Secondary Students✌️🥇

س: سمعنا في استمارة الكترونية للصف الاول الثانوي والثاني الثانوي صحيح ج :صحيح س :نعملها ازاي ج: بنفتح الرابط ده https://moe-register.emis.gov.eg/ و هتطلع استمارة عادية لازم نملاها و الاخر ندوس اعتماد و بنحط الصوره بتكون مجهزها علي موبايلك بتضغط مكان الصوره بيقولك اختار صوره من اللي عندك بتختار الصوره و متنساش بيبقي معاك الايميل الموحد اللي بتجيبه من اللينك ده ج https://office365.emis.gov.eg/ و لا تنسي كود الطالب اللي بتجيبه من استمارة تامين التابلت اسمه رقم الطالب بالتوفيق يا رب

" في اللحظة دي حطيت إيدي علي قلبه وقُلت: = هو حقيقي الدعاء بيغير القدر يا حاج كريم؟؟ "فضل يمشي قدام البيت وهو باصص للسما وبيقول بصوت واطي وكلام مش واضح: - رب المُعجزات قادر علي كل حاجة.. رب القدر قادر علي تغيير القدر. ربنا سِمِعني، ربنا سِمِعني وبعت المُعجزة لمراتي. " أخدتهم معايا في العربية وطول الطريق كنت متابع حالة البنت وأول ما وصلنا المستشفي كانت أوضة العمليات جاهزة، وبدأت في تنفيذ عملية قلب مفتوح وتوسيع شرايين وتبديل صمامات لطفلة لسه ماتمتش ٣ شهور، عملية كانت تكاد مُستحيلة. واللي إتمنيته زمان بقي دلوقتي قدام عينيا. إني أبقي دكتور قلب كبير، وأعالج قلوب الغلابة ببلاش. وإن الدكتور مش لازم يكون أبوه دكتور. بس ثواني، وقبل ما قلبي يُقف والدنيا تتحول. فيه أمل جديد إتولد، وهيحكي عُمري من الأول. ___ صوت المكان هادي تمامًا وكله مستنيني أكمّل كلامي، فـ مسِكت المايك وقُلت بصوت عالي: = هو فعلًا الدعاء ممكن يغير القدر؟ "الصمت كان هو المسيطر علي المُدرج، وفجأة.. صوت طالب لسه في أولي طب جاي من بعيد بيقول: - بعد اللي حضرتك حكيتيه ده كله يا دكتورة، أكيد الدعاء بيغير القدر. بس هي القصة دي حقيقية؟ "ابتسمت ومسحت دمعة نزلت من عيني وقُلت: = "خليكم مُقتنعين دايمًا، إنك مهما بلغت من العلم أوعي تتكبر أو تظلم قلب أو تِفتري. ومهما بلغت عندك السُلطة والجاه. "خليك فاكر يا شاطر إن مِن فات قديمه تاه" أهلًا بيكم يا شباب في أول محاضرة ليكم في كلية الطب البشري جامعة عين شمس، أنا الدكتورة "ياسمين كريم" رئيسة قسم جراحة القلب والصدر في كلية الطب جامعة عين شمس. "ومرة واحدة بنت وقفت وهي مصدومة وقالت بصوت عالي: - هو حضرتك البنت الصغيرة اللي الدكتور خالد المصري عالجها؟ "ابتسمت وحطيت إيدي علي صدري، فوق الجرح القديم مكان العملية اللي عملتها زمان: - مع كل دقة قلب جديد لازم بيكون فيه ضريبة، وضريبة دقة قلبي كانت وفاة الدكتور خالد المصري بعدها بفترة. ولفيت ناحية الباب ومسكت شنطتي وقُلت: = المحاضرة بتاعت النهاردة خِلصت أتمني تكونوا أستفدتوا حاجة. وأول ما وصلت المكتب بتاعي روحت ناحية البِرواز اللي مُحتفظة بيه من مدة كبيرة، وهو عبارة عن حتة ورقة من جورنال مكتوب فيها بـِ خط عريض: " حصول الدكتور خالد المصري علي جائزة نوبل في الطِب ". " وصوت أغنية جمبي بتقول: لو بَطّلنا نِحلم نموت، لو عانِدنا نِقدر نفوت. ساعتها قلبي ضِحك بعد ما ربنا عوض ٦٠ سنة كفاح عاشها ، وإن فعلا ربنا مابيضيعش تعب حد، جايز الرزق ييجي متأخر زي ما أنا إتولدت بعد ١٥ سنة صبر، وجايز الكلام السلبي يكون بداية حياة إيجابية زي ما حصل مع دكتور خالد، وبدل ما يكون مُجرد دكتور بقي معاه أعظم جايزة في العالم. بس الحاجة اللي هفضل واثقة منها طول عُمري هي إن: "طول ما أحلامك في طوعك كمّل وإمشي لـِ قُدام. مش نهاية الكون وقوعك. النهاية في الاستسلام." Copied

فجاه لاقيت المُدرِس اللي دايمًا بيتريق عليا ويحسسني إني أقل من صحابي في كُل حاجة واقف قُدامي وبيضحك وهو مشاور عليا وبيقول: - وإنت نفسك تكون إيه لما تكبر بقي يا خالد؟ " فضلت أبص يمين وشمال ولاقيت صحابي كُلهم مركزين عليا، فـ وقفت وقُلت: = نفسي أكون دكتور قلب كبير ومشهور وأعالج كل الغلابة ببلاش. " بص عليا وفضل ساكت وفجأة لاقيته إنفجر بالضحك، وشاور علي واحد صاحبي وقال: - طب يوسف أبوه مُهندس وهو عايز يطلع مُهندس زيه. "وشاور علي بنت" - وآية باباها دكتور مشهور في الجامعة وهي نفسها تكون زيه. "وراح مقرب مني جامد وهامس في ودني: - إنت قولتلي باباك شغال إيه؟ " قلبي بدأ ينبض بسرعة وإتوترت، فـ بلعت ريقي وقُلت: = بيطلع كل يوم الفجر ويقعد علي الطريق واللي بيحتاجُه في أي شُغلانة بيروح معاه. فـ راح مخبط علي كتفي وقال: - إنت شكلك موهوم يابني، فـ نصيحة مني لو حِلِمت في يوم، إحلم حِلم صغير، ها!! حلم صغير أوي علي قدك يا خالد. "العصفور لما يتقص جناحُه وهو صغير، مستحيل ييجي عليه يوم ويطير فوق السحاب". في اليوم ده فضلت سهران طول الليل ومن كُتر التفكير ماعرفتش أنام، فـ رُحت أتسحّب بِراحة علي أوضة أبويا وأمي علشان مايصحوش، وأول ما وصلت حطيت راسي فوق قلب أبويا وأنا عمال أعيط وكاتم صوتي بالعافية، وبفكر في كلام المُدرس السلبي، وخايف أوي إن القلب ده يُقف لإن أبويا قالي لو وقف هيموت ومش هيكون موجود معانا. فـ روحت مطبطب علي قلبه وقُلت وانا بهمس: - مش هيقف يا حبيبي ماتخفش ولما أكبر هعالجهولك. في اليوم ده أخدت قرار إن مِن وانا لسه في إعدادي هحوش كل مصاريفي وأجيب كُتب جراحة قلوب وهفضل اقرأ فيها لحد ما أبقي دكتور قلب كبير وأعالج كل قلب موجوع وماحدش حاسس بيه. ودخلت أوضتي ومسكت قلم ألون وكتبت علي الحيط: "طول ما أحلامك في طوعك كمّل وإمشي لـِ قُدام. مش نهاية الكون وقوعك. النهاية في الاستسلام." واليوم يجيب أسبوع والشهر