"Кеўилим кеширмелери"

✍️Ақшолпан Аманияз 🎙Дильфуза Сейтимова          @Kewilim_keshirmeleri @Tumaris_izinen

САҒЫНБАЙ ИБРАГИМОВ * * * Адамлар умытқан ўақыялар, көринислер, сәнелер… барлығы жулдызлардың яд дәптеринде жазыўлы. Бул адамлар ядына алыўдан қашатуғын нәрселерди жулдызлар ҳәр ақшам жерге айтады – усы сыбырлыны еситип, өз тилинде баянлап беретуғын бенделер – булар шайырлар. Соның ушын шайырларға исениң – олар сизлердиң санаасты ҳәм бийсана сырларыңызды биледи. Оларға сизлерге жақпайтуғын гәплери ушын тас атпаңлар – олар сизлерди ҳақыйқат жолына қайтарыўға умтылады. Ақыры, бул жердиң бетинде арттырған қорқынышларыңыз сизлердиң алдыңыздағы бийесап есиклерди жаўып қойыпты – буны сизлер көрмей атырсызлар! Сизлер бул жерде есик барын билмей өтип баратырған дийўалдың аржағында сизлерге руўҳый бахыт беретуғын байлықлар бар! Егер сизлер усы барысыңызда бара берсеңизлер – сизлердиң нәпси айдаўында созылған қолларыңыз тийген нәрселер тасларға айнала береди. Ақыры, дағдарысқа ушыраған жәмийет сипсениң артына жасырынған тышқан сыяқлы – оны пышықтың пәнжеси күтип турыпты, бүгинги сулыў соқырлығы оны тарийх жазасынан аман алып қалалмайды.

Гулзиба қыз Гүл яңлыды... ✍Ақшолпан Аманияз 🎤Е ...Зияда

ГҮЛЗИБА ҚЫЗ ГҮЛ ЯҢЛЫДЫ Қырмызыға дөнип жүзи, Күлим қағар қумай көзи, Периштениң нағыз өзи, Гүлзийба қыз гүл яңлыды. Бир кәсиптиң жеппиз нанын, Туўған күн мүбәрек жаным, Ашылғай да ығбал- бағың, Гүлзийба қыз гүл яңлыды. Айтыс десе таслар бойын, Қыпсаламас ҳасла ойын, Көрейик тез бахыт тойын, Гүлзийба қыз гүл яңлыды. Мудамы яр оған әўмет, Бир күлип баққаны дәўлет, Сүлиңгирдей қәдди- қәўмет , Гүлзийба қыз гүл яңлыды. Жигитлерге бақса қыя, Жүз берер қызық ўақыя, Басында қызыл тақыя, Гүлзийба қыз гүл яңлыды. Көрген жанлар таң қалғандай, Үрип аўызға салғандай, Киши пейил бир ай маңлай, Гүлзийба қыз гүл яңлыды. Қыймай жүр-аў қызлық тахтын, Әйне писип турған ўақтың, Қамшыла ат! Жанғай бахтың, Гүлзийба қыз гүл яңлыды. Гүлзийба қызым саған дүньядағы ең жақсы тилеклерди тилеп қаламан! Бахытлы болғайсаң! Ақшолпан Аманияз 22.06.2024 жыл

✍️Ақшолпан Аманияз 🎤Наурызбаева Айымхан https://t.me/Kewilim_keshirmeleri

Келген болды ма 🎤Ақшолпан Аманияз https://t.me/Kewilim_keshirmeleri