Refresh

‏"وَلَسَوْفَ يُعْطِيكَ رَبُّكَ فَتَرْضَى" -

‏عندما تواجهك مشكلة تذكر ثلاثة أمور : - أنها مقدرة .. - أنها مؤقتة .. - إن لك الأجر إذا صبرت فيها

"‏لو ركب الإنسان الرّيح هرباً من رزقه، لركب الرّزق البرق ليلحَقَه."👌 - علي بن أبي طالب

ㅤㅤㅤㅤ ‏يا ربُّ جَمِّل باليقينِ صباحي واجعلهُ مُنطَلقًا لِڪلِّ فَلاحِ!🕊 ㅤㅤㅤㅤ

سمعت شاب بيحكي لواحد جنبه في العربية بيقول : أنا دخلت كلية مكنتش حاببها واتفرضت عليا ، حتي لما دخلت الكلية حبيت قسم معرفتش ادخلوا برضوا اول ما اتخرجت مكنتش حابب اشتغل في مجالي ' بس والداتي شجعتني في مره وقالتي روح قدم في مسابقة كانت مفتوحه في شركة . قدمت وتقبلت علي طول شوية بشوية حبيت مجالي . وبقيت من أنجح الناس اللي في الشركه وقريب جدا هفتح شغلي الخاص لو مكنتش دخلت الكلية دي !! مع اني مكنتش حاببها كان زماني بعاني زي أصحابي والله اعلم كان مصيري هيبقي اي وبعدين في نهاية كلامة قال جملة حلوه اوووي " ربنا مش بيعمل حاجة وحشة لعباده أبدا ، إختيارات ربنا مفيش أحسن منها بس الصبر ⁦❤️⁩❤

همسَ ﷺ في أذنيهَا وقال :"إني مَيّتٌ الليلَة." فبكَت فاطِمة صلوا عليه ♥️

في الجنة ترى والدك بشكل مختلف تراه بملامحه الأولى وقد كان شبابًا والجمال يسطع من بين أعينه اللهم جنة نلتقي بها بمن سبقونا إليك واجعل ابي لمحتي الاولي ف الجنة

لا بُدّ لِلعمرِ النفـيسِ مِن الفَــــــنا ‏فاصرِفْ زمانَك في الأعزِّ الأفخرِ ‏عنترة بن شداد | 🍁🤎

" إن نمت وغابت النون فالدعاء وصية بيننا "

"إنكم محاطون بالله من كل جانب، فاطمئنُوا."

"ترضيني دائمًا فكرة أن الله يعلم كل شيء، وقادر على كل شيء، يبصر القلوب، ويعلم كل ما بها، يعلم المشاكل التي تواجهنا، والصعاب التي نمر بها، والأشياء التي نتمناها، والتي نعاني منها، يعلم ما تخفيه النوايا، وما يطويه الصدر، وما وراء الصمت، وما وراء الابتسامات الزائفة .. وأطمئن جدًا لكونه قادر على كل شيء، قادر على تبديل الحال، وتغيير الأوضاع، وجبر الخاطر، ورد المظالم .. قادر على حفظ ما نحب، وإبعاد ما نكره، وعلى جعل المستحيل ممكن، والعُسر يُسر.. فالحمد لله.. الحمد لله أنه الله."

"يارب الحوائج الخافيّات التي لا يعلمها سواك.. يسرها، وتولّها بلطفك."

صَباحُ الخَير. "ينبغي للإنسان دائمًا أن يسأل اللّٰه أن يجعله مُباركًا أينما كان في قولِه وفِعلِه، حتّى يكون فيه الخير في نفسِه وفي فِعلِه.") - ابن عثيمين.

١.ابدأ حياتك بما يرضي رب العباد وربنا هيبارك والله. ٢.اعزم اللي يهمك تفرح معاهم، وافرح معاهم صح. ٣. زوجتك أغلي من إنك تفرج الناس عليها. ٤. انفق مما آتاك الله ومتحملش نفسك فوق طاقتك. ٥. وفر فلوس واطلع عمرة أو حج انت وزوجتك، علي حسب استطاعتك. ٦. اطعم فقراء ومساكين. ٧. اطمن والله ينفع يبقي فرح من غير رقص. ربنا يكرمكم ويباركلكم ويجعل بينكم مودة ورحمة. ربنا يرزقكم الذرية الصالحة. المودة والرحمة ما بينكم هي الفرح الحقيقي مش الفرح نفسه. المودة والرحمة هي اللي ان شاء الله تدوم مش الفرح نفسه. ❤️ - منقول.

