الـطَـريـق لـحُلمـكٌ 🤎

ها بقى القليل حتى تُفرج المحنُ.. أرأيت ممتحنً يمضي العمر يمتحناَ؟ هانت اهي والايام هتعدي وهتكون ذكرى بجد بس حاول تفضل صامد ممكن تقول مهما اعمل خلاص مش هوصل لحاجة! بس ده غلط كبير طبعًا أنت كل ما تبذل مجهود وكل ما تذاكر صفحة وكل ما تحل سؤال.. كل ما تقرب لهدفك ولو حتى فقدت الأمل فيه.. فأنت بتقرب من كلية لها فرص أفضل ♥️ وكل ما مجموعك يكون أعلى كل ما فرصتك بتكون احسن حتى لو مش هتجيب الكلية اللي عايزها.. تمام؟ تمام بإذن الله ♥️

حبايبنا اللي بتدخل اللجان بسماعات ربنا ياخدكم😘

أنت ممكن تكون فاكر إن كده هدفك وحلمك ضاع وممكن فاكر أنك مش هتنجح فيها!.. بس عارف لو عامل اللي عليك ومتوكل على الله وبتحاول فأنا جايه اقولك ما خاب من سعى والله. لسه فاضلك فرصة فرص كتير لسه فاضل مواد تقدر تعمل اللي عليك وتجتهد وربنا يكرمك كل سنة بيجيب مادة صعبة أو اتنين هل ده بيمنع الناس أنها تدخل الكلية اللي عايزاها؟ مش بتلاقي ناس داخلت طب وهندسة والسن ولغات وتربية وعلوم وإلخ! يعني هتحقق هدفك بإذن الله ♥️

س: انا بطلع من الامتحان بكون غلطان كتير هل ربنا هيكرمني ولا حلمي ضاع ؟ ج :عارف فيه بعض المواقف حصلت مع الأنبياء هقولك علي بعض منها وانت تعرف اجابتك علي السؤال يا صديقي ربنا اخرج سيدنا يونس من بطن الحوت واخرج سيدنا ابراهيم من النار ورزق سيدنا زكريا بطفل وامراته عاقر ونجا سيدنا موسي من فرعون وشق له البحر ونجا سيدنا محمد من قريش وسخر لسيدنا سليمان الريح والجن وخلي سيدنا يوسف عزيز مصر بعد ما كان مرمي في بئر وسط الصحراء بعد كل دا ومش واثق ف ربك يا صديقي مهما كانت غلطاتك ف اي امتحان خليك واثق ثقة عميااء ان ربنا هيكرمك مش شرط ف مجموع ولا كلية وبس ربنا هيكرمك وخلاص

وافتكر قول الله تعالي "اجيب دعوة الداعي اذا دعاني"

ربنا قال الداعي مش المؤمن ولا المحسن ولا التقي بيقولك الداعي يعني اي حد يدعيني هتسجيب ويا صديقي متراجعش لأن حضرتك بتحسب شيء والمصحح بيصحح شيء تاني وحسابات ربك غير خالص فلا تبكي ع اللبن المسكوب وتشغل بالك بماذا لو كان ولم يكن

سيب الحاجه لرب الحاجه نصيبك محدش هياخده غيرك الخيرة فيما اختارها الله ♥️»

فالنهاية يا صديقي احب اقولك ان انت كنت مطالب بالسعي وانت سعيت هنا دورك انتهي والباقي علي ربنا يعني المجموع والكليه ف ايد ربك مش بإيدك ولا بحسباتك فتوكل علي الله وظن به خيرا 🤎🤎🤎🤎»

أولى البشائر سؤال غلط🫶 المفروض يطلب المتوسطة أو يحط صفر في الاختيارات -هيتم توزيع درجته للكل إن شاء الله