يجيب سنة وطول الفترة دي مابعملش حاجة غير إني بذاكر وبقرأ في الكُتب اللي بشتريها وبس. "مع كل أول نبضة لقلب طفل لسه خارج للدُنيا، بيكون فيه قُدامها ضريبة إن واحد قلبه ينبض نبضتُه الأخيرة" وجِه اليوم اللي أبويا هو اللي دفع فيه الضريبة دي، وراح جمب أكتر حد حنين وهيحس بالوجع اللي كان في قلبه وهيعوضُه كل خير. ساعتها ماكنتش عارف أعمل إيه، وحسيت إن كُل حاجة عملتها رجعِت للصِفر، فأخدت ولاعة ودخلت أوضتي وحطيت كُل كُتب الطب وولعت ورقة علشان أرميها وسطهم. بس عيني جت علي جُملة: "طول ما أحلامك في طوعك كمّل وإمشي لـِ قُدام. مش نهاية الكون وقوعك. النهاية في الاستسلام." في الوقت ده افتكرت لما قُلت للمُدرِس: إني هعالج كل الناس الغلابة ببلاش، وافتكرت كمان أبويا وإنه قد إيه هيفرح لما يشوفني بعمل كدة، وبريح الناس من وجع كان تاعبُه. فـ طفيت الورقة وخرجت ناحية المدرسة الإعدادي اللي كنت فيها وسألت علي المُدرس اللي كان بيتريق عليا، ولما عرفت إنه في حصة دخلت الفصل اللي موجود فيه من غير إستئذان ووقفت قدامه. = أنت ليه ما سألتنيش عن السبب اللي خلاني أقولك أنا عاوز أطلع دكتور قلب!! "فِضِل ساكت ومستغرب مِن الموقف وكلامي". "فبصيت في عينيه بغضب" = أبويا اللي كنت بتتريق عليه كان مريض قلب، وبرغم ده كله كان بيخرج كل يوم يشتغل ويشيل فوق طاقتُه علشان يوفرلي رغيف أقدر أعيش منه، يوفرلي فلوس أقدر أتعلم منها، كان بيعلمني إزاي أطلع راجل في وقت الرجالة فيه بقت مُجرد كلمة بتتكتب في البطاقة. أيوة زي البطاقة اللي في جيب حضرتك دي بالضبط. أنا موجوع، وجوايا كراهية الدنيا كلها من ناحيتك، ومن ناحية كل واحد مُتنمر بيهد في طموح وشغف غيره، كراهية لكل شخص معدوم الإنسانية كل تفكيره إن ابن الدكتور بيطلع دكتور، والمهندس لازم إبنه يكون زيه، وأي حاجة غير كدة لا. أنا دلوقتي جايلك مكسور وقلبي موجوع ومليان نار، وبقولك إن من رَحِم الوجع والكلام السلبي بيتولد النجاح والمُعجزات. أنا جايز ماقدرش في يوم إني أعالج القلوب بـِ الطِب زي ما أنت قولتلي، بس واثق إني هقدر أعالجها حتي لو بكلمة حلوة تطيّب بخاطرها. في اليوم ده مشيت وسيبته وقررت إني بدل ما بتعلِم وبذاكر الطب بس، لا أنا هشتغل كمان وأصرف علي أمي اللي مابقاش حد ليها غيري.. كنت شوية ببيع مناديل، وشوية بقول عسلية سمسمية وأنا ماشي في القطر، اشتغلت في كل حاجة تقريبًا، صحيح خسرت كتير من صحتي وطفولتي. بس كسبت نفسي ورجولتي وفهمت كلام الراجل العجوز لما قال: - إن الدنيا دانية وفانية، وإن الله مع الصابرين. وفجأة وفي غمضة عين عدِت الدنيا وسرقت مني سنين وسنيييين. ودلوقتي قاعد في جنينة المستشفي ويبدأ العد التنازُلي قبل ما أتِم مِن عُمري السِتين.

