Tech Xtream

الجديد في صيغة Android App Bundle (AAB) إن المطور كل اللي هيحتاج يعمله إن يسلم ملفات التطبيق بما في ذلك الكود والصور وحزم اللغات والتوقيع ويرفعهم على المتجر، بعد كدة لما مستخدم يحاول ينزل التطبيق على موبايله هيبدأ جوجل يحدد إيه الملفات المناسبة للجهاز ويوفر له تطبيق بالملفات اللي هيحتاجها فقط، ده معناه تحميل وتثبيت أسرع للتطبيق، استهلاك أقل للبيانات والمساحة، وأداء أفضل. ➖➖➖➖➖➖➖➖➖➖➖➖➖➖➖➖ ▪️ نسخة AAB من تطبيق Duolingo على سبيل المثال حجمها قل بنسبة 42%. ▪️ الصيغة دي تم الإعلان عنها في مؤتمر جوجل 2018 وهتكون إجبارية على المطورين بداية من شهر أغسطس القادم وقت الإعلان عن أندرويد 12. ▪️ أبرز عيوب الخطوة دي إن تحميل التطبيقات من خارج متجر جوجل ممكن يبقى أصعب، لأن بندل التطبيق هيعتمد على متجر جوجل لفك الضغط عنه وسحب الملفات المناسبة لكل موبايل وتثبيتها على موبايل المستخدم، ده ▪️ ▪️ طبعا مش متوفر للناس اللي بتحمل من خارج المتجر، وكمان مستخدمي الموبايلات المحظورة من خدمات جوجل زي هواوي ❌❌

جوجل تستبدل صيغة APK بصيغة AAB لتطبيقات الأندرويد 🔄 صيغة Android Package (APK) هي الصيغة اللي استخدمت من بداية نظام الأندرويد وكانت بتضم كود التطبيق بالإضافة لكل الموارد والملفات المطلوبة لتشغيل التطبيق من صور وأصوات ومفتاح التوقيع الخاص بالمطور وغيرها. ➖➖➖➖➖➖➖➖➖➖➖➖➖➖➖➖ المشكلة في الموضوع ده إن أجهزة الموبايل بتختلف في الهاردوير بتاعها زي المعالج على سبيل المثال (ARM, ARM64, x86) وكمان اللغة وغيرها من الأمور.. عشان كدة مطور التطبيق بيكون أمامه حلين، الأول يعمل عدة نسخة من التطبيق بتاعه ويرفعها على جوجل بلاي ولما شخص يبدأ ينزل التطبيق المتجر بيفحص النسخ ويختار أكتر نسخة مناسبة للمستخدم ينزلها.. طبعا الموضوع ده ممل ومجهد للمطورين وكمان عملية التثبيت بتاخد وقت أطول. ➖➖➖➖➖➖➖➖➖➖➖➖➖➖➖➖ الحل التاني إن المطور بيعمل نسخة واحدة كاملة من التطبيق فيها كل الموارد اللي تخلي التطبيق يشتغل على أي موبايل، لكن في الحالة دي المستخدم هو اللي بيتضرر أكتر لأنه بيحمل ملفات على موبايله مش هيتسخدمها ومفيش ليها أي لازمة وده ممكن يسبب بطء في التطبيق واستهلاك مساحة بدون فايدة على الموبايل.

مراجعة شقية لأفضل كيبوردات ميكانيكية 🔥 لو بتدور على كيبورد ميكانيكال للجيمنج أو للكتابة السريعة.. دي مراجعة لأفضل كيبوردات في 4 فئات سعرية مختلفة بداية من فئة مستخدمي كروت الفكة وحتى فئة جيف بيزوس وشركاه 💰 الترشيحات في منها سلكي | وايرلس | للكمبيوتر | لللاب توب وفيه نوع ممكن يستخدم على الموبايل سواء أندرويد أو iOS 🖥💻📱 لينك المراجعة 👇 https://bit.ly/36hV6XT

لو بتستخدم نسخة ويندوز من دول: ▪️ Windows 7 ▪️ Windows 8.1 ▪️ Windows RT 8.1, and ▪️ Windows 10 (versions 21H1, 20H2, 2004, 1909, 1809, 1803, and 1507) ➖➖➖➖➖➖➖➖➖➖➖ ▪️ Windows Server 2019 ▪️ Windows Server 2012 R2 ▪️ Windows Server 2008 ➖➖➖➖➖➖➖➖➖➖➖ حدث نظامك فورا لأن في ثغرة خطيرة تم اكتشافها في نظام ويندوز بتسمح للمخترق بتنفيذ أكواد داخل النظام على بعد. الثغرة خطيرة لدرجة إن شركة مايكروسوفت نزلت تحديث لإصلاحها على ويندوز 7 اللي تم رفع الدعم عنه.

