عادل بن عيّاد

خابرك وقت الرخا مضرب على عمق الصداقة ‏بس في وقت الشدايد لا زهمتك شفت ظلّي ‏كنك اللي بس مسلم في الجواز و فـ البطاقة ‏و الحـقيـقـة : لا يـحج و لا يـصوم و لا يصلّي

‏و لا كل كسر و ضيق لا مرّ بك ينقال ‏و فالناس ناس إن قلت! كنك تعايدها

قدمك الفارس ترجّل لا سلاح و لا ذخيرة من يضد اللي هدبها موت وسيوفٍ صقايل يا جميلة و إن بقالي فـ العمر ليلة اخيره ما يعوّضني سواد الليل عن سود الجدايل حطك الله مضربٍ للزين في شبه الجزيره وانخلقتي ما انخلق لك لا شبيه و لا بدايل استثيري شاعرك ، دامه يحب اللي تثيره غايته يرضي غرورك لا كتب فيك الجزايل واحدٍ هام بـ غرامك ما يفكّر في مصيره لو عذابه من يدينك! قال عادتك الجمايل من عطاه الله قلبك ما رضا في قلب غيره والقلوب ارزاق وانتي حلوة اوصاف وخصايل تقبلين و كل ورد يفوح من عطرك عبيره والهوا لا هب ريحك قيمته في ويش شايل ما ورى عوج الحنايا غير قصرك يا الاميره ما تزحزح عن مكانه و اوعدك ماهو بـ زايل

وشلون قلبٍ معك يشكي عذاب و يضيق و ايديك لو تمسح الجرح العميق انبرى لولا وجودك على الدنيا حبيب و عشيق الناس ما تنبغى و الأرض ما تنشرى

يقولون التغاضي حل ، بس أنه معك ما فاد ‏وشف وين الطريق اللي من ايدينك وصلنا له ‏زرعت و تحسب كبار الخطايا مالها حصّاد ‏و لا يجني على الإنسان غير اخطاه و افعاله ‏وانا استاهل وهذي غلطة الشاطر و لا تنعاد ‏ليا من علّق آماله .. على من حطّم آماله

في هـ الزمن ما يعيش إلا ابو وجهٍ قوي اللي لو الناس داست له طرف! .. داسها

عصيمي والعصيمي في هوى مثلك ترى مملوك ‏وقف للوقت من دونك ولاجلك ما ذخر وقفه ‏مشى معك بـ خطاويّه ولا همه كثير الشوك ‏يحس أنه معك يحيى ولو كان الثمن حتفه ‏و ذا صدره مشرّع لك وعيشي فيه بنت ملوك ‏واذا بتكدرك دنيا تعالي و يسندك كتفه

نصون اصحابنا و صدورهم مليا علينا غل ‏صدق من قال: (ما يملى عيونٍ تبغضك حاجة) ‏كثير اللي عليهم من جمـايلنا نَعِيم ،و ظلّ ‏لو اكثرها على واحد يهودي حطنا تـاجه

تاهت اقدامي وانا اللي كان لي في الارض غاية ‏حلمي اللي كنت اشوفه في هواك وكنت اهيمه ‏اتّبعتك ، و اثري امشي خلفك لـ درب النهاية ‏ما دريت ان الطموح احيان معنى للهزيمة !

هلا في وجهك و زولك و حي الشوق لا قادك ‏على من فـ أيسر ضلوعه غدى لك مسكن ومذرا ‏تدوس اقدامك القاع و تدوس قلوب حسّادك ‏كأنه ما انخلق بعدك على مر الزمن عذرا