يااااه بقالي ١٠ سنين مسافر برا بلدي!! وعمال افتكر في ذكريات قديمة ووشوش قديمة، تفاصيل سايبة جوا القلب علامة، بس صدق اللي قال إن الدنيا زي الدوامة. بنفضل نلف جواها ونعافر ونفكر في بُكره، وبرضو مابنخدش غير رزقنا اللي مكتوبلنا. ومرة واحدة شوفت كيس عصير بعيد مرمي علي الأرض روحت ناحيته ولسه بوطي علشان أشيلُه: - لا يا دكتور ماينفعش والله، إيه اللي أنت بتعمله ده بس!!! " خبطت علي كتف محمود عامل النظافة في المستشفي بتاعي وابتسمت وقُلت: = هو أنت أحسن مني يعني علشان تنضف المستشفي وأنا لا؟ - لا ماقصُدش والله بس.... = كلنا في الدنيا واحد يا محمود، ماحدش أحسن من حد، واللي يلاقي حاجة غلط يصلحها من نفسه ومايستناش التاني ييجي علشان يعملها، عارف كيس العصير ده لو فضل مكانه إيه اللي هيحصل؟ " بص عليا بـ استغراب: - إيه؟ = كمان أسبوع هيكون مقلب زبالة كبير، هي الدنيا كدة يابني، والمشكلة بتبدأ بغلطة صغيرة أوي تكاد لا تُذكر ولما بنهمِلها بتفضل تكبر وتكبر لحد ما تتحول لكارثة. فلو ما عالِجناش المشكلة في أولها عواقبها هتكون مستحيلة الحل. مسكت كيس العصير وروحت ناحية صندوق الزبالة ورميته ولسه بلف وشي. وفجأة.... لفت انتباهي ظرف موجود جوا الصندوق، فـ وطيت وجيبته وبدأت اقرأ اللي مكتوب جواه: " دكتور "خالد المصري" أنا الحاج كريم من أسوان عندي ٥٥ سنة، شغال علي باب الله، بطلع كل يوم الفجر أقعد علي الطريق وأستني أي حد ياخدني معاه أشتغل، والدنيا حقيقي صعبة معايا لإني مابقتش أقدر أفرِد ضهري، ودلوقتي جايلك من غير ما مراتي تِعرف علشان أقدملك طلب إنك تعالج بنتي. أنا ومراتي متجوزين من ١٥ سنة وربنا ما أنعمش علينا طول المدة دي بنعمة الخِلفة، وبعد كل الصبر ده بنتي جت للدنيا من ٣ شهور، ومحتاجة عملية قلب مفتوح في أسرع وقت، لإن حالتها كل يوم بتسوء عن اللي قبله. بالله عليك أقف جمب أب الزمن دوِّب قلبُه". دموعي نزلت غصب عني.. الراجل ده ظروفه كانت زيي بالضبط، وشغال نفس الشغل بتاع أبويا!!! لفيت ضهر الورقة لاقيت مكتوب عليا: "بنتي الغالية ياسمين، أعذريني يا نور عيني، بس معلش حظك قليل في الدنيا، والدكتور طلع مسافر برا مصر واللي شغالين عنده مش راضيين يقبلوا حالتك. أشوفك في جنة ربنا يا حتة مِن قلبي وروحي. الغلابة اللي زينا يابنتي تقريبًا مالهُمش مكان وسط القلوب السودا اللي في الأرض. بكره معادنا في الجنة وأحس بقلبك وهو سليم وأكون فرحان بيكي وأنا شايفك جميلة وبتضحكي. والله أبوكي عمل المستحيل علشانك، لدرجة إنه استلف فلوس المواصلات علشان يعرف ييجي لحد هنا فسامحيني يابنتي. سامحيني يا