شبكة GETTR الاجتماعية المملوكة لـ"دونالد ترامب" تعرضت للاختراق في اليوم الأول لإطلاقها 🤦‍♂️ الهاكر الذي أطلق على نفسه اسم "جوبا بغداد" قام بتغيير أسماء مجموعة من حسابات المشاهير على المنصة إلى "JubaBaghdad was here" متبوعة بعبارة فلسطين حرة free palestine 🇵🇸

من ساعات قليلة أعلن جهاز الإنتربول بالتعاون مع السلطات المغربية عن نجاحه في القبض على الهاكر المغربي المعروف باسم Dr HeX ☠️ حسب البيان الصادر إن Dr HeX يُعتقد إنه نشط من بداية عام 2009 على الأقل وارتكب مجموعة متنوعة من الهجمات الإلكترونية أبرزها: ▪️ هجمات على شركات اتصالات ▪️ هجمات على بنوك كبرى في فرنسا ▪️ هجمات على شركات متعددة الجنسيات ▪️ هجمات تصيد بغرض سرقة المعلومات البنكية ▪️ تطوير برمجيات الخبيثة وبيعها على الدارك ويب أطلق الإنتربول عملية تحقيق جنائي رقمي سُميت "Operation Lyrebird" لمحاولة تتبع البصمة الإلكترونية لـDr HeX لكشف هويته.. وبالفعل نجحت العملية في تعقبه وصولًا إلى حساباته على مواقع التواصل مثل فيسبوك وانستجرام وسكايب وتم تحديد هويته والقبض عليه بعد تحقيقات استمرت لمدة عامين 🕵️

فيسبوك بدأ يبعت إشعارات لبعض المستخدمين في الولايات المتحدة لو عندهم شك إن في صديق أو شخص يعرفوه أصبح "متطرف" عشان يبلغوا عنه ! حتى الفيسبوك اشتغل عصفورة 🤦‍♂️

جيف بيزوس مؤسس شركة أمازون تنحى النهاردة بشكل رسمي عن منصب المدير التنفيذي للشركة في ذكرى تاريخ تأسيسها 5 يوليو 1994م. موقع أمازون اللي بدأ كموقع بسيط لبيع الكتب وأقراص الـDVD تحول بعدها إلى أكبر متجر للبيع بالتجزئة في العالم، ودخلت الشركة في عشرات الصناعات الأخرى مثل المحتوى المرئي، الخدمات السحابية وغيرها من الصناعات. المدير التنفيذي القادم لأمازون هو "أندي جاسي" اللي أسس قسم الخدمات السحابية في أمازون وأدارها منذ عام 2003م حتى الآن. بيزوس تنحى عن منصبه بعد ما تربع على عرش الرجل الأغنى في العالم لفترة طويلة وخرج بثروة تفوق الـ 200 مليار دولار للتركيز على أنشطة أخرى أهمها شركته "بلو أوريجين" المتخصصة في الصناعات والرحلات الفضائية.

بعد أقل من 3 شهور من حادثة لسيارة من إنتاج شركة تيسلا ووفاة الركاب.. حادثة جديدة لسيارة تيسلا Model S Plaid لما اشتعلت النار في السيارة بالكامل أثناء وجود راكب بداخلها.. وفضل الراكب محبوس لفترة لكنه نجح في الخروج من السيارة قبل ما تحترق بالكامل. سيارة تيسلا Model S Plaid واحدة من السيارات الفائقة اللي بتنتجها الشركة وسعرها 130 ألف دولار.. وحتى الآن تم بيع 250 سيارة منها 🤭

إيلون ماسك في ورطة !! بعد ما كانت تويتاته بتأثر بشكل كبير في سعر أسهم الشركات وأسعار العملات الرقمية.. تغريدات إيلون ماسك الأخيرة فشلت في التأثير أو تحريك سعر عملة البتكوين أو عملة DOGE 🐶

