📚کتب خانہ شہیدِ منٰیؒ📚

*حکیم الامت مُجدّدالملت حضرت اقدس مولانا اشرف علی صاحب تھانویؒ نوراللہ مرقدہٗ کی قیمتی نصیحتیں :* *۱ :* ایک بات اہلِ علم کے کام کی بتاتا ہوں کہ دین پر عمل کرنے کا مدار سلفِ صالحین کی عظمت پر ہے ، اس لئے حتی الامکان ان پر اعتراض اور تنقیص کی آنچ نہ آنے دیں۔ *۲ :* صرف مولوی ہونا کوئی خوشی کی بات نہیں ہے ، مولوی ہونے کے ساتھ دین دار ہونا خوشی کی بات ہے۔ *۳ :* علم کے ساتھ صحبتِ اولیاء کی بڑی ضرورت ہے ، صحبت سے واقفیت بھی ہوتی ہے اور عمل کے ساتھ مناسبت بھی ہوتی ہے۔ *۴ :* (اکثر) علماء کو ہمیشہ غریب ہی رہنا چاہئے ، جس قوم اور جس مذہب کے (اکثر) علماء امیر ہوئے ، وہ مذہب برباد ہوگیا۔ *۵ :* دو چیزیں علماء کے واسطے بہت ہی بُری معلوم ہوتی ہیں ، حرص اور کبر۔ *۶ :* مناسب ہے کہ قلم اور کاغذ جیب میں پڑا رہے ، جس وقت جو مضمون ذہن میں آئے اس کا اشارہ لکھ لیاجائے ، پھر دوسرے وقت ان میں ترتیب دے دی جائے۔ *۷ :* دو باتیں مجھے بہت ناپسند ہیں : ایک تو تقریر میں لغت (مشکل الفاظ) بولنا دوسرے تحریر میں شکستہ لکھنا ، کیوں کہ تحریر و تقریر سے مقصود افہام ہوتا ہے اور یہاں ابہام ہوتا ہے۔ *۸ :* جب آدمی دین کا پابند نہ ہو اس کی کسی بات کا اعتبار نہیں ، کیوں کہ اس کا کوئی کام حدود کے اندر تو ہوگا نہیں ، دوستی ہوگی تو حدود سے باہر ، دشمنی ہوگی تو حدود سے باہر ، ایسا شخص خطرناک ہوگا ،  ہر چیز کو اپنے درجے میں رکھنا یہی بڑا کمال ہے ، آج کل اکثر مشائخ و علماء میں اس کی کمی ہے۔ *۹ :* میں تو اپنے دوستوں کو بھی مشورہ دیتا ہوں کہ اگر الله تعالیٰ ان کو کسی دینی مدرسے میں درس و تدریس کا موقع نصیب فرمائیں تو انتظام و اہتمام کو اپنے لئے قبول نہ کرو ، کیوں کہ دونوں میں تضاد ہے ، مدرس اور علمی خدمات کرنے والوں کے لئے یہی زیبا ہے کہ اپنے آپ کو اسی شغل میں لگائے رہیں۔ *۱۰ :* چھوٹی جگہ میں رہ کر کام زیادہ ہوسکتا ہے ، کیوں کہ وقت فراغت کا زیادہ ملتا ہے اور بڑی جگہ رہ کر چھوٹا کام بھی نہیں کرسکتا ، اور نہ ہوسکتا ہے ، کیوں کہ زیادہ وقت لوگوں کی دل جوئی میں گزرتا ہے ، کام تو گم نامی ہی میں ہوتا ہے۔ *(ماخوذ از : العلم و العلماء)* *اصلاحی گروپ : بزمِ شہیدِ مِنٰیؒ* https://chat.whatsapp.com/KwUw0XqFvuY778CbPXFhDU

*سب سے بڑا تحفہ جو آپ کسی کو دے سکتے ہیں وہ ہے آپ کا وقت ، آپ کی توجہ ، آپ کی محبت ، آپ کی فکر* *اصلاحی گروپ : بزمِ شہیدِ مِنٰیؒ*

*بسم اللہ الرحمٰن الرحیم•* *اس دنیا سے جاؤ گے تو ایک عجیب واقعہ ہوگا یا تو تم ایک قید خانے سے چھوٹو گے اور اپنے سامنے کھلی فضا پاؤ گے یا پھر ابھی تم آزاد پھرتے ہو اور یہاں سے نکلتے ہی ایک قید خانے میں چلے جاؤ گے ایک قید ضروری ہے خواہ یہاں کاٹ لو یا وہاں ، یہاں عمل اور بندگی کی قید ہے اور چند دنوں کی بات ہے ، وہاں بے بسی اور جہنم کی قید ہے البتہ وہاں کے دن بہت لمبے ہیں چاہو تو یہاں کاٹ جاؤ اور چاہو تو وہاں جہاں کٹے گی نہیں۔* *اصلاحی گروپ : بزمِ شہیدِ مِنٰیؒ*

*ایک انسان کی دوسرے انسان سے* *نفرت کرنے کی کوئی وجہ ہوتی ہے* *کوشش کیا کریں کہ وہ وجہ ختم کی جائے* *انسان نہیں* *اصلاحی گروپ : بزمِ شہیدِ مِنٰیؒ*

*بسم اللہ الرحمٰن الرحیم•* *‏جن رشتوں کو میرے رب نے انسان کے سکون کے لئے بنایا ہے آج کل لوگ اُنہی رشتوں میں چالاکیاں اور مکاریاں کرتے ہیں اور پھر روتے پھرتے ہیں کہ ہماری زندگی میں سکون نہیں ہے۔* *جولوگ آپ کو نیچا دِکھانا چاہتے ہیں اس کا مطلب یہ ہے آپ ان سے کافی اونچے ہیں۔* *جن کے دل صاف ہوں وہ ٹُھکرا دئے جاتے ہیں۔* *اصلاحی گروپ : بزمِ شہیدِ مِنٰیؒ*

*یوں بھی ہوتا ہے کہ انسان کے پاس اپنی کیفیت بیان کرنے کو لفظ نہیں ہوتے...* *ہوتے ہیں تو بس آنسو اور آنسوؤں کی زبان سمجھنا ہر ایک کو کہاں آتا ہے بَھلا...* *اصلاحی گروپ : بزمِ شہیدِ مِنٰیؒ*

*آپ چاہے دُنیا کی کتنی ہی زبانوں پر عبور حاصل کِیوں نہ کر لیں لیکن جب آپ اذیت کی انتہا پر ہوں تب آپ کِسی بھی زبان میں اپنی اذیت بیان کرنے سے قاصر ہوتے ہیں۔* *اصلاحی گروپ : بزمِ شہیدِ مِنٰیؒ*

*دلوں میں اللہ بستا ہے ...* *اسے سیاہ مت ہونے دو ... ورنہ جب مہر لگ جائے تو انسان کچھ بھی سوچنے ، سمجھنے کی صلاحیت کھو دیتا ہے اور گمراہی کی طرف چل پڑتا ہے... اور گمراہی کا راستہ یقیناً بہت بُرا راستہ ہے!* *اصلاحی گروپ : بزمِ شہیدِ مِنٰیؒ*