مِسْك [للنِساء]

نبذة عن خطط الأخوات

بسم الله، شاركونا إيه هيّ خطتكم للعَشر من ذي الحجة؟ @Musk45_bot

هنا الشفاء والسعادة والهَنا ❤️

رزقني الله وإياكن الجنة وجمعنا الله مع من نحب فيها

في الجنة ترى الله ترى الذي لطالما آنس وحشتك ترى الذي طالما فك كربتك ترى من طالما آمن روعك ودبر حياتك ترى الذي آواك عندما جافوك ترى الذي شفاك وأطعمك وسقاك من غير حول منك ولا قوة. -الشيخ محمد خيري.

تخيل يا مؤمن إن بعض ال كان موجود في قائمة دعاء رمضان أصبح في قائمة المدعو عليهم في يوم عرفة! سبحان الملك والله!

بعد إذن المثالية

من مغرب اليوم يبقى رسميًا دخلنا في أيام العشر كل الموازين هتتغير - اللي هم خير أيام الدنيا - اللي النبي ﷺ قال عن العبادة فيهم أفضل من الجهاد - اللي ابن عباس رضي الله عنه قال إنه الحسنة فيهم بتوصل ل700 ضعف وغيره... وأول شيء ندخل بيه الأيام دي هو " التوبة، والرجوع إلى الله" لأنه العبد يُحرم الطاعة بسبب ذنوبه. من دلوقت قرر إنك هتجيب آخرك في العبادة.. الأيام دي عظيمة، والعبادة فيها أجرها كبير، وعلى قدر اجتهادك؛ على قدر نجاحك تخيل لو حد بيقولك إنه كل عبادة في الأيام دي بتتضاعف!! يبقى هل هتتكاسل؟؟ الإمام الأوزاعي بيقول : " بلغني أنَّ العمل في اليومِ من{ أيَّام العشر -من ذي الحجَّة} كقدر غزوة في سبيلِ اللّٰه، يُصام نهارهَا، ويحرس ليلُها، إلا أن يُختصَّ امرؤٌ بشهادةٍ". وشيخ الإسلام ابن تيمية بيقول: "‏واستيعاب عشر ذي الحجة بالعبادة ليلاً ونهاراً ‏أفضل من جهادٍ لم يذهب فيه نفسه وماله". - من دلوقت عاهد الله عهدًا لا تخلفه أبدًا إنك هتجتهد. ابدأ من المغرب ف الختمة ال هتختمها سواء هتختم مرة/ مرتين/ أو تلاته وكل م الشيطان يحبطك قوله "والله ليرين الله ما أصنع، ولن يسبقني أحد " اتعلم ف الأيام دي متقومش من مكانك إلا وأنت مخلص وردك، ولو مخلصتوش مفيش نوم اتعلم تقول لنفسك "لا"، ومتسيبش نفسك لنفسك جاهد.. واتعب.. علشان الجنة تستاهل كمان في الأيام دي نُكثر من الذكر النبي ﷺ بيقول : سبق المفردون.. ال هم الذاكرون الله كثيرًا، والذاكرات قال الإمام ابن القيم - رحمه الله - : (الأفضل في العشر الأولى من ذو الحجة) "الإكثار من التعبد لا سيما التكبير والتهليل والتحميد فهو أفضل من الجهاد غير المتعين". وبالنسبة للقيام ممكن تصلي شويه بعد العشاء، ونام بدري واصحي قبل الفجر صلي شويه، وادعِ، ووقت السحر استغفر لحد الفجر. من بعد الفجر أذكارك / وردك/ لو عندك مذاكرة بعدين صلي الضحى ونام.. نام مثلا من 9 للظهر، وهيكون باقي اليوم عندك قسمه حسب عملك المهم وقت بعد الفجر دا مبارك متضيعوش وتنام وممكن نتصدق كل يوم حتى لو بجنيه / بكلمة طيبة/ بإماطة أذى عن الطريق/ بركعتي ضُحى نخلي عندنا ورد كبير من الذكر علشان الذكر بيعطي العبد قوة إنه يكمل الطاعات ولو حد بيمتحن (ومش هيقدر يصوم) أو حد تعبان احتسب الأجر = وتؤجر بالنية وافتكر من صدق= وصل ومن أراد الآخرة؛ سعى لها خير أيام الدنيا؛ فلا تضيعها لصاحبه.