إيلون ماسك في ورطة 🥲 بعد ما كانت تويتاته بتأثر بشكل كبير في سعر أسهم الشركات وأسعار العملات الرقمية.. تغريدات إيلون ماسك الأخيرة فشلت في التأثير أو تحريك سعر عملة البتكوين أو عملة الكلب البلدي 🐶 ودي آخرة الحنيكة عالفاضي والمليان

جروب الهاكرز الروسي REvil يضرب أكثر من 200 شركة بفيروس فدية دفعة واحدة فيما يعرف بـ MSP Supply-chain Attack 😯 موجة تسونامي جديد من فيروسات الفدية ضربت سلسلة من الشركات من خلال استغلال ثغرة في برنامج Kaseya VSA.. وده برنامج بتستخدمه الشركات في ترقيع الثغرات الأمنية وتحديث البرامج وأنظمة الشبكات على مستوى الشركة. من خلال استغلال ثغرة في البرنامج نجح الهاكرز في إرسال فيروس الفيدية لعملاء البرنامج على شكل تحديث أمني، وبالفعل نجح في إصابة 200 شركة وتم تشفير ملفاتهم وطلب فدية 5 مليون دولار من كل شركة يتم مضاعفتها في حالة عدم الدفع خلال 5 أيام 🤭

هل تحميل التطبيقات من خارج المتجر الرسمي ممكن يضر موبايلك 🤔 ميزة تثبيت تطبيق من خارج المتجر من أهم مميزات الأندرويد اللي مش متوفرة في الآيفون واللي بتمنح للمستخدم حرية أكبر في استخدام الموبايل. أهم الأسباب اللي ممكن عشانها تفكر تحمل تطبيق من خارج المتجر الرسمي: ▪️ التطبيق مش متوفر على المتجر ▪️ التطبيق مش متوفر على متجر بلدك ▪️ التطبيق بفلوس وانت على الله حكايتك ▪️ عايز تستخدم المميزات المدفوعة في تطبيق مجاني الإجابة إن تحميل التطبيقات من خارج المتجر ممكن يكون مفيد في حالات وممكن يكون مضر في حالات تانية. ➖➖➖➖➖➖➖➖➖➖➖➖➖➖➖➖➖➖➖ ⭕️ الحالات الضارة ⭕️ ❌ تحميل تطبيق من مصدر غير موثوق ❌ أغلب متاجر التطبيقات الخارجية لا يمكن الوثوق بها، لأن القائمين عليها أفراد وليس كيانات أو شركات ممكن يتم محاسبتها. حتى لو المتاجر ليها شعبية كبيرة ومش بتعمل أي حاجة مضرة ممكن المتجر نفسه يتعرض للاختراق وبالتالي أي مشكلة هتحصله هتحصل لمستخدميه. لسه من 3 شهور تطبيق المتجر الشهير APKPure اتصاب ببرمجية خبيثة انتشرت وأصابت مستخدمين كتير. ❌ تحميل تطبيق من مطور غير موثوق ❌ لو فرضنا إن المتجر موثوق هنا لازم نشوف مين مطور التطبيق. معظم التطبيقات الشهيرة زي الواتس الذهبي، يوتيوب فانسد وغيرها من التطبيقات مش معروف مين الناس اللي عملتها وهدفهم إيه من التطبيقات، ده غير طبعا التطبيقات المدفوعة المهكرة. استخدامك للتطبيقات دي معناه إنك بتعطي صلاحيات كتير من موبايلك لشخص مجهول بدون ما تعرف طريقة تعامله مع الصلاحيات دي وازاي بيتسخدمها. ➖➖➖➖➖➖➖➖➖➖➖➖➖➖➖➖➖➖➖➖ ⭕️ الحالات المفيدة ⭕️ في بعض الحالات بتكون ميزة تحميل التطبيقات من خارج المتجر مفيدة جدا. على سبيل المثال في مصر لو فتحت متجر جوجل وبحثت عن تطبيق ProtonVPN مش هتلاقي التطبيق موجود. الحقيقة إن التطبيق موجود على متجر جوجل لكن مش موجود على متجر جوجل مصر لسبب ما معرفوش أو انا عارف بصراحة بس هعمل من بنها.. في الحالة دي ممكن ندخل للموقع الرسمي للتطبيق وده مصدر موثوق جدا والشركة سمعتها ممتازة ونحمل ملف التطبيق بصيغة APK وبعد كدة نثبته على الموبايل. أينعم بعد كدة التطبيق ده بردو مش هيشتغل لأن سيرفراته محظورة في مصر لكن احنا بنضرب مثال 🤦‍♂️ هل فحص التطبيقات قبل استخدامها ممكن يكون كافي 🤔 فحص التطبيق قبل ما تثبته على الموبايل مش كافي.. لأن التطبيق في الغالب بيقدر يتواصل مع المطور عبر الإنترنت، ممكن المطور يبعت أوامر أو تحديثات للتطبيق تكون ضارة للموبايل.. وده سلوك مشهور بيستخدمه المطورين الأشرار على متجر جوجل عشان يتجاوزا عملية فحص التطبيق وينزل على المتجر الرسمي وبعد كدة تبدأ المهمة 🛠 خلاصة الموضوع.. تحميل التطبيقات من خارج المتجر حاجة مهمة جدا بتميز الأندرويد عن بتوع التفاحة، لكن الميزة دي لو تم إساءة استخدامها بتحميل تطبيقات من مصادر غير موثوقة هتضر الموبايل وتكهربه ⚡️

