Ўлмасбек Самарқандий🇺🇿

⚡ Бугун чой куни экан! Чиқса меҳр бошқача, Кўнгил деган жойидан. Ширинроқ чой бормикан, Яқин дўстлар чойидан?! 😊 Ҳамиша бир пиёла чойдек севимли бўлинг! 😊 @Samarqandiy77

​​​​​​​​О ​Ғ А М (Бугун элимизнинг суюкли санъаткори, марҳум Охунжон Мадалиев таваллуд топган кун) Миллионларни мафтун этган наво эди қўшиғингиз, Малҳам эди, оғриқ қалбга даво эди қўшиғингиз, Қадим, кўҳна муҳаббатдан маъво эди қўшиғингиз, Ўлмай туриб ўз номини афсоналар қилган оғам! Куйлаб ўтди, созга қўшиб юрагининг меҳри бирла, Қалб битигин ўқий олди, заковату-зеҳни бирла, Саҳналарда хониш қилиб, овозининг сеҳри бирла, Атрофига минг кўнгилни парвоналар қилган оғам! Баҳор мадҳи битилганда ранжимади сиздан куз ҳам, Воажабо, нолангизда рақс этарди ҳатто сўз ҳам, Сиз баҳона Осиёда машҳур бўлди Туркман қиз ҳам, Ўтда ёқиб не санамни девоналар қилган оғам! Барноларга, Шаҳлоларга, Зеболарга айтди алёр, Наволарин ноласида кўз ёш тўкур «Ёлғиз аёл», Ошиқларни ҳайрон этиб, «кўнглимда ёр», «қўйнимда ёр», Ҳаққа хониш қилиб ёрин иймоналар қилган оғам! Куйларингиз жаранг сочар, тинмай ҳамон тўй-базмда, Таърифингиз тушмас асло ҳам насрда, ҳам назмда, Суяр сизни эъзоз этиб, Самарқанду, Хоразмда, Қайга борса ҳар кўнгилни Фарғоналар қилган оғам! Шеър ёқмаса ранжимангиз Ўлмасбекнинг қоғозидан, Улғайганмиз биз ҳам асли, малҳам топиб навосидан, Гар соғинсак излагаймиз Қиличбекнинг овозидан, Чин маънода санъат сўзин дурдоналар қилган оғам! Ўлмай туриб, ўз номини афсоналар қилган оғам! ✍Ўлмасбек Самарқандий @Samarqandiy77

#Tonggi_tarona Бугун ардоқли санъаткор Охунжон Мадалиев ҳаёт бўлганида 61 ёшга тўлган бўларди! 🎼 "КЕТГИМ КЕЛМАЯПТИ ОНАЖОН " @Samarqandiy77

Ассалом қадрдон, уйғондингизми, Ё кўзга тушдими, майнинг қуёши? Мендек тонгни кутиб тўлғондингизми, Сизда ҳам ҳисларнинг йўқми қиёси? Яна жой олдими орзулар тўлиб, Кўнгил деб аталмиш кошонангиздан. Бугун яна тақдир меҳрибон бўлиб, Ўпиб уйғотдими, пешонангиздан? Ассалому алайкум! Янги кун, янги тонг муборак бўлсин! Ўлмасбек Самарқандий. @Samarqandiy77

Тонг тафтини сезмоқ учун, Тун заҳмини ютмоқ керак, Ёруғ тонгга етмоқ учун, Қаро тундан ўтмоқ керак! Аллоҳга омонатсиз, қадрдоним! Яхши дам олинг! •┈┈┈┈•❈••✾••❈•┈┈┈┈• t.me/Samarqandiy77

Яна ўрик пишиғига етдик. Етказганига шукур! @Samarqandiy77

​​​​​​СИЙРАТ Менинг менлигимда адолат йўқдир, Ишонманг, сўзимда далолат йўқдир. Битгувчи шеърларим кўнглимнинг иши, Билинг, бармоғимда маҳорат йўқдир. Тилим бамисоли жиловланган от, Дилим дилгирликка ўчланар, ҳайҳот, Юрагимда яшар бори эътиқод, Ва ле туйғуларда таҳорат йўқдир. Бошда Сулаймонга монанд савлат бор, Танимда Маҳмуддан мисол ғайрат бор, Жонимда жаҳондан катта давлат бор, Руҳимда шаҳар бор, иморат йўқдир. Кетолмасман ишқдан кўнглимни олиб, Мағлубман суйилиб, ошиқман ғолиб, Гарчанд, айтилсада минг куйга солиб, Муҳаббат шеърида нақорат йўқдир. Дунёсига устун бўлмаслигим рост, Асрларга кетган йўлмаслигим рост, Исмим айтилганда Ўлмаслигим рост, Афсуски, исмимга кафолат йўқдир. Ўлмасбек Самарқандий. @Samarqandiy77

ОЗОДА Атроф озодадир, диллар озода, Дилларга элтгувчи йўллар озода. Сиз билан гўзалдир табиат асли, Чечаклар, новдалар, гуллар озода. Беғубор қалбларда топилмайди доғ, Сизгадир эҳтиром, сизгадир ардоқ, Гарчи, меҳнат ила кафтингиз қадоқ, Ва лекин, шу қадоқ қўллар озода. Йўқ сизда тавозеъ, йўқ сизда кибор, Асли борлигингиз ўзи эътибор, Сиз босган изларда саришталик бор, Қадамингиз етган уйлар озода. Биз сизни яхши кўрамиз сариштажонлар! Ҳурмат билан: Ўлмасбек Самарқандий. https://t.me/Samarqandiy77

​​БАҲС Дунё яралган чоғи, Жуфт яралган неки бор. Аллоҳ ўзи оламни, Айламишдир шаҳсувор. Жуфт этди, ўзи азал, Одам бирла Ҳаввони. Бу икки ҳилқатнинг ҳеч, Йўқдир, асло ёмони. Мен кучлиман дер эркак, Не қудратдир бу хаёл. Борига минг қаноат, Ожизаман дер, аёл. Асли, барчасин Аллох, Идрок этгувчи ўзи. Кимни кучли, кимнидир, Ожиз этгувчи ўзи! Ёлғон эмас, дунёда, Хақиқатнинг хорлиги. Эркаклардан кучлироқ, Аёлларнинг борлиги! Мудом ойнинг жамоли, Этак билан ёпилгай. Аёллардан ожизроқ, Эркаклар ҳам топилгай. Ўлмасбек Самарқандий. @Samarqandiy77

Ота, елкамга чиқ Ҳажга борамиз! @Samarqandiy77