Ona görə də xaricidə ölkənin özünə nisbətən daha çox alban yaşayır.