آلاء- Alaa📍

قال ابن القيم رحمه الله: وقبيح بالعبد أن يتعرض لسؤال العبيد .. وهـو يجد عند مولاه سبحـانه كل ما يريد . 🩵

ليس كل ما يؤلمك جاء ليكسرك.. بعضه جاء ليعلّمك كيف تقف أقوى.☘

ومؤخرا، كيم قررت تحكي اللي حصل لها على مواقع التواصل الاجتماعي. وكانت فاكرة إنها بتحكي موقفا شخصيا قديما، لكن المفاجأة إن آلاف النساء بدأوا يكتبوا لها عن تجارب شبه تجربتها. ناس عزمت أصحابها على مناسبات وما حدش حضر. وناس كانت دايما موجودة لغيرها، ولما احتاجت حد ما لقتش. وخلال فترة قصيرة، الفيديو اللي حكت فيه قصتها تخطى مليون مشاهدة.. وفي مقال نشرته بصحيفة «آي» البريطانية يوم 7 نوفمبر 2026، ربطت كيم بين تجربتها وبين التغير اللي حصل في مفهوم الصداقة بسبب السوشيال ميديا. بتقول إننا بقينا بنشوف صور بعض كل يوم، ونعرف أخبار بعض أول بأول، ونبعت قلوب وإيموجيز وتعليقات، فبنحس إننا موجودين في حياة بعض. لكن لما تيجي مناسبة محتاجة إننا نلبس ونخرج ونركب عربية ونروح نقعد مع صاحبنا ساعتين، ساعات بنختار الكنبة الدافية والأكل الجاهز ونتحجج بالتعب. ونقنع نفسنا إن أكيد ناس تانية هتحضر، وإن غيابنا مش هيفرق. وبعدها تاني يوم ندخل نكتب تحت الصور: «كان يوم تحفة، يا ريتني كنت معاكم». كيم بتقول إن العلاقات ما ينفعش تعيش طول الوقت على الرسائل القصيرة والقلوب الحمراء. وإن حضورنا في حياة الناس أحيانا بيحتاج مجهود حقيقي، حتى في الأيام اللي بنكون فيها تعبانين ومش عايزين نخرج. أما بالنسبة لأصحابها الـ24، فمعظمهم بقوا مجرد أشخاص كانت تعرفهم في مرحلة سابقة من حياتها. وفي نهاية مقالها، وصلت كيم لاستنتاج بسيط: أحيانا الأشخاص اللي كانوا مناسبين لفصل قديم من حياتك، مش بالضرورة يكونوا موجودين في الفصل الجديد. هل فعلا كلامها صح؟ ولا الناس ممكن غصب عنها تنشغل ومتبقاش فاضية لمناسبات زي دي؟