جنة من ربنا جاتلي علي الأرض بس ماليش نصيب كبير فيها." " في اللحظة دي قلبي كإنه إتخلع من مكانه، وركبت العربية بتاعتي وبدأت أسوق بسرعة زي الملهوف علي بنته من الموت وسافرت من القاهرة لأسوان، سافرت ١٢ ساعة بتحدي فيهم الزمن الوقت، لحد ما وصلت للعنوان ووقفت قدام الباب، وبدأت آخد نفس طويل، وأطلعه بالراحة علشان أهدأ. وفجأة.. سمعت صوت الأم بتصرخ وبتتكلم بسرعة أوي: - يااااااارب، بنتي لا ياااارب. مُعجزة من عندك يارب بس بنتي ماتضيعش مني، دي صبري كله في الدنيا والله... "وصوت عياطها بقي عالي" في اللحظة دي إتقدمت خطوتين ناحية الباب، وبصيت للسما، وكإني شايف قلب أبويا في اللحظة اللي وقف فيها، ومش عاوزها تتكرر تاني. وأول ما خبطت علي الباب، لاقيت راجل ضهره محني وماشي بالعافية.. - أنت مين يا أستاذ؟ = أنت الحاج كريم؟ - أيوة. "دموعي سالت زي الشلال" = هو الدعاء ممكن يغير القدر يا حاج؟ - أكيد يا أستاذ، رب المسحيل قادر يخلي كل شيء جايز. "وصوت الأم بيقاطع كلامنا وهي بتقول: - مُعجزة من عندك يارب بنتي قلبها هيُقف يااارب. = الجواب ده بتاعك؟ " أول ما عينه شافت الجواب، لاقيته بيعيط بصوت عالي وطلع الشارع وبص للسما" - أنا يارب!!! وقفت جمبي أنا يارب؟؟ ده أنا عصيتك كتير ويأست أكتر. وقفت جمب كريم الضعيف اللي الزمن حني ضهره وكسر قلبه؟؟ جمب كريم اللي مالوش حد في الدنيا يساعده؟؟ " أخدتُه في حضني وبدأت أهدي فيه وقُلت: = ربك جمبك، وهو الوحيد اللي يقدر يساعدك ياعم كريم. " مسح دموعه وبص في وشي بـ استغراب" - بس أنت مين يا أستاذ، شكلك إبن ناس ومليان هيبة! = أنا؟ - أيوة إنت. " حسيت بخنقة شديدة في قلبي ومابقتش قادر أتحكم في دموعي وقلت بصوت متقطع: = أنا واحد أبوه كان زيك بالضبط ومات علشان ماكنش معاه فلوس يتعالِج وماحدش وقف جمبه، أنا واحد الزمن كسر ضهره زيك برضو وصِبر فوق صبر الدنيا ألف صبر كمان. أنا الدكتور "خالد المصري" أشهر دكتور جراح قلوب في ألمانيا، وصاحب المستشفي اللي أنت كنت جاي عندها علشان تكشف فيها علي بنتك يا حاج. " إيده بدأت ترتعش وبص للسما" - مراتي دعتك بمُعجزة، أنت سمعتها؟؟؟ سمعتها وبعتتلي الشخص اللي أنا لفيت الدنيا كلها علشان بس أشوفه!! باعتهولي لحد بيتي؟؟؟

- شوية نصايح للمذاكره علي السريع. ـــــــــــــــــــــــــــــــــــــــــــــ ⁦1- "علاقتك بربنا سبحانه وتعالى" - علاقتك بربنا تكون كويسة جدا مش تصلي يوم و ١٠ لا صلي وادعي كتير وقرب من ربنا مهما عملت ذنوب ومهما عصيته قرب منه وحياتك هتتحسن ١٨٠ درجة. ــــــــــــــــــــــــــــــــــــــــــ ⁦2- "بر الوالدين" - العلاقة بينهم تكون كويسة وعاملهم بالحسني وادعيلهم مهما قسيوا عليك خلي علقتك بيهم كويسة ربنا هيرزقك دنيا واخره ـــــــــــــــــــــــــــــــــــــــــــ ⁦3- "الورد اليومى" - خصص جزء من القرأن صفحة أو اتنين علي حسب رغبتك ويوم مع يوم هتتعود علي قراءة الورد قبل المذاكره ورد وبعد المذكرة ورد. ــــــــــــــــــــــــــــــــــــــــــــ ⁦4- "حدد هدفك واسعى واجتهد فى مجالك" - خلاص اخترت علمي يبقي تذاكر كويس علشان تحقق حلمك وفي اكتر من مصدر للمذاكره ومش من اول مره تحبط نفسك دي صعبة اووي دي مش عارف ذاكر حاجة حاجة جزء جزء وربنا هيوفقك وكل حاجة تبقي سهلة باذن الله. ـــــــــــــــــــــــــــــــــــــــــــــ ⁦5- "اتعود عـ المذاكرة من الاول" - الدراسة 9/10 يعني لسه فيه وقت تقدر تبدأ دلوقتي صح وتبدأ جزء جزء بس متكترتش علي نفسك في المذاكره مش بقولك كون بقا الدحيح الـ مفيش منك لا خالص ذاكر حاجة حاجة متسبش جزء الا لما تفهمه اسال مدرسك اتناقش معاه في الوقت تقدر تنجز جزء كبير من المنهج بس علي مهلك ابدا السنه صح تخلصها صح خصوصا أن فيه اكتر من مصدر تقدر تذاكر منه. ـــــــــــــــــــــــــــــــــــــــــــــ ⁦6- "المذاكرة بعد صلاة الفجر" - عود نفسك من دلوقتي تنام وتصحي تذاكر بعد الفجر دا احسن وقت فيه بركه ونشاط ومتكترتش علي نفسك، سيبك بقا من مذاكرة بليل مبتاكلش عيش ربنا قال: { وَجَعَلْنَا نَوْمَكُمْ سُبَاتًا (9) وَجَعَلْنَا اللَّيْلَ لِبَاسًا (10) وَجَعَلْنَا النَّهَارَ مَعَاشًا (11) }، باختصار ارتاح بليل وذاكر بالنهار. ــــــــــــــــــــــــــــــــــــــــــــ ⁦7- "نام مثلا من 7:8ساعات" - انا بقول مثلا علي حسب رغبتك بقا بس احسن حاجة ليك نام ٧ أو ٨ ساعات ونام بدري اصحي الفجر صلي كده كوباية النسكافيه أو الشاي اي كان بقا وابدا مذكرتك. ــــــــــــــــــــــــــــــــــــــــــ ⁦8- "الكلام السلبى" - اسوء حاجة الكلام السلبي دا يقول يعم سيبك دي سنة مش مهمة وانت مش نافع ملكش دعوة بالكلام ده ده شخص حاقود عليك خلي حقده ليك قوة مش ضعف اثبت للكل انك تقدر، خلى املك بربنا كبير. ــــــــــــــــــــــــــــــــــــــــــــــ ⁦9- "نظم وقتك" - دا بقا علي حسب دروسك وكده قسم وقتك مثلا الاسبوع ده النهاردة كذه وكذه وذاكر بس متكترتش ومتتعودش علي جدول شهر كامل لا جدول يوم او اسبوع كويس إنما جدول لشهر ده لما تكون مزنوق. ــــــــــــــــــــــــــــــــــــــــــــ ⁦⁦⁩⁦⁦⁦⁦⁩⁦⁦10- "⁩العب رياضة" - ايوه يـ باشا العب رياضة كده علشان صحتك دا هيساعدك