واتە:
بە هۆی ئەو قسەیەشیان كە دەیان وت: بەڕاستی ئێمە مەسیح پێغەمبەری كوڕی مەریەممان كوشتووە، كەچی لەڕاستیشدا نە كوشتوویانەو نە لە خاچیشیان داوە، بەڵكو لێیان تێك چووەو، لەبری ئەو یەكێكی تریان كوشت و لە خاچیان دا كە بەویان شوبهاندوو بەو لێی حاڵی بوون...نەخێر بەڵكو خوا بەرزی كردەوە بۆ ئاسمان بۆ لای خۆی، وە خوا هەمیشە باڵا دەست و دانایە. وە هیچ كەسێك نامێنێت لە جولەكەو گاورەكانی كاتی دابەزینی عیسی ئیللا باوەڕ دەهێنێت پێی پێش مردنی عیسی.[جولەكەكان بۆیان دەردەكەوێ كە درۆزن نەبووەو كوڕی زانیە نییەو پاكە خۆی و دایكیشی، وە گاورەكانیش بۆیان دەردەكەوێت كە عیسا كوڕی خوا نییەو خواش نییە، بەڵكو عەبدو بەندەی خوایەو، تێكڕاش باوەڕ دەهێنن كە نێردراوی خوایە، وە كەس لێی قەبووڵا ناكرێت لە سەر هیچ دینێك بمێنێتەوە جگە لە ئیسلام] وە ڕۆژی قیامەتیش شایەتە بە سەریانەوە.
ئیمامی ابن کثیرـ ڕەحمەتی خوای لێ بێت ـ دەفەرمووێت: ((مەبەست بەم ئایەتە ئەوەیە كە باسمان كرد لە داننان بە بوونی عیسی عليه السلام وە مانی ژیانی لە ئاسمان, وە ئەو دادەبەزێت بۆ سەر زەوی بەر لە ڕۆژی قیامەت بۆ ئەوەی ئەوانەو ئەمانە بە درۆ بخاتەوە لە جوولوكەو گاور ئەوانەی ووشەكانیان ڕوون بۆتەوە كە بە یەك دادانو پێچەوانەو هەڵوەشاندنەوەو خاڵی بوونی تێدایە بۆ حەقو ڕاستی, جا ئەو جوولەكانە زۆر زێدە ڕەویان كردوە وە ئەو گاورانەش زێدە ڕەویان تیا كرد, جوولەكەكان خودا لەكە دار دەكەن و تەنقیصی دەكەن بەو بوهتانە گەورەیەی بۆ خۆی و دایكیان هەڵبەست وە گاورەكانیش زێدە ڕەویان كرد لەوەی كە هەندێ شتیان سەبارەت بەو ووت كە تێیدا نییە, جا لە بەرامبەر بەو لەكەداركردنەی جوولەكە گاورەكان لە مەقامی پێغەمبەرایەتی بەرزیان كردەوە بۆ نەقامی پەروەردگاری(الربوبية), پاكی و بێ گەردی برزو باڵا لەوەی ئەوان و ئەوانی تریش دەی ڵێن, پاكی و بێ گەردی بۆ ئەو خوایەی كە تەنها شایەنی پەرستنە بە حەق لاإله إلاّ هو)).
(١) بڕوانە: (فتح الباري: ١٤/٦٠٩) شرح حديث (رقم ٧١٢٨) .