▪️ الموقع كان بيستخدم SSL يعني اتصالك بالموقع مشفر HTTPS.. ده مش معناه إنك آمن نهائيا، لأن ده تشفير للاتصال بينك وبين الموقع لمنع أي طرف تالت من اعتراض الاتصال ومعرفة أي بيانات.. لكن لو الموقع مزيف فأي معلومة انت بتكتبها داخل الموقع زي معلومات الكريدت كارد مثلا بيقدر أصحاب الموقع يشوفوها عادي جدا. ➖➖➖➖➖➖➖➖➖➖➖➖➖➖➖➖➖➖ ▪️ لو بتشتري أون لاين بلاش تشتري ببطاقة مرتبطة بحسابك البنكي، عشان لو معلوماتها اتسرقت هيفضل يتسحب منها لغاية ما توصل للحد الأقصى للسحب لو موجود.. في واحد اتسرق منه 13 ألف جنيه من الإعلان ده بنفس الطريقة. ➖➖➖➖➖➖➖➖➖➖➖➖➖➖➖➖➖➖ ▪️ اعمل فيزا مشتريات من أي بنك واعمل فيها إيداع بمبلغ معين حسب قيمة المشتريات اللي محتاجها واستخدمها في الدفع أون لاين، بكدة حتى لو معلومات الفيزا اتسرقت هتكون خسارتك أقل بكتير من استخدام بطاقة الحساب البنكي. ➖➖➖➖➖➖➖➖➖➖➖➖➖➖➖➖➖➖ ▪️ الإعلان استخدم بربع جنيه هندسة اجتماعية للتشويق زي وجود خصم 50% ، استخدام اسم علامة تجارية مشهورة في الإعلان ، توصيل سريع ومجاني ، صورة مغرية ، استخدام اسم العلامة التجارية في عنوان الموقع.. وغيرها من الحيل النفسية اللي بتعطي ثقة للمستخدم الكسول اللي لو عمل بحث في جوجل عن الصفحة أو الموقع الرسمي للعلامة التجارية هيعرف في أقل من دقيقة إن الإعلان مزيف ❌❌

إغلاق خدمة DoubleVPN الروسية ومصادرة معظم خوادمها في عملية ضخمة تم تنسيقها على مستوى دولي 🏴 خدمة DoubleVPN كانت واحدة من أشهر أدوات التخفي على الإنترنت بسبب توفيرها لطبقات تشفير ثنائية وثلاثية وحتى رباعية، ده معناه إن البيانات كانت بتنتقل بشكل مشفر بين من 1 إلى 4 خوادم في دول مختلفة قبل الوصول لوجهتها الأخيرة.. وده طبعًا بيجعل عملية التعقب شيء أقرب للمستحيل. العملية تم تنسيقها بين عدة أجهزة أمنية في الولايات المتحدة، كندا، ألمانيا، إيطاليا، السويد، بلغاريا، هولندا، بريطانيا. الخبر السيء لمستخدمي DoubleVPN إن الخدمة -على عكس ما كانت بتروج لنفسها- كانت بتحتفظ بسجلات لنشاط المستخدمين على خوادمها، ده معناه إن من خلال تحليل السجلات دي ممكن يتم الكشف عن عدد كبير من مستخدمي DoubleVPN في الأنشطة الإجرامية ☠️ بالرغم من سوء سمعة خدمة DoubleVPN بسبب توفيرها حماية لبعض الأنشطة الإجرامية.. لكن الجهد المبذول من الأجهزة الأمنية لإيقاف خدمات الفي بي إن اللي بتوفر تشفير متعدد الطبقات بيوضح مدى صعوبة تعقب هذا النوع من الاتصالات واكتشاف هوية مستخدميه، وبيطرح سؤال جذري عن مدى جدوى الفي بي إن ذو طبقة التشفير الواحدة 🤔

