Dilmurod DO'ST | she'rlar

ВАРРАКНИНГ АРМОНЛИ ҚЎШИҒИ Парвоз — тирикликдир. Маънодир — парвоз! Эркин парвоз этсанг қушлар базмида. Кўнгил қайга деса, бош олиб кетсанг, Қолмасанг ҳеч қачон шамол измида. Шунда шўнғиганда осмонга бошинг, Завқ юракка сиғмай, ортиб қолади. ...Чиқиб кетмасин деб, шамол измидан, Пастдан ипни кимдир тортиб қолади. © Дилмурод Дўст Telegram | Facebook | You tube | Instagram

🎼 Toparman 🎵🎵 ✍ Iqbol Mirzo so'zi. 🎤 Muhriddin Xoliqov musiqasi va qo'shig'i. 🎶 Nodirxo'ja Xo'jayev talqinida. 🎹 Fortopianoda Zoirjon Suyunov. "Qaqnus"ning O'zbekiston xalq shoiri Iqbol Mirzo ijodiga bag'ishlangan soni. Telegram | Facebook | You tube | Instagram

21 март - Абдулла Орипов таваллуд топган сана! Улуғ устозларнинг охирати обод бўлсин!

* * * Парво қилма, бўлмаганни бўлдирамиз, Паймонаси тўлмаганни тўлдирамиз. Бир замонлар отар эдик, осар эдик, Энди эса мажлис қилиб ўлдирамиз. Абдулла Орипов 1988 Telegram | Facebook | You tube | Instagram

* * * Ўша — мени ҳеч ким соғинмаган шом Авто бекатида ҳайрона турдим. Бошимни кўтариб боқдим бир замон. Қаршимда бир йигит, бир қизни кўрдим, Йигитнинг палтоси... Йўқ, ёдимда йўқ... Аниқ, кўм-кўк эди қизнинг палтоси. Белларини қучган белбоғи ҳам кўк. Ҳатто кўм-кўк эди тўртта тугмаси... Йигитнинг кўзлари... Эслай олмайман... Ошкор жаранглатиб пинҳон ўйини, Қизнинг кўзларида ёқарди гулхан. Эркалик ва ишқнинг маъсум қуюни… Йигитнинг юзида билмайман, нима... Аммо қизнинг юзи қаршимда аён: Уни кўмган эди гулгун шафаққа Муҳаббат — энг мовий покиза осмон... Қор бўлса ёғарди, қизнинг бошидан Кумуш тангаларни аямай сочиб, Шамол титар эди — кўзи, қошига Манглайига тушган бир тутам сочин. Йигит... Йигит билан қанча ишим бор! Аммо қиз йигитни шундай суярди. Ки, гоҳ термуларди ҳазин, беозор, Гоҳо қўлларини ушлаб қўярди. Тошкентдай шаҳарда, балки дунёда Ягона — ҳаммадан гўзал эди қиз. Чиқмаса ҳам телба орзум рўёбга, Бўзлаб қаршисига чўкким келди тиз! Йигит... Аммо нега сени ўйлайман, Ҳозир ҳам ҳавасдан музлайди этим... Мен қорли бекатда вайрон турган шом, Сен мендан — ҳаммадан бахтиёр эдинг. © Усмон Азим Telegram | Facebook | You tube | Instagram

* * * Ёмғирлар қўшиғи янграйди боғда, Чаманлар ҳуснига боқ. Жуда кўркам. Шундайин ғанимат, фоний бир онда, Кел, сайр қилайлик бирга, маликам. Ҳижрон доғларини ювиб кетсин ул, То васлингга зарра қолмасин шубҳам. Кўнглим гулзорида асраганим — гул, Кел, сайр қилайлик бирга, маликам. Иста, ёмғирпўшни қилайлик пана, Қучоқ очайлик ё томчига, эркам. Яратган раҳматин, булут ҳимматин Бирга қаршилайлик, келгин, маликам. Йўллар тугамаса, ёмғир тинмаса, Бир жуфт қуш мисоли қўнишиб, кезсак... Ғуборлардан холи бўлган дунёда Покиза муҳаббат борлигин сезсак. Кел, сайр қилайлик бирга, маликам... © Дилмурод ДЎСТ

Рамазон тақвими

* * * Менга баҳор ҳақда шеър ёз дедилар, Мен эса куйладим хазонли кузни. Яна ёз ҳақида кўп ёз дедилар, Мен эса алқадим қаҳратон, музни. Ҳаётни баралла куйла, дедилар, Мен ўлим ҳақида кўп шеърлар битдим. Ёрни сев, васлини ўйла дедилар, Мен атай ҳижронда ўртаниб кутдим. Хазонсиз баҳорни ҳис қилолмадим, Ёзнинг қадрин сездим қиш-қаҳратонда. Ҳаёт гўзаллигин англадим дилдан, Ўлимни эслаган ҳар нафас, онда. Бугун жим турибман Сўз бўлмоқ учун, «Жим бўл!» дейишганда, мен сўз бўламан. Бугун ўлмаслик-чун яшаяпман-у, Бир кун... яшаш учун, албат, ўламан! © Дилмурод ДЎСТ Telegram | Facebook | You tube | Instagram