الست دي عاملة قلق على السوشيال ميديا في بريطانيا بقالها يومين.. طب إيه اللي حصل؟ حاجة بسيطة.. اسمها كيم هانتون، مصورة وصانعة محتوى بريطانية عايشة في شرق اسكتلندا، وكانت فاكرة إن اليوم اللي هتحتفل فيه بشراء أول بيت يجمعها بشريك حياتها هيكون واحد من أسعد أيام عمرها. لكن اليوم ده انتهى بيها وهي نايمة على سريرها وبتعيط، وبتراجع في دماغها كل صداقة عاشتها، وكل مرة وقفت فيها جنب حد، وكل شخص كانت متخيلة إنه هيقف جنبها لما تحتاجه. الحكاية بدأت قبل سنتين. كيم كانت عندها 32 سنة، وبتشتغل ممرضة في هيئة الخدمات الصحية البريطانية، لما صحتها بدأت تتدهور بشكل خطير، واضطرت تسيب شغلها. وبعد الفحوصات اكتشفت إنها مصابة بسرطان عنق الرحم في مرحلة مبكرة. وفي الوقت اللي كانت بتحاول فيه تستوعب مرضها وتتعامل مع تبعاته، حصلت مشكلة تانية. هي وشريك حياتها سام كانوا قرروا يشتروا بيت جديد يعيشوا فيه سوا، لكن الصفقة فشلت، وفجأة لقوا نفسهم من غير سكن مستقر. بدأوا يدوروا على شقة للإيجار، ويقدموا أوراق ومستندات وإثباتات دخل وضرائب، لكن كل طلباتهم كانت بتترفض. لحد ما اضطروا يعيشوا في استوديو صغير حجزوه عن طريق Airbnb، لأنه كان الاختيار الوحيد المتاح قدامهم. نص حاجتهم كانت في المخازن، والنص التاني في كراتين. وكيم، اللي كانت مريضة وخسرت وظيفتها وبتحاول تبدأ حياتها من جديد، كانت بتعيش واحدة من أصعب فترات عمرها. لكن الأمور بدأت تتحسن. قررت تشتغل لحسابها الخاص، وأسست مشروعا في التصوير الفوتوغرافي وتمكين النساء، وقدرت تحقق فيه نجاحا. وفي مارس 2024، تحقق الحلم أخيرا. كيم وسام اشتروا بيتهم الأول مع بعض. بالنسبة لكيم، البيت ده كان أكبر بكتير من مجرد شقة أو عقار. كان نهاية فترة من المرض والقلق وعدم الاستقرار، وبداية حياة جديدة بعد سنة ونص تقريبا من التعب. وعلشان كده قررت تعمل حفلة تدشين للبيت الجديد، وتجمع فيها أصحابها. بعتت دعوات لـ24 شخصا من أصدقائها. وكانت متحمسة جدا، خصوصا إن الناس دي كانت عارفة الظروف الصعبة اللي مرت بيها، وعارفة قد إيه البيت الجديد معناه كبير بالنسبة لها. وجاء اليوم المنتظر. كيم مستنية الضيوف، والتليفون بدأ يرن. رسالة من صاحبة بتعتذر إنها مش هتقدر تيجي، وبتتمنالها سهرة جميلة. وبعدها رسالة تانية. وبعدها اعتذار ثالث. لحد ما وصل عدد الاعتذارات قبل بداية الحفلة إلى 8 أشخاص. كيم حاولت ما تزعلش. لسه فيه 16 شخصا أكدوا إنهم جايين. والحفلة بدأت فعلا. كل شوية جرس الباب يرن، وكيم تقوم تستقبل الضيوف. لكن اللي بيدخلوا كانوا أصحاب سام، شريك حياتها، ومعاهم زوجاتهم وأطفالهم. البيت كان فيه ناس وضحك وكلام وهدايا وورد، لكن أصحاب كيم اللي هي عزمتهم ما كانوش موجودين. وكل ما الوقت يعدي، كانت رسائل الاعتذار تزيد. فيه ناس اعتذرت في آخر لحظة، وفيه ناس تانية اختفت من غير ما تبعت أي حاجة. وكيم قاعدة وسط الضيوف، بتبتسم وبتضحك وبتشكر الناس اللي جابوا هدايا، وبتسمع المجاملات على بيتها الجديد. لكن من جواها كانت بتتكسر. كانت مستنية حد من أصحابها يدخل من الباب. أي حد. واحدة تعرفها من سنين، أو صديقة كانت معاها في ظروف صعبة، أو حتى شخص من اللي كانوا بيأكدوا إنهم جايين. والسهرة خلصت. ومن أصل 24 شخصا عزمتهم كيم بنفسها، ما حضرش ولا واحد. أكتر من نصهم اعتذروا في اللحظات الأخيرة، والباقي ما كلفش نفسه حتى يبعت رسالة. وساعتها بدأت تفتكر. افتكرت حفلات أعياد الميلاد اللي حضرتها علشانهم. وحفلات استقبال المواليد. والأفراح. والمرات اللي ساعدت فيها ناس تنقل بيتها. والمرات اللي جريت فيها على أصحابها لما كانوا زعلانين أو انفصلوا عن شركاء حياتهم. حتى المرات اللي حد كان بيتصل بيها علشان عربيته بطلت وعايزها تساعده يشغلها. بتقول إنها طول عمرها كانت الصديقة اللي بتحضر. اللي بتروح. اللي بتساعد. اللي بتلاقي وقت مهما كانت مشغولة. لكن لما جه يوم من أهم أيام حياتها، ما لقتش حد من أصحابها قدامها. وفي آخر الليل، دخلت أوضتها وعيطت. وبدأت تسأل نفسها: هل صداقاتها دي كانت من طرف واحد طول الوقت؟ هل هي اللي كانت بتحافظ على العلاقات دي؟ وهل الناس اتغيرت، ولا هي اللي عمرها ما خدت بالها؟ كيم اعترفت إن حياتها اتغيرت جدا خلال السنين الأخيرة. من ممرضة لشخص من غير وظيفة، ثم صاحبة مشروع ناجح. وفترة مرضها خلتها مش قادرة تخرج وتقابل الناس بنفس الشكل القديم. لكنها كانت بتحاول متحملش نفسها مسؤولية غيابهم. ومع الوقت، قررت تبطل تبذل المجهود كله لوحدها. ما عملتش خناقات كبيرة، ولا واجهت كل الناس اللي ما حضروش. بعتت شوية رسائل، وبعدها الموضوع انتهى. ومع توقفها عن المبادرة طول الوقت، بدأت معظم الصداقات دي تختفي تدريجيا. بقى فيه ناس بتعمل لايك على صورتها من وقت للتاني، أو ترد على ستوري، لكن العلاقة الحقيقية ما عادتش موجودة.

