﮼قروب ﮼شعر ﮼للمتذوقين ﮼

‏البــارحه يــوم العبــــاد رقــود ‏النــوم مايــطري علي بـــالي ‏مجروح روح وخاطري ملهود ‏يـانــاس خـلـوني علي فـــالي ‏تـبكي عيــوني والدمـوع شهود ‏أيــوالله ابــكي صاحب غـالي ‏يـازين مالك مــن عــذابي زود ‏ارفق بــحالي يــابــعد حــالي ‏ودي بــوصــلك يانـعيــم العـود ‏ودي ولــكن مـاتـــهيــــــا لي ‏تــري المحبــه مابـــها منــقـود ‏والله فــلا اسمع هـرج عذالي ‏اللي ذبــحنـي بالعيـــون السـود ‏من قبل اعرفه خاطري سالي ‏ياعـــود ريــحان عليــه حــدود ‏ومنـيــن مـاهب الهـوي مالي ‏هبــي بــريحه يـاهبــوب النـود ‏يـطفي بعض همي وغربـالي ‏الحب يــذبــح والشــقي ممـدود ‏ماهي سواليـف علي الخــالي ‏يــامنــوتي يــاغايــه المقصـود ‏زولك يــورالــي ويــبــــرالي

لا زلت رغم الخوف و البعد والتشكيك اراهن على زود المحبه وكبر الشوق من الناس ومن الحظ الاقشر ومن ماضيك سرقتك وكان السارق اطيب من المسروق على كل حال البارحه مرّني طاريك تطرّق لك اللي شيب القاف والطاروق ونشدني وقلت ان المعاريف تثمر فيك مثل من يداري بالخفا جيبه المشقوق

نطوي مع الأيام عـام ٍ ورا عام وتمر ساعات الفـرح فـي دقايق ‏أيام راحت بالعمر مثـل الأحلام يوم ٍ بهـا زعـلان وأيـام رايق ‏درست من دنياي وأتعبت الأقدام وبدلت عن بعض الطرايق طرايـق ‏وكفخت بأفكاري كما الطير لا حام وما عاقني عن ماكـر العـز عايـق ‏يا صاحبي خذني معك سيف وحزام وياك في وقت الرخـا والضوايـق ‏وترى البشر يا خوك منقسمه أقسام بين الردي والطيب شفت الحقايـق ‏لقيت من صلى وزكى ومن صام ولقيت من هو لأقرب النـاس بايـق ‏ولقيت من قلبه حقـود ٍ ونمّام ولقيت من قلبـه يعـز الرفايـق ‏ولقيت من يبني الأمل فوق الأوهام واللي يموت ولا يعـرف الاالعوايـق ‏ولقيت من يملك بساتيـن وانعام واللي من الحاجة ينـام متضايـق ‏الله خلق هالخلق سـادة وخدام ذي دبـرة الرحمـن رب الخلايـق ‏وآخرك يابن آدم ترى قطعة الخام أمراً أكيـد وما يبيلـه وثائق ‏يالله عسى ما أكون قطاع الأرحام وعساي من عقب القبر في حدايـق ‏جاك الكلام وخذ معه بصمة إبهام إن العمـر كلـه مجـرد دقايق ‏⁧ #مطلق_الثبيتي⁩ رحمه الله