sevgi dənizi
سئوگی غزللرین دویغو گؤزللرین شئعرین اؤزللرین بوردان پای گؤتور @Sevgidanizi1
Більше372
Підписники
+124 години
+27 днів
+730 днів
- Підписники
- Перегляди допису
- ER - коефіцієнт залучення
Триває завантаження даних...
Приріст підписників
Триває завантаження даних...
كؤنلوم كۆسدو سئوگيلرين داديندان
چوخمو گؤردون سن منه بير سالامى؟
ائله گؤزل چيخيرام كى ياديندان؛
سن نه گؤزل اونودورسان آدامى!
نئجه سئوديم، نئجه گلدين خوشوما!
اؤتن گۆنلر خاطره دير بير اودوم
من هارانين كۆلون تؤكوم باشيما؟
هئچ بيلميرم سنى نئجه اونودوم.
هله كى صبريمين داش طرفيسن؛
هله كى يارامدا دوز ساخلاييرام.
سن منيم عمرومون قيش طرفيسن
سندن اۆرهييمده بوز ساخلاييرام
كؤنلوم كۆسدو سئوگيلرين داديندان
چوخمو گؤردون سن منه بير سالامى؟
ائله گؤزل چيخيرام كى، ياديندان؛
سن نه گؤزل اونودورسان آدامى...!
#واصيف_ظهراباوغلو
@Sevgidanizi1
👍 2
.
سندن منه بیر عؤمورلوک خاطیره ،
مندن سنه نه قالاجاق ، نه بیلیم ؟
چتین بیرده داش اوسته داش بیتیریم،
نییه اوچدو بو قالاچیق ، نه بیلیم....
داماغیمدا بال سئودانین تورش آدی...
اوشاق آغلیم اینادیمی قورشادی .
نه هؤنکوردو بو ناقافیل قورشادی؟
کیمه دئدیم ، دئدی : آنجاق " نه بیلیم"!
گونلر منه گون یازماغی اونوتدو،
گولوم گونون گوللریمی قوروتدو .
بو اویوندا کیم اودوزدو کیم اوددو،
پشیمانی کیم اولاجاق نه بیلیم؟....
من آرازام، سَسیم توتقون آرازدی ،
ها چاغیردیم ، ها یویوردوم ، ها یازدیم.
ایندی داها قاینار تبیم آیازدی،
ایسسینرمی بیر اود - اوجاق نه بیلیم...
#ممد_آراز
@Sevgidanizi1
بیلمیردین کی
بیلمیردین کی، ترک ائدیلن، قلبینی-
هر کسه، هر شئیه باغلاییر آخی.
گوندوزلر گیزلینجه، سسسیز-سمیرسیز،
گئجه هؤنکور-هؤنکور آغلاییر آخی.
ایندی سندن اورهییمه درد دامیر،
مگر ائشیتمیرسن اوردان صدامی؟
بئله تئز اونوتمور آدام آدامی،
عاغلینین کونجونده ساخلاییر آخی.
کاش ائله اونوتماغا چاتاچاتدا،
منی قورتاراردین بو باتاباتدان!
قاتیللر ده اؤز قوربانینی حتّی،
-اؤلوبمو-قالیبمی؟- یوخلاییر آخی.
#عزیز_یعقوبزاده
سیخماقدان الیم شیشیب
دیرناغیم اووجومو دئشیب
بارماقلاریم دویون دۆشوب
گلین آچین یومروغومو
نه گئدیب یاتا بیلیرم
نه گئدیب توتا بیلیرم
نه بیر داش آتا بیلیرم
گلین آچین یومروغومو
من کی بیر فاغیر اوغولدوم
بیردن یای کیمی ییغیلدیم
بوغولدوم الله بوغولدوم
گلین آچین یومروغومو
اۇچدو من گؤرن قالالار
یاخشی کی وار گۆل بالالار
دئدیلر "اووجوندا نه وار
گلک، آچاق یومروغونو"
#رامیز_روشن
@Sevgidanizi1
بوراخ اللریمی!
بوراخ اللریمی داها،
الیم الینده اوشودو.
آیریلیق زامانی گلدی،
بو دا آللاهین ایشییدی.
سن اوزومه باخا-باخا،
یازما هر ایشی گوناها!
اللریندن اوچدو داها،
سئوگی بیر فورصت قوشویدو.
هیچ بیلدین می نهلر چکدیم؟
سنلی واختدا دا تک ایدیم.
اوّل-آخیر گئدهجکدین،
بو عشق حسرته توش ایدی.
سؤندوردون قلبیمده اودو،
«بیر گونلوک سئوگی»دیر آدی.
بلکه سنه باهار اولدو،
آمّا منیمچون قیش ایدی.
بوراخ اللریمی داها!
الیم الینده اوشودو.
طالع بیزی گؤروشدوردو،
بو دا آللاهین ایشییدی...