علي التركيز اكتر كفاية يوم فى الأسبوع ساعة أو ساعتين بس ، كل اكل صحى(فاكهة وخضراوات)وكده ماشي. ــــــــــــــــــــــــــــــــــــــــــــ ⁦11- "الصحاب" إن كان صاحبك كويس قريب من ربنا هتكون زيه، كان صاحبك فاشل هتكون زيه، استغنى عنهم سيبهم يقولوا ال يقولوه خليك مع واحد عارف مصلحته وهيساعدك ويشجعك ويقربك من ربنا احسن من الف واحد وحش. ــــــــــــــــــــــــــــــــــــــــــ ⁦⁩⁦⁦12- "⁩⁩⁩⁦⁦⁦⁦النجاح مش طب وهندسة" - النجاح ال تكون ناجح فى فى اي مجال دخلت مهما كان ياما شوفنا دكترة فشلة ياما شوفنا ناس دخلت تجارة بقت اعظم الناس، لو عملت كل حاجة من دي ومجبتش الكلية ال عايزها تاكد مليون فى المية أن دا خير من ربنا اي مكان هتروحه دا احسن من الف مكان غيره ربنا بيوديك للخير والـ احسن ليك ﴿وَلَا تَيْأَسُوا مِن رَّوْحِ اللَّهِ﴾. ــــــــــــــــــــــــــــــــــــــــــــ 13- ⁦⁦⁩⁦⁦"⁩خلى الدعاء ده فى قلبك" "يَا حَى يَا قَيَوًّمَ بَرَحَمَتَك أسَتَغَيَثَ اصَلَحَ لَيَ شَأنَى كُلَّهُ،وًّلَا تَكلَنَى الَى نَفَسَى طَرَفَةٍُ عَيَنَ". ـــــــــــــــــــــــــــــــــــــــــــ ⁦14- "دعاء قبل المذاكرة" قبل ما تبدأ مذاكره قول ده ربنا هيباركلك. ﴿آلَلَهِمِ إنٌى أسًألَكَ فُهِمِ آلَنٌبّيّيّنٌ وُحًفُظٌ آلَمِرَسًلَيّنٌ وُآلَمِلَآئكَةُ آلَمِـقَرَبّـيّنٌ وُآلَلَهِمِ إجَعَلَ ألَسًنٌتُنٌآ عَآمِرَهِ بّـذٌكَرَكَ وُقَلَوُبّنٌآ بّخٌشّيّتُكَ وُأسًرَآرَنٌآ بّطٌآعَتُكَ إنٌكَ عَلَى كَلَ شّـئ قَدُيّرَ حًسًبّنٌآ آلَلَهِ وُنٌعَمِ آلَوُكَيّلَ" ــــــــــــــــــــــــــــــــــــــــ ⁦15- "دعاء بعد المذاكرة" - بعد ما تخلص مذاكره قول ده. "آلَلَهِمِ إنٌ آسًتُوُدُعَتُكَ مِآ قَرَأتُ وُمِآ حًفُظٌتُ وُمِآ عَلَمِتُ وُمِآ فُهِمِتُ فُرَدُهِ إلَى وُقَتُ حًآجَتُى إلَيّهِ إنٌكَ عَلى كَلَ شّئ قَدُيّرَ حًسًبّنٌآ آلَلَهِ وُنٌعَمِ آلَوُكَيّلَ".🤍🤍

https://t.me/quran_0_9 اتشانل قران ❤️

تنظيم الوقت : *التنظيم حيث : -عبادات . -دراسه . -طعام . -تمارين . -مواهب . =وضع جدول مرتب . =الجدول لا يتضمن الكثير من المهام . =جدول اسبوعي ثابت . =جدول يومي متغير . =اضافه جوائز عند الانجاز . =منبه للاعمال . =وقت راحه . حاول تنظم وقتك وكل حاجه هتبقي تمام ✨❤️