مصر تحتل المركز الرابع عربيا والثالث والعشرين عالميًا على مقياس مؤشر الأمن السيبراني العالمي "GCI" أو The Global Cybersecurity Index وهو مقياس معتمد دوليًا يقيس مدى التزام الدول بمعايير الأمن السيبراني على المستوى العالمي 🛡 ➖➖➖➖➖➖➖➖➖➖➖➖➖➖➖ المراكز الخمسة الأولى عالميًا: 1️⃣ الولايات المتحدة 2️⃣ المملكة المتحدة 2️⃣ السعودية (تاني مكرر) 3️⃣ إستونيا 4️⃣ كوريا الجنوبية 4️⃣ سنغافورة (رابع مكرر) 4️⃣ إسبانيا (رابع مكرر) 5️⃣ روسيا 5️⃣ الإمارات (خامس مكرر) 5️⃣ ماليزيا (خامس مكرر) ➖➖➖➖➖➖➖➖➖➖➖➖➖➖➖➖➖➖ المراكز الأولى عربيًا: 1️⃣ السعودية 2️⃣ الإمارات 3️⃣ عمان 4️⃣ مصر 5️⃣ قطر 6️⃣ تونس 7️⃣ المغرب ➖➖➖➖➖➖➖➖➖➖➖➖➖➖➖➖➖➖ احتلت سوريا المركز 126 من أصل 130 دولة.. بينما احتلت العراق المركز قبل الأخير.

بيانات 700 مليون حساب لينكدإن معروضة للبيع وده تسريب حديث غير التسريبات السابقة 💧💧💧💧💧💧 أهم البيانات في التسريب: ▪️ الجنسية ▪️ الاسم بالكامل ▪️ عنوان المستخدم ▪️ البريد الإلكتروني ▪️ الدرجة العلمية ▪️ المؤهل الوظيفي ▪️ مكان العمل ▪️ تاريخ الميلاد ▪️ حسابات تويتر وفيسوك للمستخدم معلومات الدخول غير موجودة في التسريب.. لكن البيانات دي خطيرة جدا في هجمات التصيد والهندسة الاجتماعية وسرقة الحسابات واختراق الشركات من خلال استغلال معلومات الموظفين اللي تم تسريبها. التسريب ده لم يتم من خلال اختراق قواعد بيانات الموقع ولكن في الغالب تم من خلال الزحف Scrapping وإساءة استخدام API خاص بلينكدإن. موقع لينكدإن سيء السمعة فيما يتعلق بحماية بيانات المستخدمين.. وفي تسريبات كبيرة حدثت لبيانات المستخدمين قبل التسريب ده آخرها كان تسريب بيانات 500 مليون حساب من شهرين.. ويبدو إن إدارة الموقع غير مهتمة بتوفير الحماية اللازمة لبيانات المستخدمين 😠

بينما يسارع الجميع نحو تجربة ويندوز 11 الغير مجاني والذي لم تصدر نسخته الرسمية حتى الآن، بالإضافة إلى كثرة متطلباته.. توجد عشرات التوزيعات المستقرة من نظام لينكس المجاني والتي تمنحك أقوى أداء بأقل إمكانيات لحاسوبك 😐 إليكم قائمة بمجموعة من أفضل توزيعات لينكس المجانية التي يمكنك الاعتماد عليها كنظام تشغيل ممتاز مع الاستمتاع بمستودعات ضخمة من البرامج المجانية في كافة المجالات 👇 https://bit.ly/2LlkPDA

في مثل هذا اليوم 29 يونيو من عام 2007 طرحت شركة آبل هاتفها "آيفون" الذي غير كثيرًا من طبيعة المنافسة في سوق الهواتف الذكية 📲 أربعة عشر عامًا من المنافسة وتقديم تقنيات ثورية ساهمت في وصول الهواتف المحمولة إلى التطور والقوة التي نراها اليوم 🔥