#نوصرت_کسمنلی
@Sevgidanizi1
👍 2
چرخی فلک چالخالاییر دؤورانی
تانیتدیریر بیربیرینه انسانی
بو اطاعت-اوسیاست قوربانی
اطاعت وار سیاستدن رذیلدیر
حق باغیریر حققه دوشمن خبیثلر
گؤزه گیریر گؤزو قیپیق حریصلر
صادقلیکدن دم وورورلار ابلیسلر
صداقت وار خیانتدن رذیلدیر
ماریقدادیر خیانتین خنجری
پاس آتیبدیر جسارتین خنجری
دَییشیبدیر لیاقتین خنجری
لیاقت وار ، قباحتدن رذیلدیر
رذیل وارکی وطن بیلیر جیبینی
کلیسادا کسیلیبدیر کبینی
نیرخا قویوب اجدادینین قبرینی
تجارت وار ، مین غارتدن رذیل دیر
#شاهمار_اکبرزاده
@Sevgidanizi1
👍 5
ایکيميزده بير اورک وار،
یاری منده، یاری سنده،
سئوگی آدلی بيرآغاجيق،
بوداق منده، ناری سنده.
چيچک عطری گول اوزونده،
مين معنا وار هر سؤزونده،
بير بولودوق گؤی اوزونده
یاغيش منده، دولو سنده
بير اووچویام گونوم اوودا
قاچ-ها-قاچدا، قوو-ها-قوودا
عئشقيميز بير شيرین سئودا
پتک سنده ، بالی منده ...
#نوصرت_کسمنلی
@Sevgidanizi1
❤ 6
سندن اوزولن، تیر-تیر اسن اللره، وای-وای
سیخمامدا سیخیلمیش پریشان تئللره، وای-وای
دوشدون یولا یوز باغچا-باغی دالدادا قویدون
بیر آددیما مین قوربان اولان گوللره، وای-وای
کؤنلومدن آلووو پؤسگورور آهیم یولون اوسته
دوشدون ساراییم، گؤزدن آخان سئللره، وای-وای
سنسیز کیمه سؤیلر، سؤزونو اؤفکهلی قلبیم؟
کؤکسومده قوپان-قهره-خزان-یئللره، وای-وای
تک من دییلایدیم سنه وورغون بو شَهَرده
هر دؤنگه- دؤنرسن، گؤزو قان، ائللره وای-وای
سندن سورا داغ-داش حالینا کیم یاناجاقدیر؟
مجنون هایینا حئیران اولان، چؤللره، وای-وای
یاندیم بیر عؤمور سئوگی یولوندا، سسی چیخماز!
یئتمز می!؟ بویوم قویلانیب آغ کوللره، وای-وای
ساغلیقلا دئمک دوزدو میسافیر چون اونور دور
منچون او غریبلیکدی، چکر ایللره! وای-وای
مجنون ایله لئیلانی بیراخ، هانی منیم تک،
روسوا کی دوشه هر آغیزا-دیللره، وای-وای!!
#مهدی_سربازی_علمداری
@Sevgidanizi1
👏 1
منه بو توی خبرین بیر ساعات قالان دئدیلر
ماشین گئدیردی، قاچیردیم، دایان، دایان دئدیلر
اینانمادیم خییاواندا بیر آز گولوب یاتدیم
ییغیشدیلار باشیما آغلاییب اویان دئدیلر
گوناه كی سنده دئییل نامه لر یالان دوغرو
گؤروشمه گؤزلره بیر یئرده دالدالان دئدیلر
کئچیندیلر منیله اؤزگه لر، آدام اؤله جك
فقط باخاندا منه سئوگییه یامان دئدیلر
گولوب دئدین دلییه هر گون اولسا بایرامدیر
بو گون فیكیرله شیرم اولمایا یالان دئدیلر
گوناه كی منده دئییل بیز سئون گونون ساباحی
جهنمیله بهشتی اویان بویان دئدیلر
آچاندا نامه نی بیر دامجی قانلا سون شئعریم
اینانماساندا گولوم گولله لر اینان دئدیلر
#حمید_عیوضی
@Sevgidanizi1
👍 1
اونون یانیندا گونش، دونیانین سؤنوک یئریدى
ثریا ساچلارینا باغلانا هؤروک، یئریدى
نهجور کمر بئلینه باغلاسا بؤیوک گلهجک
بیر آز او أل-بو أل إتسه، او بئل اوزوک یئریدى
گئدیب اونون کوچهسینده اوتورما باشدا اورک
بیر آز قیراقدا اوتور کى اورا بؤیوک یئریدى
قمین تیکان دؤشهیین هئى سالیب ییغیشدیریرام
جانیم خرابه بیر إودیر، سینهمده یوک یئریدى
داشا چیخان قویو تک، آخ…گؤزوم دوشوب چوخورا
ایچینده هرنه دامار واردى، بئل-کولوک یئریدى
اونا گوونمیشایدیم، آرخامى بوشالتدى داها
فلک منیم بئلیمى بوکسن ایندى بوک، یئریدى!
#رحیم_تکین
@Sevgidanizi1
Оберіть інший тариф
На вашому тарифі доступна аналітика тільки для 5 каналів. Щоб отримати більше — оберіть інший тариф.