آيــة 𓂆🇵🇸.

تغيب الشمس خلف المباني الكئيبة ،ليتبقى فقط صدى الاقدام التي تعبت من الركض في الطرقات الخاطئة 🤎! الأيام بتمر ، و الحيطان اللي بنيناها عشان تحمينا من شتاء العالم ،بقت هي نفسها مصدر العُزلة. العطاء المفرط لمّا يتقابل بالبرود .. بتحوّل لوزن ثقيل على الصدر. الصبر اللي ما في محله بسرق عمر الزول .. و بخلّي ملامحه البشوشة تذبل قبل وقتها. في لحظات كدا، بالجد، التخلّي عن الأوهام بكون هو اول خطوات التعافي ،الابتعاد الصامت عن الدوائر المجهدة بعيد لروحك توازنها المغصوب من جديد ف لِمَ لا؟ انك تفتّح عيونك وتخلّي كل شيء في مكانه ! كل الناس عارفة الصح من الغلط بالجد الكرامة ما بتتحمّل المساومة، و الودّ اللي ما بجي بسخاء و نقاء .. افضل منه الجفاء الصريح! التواجد في المساحات البتستنزف عافيتك بيشبه المشي على زجاج مكسور  ؛كل خطوة فيه بتترك اثر و نزيف وانت عارف الباقي! المعنى الحقيقي للمأوى ،بيكمن في البساطة و الدفا في القبول غير المشروط ، و في شخص يدو بتمسكك بثبات وقت ظلامكم في شخص بشوف جمالك في أبسط تفاصيلك ! بحترم الإنكسار قبل القوة. الاستحقاق الصادق ببدأ من احترام الذات ،والنفوس العفيفة بتلقى براحها لمّا ترفع رأسها و تختار سلامها الداخلي بكل ثبات 🤎!