بعض البشر قلوبهم كورقة خريف جافة .. مهما رويتها لن تخضر بين يديك أبداً .. فلا ترهق نفسك واتركها للرياح !!

"من ظلمك؛ سيمشي بقدمه لمن يظلمه، عدالة الله مرعبة، أنت فقط استمتع بالمشهد." ☘️🩵

قُل الحمدلله حتَى و إن باتت أيامَك خَيبات فلا شَيء يُسَاوي العافِية. 🌼☘️

ولا تأمنن لرفقةِ أحدٍ؛ حتى تراهُ في ثلاث: شِدة تُصيبك، ونعمة تصيبه، وجفوة بينكم.☘ – علي بن أبي طالب.

إدخال السرور على المؤمن ، وقضاء حاجته أحب إلي من عبادة العمر كله ..☘ صباح الخير و البركة 🌺

حين نتراسل بالنُّصح والتّذكير ، لا يعني أننا ندَّعي التّديُّن أو المثالية أو الكمال بل هي رسائل نوجهها لأنفُسِنا قبلكم لعلّنا و إيّاكم نرتقي ونجاهد الهوى. 🌴 "إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ"🍀

أنتَ الأمان لِمن ضلّ وأنت السند لِمن وَهَن .. يالله 🩵

أشرف العِبادات، ولُب الطّاعات أن يتوجه ‎القلب بهمومه كُلّها إلى مولاه فإذا نزل به ضيقٌ انتظر فرجَه منه سبحانه وتعالى لا مِن سواه. ‏"قَالَ إِنَّمَاۤ أَشۡكُوا۟ بَثِّی وَحُزۡنِیۤ إِلَى ٱللَّهِ"

‏المصائب نعمة لمن رُزِق الصبر، ولو عَلِم الإنسان ثواب صبره لأنساه ألم مصيبته ويقول ابن القيم : كل عمل يُعرف ثوابه إلا الصبر ،، أجره كالماء المنهمر. "إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ"

لاتحزن .. ‏إن ضاعَ عند الناسِ حُسنُ صَنِيعكَ، ما ضاعَ عند اللهِ حبَّةُ خَرْدَل. "‏فَمَنْ يَعْمَلْ مِثْقَالَ ذَرَّةٍ خَيْرًا يَرَه"

إذا فُتِح لك باب لقراءة سورة البقرة؛ فقد أُجِبت ونُصِرت ودُبَّر الأمر لك. فإن أخذها بركة وتركها حسرة ولا تستطيعها البطلة . صباح الخير🩵

الإنسان النقي يتأخر كثيرًا في اكتشاف الأذى، لا لأنه لا يرى الحقيقة، بل لأنه يُصر على تفسير الآخرين بنقاء قلبه، ويمنح نواياهم من طُهر روحه ما لا يستحقون حتى تُجبره المواقف على رؤية ما كان قلبه يرفض تصديقه.☘

حين تضيق بك الأسباب، تذكّر: أن الذي أخرجك من ضيقٍ لم تعرف كيف تخرج منه، قادرٌ أن يفتح لك من حيث لا تحتسب. "حَتَّىٰ إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا"

إن هذه الدنيا لم تُخلق للمستقر، وإنما هي دار ممر .. أيامها قلائل، وساعاتها ترحل. كلّ ذي عزمٍ في هذه الحياة يوشك أن يلين، وكلّ باذلٍ يوشك أن يكلّ، ولكنّ العاقل هو من يربط حبل سعيه وتعبه بالآخرة. "يَا قَوْمِ إِنَّمَا هَٰذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ"