Placide

أن تدوس المكان الذي ألفت الركض إليه بساق يرتجف

العوض في باقيٍ ماعاد ظنّي فيه زود ‏لا دفنت شعوري فـ صدري وقمت أسوّره ‏ودي أضحك ضحكة اللي؛ يوم مَلّ من الوجود ‏إبتسم في وجهه أكثر وجه كان يدوره

نديم الصمت ما والله تحصل لك عليه دروب ‏يا زين الساكت اللي ماحدٍ يدري وش ظروفه

يارب خذني بين أياديك تايب ‏قدام أجيك علوّ الأمتان مشيول ‏لو ماني العبد المطيع المثايب ‏وماني بسيفٍ فوق أعاديك مسلول ‏لكني أطهر من مزون السحايب ‏كني من مياه السماوات مغسول ‏أن جيتني يالليل ويش أنت جايب ‏يامرحـبا واللي يجي منك مقبول ‏نـفسي لها مده لـعينة صلايب ‏من دونها باب الوناسات مقفول ‏كلٍ يشوف إني مقصر وغايـب ‏وأنا مقصر صدق مدري وش أقول ‏قمت اتعذر بالشغل والطلايب ‏وأنا قسم بالله ماني بمـشغول ‏ومقفلٍ جوالي بلا سبـايب ‏وهالحين لو دقيت تلقاه مقفول ‏عيّت على صدري تهب الهبايب ‏ما أداني الجمعه ولا اداني الضول ‏ماكن لي بين الحبايب حبايب ‏لو اضحك شوي ، اتعومس على طول ‏خسرت ربعٍ طيبين وقرايب ‏أحبهم لكن مابي منهم الزول ‏مانيب والله يا عرب .. خايب ‏تدرون بي مانيب هامل ومجهول ‏معي بلاً عجزت عليه الطبايب ‏يتكني وأنا ما عندي له حلول ‏تمكنت بي لي شفت العطايب ‏وليا بغيت اصدها سجلت قول ‏وين الحصان اللي يفك النشايب ‏اللي كفلني يوم مانيب مكفول ‏تجيه راسك موجعته المصايب ‏وتروح كنك ماكل لك بندول ‏من عقب ما كنا قراب وصحايب ‏معاد اشوفه غير في سته ايلول ‏يا ليتني بين اللحد والنصايب ‏أشوا ولا شوفه من الحول للحول

سكت وسكوتي ابد ماهو على محمل رضى لكن سكوت أكابر الكلمة رفع مقدارها عواقب الكتمان أرحم من رسوم الفضفضه الناس عجزانه بـ هالدنيا تصون أسرارها أهل الحسد تصور الحره على هيئة عضى دایم سرایرها تناقض ما يقول جهارها ياكم واحد هان في عينينه اجمل ما حضى ويا كم ناس ودها انها تصير حاجة صارها لو خطوة حظوظي بتشعل في مقاديري لضى دروب عمري طرق ملزوم علي معبارها أسود حظوظك بالتفائل لو عجزت تبیضا روحك وهي بعمر الزهور تعيش عمر أشجارها طق يا مطر يمكن تطفي قطرتك جمره غضى ما احر من شر الغياب الا شراره نارها ليه اسمع بصوت المطر اصوات من عمر مضى ؟ وليه المطر يغري بدو ربي تبوح اسرارها ؟ و ليه المح أحلام العمر كل ما تأملت الفضا و اللي ما تتحقق من احلام الخيال اختارها و لیه اتغرب كل ما حسيته الليل انقضى و ليه القمر تشبة لياليه حزن سمارها ؟ قلبي تلوّع بالمواجع لين ما جوفه فضا دايم مشاعرنا سجينة في صدور احرارها مالي على رد القدر حيلة ولا حكم القضى والحظ حاجة في حياة الادمي ما اختارها

أفضل طريقة للتعبير عن المحبة والإهتمام بشخص ما هي المحاولة من أجله، حتى لو كانت بكلمة صغيرة، وأن تكون تلك المحاولة نابعة من الإخلاص والمحبة، وأن يتم مراعاة هشاشة خاطره ومعاناته

إن قلبي صريح لا يقوى على المنافقة ، إذا أحب تجلى حُبه بالنظر ، وإذا تأذى تجلّى عقابه بإشاحة النواظر ، كأن من كان أمامه لم يكُن .. فإن النظر عندي برهان على التقبل

ملل شيّد على صحرا الطموح خيام ذبح صوت الأمل ترحيب بالخيبه ملل يقطع ورود الحرص والأحلام ويزرع فكرة التشكيك و الريبه يصاحب هالملل هم وكثير اوهام تردد نبرة الماضي وتغني به تشتت عزم خطواتٍ مشت اعوام إلى اللا شي الى العثرات والغيبه بعد ماكنت اجرب قبل اقول احكام بديت احكم بشي بدون تجريبه ولا اذكر كان قاموسي به استسلام اظن احتاج ترميمه و ترتيبه غريبه عاشت اوراقي بدون اقلام ونص الوقت مايسمح بتعريبه كلام الغاز.. عالم تعشق الارقام فكِر مو صعب تفكيكه وتركيبه ملل عيّا يمر ذهني مرور كرام رحل عنا زمان اللطف والطيبه ملل كل الدروب بدورة الايام انا حتى مكاني صار تغريبه ⁃ مَلل.. فيصل القاضي

انا ماني بخير وجيت يمي وانت مانت بخير ‏وانا ياطير فيّ من الهجاد .. اللي مكفيني