ليه غالبا بعتذر عن حضور الأفراح؟ الصيف داخل والأفراح والخطوبات كتير ما شاء الله. رأيي هنا أنا فاهم ممكن يزعل ناس. ربنا يعلم أنا ليه بقول كدة. واعذرني حسيت إني لازم أعمل كدة، عشان ممكن مقدرش أوضح وجهة نظري ليك بشكل خاص. ولكن لعل وعسي إن يتغير حاجة لو انت ركزت في كل نقطة من دول وبحثت فيهم بتمعن. وقبل ما أقول ليه أحب اقولك إني أنا مش بقدر أروح أفراح كتير وحتي لو رحت بروح أمضي فعليا وغالبا مش هسلم عليك وأنا ماشي عشان متزعلش إني مشيت بالسرعة دي وأنا مش عايز أزعلك في يوم زي ده. وحابب أذكر الأسباب دي عشان لو مجيتش تعذرني أو لو عشان اتغيرت أجيلك من عنيا لو أقدر. ١. أنا ميرضينيش لا للعريس ولا الأهل ولا ليا إني أشوف زوجة حد بترقص. اللي مرضاهوش لنفسي مرضاهوش لغيري. وبيصعب عليا جدا إن سواء الرجل ولا البنت ولا الأهل ممكن يندموا علي قرار زي ده بعدين. مش هقولك غير آية بسيطة جدا واحدة بس. "ولا يضربن بأرجلهن ليعلم ما يخفين من زينتهن" صدق الله العظيم. تمعن في معني الآية بس وهتفهم قصدي. ده هنا بنتكلم عن حاجة زي الخلخال بس. فما بالك باللي بنشوفه دلوقتي. المروءة والرجولة والمسؤولية تحتم عليك تفكر كتير في الموضوع ده وتسأل فيه. ٢.الإنسان المفروض بيختار يعف نفسه ويبدأ حياة جديدة، ببقي زعلان لك إن البداية كدة والله. ببقي نفسي تكون بداية في طاعة الله. زعلان لك ليه عشان تهمني. ما انت أكيد عازمني عشان فيه ما بيننا نوع من أنواع الود، فمن واجب المحبة اللي ما بيننا أتضايق لو حاجة فيها ضرر ليك. ٣. كمية العري اللي بقت موجودة بقت صعبة وبترعب الواحد وبقيت المنافسة مين هيقلع أكتر ويرقص أكتر ومين فستانه أحلي. هتقولي لو مش عجبك متبصش ومش هتاخد الذنوب. ما عندك حق فعلا عشان كدة بحاول مروحش الأفراح. احنا أضعف من إن نسيب نفسنا في أماكن للفتنة أو إن نفتح أبواب للشيطان يدخلنا منها. وابحث أكتر في الموضوع كبنت أو كأب أو كأم أو أخ، ده حتي الأميرات في الغرب بتلاقيهم لابسين محتشم في أفراحهم لإن ده من الوقار ومن الإحترام ليهم والتعزيز من قيمتهم قبل ما يكون للغير. "يا نساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا " صدق الله العظيم. ده الأمر هنا بعدم الخضوع من القول بس. فما بالك بالرقص. سبحان الله له حكمة في كل شئ. ٤. رقص الرجالة...منظر بيضايقني جدا لما واحد يكون بيترقص الرقص اللي بقي الواحد بيشوفه. وأوقات يكون رقص صعب علي بنات كتير إنها ترقصه أصلا. بزعل إن ليه نعمل كدة في نفسنا. مش ليلة العمر ولا حاجة ولا دي الفرحة. عمرنا ما سمعنا عن إن ده إحتفال للرجال وقت الصحابة. ولا إن دي صفات من صفات الرجولة اللي فعلا تبقي معروف بيها. واه والله حتي سمعتك وسيرتك ممكن تتشكل من حاجة زي كدة. فبيصعب عليا المنظر والله عشان اللي بيرقص. ٥. بخاف بصراحة. بخاف إن ينتهي عمرنا في أماكن دلوقتي في بعض الأفراح شرب و عري و ما شابه. احنا ذنوبنا كفاية والله العظيم. مش ناقصة ذنوب علي ذنوبنا وبندعي بحسن الخاتمة. فلا بلاش الخاتمة تكون هنا. ربنا يسترها علينا يارب ويرزقنا حسن الخاتمة. ٦. الصوت بقي، ده لو الأغاني كانت حلال ومش حرام، أنا بصراحة مش فاهم ليه أبقي قاعد في كمية الإزعاج دي ولا حد سامعني ولا أنا سامعه. حاجة مش مفهومة بالنسبة لي وبتزعجني أنا آسف. ٧. احترام وقتك ووقت الناس. جرت العادات والتقاليد إن لا اصحاب الفرح ولا المدعويين واثقين في بعض. فالأول بيقول ميعاد بدري جدا عشان مش واثق إن الناس هتيجي قي الميعاد. والتاني مش واثق في الميعاد البدري أوي فبيأخر نفسه أوي. فينتهي الحال علي إن اللي ييجي في ميعاده يقعد بالساعات ولسة محدش وصل غالبا ٤. مش ببقي مبسوط كمان ليك وأنا عارف إنك بتقسط ولا مستلف تمن الفرح عشان تصرف علي الفرح مبالغ رهيبة في حاجة لا ترضي ربنا سبحانه وتعالي بالمنظر ده وبتبدأ حياتك كدة. وبتصرف كل المبالغ دي في ساعتين زمن حتي لو في الحلال وانت دي مش مقدرتك. هنتسأل عن كل جنيه اتصرف في ايه وليه. والله سامحني ببقي لو انت حبيبي وأنا عارف ظروفك ببقي متضايق ليك من خوفي عليك. " ومن قدر عليه رزقه فلينفق مما آتاه الله" صدق الله العظيم. كل دول بعض الأسباب اللي بتخليني ممكن مجيش الفرح. الشعور المسيطر الحمدلله بيبقي الخنقة. مخنوق ليك قبل ما يكون ليا. مخنوق ليك إني عارف إن التقاليد والعادات مسيطرة. التقاليد والعادات خلت ما يغضب ربنا سبحانه وتعالي بقي منطقي وبقي الرد " أمال عايزنا نعمل ايه يعني" العادات والتقاليد خلت الرقص عادي...الشرب عادي..الإسراف عادي...اللبس عادي. نصيحة ليك:

"إنَّ العقلَ أبُ القلب، وإنّ القلبَ ابنٌ عاق، دع الأب يأدّب إبنه دائماً، حتى لا يضلّ!"