شوية نصايح لدفعة ثانوية عامة ٢٠٢٢ ١- دايما فيه وقت حتى لو انت شايف عكس كدا ٢- عادي جدا انك تفضل ملخبط دروس اول شهرين بس بعد شهر ١٠ لازم تظبط امورك ٣- ماتشدش في الاول، ماتشدش في الاول، ماتشدش في الاول، ماتشدش في الاول، كفايه اوي اوي اوي حل الواجب وحفظ كلمات مثلا او حاجه، كدا كدا الحاجات اللي في الاول دي بتكرر كتير وكمان ماعليهاش درجات كتير وهتفقد شغفك من البداية ٤- الصلاة مهمة عشان قلبك يكون مطمن وتحس انك مستشعر ربنا في كل وقت.. مش مجرد عشان توصل لهدفك "ودا طبعاً عامل اساسي" ٥- اوعى ثم اوعى ثم اوعى ثم اوعى تفضل مع مدرس انت مش مستريح معاه نفسياً حتى لو هو مشهور وطلاب كتير بتاخد معاه.. مدرس مستريح معاه نفسيا ومتوسط في الماده هيعرف يحببك في الماده وهتذاكرها كتير وانت هتحصل اكتر بكتير ٦- دايما فيه وقت حتى لو انت شايف عكس كدا ٧- ماتاخدش السنة لوحدك.. السنه هتبقى احلى لو معاك حد يشجعك وماشي معاك الطريق من اوله "طبعا المحبطين واللي كلامهم سم ابعد عنهم مش بس السنه دي.. ابعد عنهم على طول" ٨- ماتحفظش، ماتضيعش وقت في الحفظ، افهم من كذا مصدر ممكن من مدرس السنتر مرة ومن اليوتيوب مرة تانية "اي مدرس يقولك احفظ سيبه حتى لو هو معروف " ٩- ماتأجلش اي مذاكرة عليك حتى لو كانت صفحة مثلا ١٠- اكتب في كتاب المدرسة من الاول اللي انت عاوزة وذاكر منه عشان في الاخر يكون سهل معاك في الامتحان وفيه اكبر كم من المعلومات اللي وقفت عليك ١١- الفيزيا والكيميا دايما محتاجين مراجعة عشان دايما بيتنسوا على عكس باقي المواد ١٢- اللغة التانية لو ما اهتميتش بيها من الاول هتبقى عقدة وهي اصلا مش مستاهلة ١٣- الفيزيا سهلة، ماتصدقش اي حد يقولك عكس كدا.. هي بس عاوزه واحد دماغه شغالة ١٤- حل كتاب واحد في كل مادة من اول السنة وزود في المراجعات ١٦‐ عادي يجيلك فتره وتفقد شغفك، ممكن الفترة دي تقعد اسبوعين او تلاته.. ارجوك ارجوك ماتخليهاش تقعد اكتر من كدا واطلع منها بسرعه بأي طريقة ١٧- دايما فيه وقت حتى لو انت شايف عكس كدا ١٨- مش هقولك السنه سهله نفسيا.. السنه مقرفة نفسيا بس الشاطر واللي بيجيب مجموع هو اللي بيقدر يتخطى اي مشكله نفسية ويطلع سليم ١٩- اعمل اللي عليك عشان متندمش وتعيش في دوامة جلد الذات ٢٠- دايما ربنا له حسابات غير.. احسن الظن في العظيم وبس ٢١- اتعلم تقلل موبايل على مدار الخمس شهور الاولنين في السنه عشان تستريح في الاخر ٢٢- دايما فيه وقت حتى لو انت شايف عكس كدا ربنا يكرمكم كلكم❤️

السلام عليكم ورحمة الله وبركاته 😊❤️ منصة أبواب التعليمية عاملة عرض كويس جدا لكل الطلبة العرض ده لفترة محدودة اي هو العرض؟ العرض هو انك تسجل ع المنصة لما تسجل هتلاقي كل حاجة مقفولة تمام هتكلم الدعم هيبعتلك كود تدخل بيه اي مادة مجاني وبطريقة سهلة جدا يلا كله يلحق ينفذ عشان يستفاد اكتر ♥️. اللي حابب ينضم يكلمني. @Thismostafa